Regional Urdu Text Bulletin, Chatrapati Sambhajinagar
Date: 31 March-2025
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۳۱؍ مارچ ۲۰۲۵ء
وقت: ۱۰:۹-۰۰:۹
***** ***** *****
::::: سرخیاں::::::
پیش ہے خاص خبروں کی سرخیاں:
٭ ملک کے شہریوں کو بہتر طبّی خدمات کی فراہمی حکومت کی ترجیح ہے - وزیر اعظم کا بیان۔
٭ ریزرو بینک کی نوےویں تاسیسی تقریبات میں شرکت کیلئے صدر ِ جمہوریہ دروپدی مرمو کا ممبئی کا دورہ ۔
٭ گڈی پاڑوا ہر طرف جوش و خروش اور روایتی انداز میں منایا گیا - آج عید الفطر؛ نمازِ عید اورخیر سگالی تقاریب کا انعقاد۔
اور۔۔۔٭ مہاراشٹر کیسری کُشتی مقابلوں میں شولاپور کے ویتاڑ شیڑکے کی فتح۔
***** ***** *****
اب خبریں تفصیل سے:
وزیر اعظم نریندر مودی نے کہا ہے کہ ملک کے شہریوں کو بہتر طبّی سہولیات فراہم کرنا حکومت کی ترجیحات میں شامل ہے۔ وہ کل ناگپور میں مادھو امراضِ چشم تحقیقی مرکز کی عمارت کے افتتاح کے موقع پر مخاطب تھے۔
انہوں نے بتایا کہ آیوشمان بھارت جیسی اسکیموں کے ذریعے شہریوں کو مفت طبّی خدما ت فراہم کی جا رہی ہیں، اور میڈیکل کالجوں کی تعداد اور میڈیکل نصاب کورسیز کی نشستوں میں بھی اضافہ کیا گیا ہے۔ انھوں نے کہا:
BYTE: PM NARENDRA MODI
وزیر اعظم نے سماج کے تمام طبقات سے بھارت کو آگے لے جانے اور ترقی یافتہ بھارت کے وِژن کو پورا کرنے کیلئے تنظیم،جستجو اور خدمت کے مثلث کو اپنانے کی بھی اپیل کی۔
اس موقع پر راشٹریہ سویم سیوک سنگھ (آر ایس ایس) کے سربراہ ڈاکٹر موہن بھاگوت، مرکزی وزیر نتن گڈکری، اور وزیر اعلیٰ دیویندر پھڑنویس موجود تھے۔
وزیر اعلیٰ نے اس تقریب سے خطاب کرتے ہوئے کہا کہ مادھو نیترالیہ نے بہت سے لوگوں کی زندگیوں کو روشن کیا ہے اور جب آنکھوں کا عطیہ بڑے پیمانے پر ہو رہا ہے توملک میں ایسے ادارے کا ہونا بہت ضروری ہے ۔
ناگپور کے ریشم باغ علاقے میں واقع اسمرتی مندر میں راشٹریہ سویم سیوک سنگھ کے بانی ڈاکٹر کیشو بلی رام ہیڈگیوار، دوسرے سرسنگھ چالک ایم۔ ایس۔ گولوالکر ‘ اسی طرح دِکشا بھومی پرڈاکٹر بابا صاحب امبیڈکر کو وزیرِ اعظم نےخراج عقیدت پیش کیا۔ دِکشا بھومی یادگاری کمیٹی کے سربراہ بھنتے سُرائی سسائی نے وزیر اعظم کا خیرمقدم کیا۔ اس موقعے پر وزیرِ اعلیٰ پھڑنویس کے ساتھ مرکزی وزیر نتن گڈکری اور یادگاری کمیٹی کے سکریٹری راجندر گوئی بھی موجود تھے۔
دریں اثنا‘دِکشا بھومی سے متعلق وزیر اعظم نے اپنے تبصرے میں لکھا کہ دِکشا بھومی ہمیں غریبوں، پسماندہ اور ضرورت مندوں کیلئے مساوی حقوق اور نظامِ انصاف کو آگے بڑھانے کی توانائی فراہم کرتا ہے۔
کل کے دورے کے دوران، وزیر اعظم نے ناگپور-امراوتی شاہراہ پر بازارگاؤں علاقے میں سولر ایکسپلوسیو میں ٹیسٹ رینج اور رن وے سہولت کا افتتاح بھی کیا اور سولر گروپ کی طرف سے تیار کردہ جدید ترین حفاظتی نظام کا معائنہ کیا۔
***** ***** *****
وزیر اعظم نریندر مودی نے کل آکاشوانی پر ’’من کی بات‘‘ پروگرام کے ذریعے ہم وطنوں سے بات چیت کی۔ یہ اس سیریز کی ایک سو بیسویں قسط تھی۔ اس موقعے پر خطاب کرتے ہوئے انہوں نے موسم گرما کے پس منظر میں پانی کے تحفظ پر زور دیا۔ انہوں نے بتایا کہ اس مہم کے تحت گزشتہ سات آٹھ سالوں میں گیارہ ارب کیوبک میٹر سے زائد بارش کا بہہ جانے والا پانی بچایا جا چکا ہے۔ انھوں نے کہا:
BYTE: PM NARENDRA MODI
من کی بات میں وزیر اعظم نے طلبہ کو مخاطب کرتے ہوئے طلباء اور نوجوانوں کو گرمیوں کی چھٹیوں میں نئے ہنر سیکھنے کی ترغیب دی۔ صحت سے متعلق بات کرتے ہوئے انہوں نے دہلی میں ’’فٹ انڈیا کارنیول‘‘ کے بارے میں بتایا۔ انہوں نے سامعین سے اپنے اپنے علاقوں میں اس طرح کے میلوں کا انعقاد کرنے کی اپیل بھی کی ۔ تہواروں میں نظر آنے والے اتحاد ا ور یکجہتی کے جذبے کو مضبوط کرنے کی تلقین کرتے ہوئے وزیر اعظم نے عوام کو گڑی پاڑوا اور عید الفطر سمیت مختلف تہواروں کی مبارکباد دی۔
***** ***** *****
صدر ِجمہوریہ دروپدی مرمو آج سے ممبئی کا د و روزہ دورہ کریں گی۔ صدرِ مملکت مُرمو آج شام ممبئی پہنچیں گی اورکل ریزرو بینک آف انڈیا کی 90ویں سالگرہ تقریبات کی اختتامی تقریب میں شرکت کریں گی۔
***** ***** *****
یہ خبریں آکاشوانی چھترپتی سمبھاجی نگر سے نشر کی جارہی ہیں۔
***** ***** *****
چھتیس گڑھ کے بیجاپور ضلعے میں کل 50 نکسلیوں نے خودسپردگی کردی۔ ان نکسلیوں میں سے 13 پر مجموعی طور پر 68 لاکھ روپے کے انعام کا اعلان کیا گیا تھا۔ مرکزی وزیرِ داخلہ امت شاہ نے ان نکسلیوں کے ہتھیار ڈالنے کا خیر مقدم کیا ہے۔ انہوں نے سماجی رابطوں کے ذریعے دیگر نکسلیوں سے بھی اپیل کی ہے کہ وہ تشدد کو ترک کر کے سماج کے مرکزی دھارے میں شامل ہوجائیں۔
***** ***** *****
گُڑی پاڑوا کا تہوار کل ہر طرف جوش و خروش اور روایتی انداز میں منایا گیا۔ ہر گھر میں ریشمی کپڑے، نیم کے پتوں اور گنے کے گانٹھوں کے ہاروں سے سجائی گئی گڑی اُبھاری گئی۔
مراٹھواڑہ میں مختلف ثقافتی پروگراموں کے ساتھ گڑی پاڑوا کا تہوار منایا گیا۔
چھترپتی سمبھاجی نگر میں گڑی پاڑوا کے موقعے پرایک خیر سگالی جلوس نکالا گیا۔ پیٹھن میںسات کرنی شہنشاہ شالی واہن کی مشہور ستون گاہ پر بھی ایک خصوصی پروگرام منعقد ہوا۔
***** ***** *****
ناندیڑ ضلعے کے ماہور گڑھ پر رینوکا دیوی کا چیتر نوراتر تہوار کل گڑی پاڑوا کے موقعے پر جوش و خروش کے ساتھ شروع ہوا۔ کل دوپہر، مورتی کی تنصیب کے بعد دیوی کی آرتی کی گئی۔
***** ***** *****
دھاراشیو شہر میںگڑی پاڑوا کے موقعے پر سکل ہندو سماج کی جانب سے وہیکل ریلی نکالی گئی۔ ریلی سے قبل مہاتما بسویشور کے مجسمے کو پھول پہناکر خراجِ عقیدت پیش کیا گیا۔
***** ***** *****
عید الفطر یعنی رمضان عید آج منائی جارہی ہے۔ اس مناسبت سے مختلف عیدگاہوں اور مساجد میں مختلف اوقات میں نمازِ عید ادا کی جارہی ہے۔
صدرِ جمہوریہ دروپدی مُرمو نے ملک و بیرون ملک میں رہنے والے تمام باشندوں کو خصوصاً بندگانِ توحید کو عید کی مبا رکباد پیش کی ہے۔ انھوں نے اپنے مبارکباد ی پیغام میں کہا کہ یہ تہوار بھائی چارہ‘ باہمی تعاون اور ہمدردی و اُخوت کا پیغام دیتا ہے۔
عید الفطر کی مناسبت سے چھترپتی سمبھاجی نگر و لاتور شہر کی ٹر یفک نظام میں عارضی تبد یلی کی گئی ہے۔ بارشی روڈ پر موجود عیدگاہ میدان پر نمازِ عید کی بھیڑ کو مدِنظر رکھتے ہوئے صبح سات بجے تا گیارہ بجے تک ٹریفک میں تبدیلی کی گئی ہے۔
چھترپتی سمبھاجی نگر کی عیدگاہ عثمان پورہ میں عید کی نماز صبح دس بجے ادا کی جائے گی۔
***** ***** *****
جالنا میں رکمنی پریوار کی طرف سے کل چیتر پالوی گیتوں کاپروگرام منعقد ہوا۔ چھترپتی سمبھاجی نگر میں دِھیاس پرفارمنگ آرٹس کی ڈائریکٹر کیتکی نیوپورکر کے طلباء نے شاردا وندنا پر مبنی رقص پیش کیا۔
گڑی پاڑوا کو ساڑھے تین مبارک ساعتوں میں سے ایک مبارک ساعت سمجھا جاتا ہے۔ اس لیے سونے اور چاندی کے زیورات، الیکٹرانکس اور گھریلو سامان کی خریداری کیلئے کل دکانوں میں خریدارو ں کا ہجوم رہا۔
***** ***** *****
شولاپور کے ویتاڑ شیڑکے مہاراشٹر کیسری مقابلے میں فاتح قرار پائے ہیں۔ اہلیا نگر ضلع کے کرجت میں کل ہوئے فائنل مقابلے میں شیڑکے نے ممبئی کے پرتھوی ر اج پاٹل کو سا ت پوائنٹس سے شکست دی۔ سینئر سیاست داں شرد پوار کے ہا تھوں ویتاڑ شیڑکے کو گد ا تفویض کیا گیا۔
***** ***** *****
بھارت کے نہال سَرین نے اُزبیکستان کے تاشقند میں تاشقند اوپن آگژامو میمورئیل شطرنج مقا بلہ جیت لیا ہے۔ 20 سالہ بھارتی گرینڈ ماسٹر نے دس میں سے آٹھ پوائنٹس حاصل کرکے جیت درج کی۔
***** ***** ****
لاتور پولس کی جانب سے کل منعقدہ میراتھان میں تقریباً آٹھ ہزار افراد نے شرکت کی۔ بڑھتے سائبر جر ائم کی روک تھام کیلئے عوام کو احتیاط برتنے کا پیغام دینے کیلئے اس عوامی بیداری میر اتھان کا انعقاد کیا گیا تھا۔
***** ***** *****
بزرگ سماجی کارکن اور ریاستی پولس کمپلین اتھاریٹی کے رُکن اُوما کانت مٹکر کے سماجی کاموں پر مبنی مراٹھی ڈاکیومینٹری ’’اِدَن دَ مَم‘‘ کا افتتاح کل سمبھاجی نگر میں ہوا۔ اس کے مصنف‘ ہدایت کار دتا جوشی اس موقعے پر موجود تھے۔
***** ***** *****
گرمائی تعطیلات کی بھیڑ کو مدِنظر رکھتے ہوئے ناندیڑ۔ حضرت نظام الدین۔ نا ند یڑ خصوصی ریلوے گاڑی کے 26 رائونڈ ہونے کی اطلاع جنوب وسطی ر یلوے کی جانب سے دی گئی ہے۔ یہ ریلوے گاڑی پانچ اپریل تا 28 جون کے درمیان ہر سنیچر کی صبح پونے نو بجے روانہ ہوگی اور دو سرے دِن اتوار کو د وپہر دو بجے نظام الد ین پہنچے گی۔ واپسی کے سفر میں یہ ٹرین چھ اپریل تا 29 جون کے درمیان چلے گ ی۔ اس ٹرین کا ریزرویشن کل سے شرو ع کردیا گیا ہے۔
دریں اثنا‘ حیدرآ باد سے بھائو نگر اسپیشل ٹرین قدیم وقت کے مطابق ہی چار اپریل تا 27جون کے درمیان چلنے کی اطلاع جنوب وسطی ریلوے نے دی ہے۔
***** ***** *****
پربھنی تا منماڑ کے درمیان ر یلوے ٹریک کی درستی کیلئے لائن بلاک کی گئی ہے۔ جس کی وجہ سے ا یک‘ پانچ او ر آٹھ اپریل کے درمیان چلنے والی کاچی گوڑہ۔ نگر سول ا یکسپریس ریلوے گاڑی مقررہ وقت کی بجائے تاخیر سے چلے گی، جبکہ اورنگ آباد۔ گُنٹور ر یلوے گاڑی ا یک تا آٹھ اپریل کے درمیان شام پانچ بجکر 40منٹ پر رو انہ ہوگی۔
ؕ***** ***** *****
آخرمیں اس بلیٹن کی خاص خبریں ایک بار پھر:
٭ ملک کے شہریوں کو بہتر طبّی خدمات کی فراہمی حکومت کی ترجیح ہے - وزیر اعظم کا بیان۔
٭ ریزرو بینک کی نوےویں تاسیسی تقریبات میں شرکت کیلئے صدر ِ جمہوریہ دروپدی مرمو کا ممبئی کا دورہ ۔
٭ گڈی پاڑوا ہر طرف جوش و خروش اور روایتی انداز میں منایا گیا - آج عید الفطر؛ نمازِ عید اورخیر سگالی تقاریب کا انعقاد۔
اور۔۔۔٭ مہاراشٹر کیسری کُشتی مقابلوں میں شولاپور کے ویتاڑ شیڑکے کی فتح۔
***** ***** *****
No comments:
Post a Comment