Regional Urdu Text Bulletin, Chhatrapati Sambhajinagar
Date: 21 March-2024
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۲۱؍ مارچ ۲۰۲۴ء
وقت: ۱۰:۹-۰۰:۹
***** ***** *****
::::: سرخیاں::::::
سب سے پہلے خاص خبروں کی سرخیاں:
٭ پارلیمانی انتخابات کےپہلے مرحلے کا نوٹیفکیشن جا ری؛ ریاست کے پا نچ انتخابی حلقے بھی شامل۔
٭ ملک بھر کے سبھی انکم ٹیکس دفاتر آئندہ 29 تا 31 مارچ تک تعطیلات کے دِن بھی کھلے رہیں گے۔
٭ رائے دہی فیصد میں اضافے او ر رائے دہند گان میں بیداری کیلئے خو اتین پہل کریں: چھترپتی سمبھاجی نگر کے ضلع کلکٹر دلیپ سوامی کی اپیل۔
اور۔۔ ٭ ہنگولی ‘ ناند یڑ او ر پربھنی ضلعے میں آج صبح زلزلے کے جھٹکے محسوس کیے گئے۔
***** ***** *****
اب خبریں تفصیل سے:
پارلیمنٹ کے عام انتخابات کے پہلے مرحلے کا نوٹیفکیشن کل جاری کیا گیا۔ اس مرحلے میںودربھ کے رام ٹیک، ناگپور، بھنڈارا-گوندیا، گڈچرولی-چیمور، اور چندر پور پارلیمانی حلقہ جات سمیت 17 ریاستوں اور چار مرکز کے زیر انتظام علاقوں کے 102 حلقے شامل ہیں۔ ان تمام حلقوں میں 27 مارچ تک پرچہ نامزدگی داخل کیے جاسکتے ہیں، جبکہ 28 اپریل کو امیدواری عریضوں کی جانچ کی جائےگی ا ور 19 اپریل کو را ئے دہی ہوگی۔ ناگپور پارلیمانی حلقہ انتخاب کیلئے کل پہلے دن ایک امیدو اری عریضہ داخل کیے جانے کی اطلاع ہمارے نمائندے نے دی ہے۔
***** ***** *****
کانگریس قائد راہل گاندھی پر ممبئی میں ایک جلسے میں لفظ شکتی کے بارے میں بیان دیکر مذہبی جذبات کو ٹھیس پہنچانے کا الزام بھارتیہ جنتا پارٹی نے عائد کیا ہے ۔ اس سلسلے میں بی جے پی نے انتخابی کمیشن میں شکایت درج کرکے راہل گاندھی سےعوام سے بلاشرط معافی مانگنے اور مستقبل میں مذہبی دل آزاری پر مبنی بیانات نہ د ینے کی یقین دہا نی کروانے کا مطالبہ کیا ہے۔
***** ***** *****
انتخابی کمیشن نے کرناٹک کے چیف انتخابی افسر کو مرکزی وزیر شوبھا کرندلاجے کے متنازعہ بیان کے سلسلے میں ضروری کارروائی کرنے کی ہدایت دی ہے۔ دراوڑ منیترا کڑگھم (DMK)پارٹی نے مرکزی وزیر کرندلاجے پر تمل ناڈو سے متعلق قابل اعتراض تبصرہ کرنے کی شکایت انتخابی کمیشن میں درج کرائی تھی۔
دریں اثنا انتخابی کمیشن نے تمام ریاستوں کو ملک بھر سے سیاسی بینرس ہٹانے کی ہدایت دی ہے۔ ملک بھر میں کئی مقامات پر اب بھی سیاسی بینرس آویزاں ہونے کی شکایات موصول ہونے کے بعد کمیشن نے یہ ہدایت جاری کی۔
***** ***** *****
ملک بھر کے تمام انکم ٹیکس دفاترآئندہ 29، 30 اور 31 مارچ کو تعطیل کے دِن بھی کھلے رہیں گے۔ سینٹرل بورڈ آف ڈائریکٹ ٹیکس نے کل یہ ہدایات جاری کیں۔ دریں اثناء رواں مالی سال میں براہ راست ٹیکس وصولیوں میں 18 اعشاریہ 74 فیصد کا اضافہ ہوا ہے۔ وزارت خزانہ کی اطلاع کے مطابق2022-23 کے مقابلےرواں مالی سال براہ راست ٹیکس وصولی 18 لاکھ 75 ہزار کروڑ روپے سے بڑھ کر 22 لاکھ 27 ہزار کروڑ روپے تک پہنچ گئی ہے۔
***** ***** *****
بی جے پی رہنما او ر نائب وزیرِ اعلیٰ دیو یندر پھڑنویس نے کہا ہے کہ امراوتی پا رلیمانی حلقے سے جو بھی امید وار ہوگا وہ بی جے پی کے انتخابی نشان پر ہی انتخاب لڑے گا۔ پھڑنویس‘ کل اکولہ میں انتخابات کے پیش نظر انتظامات کا جائزہ لینے کے بعد نامہ نگاروں سے مخاطب تھے۔ اس موقع پر پارٹی کے ریاستی صدر چندر شیکھر باونکولے بھی موجود تھے۔
***** ***** *****
راشٹروادی کانگریس پارٹی کے ریاستی صدر و رکنِ پارلیمان سنیل تٹکرے نے بتایا ہےکہ مہایوتی یعنی (عظیم اتحاد) میں پارلیمانی نشستوں کی تقسیم سے متعلق بات چیت آئندہ ایک دو دن میں مکمل ہو جائے گی، اور جمعہ یا ہفتے کو پارلیمنٹ کی 48 نشستوں کی تقسیم کو حتمی شکل دے دی جائےگی۔ تٹکرے کل ممبئی میں میڈیا نمائندو ںسے گفتگو کر رہے تھے۔ انھوں نے کہا کہ زیادہ سے زیادہ نشستیں جیتنے کیلئے ہم ہر بات پر غور وخوض کر رہے ہیں اور اسی وجہ سے نشستوں کی تقسیم میں ایک دو دن کی تاخیر ہو رہی ہے۔
***** ***** *****
شیوسینا ادھو بالاصاحب ٹھاکرے پارٹی کے سربراہ ادھو ٹھاکرے نے کل بلڈانہ ضلعے کے سندھ کھیڑراجا اور مہکر میں عوامی جلسوں سے خطاب کیا۔ انھوں نے غیر موسمی بارش اور ژالہ باری سے متاثرہ کسانوں کو اب تک معاوضہ نہ ملنے کے معاملے پر مرکزی اور ریاستی حکومت کو تنقید کا نشانہ بنایا۔
***** ***** *****
شیوسینا ادھو بالاصاحب ٹھاکرے پارٹی کے ترجمان اور رکنِ پا رلیمان سنجے راوت نے کہا ہے کہ ان کا موقف ہے کہ ونچیت بہوجن اگھاڑی اور سوابھیمانی شیتکری سنگھٹنا مہاوکاس اگھاڑی میں شامل ہوں۔ ر ائوت کل چھترپتی سمبھاجی نگر میں صحافیوں سے بات کر رہے تھے۔ انھوں نے واضح کیا کہ اس سلسلے میں مثبت بات چیت ہوئی ہے، اور کوئی بھی اڑیل موقف نہیں رکھتا، لہٰذا آئندہ ایک دو دنوں میں اس سے متعلق فیصلہ ہونے کا یقین انھوں نے ظاہر کیا۔
***** ***** *****
بھوشن گگرانی کو برہن ممبئی میونسپل کارپوریشن کا کمشنر مقرر کیا گیا ہے۔اسی طرح سوربھ راؤ کو تھانےکا میونسپل کمشنر اور کیلاس شندے کو نئی ممبئی کا میونسپل کمشنر مقرر کیا گیا ہے۔ انتخابی کمیشن نے کل یہ اعلان کیا۔ نئے کمشنروں پر کوئی بھی اضافی ذِمہ داری نہیں ہوگی۔
***** ***** *****
ہنگولی اور ناندیڑ اضلاع میں آج صبح زلزلے کے جھٹکے محسوس کیے گئے۔ہنگولی ضلع کےبسمت، کلمنوری اور اونڈھا ناگناتھ تعلقہ کے کئی د یہاتوں میں صبح چھ بجکر سات منٹ اور چھ بجکر 19 منٹ پر زلزلے کے جھٹکے محسوس کیے گئے۔ زمین سے تیز آوازیں آنے کے بعد زمین ہلنے لگی جس سے شہری خوف کے مارے گھروں سے باہر نکل آئے۔ ہنگولی کے شعبۂ ہنگامی حالات کے ذرائع کے مطابق ریختر اسکیل پر پہلا جھٹکا چار اعشاریہ پانچ ‘جبکہ دوسرا جھٹکا تین اعشاریہ چھ شدت کا درج کیا گیا۔اکھاڑہ بالاپور کے علاوہ ناندیڑ شہر اور ضلع کے کچھ حصوں میں بھی جھٹکے محسوس کیے گئے۔ ناندیڑ شہر میں آج صبح چھ بجکر دس منٹ پر زمین کے اندر سے آواز کے ساتھ زلزلے کے جھٹکے محسوس کیے گئے۔ اسی طرح ہنگولی ضلع میں زلزلے کے مرکز سے 60 کلومیٹر کے فاصلے پر بھی جھٹکے محسوس کیے گئے‘ پربھنی ضلع کے بھی متعدد مقامات پر زلزلے کے جھٹکے محسوس ہوئے‘ جس سے مکانات کی دیو ارو ں میں دراڑیں پڑگئیں۔تاہم ان میں کسی جانی نقصان ہونے کی اطلاع نہیں ہے۔
***** ***** *****
ر ائے دہی فیصد میں اضافے او ر ر ائے دہند گان میں بیداری کیلئے خو اتین پہل کریں۔ چھترپتی سمبھاجی نگر کے ضلع کلکٹر دلیپ سوامی نے یہ مشو رہ دیا ہے ۔ وہ گزشتہ روز پیٹھن میں خواتین رائے دہندگان کے اجتماع سے خطاب کر رہے تھے۔
اس دوران ضلع کلکٹر دلیپ سوامی نے کل پیٹھن میں انتخابی تیاریوں اور 31 مارچ کو ہونے والی ناتھ ششٹھی یاترا کی تیاریوں کا بھی جائزہ لیا۔ انھوں نے ناتھ ششٹھی یاترا میں آنے والے عقیدت مندو ں کیلئے صفائی، نظم و ضبط اور سہولیات فراہمی پر توجہ دینے کی انتظامیہ کو ہد ایت کی۔
***** ***** *****
ناندیڑ کے ضلع کلکٹر ابھیجیت رائوت نے تمام سیاسی پارٹیوں اور آزاد امیدوار وں کوانتخابی اخراجات کیلئے ایک نیا بینک اکاؤنٹ کھولنے اور انتخابی کمیشن کی ہدایات کے مطابق اسی اکاؤنٹ سے خرچ کرنے کی ہدایت دی ہے۔ وہ گزشتہ روز منعقدہ بینک مینیجرز کے اجلاس سے خطاب کر رہے تھے۔
دریں اثنا، ناندیڑ ضلعے میں پولس انتظامیہ کی جانچ کارروائی کے دوران 49 تلواریں، 94 خنجر، سات گپتیوںسمیت تقریباً ڈیڑھ لاکھ روپے مالیت کی اشیا ضبط کی گئیں۔ اس معاملے میں ایک ملزم کو گرفتار کیا گیا ہے۔ ضلع میں گزشتہ چار دنوں کے دوران 44 لاکھ روپے کی نقد رقم، سات لاکھ روپے کی شراب اور 16 لاکھ روپے کا دیگر سازو سامان ضبط کیا گیا۔
***** ***** *****
پارلیمانی انتخابات کے پیشِ نظر کل لاتور ضلع کے عہدیداروں اور ریاست کرناٹک کے بیدر ضلع انتظامیہ کا ایک مشترکہ اجلاس منعقد ہوا۔ لاتور ضلع کلکٹر دفتر میںمنعقدہ اس باہمی اجلاس میں ضلع کلکٹر ورشا ٹھاکر-گھوگے، پولس سپرنٹنڈنٹ سومئے منڈے اور دیگر افسران موجود تھے۔
***** ***** *****
چودار تلے ستیہ گرہ کے 97 ویں یومِ تاسیس کے موقع پر بھارت رَتن ڈاکٹر بابا صاحب امبیڈکر کو کل ر ائے گڑھ ضلعے کے مہاڑ میں ملک بھر سے آئے پیروکا رو ں نے خرا جِ عقیدت پیش کیا۔ کل صبح ر ائے گڑھ پولس کی جانب سے بابا صاحب کو خراجِ عقیدت پیش کیا گیا۔
وزیرِ اعلیٰ ا یکنا تھ شندے نے بھی اس موقعے پر بابا صاحب کو خر اجِ عقیدت پیش کیا۔
***** ***** *****
چڑیوں کا عالمی دِن کل منایا گیا۔ چھترپتی سمبھاجی نگر انوائرمینٹل ا یجوکیشن فائونڈیشن کی جانب سے ماحولیات کی جانچ کرنے ا یکزوتھرم لیب کے تعاون سے اسکولی طلبہ کو گھونسلوں کی تقسیم کا پروگرام منعقد ہوا۔
چڑیوں کے عالمی دِن کے موقعے پر لاتور میں درختوں پر رکھے گئے گملوں میں ضلع کلکٹر ورشا ٹھاکر گھوگے کے ہاتھوں پرندوں کیلئے د انہ پانی رکھنے کی مہم شرو ع کی گئی۔
***** ***** *****
بیڑ ضلعے سے باہر مویشیوں کے چارے کی حمل و نقل پر ضلع انتظامیہ نے رو ک لگادی ہے۔ ضلع کلکٹر دیپا مدھوڑ منڈے نے کل اس سے متعلق احکامات جا ری کیے۔ ضلعے میں فی الحال 43 دِن کا ہی چارہ باقی بچا ہے اور چارے کی ممکنہ قلّت کے پیشِ نظر یہ احکامات جار ی کیے گئے ہیں۔
***** ***** *****
::::: سرخیاں::::::
آخرمیں اس بلیٹن کی خاص خبریں ایک بار پھر:
٭ پارلیمانی انتخابات کےپہلے مرحلے کا نوٹیفکیشن جا ری؛ ریاست کے پا نچ انتخابی حلقے بھی شامل۔
٭ ملک بھر کے سبھی انکم ٹیکس دفاتر آئندہ 29 تا 31 مارچ تک تعطیلات کے دِن بھی کھلے رہیں گے۔
٭ رائے دہی فیصد میں اضافے او ر رائے دہند گان میں بیداری کیلئے خو اتین پہل کریں: چھترپتی سمبھاجی نگر کے ضلع کلکٹر دلیپ سوامی کی اپیل۔
اور۔۔ ٭ ہنگولی ‘ ناند یڑ او ر پربھنی ضلعے میں آج صبح زلزلے کے جھٹکے محسوس کیے گئے۔
***** ***** *****
اس کے ساتھ ہی علاقائی خبریں ختم ہوئیں۔
ان خبروں کو آپ AIR چھترپتی سمبھاجی نگر یوٹیوب چینل‘ پر دوبارہ کسی بھی وقت سن سکتے ہیں۔
***** ***** *****
No comments:
Post a Comment