Regional Urdu Text Bulletin, Aurangabad.
Date : 31 March 2020
Time:  09 : 00 to 09: 10 AM
آکاشوانی اَورنگ آباد
علاقائی خبریں
تاریخ:   ۳۱ ؍  مارچ  ۲۰۲۰ئ؁
وَقت: صبح  ۰۰۔۹  سے  ۱۰۔۹؍ بجے 

 سب پہلے اِس وقت کی سر خیاں...

 ٭ مہاراشٹر بجلی بورڈ نے اگلے پانچ سالوں کے لیے کی بجلی کے نِرخ میںکی کٹو تی
 ٭کورونا وائرس کی وجہ سے فصل قرض کی ادائیگی پردی جانے والی سود کی شرح میںرعایت پر31؍  مئی تک توسیع 
 ٭صحت اور معاشی بحران سے نمٹنے کے لیے ریاستی وزیر مالیات اجیت پوار نے مرکزی حکو مت سے کیا
25؍ ہزار کروڑ روپیوں کا مطالبہ
 ٭مہاراشٹر میں کورونا سے متاثرہ مریضوں کی تعداد ہو ئی220؍‘  کل ہوئی 2؍مریضوں کی موت
  اور
 ٭اورنگ آباد میں کورونا کا کوئی پازیٹیو مریض نہیں لیکن عوام ضروری جسمانی دوری بنائیں رکھی : ضلع کلکٹر

  اب خبریں تفصیل سے....

 مہاراشٹر بجلی بورڈ نے ریاست میں مختلف زمروں کے لیے فراہم کی جانے والی بجلی کی نر خ میں اوسطً7؍ تا8؍ فیصد کی کٹوتی کا اعلان کیا ہے۔ یہ کٹو تی اگلے پانچ سالوں کے لیے کی گئی ہے۔ بجلی بورڈ کے صدر آنند کلکر نی نے کل یہ اعلان کیا۔ اِس کے مطا بق ممبئی کو چھوڑ کر پورے مہاراشٹر کے لیے صنعتی بجلی کے دا موں میں 10؍ سے12؍ فیصد کی کٹو تی کی گئی ہے۔ جبکہ گھریلو استعمال کی بجلی کے نرخ میں5؍ سے7؍ فیصد کی کمی کی گئی ہے۔ کلکر نی نے کہا کہ گزشتہ 10؍ سے 15؍ سال بعد بجلی کے نر خ میں کٹو تی کرنے جیسا کوئی فیصلہ لیا گیا ہے جس سے موجودہ حالات میں معاشی سر گر میوں میں تیزی آنے کی امید ہے۔
 دوسری جانب کلکر نی نے صارفین سے یہ اپیل بھی کی کہ وہ بجلی کے داموں میں کٹو تی کے بعد بھی بجلی کا استعمال ضرورت پڑ نے پر ہی کریں اور اُس کے غیر ضروری استعمال سے بچیں۔

***** ***** *****

 اِس بیچ مرکزی حکو مت نے کورونا وائرس کی وجہ سے چل رہے لاک ڈائون کے پس منظر میں کسا نوں سے وصول کیے 

جانے والے فصل قرض کی مدت میں توسیع کردی ہے۔ اِس فیصلے کے تحت فصل قرض ادائیگی پر سود میں ملنے والی دو فیصد کی رعایت کے منصوبے کی معیاد 31؍ مئی تک بڑ ھا دی گئی ہے۔ واضح ہو کہ کسا نوں کو چار فیصد کی شرح سود پر تین لاکھ روپیوں تک کا قرض دیا جا تا ہے لیکن لاک ڈائون کی وجہ سے کسا ن بینکوں تک پہنچنے سے قاصر ہیں اور نہ ہی وہ اپنی زرعی اشیاء کو آ سانی سے فروخت کر پا رہے ہیں۔ کسانوں کی اِس دشواری کے مد نظر مرکزی حکو مت نے قرص ادائیگی کی مدت میں توسیع کرنے کا فیصلہ لیا ہے۔توسیع دی گئی مدت کے دوران بینک‘ کسا نوں سے کوئی جر مانہ وصول نہیں کریں گے۔

***** ***** *****  

 دریں اثناء اطلاعات و نشر یات کی وزارت نے کل وضاحت کی ہے کہ مرکزی حکومت کی جانب سے ملک بھر میں کیے گئے 21؍ دنوں کے لاک ڈائون میں توسیع کرنے کی کوئی تجویز زیر غور نہیں ہے۔ کا بینی سیکریٹری راجیو گوَ با نے سو شل میڈیا پر چل رہی اِن خبروں کی تر دید کی جن میں لاک ڈائون بڑھا نے کی بات کہی جارہی تھی۔ اُنھوں نے کہا کہ سوشل میڈیا کے ذریعے پھیلائی جا رہی یہ خبریں بے بنیاد ہیں اور عوام کو چا ہیے کہ وہ اِن افواہوں کو نظر انداز کریں۔

***** ***** *****

 اِس دوران مرکزی حکو مت نے اپنے سبھی ملازمین کو بائیو میٹرک حاضری سے اگلے حکم تک مُستثنی کر دیا ہے۔ اِس سے پہلے31؍ مارچ تک بائیو میٹرک حاضری سے چھوٹ دی گئی تھی جسے اب بڑھا دیا گیا ہے۔

***** ***** *****

 نیشنلِسٹ کانگریس پارٹی کے قومی صدر شرد پوار نے عوام سے لاک ڈائون کے دوران قوانین پر سنجید گی سے عمل کرنے کی اپیل کی ۔ سوشل میڈیا کے ذریعے کل شرد پوار نے عوام تک اپنا پیغام پہنچا یا۔ پوار نے کہا کہ مرکزی حکو مت کی جانب سے ملک بھر میں نافذ کیے گئے لاک ڈائون کے ختم ہونے میں ابھی دو ہفتے باقی ہیں اور اِس دوران عوام کفا یت شعاری کی عادت ڈالیں۔پوار نے مزید کہا کہ ضروری ہو تب ہی گھروں سے نکلیں ورنہ گھر میں ہی رہیں۔ اُنھوں نے کہا کہ عوام پولس سے بحث میں نہ اُلجھیں۔
 پوار نے کہا کہ گنا توڑ نے والے مزدوروں کا کام ختم ہونے کے بعد کار خا نوں کے احاطوں میں ہی اُنھیں تین سے چار ہفتوں تک رکھا جائے جہاں اُن کے رہنے‘ کھا نے  اور طبی سہو لیات پہنچانے کا انتظام ہو سکے۔ سوشل میڈیا پر لو گوں کی جانب سے پو چھے گئے سوالوں کا بھی پوار نے جواب دیا۔

***** ***** *****

 مہاراشٹر میں کورونا وائرس کے پھیلائو سے پیدا ہوئی صورتحال سے نمٹنے اور صحت اور معاشی بحران کے پس منظر میں ریاستی وزیر مالیات اجیت پوار نے مرکزی حکو مت سے 25؍  ہزار کروڑ روپیوں کے فنڈز کا مطالبہ کیا ہے۔ اجیت پوار نے مرکزی وزیر مالیات نِر ملا سیتا رمن‘ ٹرانسپورٹ کے وزیر نتِن گڈ کری اور اطلا عات و نشر یات کے وزیر پر کاش جائوریکر کو خط لکھا ہے جس میں مطالبہ کیاگیا کہ مرکزی حکو مت کی جانب سے آنے والے 16؍ ہزار 654؍ کروڑ روپیوں کی بقایہ رقم بھی ادا کی جائے ۔

***** ***** *****

 اِس بیچ مہاراشٹر میں کورونا وائرس سے متاثرہ مریضوں کی تعداد 220 ؍ ہو گئی ہے۔ کل ممبئی میں 8؍ پونے میں 5؍ ناگپور میں2 ؍ اور ناسک اور کو لہا پور میں ایک ایک نئے مریض کا انکشاف ہوا۔ اس طرح ایک دن میں کورونا کے 17؍ نئے مریض پائے گئے ۔ اِس دوران39؍ مریض کورونا سے ٹھیک بھی ہوئے ہیں اور اُنھیںاسپتالوں سے چھٹی دیدی گئی ہے۔

 دوسری جانب مہاراشٹر میں کل کورونا سے متاثرہ دو مریضوں کی موت بھی ہوئی  ہے۔ ممبئی میں ایک 78؍ سالہ بزرگ کی جبکہ پونے میں 52؍ سالہ شخص کی کل کورونا سے موت ہوگئی۔ اِن اموات کے بعد مہاراشٹر بھر میں کورونا سے مرنے والوں کی تعداد 10؍ ہو گئی ہے۔ ریاستی و زیر صحت راجیش ٹو پے نے یہ اطلاع دی۔

***** ***** ***** 

 شہری فراہمی محکمہ نے کہا ہے کہ راشن دکانوں سے غذائی اجناس خرید نے کے لیے کسی بھی طرح کا کوئی فارم جاری نہیں کیا گیا ہے۔ محکمے کی جانب سے سوشل میڈیا پر وائرل ہو رہی ایک پوسٹ کی تر دید کی گئی ہے جس میں کہا جا رہا تھا کہ راشن دکانوں سے سامان خرید نے کے لیے فارم بھر نا ضروری  ہے۔ شہری فراہمی کے محکمے نے کہا کہ یہ خبربے بنیاد ہے اور اُس نے کوئی فارم جاری نہیں کیا ہے ۔ محکمے نے عوام سے اپیل کی کہ وہ جعلسازی سے بچیں اور کوئی فارم نہ بھریں۔

***** ***** *****

 اورنگ آباد کی ڈاکٹر بابا صاحیب امبیڈکر مراٹھواڑہ یونیور سٹی نے کورونا وائرس کی وباء سے پیدا ہوئی ہنگا می صورتحال کے مد نظر اورنگ آباد کیمپس‘ عثمان آباد سب سینٹر اور گھن سائونگی ماڈل کالج کو14؍ اپریل تک مکمل بند رکھنے کا فیصلہ کیا ہے۔ یونیور سٹی کے وائس چانسلر ڈاکٹر پر مود یو لے نے کل اِس بارے میں احکا مات جاری  کیے ۔ حکم نا مے میں کہا گیا ہے کہ 14 ؍ اپریل تک سبھی پروفیسر‘ افسران اور ملازمین گھر سے ہی کام کر تے ر ہیں۔
 دوسری جانب ڈاکٹر با با صاحیب امبیڈکرر مراٹھواڑہ یونیور سٹی نے سبھی پوسٹ گریجویٹ کورسیز کے امتحانات‘ اگلے حکم تک آگے بڑھا دیے گئے ہیں۔ یو نیور سٹی نے واضح کیا کہ امتحا نات منسوخ ہونے سے متعلق سوشل میڈیا پر گردش کر رہی پوسٹ جھوٹ پر مبنی ہے۔ طلباء سے کہا گیا ہے کہ وہ یونیورسٹی کی ویب سائٹ پر دی گئی معلو مات کو ہی مستند سمجھیں۔

***** ***** *****

 اورنگ آ باد کے شیندرا صنعتی علاقے سے جالنہ ضلعے کے بد نا پور پہنچے مزدوروں کے رہنے کے لیے ضلع پریشد اسکول میں انتظا مات کیے گئے تھے ۔ اِن مزدوروں میں مرد‘ خواتین اور بچے بھی شامل تھے۔ بد نا پور میں فلاحی تنظیموں نے حکو مت کے تعاون سے اِن سبھی کے لیے رہنے اور کھانے کا انتظام کیاتھا۔ ہمارے نمائندے نے بتا یا کہ بعد میں متعلقہ کار خانے کے مالک نے اِن سبھی مزدوروں کی ذمہ داری قبول کی اور اُنھیں اپنے ساتھ واپس شیندرا لے گئے۔

***** ***** ***** 

 جالنہ ضلعے میں صبح گیارہ بجے کے بعد پولس کی جانب سے کر فیو پر سختی سے عمل کیا جا رہا ہے۔ پولس سپرنٹنڈنٹ ایس چیتنّیہ نے کل شہر کا دورہ کیا اور امن و قانون کی صورتحال کا جائزہ لیا۔

***** ***** *****

 کر فیو کی خلاف ور زی کرنے پر اورنگ آباد شہر میں اب تک 47؍ لو گوں کے خلاف کیس در ج کیا گیا ہے۔ اِن میں زیادہ تر لوگ وہ ہیں جو بِلا وجہ شہر کے مختلف حصوں میں بنا ماسک لگائے گھوم رہے تھے۔ کچھ دکاندار غیر ضروری سامانوں کی دکانیں کھلی رکھتے  ہوئے پائے گئے جبکہ کچھ رکشہ ڈرائیور اپنے رکشوں میں مسا فر بر داری کر تے پائے گئے ۔ اِن سبھی پر ڈزاسٹر منجمنٹ قانون کے تحت شہر کے مختلف تھانوں میں کیس در ج کیا گیا ہے۔

***** ***** *****

 اورنگ آباد کے ضلع کلکٹر اُدئے چودھری نے کہا ہے کہ اورنگ آباد میں کورونا وائرس پازیٹو پائے جانے کا کوئی نیا کیس سامنے نہیں آیا ہے۔ لیکن پھر بھی عوام ایک دوسرے سے ضروری جسمانی دوری بنائے رکھیں۔ اُنھوں نے کہا کہ گورنمنٹ میڈیکل اسپتال کو مل رہے نمونوں کی رپورٹ نگیٹو آ رہی ہے لیکن احتیا طی تدا بیر پر عمل کرتے رہنا ضروری ہے۔
 ضلع کلکٹر نے لو گوں سے اپیل کی کہ وہ ضرورت پڑ نے پر ہی گھروں سے باہر نکلیں ور نہ گھروں میں ہی رہیں۔ صبح کی سیر پر جانے والوں سے گھر پر ہی رہ کر ورزش کرنے کی ضلع کلکٹر نے صلاح دی ۔ اُنھوں نے کا کہ عوام افواہوں پر دھیان نہ دیں ضلع کلکٹر نے بتا یا کہ انتظا میہ کے پاس قریب ایک مہینے بھر کا ضروری سامان کا ذخیرہ موجود ہے۔

***** ***** *****

  آخر میں اہم خبروں کی سر خیاں ایک بار پھرسن لیجیے
 ٭ مہاراشٹر بجلی بورڈ نے اگلے پانچ سالوں کے لیے کی بجلی کے نِرخ میںکی کٹو تی
 ٭کورونا وائرس کی وجہ سے فصل قرض کی ادائیگی پردی جانے والی سود کی شرح میںرعایت پر31؍ مئی تک توسیع 
 ٭صحت اور معاشی بحران سے نمٹنے کے لیے ریاستی وزیر مالیات اجیت پوار نے مرکزی حکو مت سے کیا
25؍ ہزار کروڑ روپیوں کا مطالبہ
 ٭مہاراشٹر میں کورونا سے متاثرہ مریضوں کی تعداد ہو ئی220۔  کل ہوئی 2؍مریضوں کی موت
  اور
 ٭اورنگ آباد میں کورونا کا کوئی پازیٹیو مریض نہیں لیکن عوام ضروری جسمانی دوری بنائیں رکھیں  :  ضلع کلکٹر اورنگ آباد

علاقائی خبریں ختم ہوئیں

٭٭٭٭٭