Text - आकाशवाणी छत्रपती संभाजीनगर - दिनांक 01.04.2026 रोजीचे सायंकाळी 06.10 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date – 01 April 2026

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ०१ एप्रिल २०२६ सायंकाळी ६.१०

****

·      पश्चिम आशियातल्या संघर्षाच्या पार्श्वभूमीवर देशात बियाण्यांसह इंधनाचा पुरेसा साठा – सरकारची माहिती

·      सेझ अर्थात विशेष आर्थिक क्षेत्रासाठी केंद्र सरकारची शुल्क सवलत जाहीर

·      महाराष्ट्र राज्य नदी पुनरुज्जीवन प्राधिकरण स्थापन करण्याचा राज्य मंत्रिमंडळाचा निर्णय

·      एसटी महामंडळाच्या सक्षम स्मार्ट कार्ड योजनेचं मुख्यमंत्र्यांच्या हस्ते लोकार्पण

आणि

·      नांदेड महानगरपालिकेचा एक हजार ३०७ कोटी ७३ लाख रुपयांचा अर्थसंकल्प स्थायी समितीला सादर

****

पश्चिम आशियातल्या संघर्षाच्या पार्श्वभूमीवर, देशात सर्व प्रकारच्या पिकांसाठी बियाणे पुरेशा प्रमाणात उपलब्ध असल्याची माहिती, कृषी आणि शेतकरी कल्याण विभागाच्या अतिरिक्त सचिव डॉ. मनिंदर कौर द्विवेदी यांनी दिली. दिल्लीत झालेल्या आंतर-मंत्रालयीन बैठकीत त्या आज बोलत होत्या. देशात १८ पूर्णांक पाच दशलक्ष क्विंटलपेक्षा जास्त खरीप पिकांचे बियाणे उपलब्ध असून, कृषी रसायनांचा पुरेसा साठा असल्याचं द्विवेदी यांनी सांगितलं.

दरम्यान, देशात कच्च्या तेलाचा पुरेसा साठा असल्याचं पेट्रोलियम आणि नैसर्गिक वायू मंत्रालयाच्या सहसचिव सुजाता शर्मा यांनी सांगितलं. देशातले तेल शुद्धीकरण कारखाने-रिफायनरी पूर्ण क्षमतेने कार्यरत आहेत आणि किरकोळ विक्री केंद्रांवर इंधनाची कोणतीही कमतरता नसल्याचंही त्यांनी सांगितलं. जागतिक चढ-उतारांपासून नागरिकांना वाचवण्यासाठी उत्पादन शुल्कात कपात आणि निर्यात शुल्क लागू केले आहे. घरगुती गॅसचा पुरवठा सुरळीत असून नैसर्गिक गॅस नेटवर्कचाही झपाट्याने विस्तार केला जात असल्याचं शर्मा यांनी सांगितलं. त्या म्हणाल्या -

बाईट – सुजाता शर्मा

****

दरम्यान, पश्चिम आशियातल्या परिस्थितीच्या पार्श्वभूमीवर, तेल विपणन कंपन्यांनी देशातल्या महानगरांमध्ये व्यावसायिक एलपीजी गॅस सिलिंडर्सचे दर वाढवले आहेत. त्यामुळे व्यावसायिक वापरासाठीचे १९ किलो वजनी सिलिंडर्स आता दिल्लीत दोन हजार ७८ रुपये ५० पैसे, तर मुंबईत दोन हजार ३१ रुपये दराने मिळेल. घरगुती वापराच्या सिलेंडर्सच्या दरात काहीही बदल झालेला नाही.

****

रेल्वे मंत्री अश्विनी वैष्णव यांनी आज लोकसभेत महाराष्ट्रातल्या रेल्वे पायाभूत सुविधांबाबत अद्ययावत माहिती दिली. फलटण–पंढरपूर नवीन रेल्वे मार्गाचं सर्वेक्षण पूर्ण झालं असून, त्याचा सविस्तर प्रकल्प अहवाल तयार करण्यात आला असल्याचं त्यांनी सांगितलं. आधुनिक रेल्वेगाड्यांची वाढती मागणी पूर्ण करण्यासाठी, स्वदेशी रेल्वे डबे निर्मितीची क्षमता वाढवण्याच्या उद्देशाने, भारतीय रेल्वेने लातूर इथं ‘मराठवाडा रेल कोच फॅक्टरी’ उभारली आहे. यात एका तंत्रज्ञान भागीदाराच्या मदतीने १२० वंदे भारत रेल्वे कोचची निर्मिती हाती घेण्यात आली असल्याचं वैष्णव यांनी सांगितलं.

हिंगोली रेल्वे स्थानकावर प्लॅटफॉर्म शेल्टर उभारणीची आणि प्लॅटफॉर्म क्रमांक दोन च्या सुधारणेची कामं पूर्ण झाली असल्याचं वैष्णव यांनी, हिंगोली जिल्ह्यातल्या रेल्वे पायाभूत सुविधांविषयीच्या प्रश्नाच्या उत्तरात सांगितलं.

****

सेझ अर्थात विशेष आर्थिक क्षेत्रासाठी केंद्र सरकारने शुल्क सवलत जाहीर केली आहे. ज्या युनिटने ३१ मार्चला किंवा त्याआधी उत्पादन सुरू केलं आहे, त्यांच्यासाठीच ही सलवत लागू असेल असं महसूल विभागाने म्हटलं आहे. सवलत मिळण्यासाठी माल सेझमधल्या युनिटमधेच उत्पादित झालेला असावा तसंच त्यात २० टक्के मूल्यवर्धन झालेलं असावं, असंही यात म्हटलं आहे.

****

महाराष्ट्र राज्य नदी पुनरुज्जीवन प्राधिकरण स्थापन करण्याचा निर्णय राज्य मंत्रिमंडळाने घेतला आहे. याअंतर्गत राज्यातल्या ५४ नदी प्रदुषित पट्ट्यांमध्ये पूनरूज्जीवन प्रकल्प राबवण्यात येणार आहे. राज्यातल्या हजारो दिव्यांग विद्यार्थ्यांसाठीच्या शिष्यवृत्तीमध्ये वाढ करण्याचा, तसंच भूमि अभिलेख विभागात आता भूमापक पदाऐवजी परिरक्षण भूमापक पद निर्मितीला देखील या बैठकीत मान्यता देण्यात आली.

****

राज्य परिवहन महामंडळ -एसटीच्या वतीने सुरू करण्यात आलेल्या सक्षम स्मार्ट कार्ड योजनेचं आज मुख्यमंत्री देवेंद्र फडणवीस यांच्या हस्ते लोकार्पण करण्यात आलं. यावेळी उपमुख्यमंत्री एकनाथ शिंदे आणि उपमुख्यमंत्री सुनेत्रा पवार उपस्थित होते. या उपक्रमांतर्गत प्रवाशांना आधार क्रमांकाशी संलग्न स्मार्ट कार्ड वितरित करण्यात येणार असून, या माध्यमातून प्रवाशांना एसटी बस प्रवासातल्या सवलतींचा लाभ अधिक सुलभतेने मिळणार आहे.

****

क्रांतिसूर्य महात्मा जोतिराव फुले यांच्या द्विशताब्दी जयंती वर्षानिमित्त राज्यात वर्षभर विविध कार्यक्रमांचं आयोजन करण्याचे निर्देश मुख्यमंत्री देवेंद्र फडणवीस यांनी दिले आहेत. यासंदर्भातल्या बैठकीत ते आज बोलत होते. महात्मा फुले यांची जयंती ११ एप्रिल २०२६ पासून ते १० एप्रिल २०२७ पर्यंत द्विशताब्दी जयंती वर्ष म्हणून साजरं करण्यात येणार आहे. या कार्यक्रमांची सुरूवात महात्मा जोतिराव फुले यांच्या पुण्यातील खानवडी या मूळ गावी असलेल्या, जिल्हा परिषद शाळेच्या लोकार्पण कार्यक्रमाने करावी अशी सूचना फडणवीस यांनी दिली.

****

भाजप आमदार शिवाजी कर्डिले यांच्या निधनानं रिक्त झालेल्या राहुरी विधानसभा मतदारसंघासाठी भारतीय जनता पक्षाने त्यांचे पुत्र अक्षय कर्डिले यांना उमेदवारी जाहीर केली आहे. राहुरी विधानसभा मतदारसंघात पोटनिवडणूक येत्या २३ एप्रिलला होणार आहे.

****

भोंदू बाबा अशोक खरातला नाशिक सत्र न्यायालयानं आज १४ दिवसांची न्यायालयीन कोठडी दिली. खरातवर अनेक गुन्हे दाखल झाले असून, १४ मार्चला त्याला प्रथम अटक केली होती. या गुन्ह्यातील पोलीस कोठडीची मुदत आज संपल्यानं त्याला न्यायालयात हजर करण्यात आलं. खरात याच्यावर दाखल दुसऱ्या गुन्ह्यात त्याला अटक करण्यासाठी नाशिक पोलीस उद्या कायदेशीर कारवाई करणार असल्याचं पोलिसांनी सांगितलं.

****

बीड जिल्ह्यातल्या ग्रामीण आणि दुर्गम भागातल्या अपुऱ्या बँकिंग सुविधांचा मुद्दा खासदार बजरंग सोनवणे यांनी संसदेत उपस्थित केला. या प्रश्नावर केंद्रीय अर्थ राज्यमंत्री पंकज चौधरी यांनी सविस्तर माहिती देत सरकारची भूमिका स्पष्ट केली. केंद्र सरकारच्या धोरणानुसार प्रत्येक गावापासून पाच किलोमीटरच्या परिसरात बँकिंग सेवा उपलब्ध करून देण्याचा प्रयत्न असल्याचं चौधरी यांनी सांगितलं. ‘जनधन दर्शक’ ॲपच्या आकडेवारीनुसार जिल्ह्यात सर्व वस्ती असलेली गावं बँकिंग सेवांच्या कक्षेत आल्याचा दावा करण्यात आला आहे.

****

नांदेड महानगरपालिका प्रशासनाने वर्ष २०२६-२७ साठी एक हजार ३०७ कोटी ७३ लाख रुपयांचा अर्थसंकल्प स्थायी समितीला आज सादर केला आहे. महापालिका आयुक्त डॉ.महेशकुमार डोईफोडे यांनी स्थायी समितीचे सभापती विरेंद्रसिंघ गाडीवाले यांना हा अर्थसंकल्प सुपूर्द केला. वर्ष २०२५-२६ चं अर्थसंकल्पीय अंदाजपत्रक एक हजार ५२३ कोटी रुपयांचं होतं, त्यात विविध विभागांनी सूचवल्यानुसार ३४१ कोटी रुपयांची कपात करून सुधारित एक हजार १८२ कोटींचा अर्थसंकल्प सादर करण्यात आला. २०२६-२७ या वर्षात एक हजार ३०७ कोटी रुपयांचं प्रस्तावित उत्पन्न आहे. या अर्थसंकल्पात प्रशासनाकडून कोणतीही करवाढ सूचवण्यात आली नाही.

****

छत्रपती संभाजीनगर जिल्ह्यात जलजीवन मिशन अंतर्गत सुरू असलेली कामं कालबद्ध कार्यक्रम राबवून पूर्ण करावी, असे निर्देश जिल्हाधिकारी दिलीप स्वामी यांनी आज संबंधित अधिकाऱ्यांना दिले. यासंदर्भातल्या आढावा बैठकीत ते बोलत होते. जिल्ह्यात एकूण एक हजार २४४ गावांसाठी, एक हजार १६४ योजना मंजूर असून त्यापैकी ७०२ योजना पूर्ण झाल्या असल्याची माहिती स्वामी यांनी दिली.

****

छत्रपती संभाजीनगर जिल्ह्यात लाडगाव इथल्या प्राथमिक आरोग्य केंद्रात ‘माझं गाव, आरोग्यसंपन्न गाव’ या अभियानाचा जिल्हास्तरीय शुभारंभ आज जिल्हा आरोग्य अधिकारी डॉ. अभय धानोरकर यांच्या हस्ते झाला. हे अभियान केवळ सरकारी उपक्रम न राहता लोकसहभागातून व्यापक आरोग्य चळवळ उभी राहावी, असा शासनाचा मानस असल्याचं धानोरकर यांनी सांगितलं.

****

बीडचे जिल्हाधिकारी विवेक जॉन्सन यांच्या अधिकारात असणाऱ्या वर्षातल्या तीन स्थानिक सुट्ट्या जाहीर करण्यात आल्या आहेत. त्यानुसार चालु वर्षात ३१ ऑगस्ट तिसऱ्या श्रावणी सोमवारी, १८ सप्टेंबरला ज्येष्ठगौरी पूजनानिमित्त आणि सहा नोव्हेंबर रोजी धनत्रयोदशी निमित्त जिल्ह्यात सुटी राहणार आहे. या तीन सुट्ट्या जिल्ह्यातल्या सर्व शासकीय कार्यालयं आणि शैक्षणिक संस्थांना लागू असतील.

****

उद्या सर्वत्र हनुमान जन्मोत्सव साजरा होत आहे. यानिमित्त छत्रपती संभाजीनगर जिल्ह्यात खुलताबाद इथं भद्रा मारुती मंदीरात होणाऱ्या भाविकांच्या गर्दीच्या पार्श्वभूमीवर या मार्गावरील जड वाहतूक मार्गात तीन एप्रिलपर्यंत बदल करण्यात आले आहेत. याबाबतचे आदेश पोलीस अधीक्षक डॉ. विनयकुमार राठोड यांनी जारी केले.

****

Text - आकाशवाणी छत्रपती संभाजीनगर - दिनांक 01.04.2026 रोजीचे दुपारी 01.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date - 01 April 2026

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०१ एप्रिल २०२६ दुपारी १.०० वा.

****

लोकसभेत आज परकीय योगदान नियमन सुधारणा विधेयक, २०२६ आणि  जन विश्वास सुधारणा आणि तरतुदी विधेयक २०२६ वर चर्चा नियोजित होती. कामकाजाला सुरुवात होताच अशासकीय संस्थांना परदेशातून मिळणाऱ्या निधीसंदर्भातील तरतुदींना आक्षेप घेत विरोधकांनी गोंधळ घातला. त्यामुळं लोकसभेचं कामकाज सुरुवातीला १२ वाजेपर्यंत तहकूब करण्यात आलं. १२ वाजता कामकाजाला सुरुवात झाल्यानंतर सभागृहात आंध्र प्रदेश पुनर्रचना विधेयकावर चर्चा सुरु करण्याचा निर्णय अध्यक्षांनी घेतला.

दरम्यान, राज्यसभेत आज केंद्रीय सशस्त्र पोलीस दल विधेयक, २०२६ आणि दिवाळखोरी आणि नादारी संहिता सुधारणा विधेयक, २०२६ वर चर्चा होत आहे.

****

खासदार सुधा मूर्ती यांच्या संसद भवनातील भित्तिचित्रांवर आधारित 'टाईड्स ऑफ टाईम' या पुस्तकाचं प्रकाशन उपराष्ट्रपती सी. पी. राधाकृष्णन यांच्या हस्ते आज दिल्ली इथं झालं. संसद भवनातील ५८ भित्तिचित्रे ही केवळ कलाकृती नसून, ती देशाच्या सांस्कृतिक आणि नागरी प्रवासाचे प्रतिक असल्याचं उपराष्ट्रपती राधाकृष्णन यावेळी बोलताना म्हणाले. यावेळी राज्यसभा उपाध्यक्ष हरिवंश, लोकसभा अध्यक्ष ओम बिरला यांच्यासह वरिष्ठ अधिकारी उपस्थित होते. संसद हे लोकशाहीच्या संवाद, चर्चा, मतभेद व्यक्त करण्याचा अधिकार आणि विचारविनिमयाचे जिवंत प्रतीक असल्याचं राधाकृष्णन यांनी यावेळी बोलताना नमूद केलं.

****

पंतप्रधान नरेंद्र मोदी यांनी आज परमपूज्य डॉ. श्री शिवकुमार स्वामीगलू यांच्या जयंतीनिमित्त त्यांना आदरांजली वाहिली. करुणा, नम्रता आणि मानवतेच्या अविरत सेवेचे प्रतीक म्हणून ते सर्वांच्या स्मरणात राहतील असं पंतप्रधानांनी आपल्या समाजमाध्यमावरील संदेशात म्हटलं आहे.

****

राहुरी विधानसभा पोटनिवडणुकीसाठी भारतीय जनता पक्षानं अक्षय शिवाजीराव कर्डिले यांच्या नावाची घोषणा केली. शिवाजीराव कर्डिले यांच्या निधनामुळं ही जागा रिक्त झाली. महाविकास आघाडीकडून अद्याप उमेदवारी जाहीर झाली नाही. राज्यात बारामती आणि राहुरी या दोन जागांसाठी २३ एप्रिल रोजी मतदान होणार असून ४ मे रोजी निकाल घोषित करण्यात येणार आहे.

****

भोंदू अशोक खरातला नाशिक जिल्हा न्यायालयानं आज १४ दिवसांची न्यायालयीन कोठडी सुनावली. खरातला पहिल्यांदा दाखल केलेल्या तक्रारीनुसार १४ मार्च रोजी पोलिसांनी अटक केली होती. या गुन्ह्यातील पोलीस कोठडीची मुदत आज संपल्यानं त्याला न्यायालयात हजर करण्यात आलं. दरम्यान, खरात याच्यावर दाखल दुसऱ्या गुन्ह्यात त्याला अटक करण्यासाठी नाशिक पोलीस उद्या कायदेशीर कारवाई करणार असल्याचं पोलिसांनी सांगितलं.

****

भंडाऱ्याच्या साकोली तालुक्यातील आमगाव बुद्रुक परिसरात वाघाने शेतात काम करत असलेल्या महिलेवर हल्ला केल्याची घटना घडली. या परिसरातील गेल्या पंधरा दिवसात घडलेली ही तिसरी घटना आहे. यामुळे नागरिकांमधून संताप व्यक्त केला जात असून वनविभागानं उपाययोजना करण्याची मागणी नागरिकांनी केली आहे.

****

छत्रपती संभाजीनगर जिल्हा परिषद विषय समिती सभापती पदासाठी उद्या निवडणूक होणार आहे. जिल्हाधिकारी कार्यालयात नवनिर्वाचित ६३ जिल्हा परिषद सदस्य आणि नऊ पंचायत समिती सभापती यांच्या उपस्थितीत ही निवडणूक प्रक्रिया घेण्यात येणार आहे.

****

हनुमान जन्मोत्सव उद्या सर्वत्र साजरा होत आहे. यानिमित्त छत्रपती संभाजीनगर जिल्ह्यात खुलताबाद इथं भद्रा मारुती मंदिरात होणाऱ्या भाविकांच्या गर्दीच्या पार्श्वभूमीवर या मार्गावरील जड वाहतुक मार्गात तीन एप्रिलपर्यंत बदल करण्यात आले आहेत. याबाबतचे आदेश पोलीस अधीक्षक डॉ. विनयकुमार राठोड यांनी निर्गमित केले.

****

राज्यात पुढील चार दिवस मराठवाड्यासह अनेक भागात विजांच्या कडकडाटासह वादळी पावसाची शक्यता हवामान विभागानं वर्तवली आहे. विशेषतः मराठवाडा आणि मध्य महाराष्ट्रात पुढील दोन दिवस गारपीट होण्याचा अंदाज आहे.

****

स्वामी रामानंद तीर्थ मराठवाडा विद्यापीठाच्या भूशास्त्र संकुलातील विद्यार्थी २०२४-२५ मध्ये झालेल्या लोकसेवा आयोगाच्या परीक्षेत यशस्वी झाले आहेत. भूवैज्ञानिक परीक्षेत चाणक्य तोरणे यांनी अखिल भारतीय स्तरावर अकरावा क्रमांक पटकवला आहे. तर, डॉ. पांडुरंग बलवंत आणि राकेश निकम यांची केंद्रीय जल आणि विद्युत अनुसंधान केंद्रात वैज्ञानिक पदावर निवड झाली आहे.

****

आंतरराष्ट्रीय चित्रपट महोत्सवाचा काल दिल्ली इथं समारोप झाला. सात दिवस चाललेल्या या महोत्सवात जगभरातील १२५ हून अधिक चित्रपट प्रदर्शित करण्यात आले. सर्जनशील अर्थव्यवस्थेला चालना देणे, चित्रपट पर्यटनाला प्रोत्साहन देणे, नवीन कलाकारांना संधी उपलब्ध करून देणे आणि चित्रपट निर्मात्यांसाठी एक समान व्यासपीठ उपलब्ध करून देणे, हे या महोत्सवाचं उद्दिष्ट होते.

****

चार वेळा विश्वविजेता ठरलेला इटलीचा राष्ट्रीय फुटबॉल संघ सलग तिसऱ्यांदा फिफा विश्वचषकासाठी अपात्र ठरला आहे. इटलीला आता किमान १६ वर्षे एकाही विश्वचषक स्पर्धेत सहभागी होता येणार नसल्याचं याबाबतच्या वृत्तात म्हटलं आहे.

****

Text - आकाशवाणी छत्रपती संभाजीनगर – दिनांक 01.04.2026 रोजीचे सकाळी 11.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date 01 April 2026

Time 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०१ एप्रिल २०२६ सकाळी ११.०० वाजता

****

सरकारनं आजपासून सुरू होत असलेल्या जनगणना २०२७ च्या पहिल्या टप्प्यात विचारण्यात येणारे ३३ प्रश्न काल अधिसूचित केले. जगातील ही सर्वात मोठी जनगणना दोन टप्प्यात करण्यात येणार असून प्रथमच ती डिजिटल स्वरुपात केली जाणार आहे. पहिल्या टप्प्यात सुरुवातीला घरांची गणना आणि घरांचं सूचीकरण करण्यात येणार आहे. त्यात घराचा क्रमांक, मजला, घराची स्थिती आणि घरात राहणाऱ्या व्यक्तींची संख्या अशा माहितीचा समावेश असेल. पहिल्या टप्प्याचा अवधी आजपासून ३० सप्टेंबरपर्यंत ठरवण्यात आला आहे. यामध्ये स्व-गणनेचाही समावेश असून स्व-गणना पोर्टल १६ भाषांमधून उपलब्ध असेल, असंही जनगणना आयुक्तांनी नमूद केलं.

****

देशात आजपासून ‘घनकचरा व्यवस्थापन नियम, २०२६’ लागू होणार आहे. या नियमानुसार घनकचऱ्याच्या उगमस्थानीच ओला कचरा, सुका कचरा, जैविक कचरा आणि विशेष काळजी आवश्यक असलेला कचरा, अशा चार गटात वर्गीकरण, अनिवार्य केलेलं आहे.

****

तेल विपणन कंपन्यांनी महानगरांमध्ये व्यावसायिक एलपीजी सिलेंडरच्या दरात १९५ रूपये ५० पैशांनी वाढ केली आहे. आता या सिलेंडरची किंमत दोन हजार अठ्ठयाहत्तर रूपये पन्नास पैसे इतकी झाली आहे. व्यावसायिक सिलेंडरचे हे दर आजपासून लागू झाले आहे. घरगुती एलपीजी सिलेंडरच्या दरात कोणताही बदल झालेला नाही.

****

भारतीय वंशाच्या कॅनेडियन-अमेरिकन लेखिका आणि अनुवादिका पद्मा विश्वनाथन यांची २०२६ च्या आंतरराष्ट्रीय बुकर पुरस्कारासाठी निवड झाली आहे. ब्राझिलियन लेखिका अॅना पाउला माया यांच्या 'ऑन अर्थ अॅज इट इज बिनीथ' या कादंबरीच्या इंग्रजी अनुवादासाठी त्यांना हा पुरस्कार घोषित झाला आहे. पन्नास हजार पौंड असं या पुरस्काराचं स्वरूप आहे.

***

साहित्य अकादमीतर्फे २०२५ या वर्षासाठी जाहीर करण्यात आलेले विविध २४ भाषांसाठीचे साहित्य पुरस्कार काल नवी दिल्लीत प्रदान करण्यात आले. मराठी  भाषेसाठी जळगाव येथील प्रसिद्ध चित्रकार, लेखक राजू बाविस्कर यांना,  काळ्यानिळ्या रेषा या आत्मकथेसाठी साहित्य अकादमी पुरस्कार प्रदान करण्यात आला. अकादमीचे अध्यक्ष माधव कौशिक यांच्या हस्ते बाविस्कर यांना सन्मानित करण्यात आले. मानचिन्ह, शाल आणि एक लाख रुपये असं या पुरस्काराचं स्वरूप आहे.

****

गडचिरोली इथं काल नऊ नक्षलवाद्यांनी पोलिसांपुढे आत्मसमर्पण केलं. पोलिस अधीक्षक नीलोत्पल यांनी भारताचं संविधान देऊन त्यांचा सत्कार केला. त्यांच्यावर एकूण ३० लाख रुपयांचं बक्षीस होतं. आत्मसमर्पण करणारे सर्व नक्षलवादी छत्तीसगडमधील इंद्रावती क्षेत्रिय समिती आणि नॅशनल पार्क क्षेत्रिय समितीत कार्यरत होते. सध्या जिल्ह्यात सहा सशस्त्र नक्षली शिल्लक असल्याचं पोलिस अधीक्षक नीलोत्पल यांनी सांगितलं.

****

परभणी जिल्ह्याच्या पूर्णा तालुक्यातल्या आहेरवाडी इथल्या सजगिर महाराज यांच्या यात्रेत काल रक्तदान शिबिर, तसंच कुस्त्यांची दंगलही पार पडली. काल या यात्रेत तब्बल १०० क्विंटल भाजीपासून तयार केलेल्या भंडाऱ्याचं आयोजन करण्यात आलं होतं.

****

देशातून २०२७ पर्यंत हत्तीरोगाचं निर्मूलन करण्यासाठी केंद्र सरकारचं उद्दिष्ट पूर्ण करण्यात राज्य शासनानं सक्रिय सहभाग घेतला आहे. यासाठी ट्रिपल ड्रग थेरपी अर्थात तीन औषधांच्या संयुक्त उपचाराला गती देण्यात येत आहे, अशी माहिती मुख्यमंत्री देवेंद्र फडणवीस यांनी काल दिली. राज्यात लातूर, धाराशीवसह एकूण अठरा जिल्ह्यांमध्ये विशेष मोहिमा राबवण्यात येत असल्याचं त्यांनी सांगितलं. राज्यात ५५ लाख नागरिकांना या रोगावरील औषधोपचारांचा लाभ देण्याचं उद्दिष्ट असल्याचं मुख्यमंत्र्यांनी सांगितलं.

****

महिलांच्या लैंगिक छळप्रकरणी अटकेत असलेल्या अशोक खरात याच्या मुलाला काल शिर्डी पोलीसांनी अटक केली. शिर्डी येथील एका जमीन व्यवहारात आरोपी म्हणून खरात याच्या पत्नीचं नाव दाखल झालं, त्यानंतर पोलीसांनी ही कारवाई केली.  मात्र, अशोक खरात याची पत्नी कल्पना ही फरार झाली असून तिचा शोध अद्याप सुरू असल्याचं याबाबतच्या वृत्तात म्हटलं आहे.

****

नानाजी देशमुख कृषी संजीवनी प्रकल्प आणि पानी फाउंडेशन यांच्या संयुक्त विद्यमाने राज्यात या महिन्यात चार विशेष डिजिटल शेती शाळा घेण्यात येणार आहेत. या महिन्याच्या दर बुधवारी होणाऱ्या या कार्यशाळेत आज पेरणीपूर्व तंत्रज्ञान, या विषययावर कृषी तज्ज्ञ आणि प्रगतशील शेतकऱ्यांचे मार्गदर्शन आणि चर्चा होणार आहे. या कार्यशाळेचं प्रसारण कृषी विभाग, नानाजी देशमुख कृषी संजीवनी प्रकल्प, पानी फाउंडेशन आणि उमेद च्या युट्युब चॅनेलवर केलं जाणार आहे.

****

इंडीयन प्रिमियर लिग- आयपीएल क्रिकेट स्पर्धेत आज लखनऊ सुपर जायंट्स आणि दिल्ली कॅपिटल्स यांच्यात सामना होणार आहे. लखनऊ इथं संध्याकाळी साडेसात वाजता या सामन्याला सुरूवात होईल. काल झालेल्या सामन्यात पंजाब किंग्सनं गुजरात टायटन्सवर तीन गडी राखून विजय मिळवला.

****

Text - آکاشوانی چھترپتی سمبھاجی نگر‘علاقائی اُردو خبریں: بتاریخ: 01 اپریل 2026‘ وقت: صبح 09:00 تا 09:10

 Regional Urdu Text Bulletin, Chhatrapati Sambhajinagar

Date: 01 April-2026

Time: 09:00-09:10 am

آکاشوانی چھترپتی سمبھاجی نگر

علاقائی خبریں

تاریخ: یکم‘اپریل ۶۲۰۲ء؁

وقت: ۰۱:۹-۰۰:۹

***** ***** *****

::::: سرخیاں::::::

پیش ہیں خاص خبروں کی سرخیاں:

٭ آج سے نیا انکم ٹیکس قانون نافذ؛ بینکوں کے ذریعے ڈیجیٹل ادائیگیوں کے اُصولوں میں تبدیلی۔

٭ نئے مالی سال میں ریڈی ریکنر ریٹ میں کوئی اضافہ نہیں کیا گیا: وزیرِ محصول کا بیان۔

٭ ریاستی حکومت کی ”میرا گاؤں‘ صحت مند گاؤں“ مہم آج سے شروع۔

٭ مردم شماری کا پہلا مرحلہ آج سے ہوگا شروع؛ شہریان سیلف رجسٹریشن پورٹل کے ذریعے کرسکیں گے معلومات فراہم۔

اور۔۔۔٭ محکمہ موسمیات کی مراٹھواڑہ میں دوبارہ غیر موسمی بارش کی پیش گوئی۔

***** ***** *****

اب خبریں تفصیل سے...

نیا مالی سال آج سے شروع ہوگیا ہے اور کئی اصلاحات نافذ ہورہی ہیں۔ ان میں کچھ مالیاتی قواعد میں تبدیلیاں بھی شامل ہیں۔ چھ دہائیوں سے زیادہ قدیم ٹیکس قانون کی جگہ انکم ٹیکس قانون 2025 لے گا۔ یہ قانون فرسودہ شقوں کو منسوخ کرکے ٹیکس کے نظام کو آسان بنانے‘ پیچیدہ قوانین کو آسان بنانے اور ٹیکس دہندگان کیلئے قواعد کی پابندی کو آسان بنانے کے مقصد سے تیار کیا گیا ہے۔ اس قانون کا اعلان مرکزی وزیرِ خزانہ نرملا سیتا رَمن نے بجٹ 2026-27 میں کیا تھا۔

***** ***** *****

ریزرو بینک آف انڈیا کی ہدایت کے مطابق آج سے ملک میں تمام ڈیجیٹل ادائیگیوں کے لین دین کیلئے دو مرحلوں کو توثیق کے معیار کو پورا کرنا لازمی ہوگا۔ مالی سال 2026-27 کیلئے فاسٹ ٹیگ سالانہ پاس کیلئے نظرِ ثانی شدہ فیس بھی آج سے نافذ ہوگی اور PAN کارڈ میں معلومات کیلئے درخواست دینے یا اُسے اپڈیٹ کرنے کے نظرِ ثانی شدہ اُصول بھی نافذ العمل ہوں گے۔

***** ***** *****

ریاستی حکومت نے نئے مالی سال میں ریاست میں ریڈی ریکنر کی شرحوں میں اضافہ کرنے کا فیصلہ کیا ہے۔ لہٰذا آج سے لاگو ہونے والی شرحیں پہلے کی طرح ہی رہیں گی۔ یہ اطلاع وزیرِ محصول چندر شیکھر باونکولے نے دی ہے۔ اگرچہ شرحیں وہی رہیں گی‘ سالانہ ویلیو ایڈیڈ ٹیکس ٹیبلز میں مستقل مزاجی لانے کیلئے کئی تبدیلیاں کی گئی ہیں۔ ان میں منظور شدہ علاقائی اور ترقیاتی منصوبوں پر عمل درآمد‘ نئے سروے نمبروں کی ریکارڈنگ اور دیہاتوں کے ناموں میں تصحیح شامل ہے۔

***** ***** *****

ریاستی حکومت کی ”میرا گاؤں‘ صحت مند گاؤں“ مہم آج سے شروع ہورہی ہے۔ دیہی عوام کو صحت کی معیاری سہولیات ان کے گھر پر فراہم کرنے کے مقصد سے یہ مہم چلائی جائے گی۔ گاؤں کی سطح پر صحت کا جائزہ لینے کیلئے مخصوص معیارات مقرر کیے گئے ہیں اور ان معیارات کی بنیاد پر 70 فیصد سے زیادہ اسکور کرنے والے گاؤں کو صحت مند گاؤں کے طور پر نوازا جائے گا۔ ریاستی حکومت نے پوری مہم کیلئے 80 کروڑ 75 لاکھ روپئے فنڈ منظور کیا ہے۔

***** ***** *****

مردم شماری کا عمل آج سے شروع ہورہا ہے۔ شہری سیلف رجسٹریشن پورٹل کے ذریعے بھی دونوں مراحل میں معلومات فراہم کرسکیں گے۔ پہلے مرحلے میں ہر گھر کی معلومات جمع کی جائیں گی۔ اس میں گھر کا نمبر‘ منزلہ نمبر، مکان کی حالت اور گھر میں رہنے والے لوگوں کی تعداد جیسی معلومات شامل ہوں گی۔ اس عمل میں گھر کے سربراہ کا نام‘ جنس‘ ذات‘ مالکانہ حق اس طرح گھر کے شادی شدہ جوڑوں کی تعددا د اور گاڑیوں کی تعداد کا اندراج بھی کیا جائے گا۔

***** ***** *****

مرکزی حکومت نے پندرہویں مالیاتی کمیشن کی سفارشات کے مطابق پنچایتی راج اداروں اور مقامی خود مختار اداروں کیلئے فنڈز تقسیم کیے ہیں۔ اسکیم کے تحت مہاراشٹر کو مالی سال 2025-26 کیلئے پہلے اور دوسرے مرحلے میں 109 کروڑ روپئے سے زیادہ کی رقم تقسیم کی گئی ہے۔ اس فنڈ سے گاؤں کی سطح پر انتظامیہ مزید مؤثر ہوجائے گا اور ضرورت کے مطابق ترقیاتی کاموں کو عمل میں لایا جاسکے گا۔

***** ***** *****

وزیرِ اعظم نریندر مودی نے کہا ہے کہ بھارت نہ صرف تبدیلی کا مشاہدہ کررہا ہے بلکہ ٹکنالوجی اور توانائی کے تحفظ کیلئے ایک مضبوط بنیاد رکھنے والا ملک بھی بن رہا ہے۔ وہ کل گجرات کے سانند میں کینس سیمی کنڈکٹر منصوبے کے افتتاح کے بعد مخاطب تھے۔ وزیرِ اعظم نے اس سال کے بجٹ میں سیمی کنڈکٹر ویژن دو کے اعلان کا حوالہ دیتے ہوئے کہا کہ بھارتی حکومت ایک مکمل سیمی کنڈکٹر ایکو سسٹم بنانے کی کوشش کررہی ہے اور بھارت اُتنی ہی چپس تیار کرے گا جتنی ملک کو مقامی طورپر ضرورت ہے۔ انھوں نے کہا:

Byte: Prime Minister Narendra Modi

***** ***** *****

یہ خبریں آکاشوانی چھترپتی سمبھاجی نگر سے نشر کی جارہی ہیں۔

***** ***** *****

30 لاکھ روپئے انعام والے نو نکسلیوں نے کل گڑچرولی پولس کے روبرو خود سپردگی کی۔ سپرنٹنڈنٹ آف پولس نیلوتپل نے انھیں بھارتی آئین دیکر مبارکباد دی۔ ہتھیار ڈالنے والے تمام نکسلی چھتیس گڑھ کے اندراوتی سیکٹرل کمیٹی میں کام کررہے تھے۔ فی الحال گڑچرولی ضلع میں چھ مسلح نکسلی رہ گئے ہیں جبکہ نیلوتپل نے خبردار کیا ہے کہ وہ ہتھیار ڈال دیں ورنہ انھیں مسلح کارروائی کا سامنا کرنے پڑے گا۔

***** ***** *****

جین تیرتھنکر بھگوان مہاویر کا یومِ پیدائش کل ملک بھر میں جوش و خروش کے ساتھ منایا گیا۔ اس موقع پر مختلف مقامات پر جلوس اور مذہبی و سماجی سرگرمیوں کا بھی اہتمام کیا گیا۔

چھترپتی سمبھاجی نگر میں نکالے گئے جلوس میں ”میرا شہر میری ذمہ داری“ کے نعرے پر مبنی نمائش پیش کی گئی۔ اس موقع پر مختلف اوقات میں ماحولیات تحفظ‘ صفائی اور اتحاد کا پیغام بھی دیا گیا۔ جالنہ شہر میں نکالے گئے جلوس میں تقریباً آٹھ ہزار سفید پوش سماجی افراد نے شرکت کی۔ بیڑ میں پوری جین برادری نے مختلف مذہبی پروگراموں کا اہتمام کیا۔ جن میں عطیہئ خون کیمپ‘ دانت کیمپ اور فزیو تھیراپی کیمپ شامل ہیں۔

***** ***** *****

وزیرِ اعلیٰ پیداواریئ روزگار پروگرام کے تحت دھاراشیو ضلعے نے مسلسل چوتھے سال 100 فیصد سے زیادہ کارکردگی حاصل کرنے والا واحد ضلع ہونے کا اعزاز حاصل کیا ہے۔ رواں مالی سال میں ضلع کو دئیے گئے ہدف کے مقابلے میں ایک ہزار سات منصوبوں کو منظوری دی گئی ہے۔ اس کے ساتھ ہی ضلع نے ہدف کا 129 فیصد حاصل کرلیا ہے۔

***** ***** *****

محکمہ موسمیات نے اگلے چار دنوں تک مراٹھواڑہ سمیت ریاست کے کئی حصوں میں گرج چمک کے ساتھ بارش کی پیش گوئی کی ہے۔ مراٹھواڑہ اور وسطی مہاراشٹرا میں بالخصوص آئندہ دو دنوں تک ژالہ باری متوقع ہے۔

***** ***** *****

لاتور میں بلدیاتی انتخابات میں کامیابی حاصل کرنے والے دھنگر برادری کے نمائندوں اور مسابقتی امتحانات میں بہترین کارکردگی کا مظاہرہ کرنے والے طلبہ کو کل قانون ساز کونسل کے چیئرمین رام شندے نے مبارکباد دی۔ اس موقع پر راجیہ سبھا کے نومنتخب رکنِ پارلیمان رام راؤ وڑکوتے بھی موجود تھے۔

***** ***** *****

سوامی رامانند تیرتھ مراٹھواڑہ یونیورسٹی ناندیڑ کے پوسٹ گریجویٹ اور پروفیشنل کورسیز کے اس سال کے موسمِ گرما کے امتحانات کیلئے درخواستیں جمع کرنے کی آخری تاریخ 4 اپریل تک بڑھا دی گئی ہے۔ RTGS کے ذریعے فیس ادائیگی کی آخری تاریخ 6 اپریل مقرر کی گئی ہے۔ آن لائن درخواست فارم بھرنے کیلئے لنک آج دستیاب کروائی جائیگی۔

***** ***** *****

لاتور کی ضلع کلکٹر ورشا ٹھاکر-گھوگے کی تصنیف”فائلینچیا پلی کڑے“ کا کل بزرگ مصنف ڈاکٹر اندراجیت بھالے راؤ کے ہاتھوں اجراء عمل میں آیا۔ اس موقعے پر موجود معززین نے اپنے تاثرات کا اظہار کرتے ہوئے کہا کہ انتظامی خدمات کی انجام دہی کے دوران حاصل ہونے والے تجربات، لوگوں سے ملاقاتیں اور ان کی زندگی کی یادوں کا احساس کرانے والی یہ کتاب قارئین کو ایک جذباتی اور متاثر کن سفر پر لے جائے گی۔

***** ***** *****

مراٹھا سیوا سنگھ کی معرفت سماجی بیداری کا کام کرنے والے ہری بھکت پراین مدھوکر مہاراج بارولکر کا کل ایک حادثہ میں انتقال ہوگیا۔ وہ دو پہیہ گاڑی پر ناندیڑ سے بارول جا رہے تھے‘ اسی اثناء‘ ایک ہائیوا ٹرک نے انھیں زوردار ٹکر مارنے کے سبب یہ حادثہ پیش آیا۔

***** ***** *****

چھترپتی سمبھاجی نگر میونسپل کارپوریشن میں کوآپٹ ممبران کی 10نشستوں کیلئے 80 پرچہئ نامزدگی داخل کیے گئے ہیں۔ اس میں بی جے پی کے 13‘ ایم آئی ایم کے تین امیدوار‘ شیوسینا کے 15 اور شیوسینا اُدّھو بالا صاحب ٹھاکرے کے 15 امیدوار شامل ہیں۔ ان پرچوں کی جانچ آج کی جائیگی۔

***** ***** *****

چھترپتی سمبھاجی نگر شہر علاقے کی ندیوں اور نالوں کے کناروں پر قائم تجاوزات کو آج سے ہٹانے کا حکم میونسپل کمشنر شری کانت نے دیا ہے۔ وہ نالوں کی صفائی کے کاموں سے متعلق جائزاتی اجلاس سے خطاب کررہے تھے۔ انھوں نے کہا کہ چونکہ ناریگاؤں علاقہ میں ندی کے کناروں پر بڑے پیمانے پر تجاوزات ہیں اس لیے اُسے ترجیحی بنیادوں پر ہٹایا جانا چاہیے۔

***** ***** *****

::::: سرخیاں::::::

اور آخر میں اس بلیٹن کی خاص خبریں ایک بار پھر...

٭ آج سے نیا انکم ٹیکس قانون نافذ؛ بینکوں کے ذریعے ڈیجیٹل ادائیگیوں کے اُصولوں میں تبدیلی۔

٭ نئے مالی سال میں ریڈی ریکنر میں کوئی اضافہ نہیں کیا گیا: وزیرِ محصول کا بیان۔

٭ ریاستی حکومت کی ”میرا گاؤں‘ صحت مند گاؤں“ مہم آج سے شروع۔

٭ مردم شماری کا پہلا مرحلہ آج سے ہوگا شروع؛ شہریان سیلف رجسٹریشن پورٹل کے ذریعے کرسکیں گے معلومات فراہم۔

اور۔۔۔٭ محکمہ موسمیات کی مراٹھواڑہ میں دوبارہ غیر موسمی بارش کی پیش گوئی۔

***** ***** *****

Text - आकाशवाणी छत्रपती संभाजीनगर – दिनांक 01.04.2026 रोजीचे सकाळी 07.10 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date – 01 April 2026

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ०१ एप्रिल २०२६ सकाळी ७.१० मि.

****

·      आजपासून नवीन आयकर कायद्याची अंमलबजावणी, बँकांकडून डिजिटल पेमेंटसाठीच्या निकषांमध्येही बदल

·      नवीन आर्थिक वर्षात रेडी रेकनर दरात वाढ नाही, महसूलमंत्र्यांची माहिती

·      राज्य शासनाच्या, ‘माझं गाव, आरोग्यसंपन्न गाव’ अभियानाला आजपासून प्रारंभ

·      जनगणनेच्या पहिल्या टप्प्याला आजपासून सुरुवात, नागरिकांना स्व-नोंदणी पोर्टलद्वारे माहिती देण्याची सुविधा

आणि

·      मराठवाड्यात पुन्हा अवकाळी पावसाचा हवामान खात्याचा इशारा

****

नवीन आर्थिक वर्ष आजपासून सुरु झालं असून, काही आर्थिक नियमांमध्ये बदलांसह अनेक सुधारणा लागू होत आहेत. सहा दशकांहून अधिक जुन्या असलेल्या आयकर कायद्याची जागा आजपासून नवीन 'आयकर कायदा, २०२५' घेणार आहे. कालबाह्य तरतुदी रद्द करून, गुंतागुंतीचे नियम सुलभ करून आणि करदात्यांसाठी नियमांचं पालन करणं अधिक सोपं करून, करप्रणाली सुलभ करण्याच्या उद्देशानं हा कायदा तयार करण्यात आला आहे. २०२६–२७ च्या अर्थसंकल्पात केंद्रीय अर्थमंत्री निर्मला सीतारामन यांनी या कायद्याची घोषणा केली होती.

भारतीय रिझर्व्ह बँकेच्या निर्देशानुसार, आजपासून देशातल्या सर्व डिजिटल पेमेंट व्यवहारांसाठी, टू-फॅक्टर ऑथेंटिकेशन अर्थात द्वि-स्तरीय प्रमाणीकरणाचे निकष पूर्ण करणं अनिवार्य असेल. आर्थिक वर्ष २०२६-२७ साठी फास्टटॅग वार्षिक पासचं सुधारित शुल्क देखील आजपासून लागू होत असून, पॅन कार्ड साठी अर्ज करण्याबाबत किंवा त्यातील माहिती अद्ययावत करण्याबाबतचे सुधारित नियमही अंमलात येणार आहे.

या सुधारित नियमांबाबत अधिक माहिती देत आहेत छत्रपती संभाजीनगर इथले सनदी लेखापाल मोहित अग्रवाल,

बाईट – मोहित अग्रवाल

****

नवीन आर्थिक वर्षात राज्यात रेडी रेकनर दरांमध्ये कोणतीही वाढ न करण्याचा निर्णय राज्य सरकारने घेतला आहे. त्यामुळे आजपासून लागू होणारे दर पूर्वीप्रमाणेच राहतील, अशी माहिती महसूल मंत्री चंद्रशेखर बावनकुळे यांनी दिली. दर जैसे थे असले तरी वार्षिक मूल्यदराच्या तक्त्यांमध्ये सुसूत्रता आणण्यासाठी अनेक बदल केले आहेत. यामध्ये मंजूर प्रादेशिक आणि विकास योजनांची अंमलबजावणी, नवीन सर्व्हे नंबरची नोंद आणि गहाळ गावं किंवा गावांच्या नावातल्या दुरुस्त्यांचा समावेश करण्यात आला आहे.

****

राज्य शासनाच्या, ‘माझं गाव, आरोग्यसंपन्न गाव’ अभियानाला आजपासून सुरुवात होत आहे. ग्रामीण जनतेला दर्जेदार आरोग्य सुविधा घरपोच उपलब्ध करून देण्याच्या उद्देशानं हे अभियान राबवण्यात येणार आहे. गाव पातळीवर आरोग्याचं मूल्यांकन करण्यासाठी विशिष्ट निकष ठरवण्यात आले असून, या निकषांच्या आधारे ७० टक्क्यांपेक्षा अधिक गुण मिळवणाऱ्या गावांना ‘आरोग्यसंपन्न गाव’ म्हणून पुरस्कार देण्यात येणार आहेत. या संपूर्ण अभियानासाठी राज्य सरकारनं ८० कोटी ७५ लाख रुपयांचा निधी मंजूर केला आहे.

छत्रपती संभाजीनगरचे जिल्हा आरोग्य अधिकारी डॉ. अभय धानोरकर यांनी या अभियानाबाबत अधिक माहिती दिली. ते म्हणाले,

बाईट – जिल्हा आरोग्य अधिकारी डॉ. अभय धानोरकर

****

जनगणनेची प्रक्रिया आजपासून सुरू होत असून, नागरिकांना स्व-नोंदणी पोर्टलद्वारे दोन्ही टप्प्यांत माहिती देण्याची सुविधा उपलब्ध होणार आहे. पहिल्या टप्प्यात प्रत्येक घराची माहिती गोळा केली जाईल. त्यात घराचा क्रमांक, मजला, घराची स्थिती आणि घरात राहणाऱ्या व्यक्तींची संख्या अशा माहितीचा समावेश असेल. या प्रक्रियेत कुटुंबप्रमुखाचं नाव, लिंग, जात, मालकी हक्क, तसंच घरातील विवाहित जोडप्यांची संख्या आणि वाहनांची माहितीही नोंदवली जाणार आहे.

****

पंचायती राज संस्था आणि स्थानिक स्वराज्य संस्थांसाठी १५व्या वित्त आयोगाच्या शिफारसीनुसार केंद्र सरकारनं निधी वितरित केला आहे. याअंतर्गत महाराष्ट्राला २०२५-२६ या आर्थिक वर्षासाठी पहिल्या आणि दुसऱ्या टप्प्यात १०९ कोटी रुपयांहून अधिक रक्कम वितरित झाली आहे. या अनुदानामुळे गावपातळीवर प्रशासन अधिक सक्षम होईल आणि गरजेनुसार विकासकामं राबवता येतील.

****

भारत केवळ बदलाचा साक्षीदार नसून, तंत्रज्ञान आणि ऊर्जा सुरक्षेसाठी मजबूत पाया घालणारा देश बनत असल्याचं प्रतिपादन, पंतप्रधान नरेंद्र मोदी यांनी केलं आहे. गुजरातमधल्या साणंद इथं काल केन्स सेमिकंडक्टर प्रकल्पाचं उद्घाटन केल्यानंतर ते बोलत होते. भारत सरकार एक परिपूर्ण सेमिकॉन परिसंस्था तयार करण्याचा प्रयत्न करत असून, देशाला गरज असलेल्या चिपपैकी जास्तीत जास्त चिप भारत स्वदेशात बनवेल, असं सांगून पंतप्रधानांनी, यावर्षीच्या अर्थसंकल्पातल्या, सेमिकॉन व्हिजन टू घोषणेचा उल्लेख केला.

****

३० लाख रुपयांचं बक्षीस असलेल्या नऊ नक्षलवाद्यांनी काल गडचिरोली पोलिसांपुढे आत्मसमर्पण केलं. पोलिस अधीक्षक नीलोत्पल यांनी भारताचं संविधान देऊन त्यांचं समाजाच्या मुख्य प्रवाहात स्वागत केलं. आत्मसमर्पण करणारे सर्व नक्षलवादी छत्तीसगडमधल्या इंद्रावती क्षेत्रिय समिती आणि नॅशनल पार्क क्षेत्रिय समितीत कार्यरत होते. सध्या गडचिरोली जिल्ह्यात सहा सशस्त्र नक्षलवादी शिल्लक असून, त्यांनी आत्मसमर्पण करावं, अन्यथा सशस्त्र कारवाईला सामोरे जावं लागेल, असा इशारा नीलोत्पल यांनी दिला.

****

जैन तीर्थंकर भगवान महावीर यांची जयंती काल देशभरात उत्साहात साजरी झाली. यानिमित्त ठिकठिकाणी विविध धार्मिक तसंच सामाजिक उपक्रमांसह शोभायात्रांचं आयोजन करण्यात आलं होतं.

**

छत्रपती संभाजीनगरमध्ये काढण्यात आलेल्या शोभायात्रेत, माझे शहर, माझी जबाबदारी, या उद्घोषणेवर आधारित देखावे सादर करण्यात आले. पर्यावरण संवर्धन, स्वच्छता आणि एकतेचा संदेशही यावेळी देण्यात आला.

जालना शहरात काढण्यात आलेल्या शोभायात्रेत सुमारे आठ हजार शुभ्रवस्त्रधारी समाजबांधव सहभागी झाले होते. यामधल्या अहिंसा परमो धर्म, जिओ और जीने दो, या घोषणांमुळे आणि जागोजागी होणा-या पुष्पवृष्टीमुळे या शोभायात्रेला भव्य सोहळ्याचं स्वरूप प्राप्त झालं होतं.

हिंगोली शहरात काढण्यात आलेल्या भव्य मिरवणुकीत नागरीकांसह बालगोपाळही मोठ्या संख्येनं सहभागी झाले होते.

बीड इथंही सकल जैन समाजतर्फे भगवान महावीरांची प्रतिमा विराजमान असलेल्या रथाची शहरातून फेरी, रक्तदान, दंतचिकित्सा आणि फिजिओथेरपी शिबिरं, यासह विविध धार्मिक कार्यक्रम घेण्यात आले.

****

मुख्यमंत्री रोजगार निर्मिती कार्यक्रमांतर्गत धाराशिव जिल्ह्याने सलग चौथ्या वर्षी १०० टक्क्यांहून अधिक कामगिरी करणारा एकमेव जिल्हा होण्याचा मान पटकावला आहे. चालू आर्थिक वर्षात जिल्ह्याला देण्यात आलेल्या उद्दिष्टाच्या तुलनेत एक हजार सात प्रकल्पांना मंजुरी देण्यात आली आहे. यामुळे जिल्ह्याने १२९ टक्के उद्दिष्ट पूर्ण केलं आहे.

****

परभणी जिल्ह्यातल्या गंगाखेड तालुक्यातल्या धारासूर इथल्या ऐतिहासिक गुप्तेश्वर मंदिराच्या जतन आणि दुरुस्ती कामांसाठी राज्य शासनानं तीन कोटी एकोणसत्तर लाख रुपयांच्या निधीला प्रशासकीय मान्यता दिली आहे. नव्यानं मिळालेल्या या निधीमुळे संवर्धनाची अपूर्ण कामं पूर्ण होण्याला मदत होणार असल्याचं आमच्या वार्ताहरानं कळवलं आहे.

****

लातूर इथं स्थानिक स्वराज्य संस्थांच्या निवडणुकीत विजयी झालेल्या धनगर समाजातल्या लोकप्रतिनिधींचा तसंच स्पर्धा परीक्षेत यश संपादन केलेल्या विद्यार्थ्यांचा काल विधान परिषदेचे सभापती राम शिंदे यांच्या हस्ते सत्कार करण्यात आला. नवनियुक्त राज्यसभा खासदार रामराव वडकुते यावेळी उपस्थित होते.

****

नांदेडच्या स्वामी रामानंद तीर्थ मराठवाडा विद्यापीठाच्या पदव्युत्तर आणि व्यावसायिक अभ्यासक्रमांच्या यावर्षीच्या उन्हाळी परीक्षांसाठी अर्ज सादर करण्याला चार एप्रिल पर्यंत मुदतवाढ देण्यात आली आहे. RTGS द्वारे शुल्क भरण्याची अंतिम तारीख सहा एप्रिल निश्चित करण्यात आली आहे.

****

लातूरच्या जिल्हाधिकारी वर्षा ठाकूर-घुगे लिखित ‘फायलींच्या पलीकडे’, या पुस्तकाचं प्रकाशन काल ज्येष्ठ साहित्यिक डॉ. इंद्रजीत भालेराव यांच्या हस्ते झालं. प्रशासनात काम करताना आलेले अनुभव, भेटलेली माणसं आणि त्यांच्या आयुष्यातील जिवंत कथा यांना स्पर्श करणारं हे पुस्तक, वाचकांना भावनिक आणि प्रेरणादायी प्रवास घडवणारं ठरणार असल्याचं मत, उपस्थित मान्यवरांनी व्यक्त केलं.

****

मराठा सेवा संघाच्या माध्यमातून समाजप्रबोधन करणारे हरीभक्त परायण मधुकर महाराज बारूळकर यांचं काल अपघाती निधन झालं. नांदेडहून बारुळकडे दुचाकीवर जात असताना त्यांना एका हायवा ट्रकने धडक देऊन हा अपघात झाला.

****

राज्यात पुढील चार दिवस मराठवाड्यासह अनेक भागात विजांच्या कडकडाटासह वादळी पावसाची शक्यता हवामान विभागानं वर्तवली आहे. विशेषतः मराठवाडा आणि मध्य महाराष्ट्रात पुढील दोन दिवस गारपीट होण्याचा अंदाज आहे.

****