आकाशवाणी मुंबई – दिनांक 31.01.2026 रोजीचे रात्री 08.05 वाजेचे मराठी राष्ट्रीय बातमीपत्र

आकाशवाणी मुंबई – दिनांक 31.01.2026 रोजीचा वृत्तविशेष कार्यक्रम

आकाशवाणी मुंबई – दिनांक 31.01.2026 रोजीचे सायंकाळी 07.00 वाजेचे मराठी बातमीपत्र

Text-आकाशवाणी छत्रपती संभाजीनगर - दिनांक 31.01.2026 रोजीचे सायंकाळी 06.10 वाजेचे मराठी बातमीपत्र

 

Regional Marathi Text Bulletin, Chhatrapati Sambhajinagar

Date – 31 January 2026

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ३१ जानेवारी २०२६ सायंकाळी ६.१०

****

·      राज्याच्या पहिल्या महिला उपमुख्यमंत्री म्हणून सुनेत्रा अजित पवार यांच्याकडून शपथग्रहण

·      आगामी आर्थिक वर्षाचा केंद्रीय अर्थसंकल्प उद्या संसदेत सादर होणार

·      देशामध्ये आणखी दोन नव्या पाणथळ जागांना ‘रामसर ’स्थळांचा दर्जा

आणि

·      भारत-न्यूझीलंड टी-ट्वेंटी क्रिकेट मालिकेत आज अखेरचा सामना

****

राज्याच्या, पहिल्या महिला उपमुख्यमंत्री म्हणून सुनेत्रा अजित पवार यांनी आज शपथ घेतली. मुंबईत लोकभवनात राज्यपाल आचार्य देवव्रत यांनी सुनेत्रा पवार यांना पद आणि गोपनीयतेची शपथ दिली.

बाईट – उपमुख्यमंत्री सुनेत्रा अजित पवार

लोकभवनात अत्यंत साधेपणानं पार पडलेल्या या शपथग्रहण कार्यक्रमाला मुख्यमंत्री देवेंद्र फडणवीस, उपमुख्यमंत्री एकनाथ शिंदे यांच्यासह राज्यमंत्रिमंडळातले मान्यवर सदस्य उपस्थित होते.

महाराष्ट्राच्या पहिल्या महिला उपमुख्यमंत्री झाल्याबद्दल पंतप्रधान नरेंद्र मोदी यांनी सुनेत्रा पवार यांना शुभेच्छा दिल्या आहेत. सुनेत्रा पवार, जनतेच्या कल्याणासाठी अथक परिश्रम करतील आणि दिवंगत अजितदादा पवार यांची स्वप्न पूर्ण करतील, असा विश्वास पंतप्रधानांनी आपल्या सामाजिक माध्यमावरील संदेशात व्यक्त केला आहे.

 

दरम्यान, या शपथविधीपूर्वी राष्ट्रवादी काँग्रेसच्या विधिमंडळ पक्षाची आज मुंबईत बैठक झाली. अजित पवार यांच्या निधनामुळं रिक्त झालेल्या विधीमंडळ पक्षनेतेपदी खासदार सुनेत्रा पवार यांची निवड एकमताने झाली. दिलीप वळसे पाटील यांनी सुनेत्रा पवार यांच्या नावाचा प्रस्ताव मांडला तर छगन भुजबळ यांनी त्याला अनुमोदन दिलं. या बैठकीनंतर राष्ट्रवादी काँग्रेसच्या ज्येष्ठ नेत्यांनी, मुख्यमंत्री देवेंद्र फडणवीस यांची भेट घेतली, आणि पक्षाने केलेल्या ठरावाची माहिती दिली. त्यानंतर सुनेत्रा पवार यांच्या शपथविधीची प्रक्रिया सुरू झाल्याचं, याबाबतच्या वृत्तात म्हटलं आहे.

 

दरम्यान, सुनेत्रा पवार यांना उपमुख्यमंत्रिपद देण्याचा निर्णय घाईगडबडीने होत असल्याची प्रतिक्रिया, ज्येष्ठ नेते खासदार शरद पवार यांनी व्यक्त केली आहे. ते बारामती इथं वार्ताहरांशी बोलत होते. राष्ट्रवादी काँग्रेस शरदचंद्र पवार पक्षाच्या नेत्यांची आज बारामती इथं बैठक होत आहे.

****

माजी मंत्री पद्मसिंह पाटील यांच्या भगिनी असलेल्या सुनेत्रा पवार यांचा जन्म १८ ऑक्टोबर १९६३ रोजी तत्कालीन उस्मानाबाद जिल्ह्यात तेर इथं झाला. छत्रपती संभाजीनगरच्या सरस्वती कला आणि वाणिज्य महाविद्यालयातून त्यांनी पदवीचं शिक्षण पूर्ण केलं. सरस्वती भुवन शिक्षण संस्थेच्या सहसचिव डॉ रश्मी बोरीकर यांनी, सुनेत्रा पवार या राज्याच्या पहिल्या महिला उपमुख्यमंत्री झाल्याबद्दल अभिमान व्यक्त करत, या पदावर कार्य करून सुनेत्रा पवार, महाराष्ट्राच्या राजकीय पटलावर छाप पाडतील असा विश्वास व्यक्त केला. त्या म्हणाल्या…

बाईट – सरस्वती भुवन शिक्षण संस्थेच्या सहसचिव डॉ रश्मी बोरीकर

 

दरम्यान, सरस्वती भुवन शिक्षण संस्थेतर्फे आज दिवंगत उपमुख्यमंत्री अजित पवार यांना श्रद्धांजली अर्पण करण्यात आली. संस्थेचे पदाधिकारी, प्राध्यापक तसंच कर्मचारी वृंदाने अजित पवार यांच्या स्मृतींना अभिवादन केलं.

****

भारतीय पोलीस सेवेतल्या वरिष्ठ अधिकाऱ्यांना केंद्र सरकारची दोन वर्ष सेवा अनिवार्य करण्यात आली आहे. पोलीस अधीक्षक आणि उपमहानिरीक्षक पदासाठी २०११ च्या तुकडीपासून अर्हताप्राप्त अधिकाऱ्यांना हा नियम लागू होणार आहे

****

आगामी आर्थिक वर्षाचा केंद्रीय अर्थसंकल्प उद्या संसदेत सादर होणार आहे. अर्थमंत्री निर्मला सीतारामन लोकसभेत सलग नवव्यांदा हा अर्थसंकल्प सादर करतील. यावेळी देशभरातल्या विविध महाविद्यालयांच्या तीस विद्यार्थ्यांना लोकसभेच्या प्रेक्षक दीर्घेत बसून ही प्रक्रिया पाहता येणार आहे. त्यानंतर हे विद्यार्थी अर्थ मंत्रालयाला भेट देऊन, मंत्रालयातल्या कामकाजाची प्रक्रिया जाणून घेणार आहेत.

****

देशामध्ये आणखी दोन नव्या पाणथळ जागांना ‘रामसर ’स्थळांचा दर्जा मिळाला आहे. केंद्रीय पर्यावरण मंत्री भूपेंद्र यादव यांनी ही घोषणा केली. उत्तर प्रदेशातल्या एटा जिल्ह्यातलं ‘पाटणा पक्षी अभयारण्य’ आणि गुजरातच्या कच्छ जिल्ह्यात ‘छारी-धांड’ ही ठिकाणं रामसर क्षेत्रात समाविष्ट झाली आहेत. २०१४ मध्ये अशा पाणथळ जागा फक्त २६ होत्या, ही संख्या आता ९८ पर्यंत पोहोचल्याचं यादव यांनी सांगितलं आहे.

****

संत निवृत्तीनाथ महाराजांनी अध्यात्म हे फक्त ग्रंथांपुरतं मर्यादित न ठेवता प्रत्यक्ष आचरणातून समाजासमोर ठेवलं, असं प्रतिपादन केंद्रीय सांस्कृतिक आणि पर्यटनमंत्री गजेंद्रसिंह शेखावत यांनी केलं आहे. ते आज नाशिक जिल्ह्यात त्र्यंबकेश्वर इथं संत श्री निवृत्तीनाथ महाराज समाधी परिसरातील प्रशासकीय इमारत आणि दर्शनबारी मंडप लोकार्पण कार्यक्रमात बोलत होते. केंद्र पुरस्कृत प्रसाद योजनेंतर्गत तीर्थक्षेत्रांमध्ये येणाऱ्या भाविक आणि पर्यटकांना चांगल्या सुविधा देऊन त्या ठिकाणांचा शाश्वत विकास करण्यात येत असल्याचं शेखावत यांनी सांगितलं.

****

देशभरात २५ कोटींहून अधिक शेतकऱ्यांना मृदा आरोग्य कार्डांचं वाटप करण्यात आलं आहे. कृषी मंत्रालयाकडून आज ही माहिती देण्यात आली. गेल्या वर्षी जुलैपर्यंत, या योजनेअंतर्गत ९३ हजारांहून अधिक शेतकरी प्रशिक्षण कार्यक्रम, ६ लाखांहून अधिक थेट प्रात्यक्षिकं आणि हजारो जनजागृती मोहिमा राबवण्यात आल्या. मृदा आरोग्य कार्ड दर दोन वर्षांनी जारी केली जातात. त्याद्वारे शेतकऱ्यांना त्यांच्या मातीतली पोषक तत्वांची स्थिती आणि भौतिक-रासायनिक परिस्थितीची व्यापक माहिती दिली जाते.

****

जळगाव महानगरपालिकेच्या महापौर आणि उपमहापौरपदासाठी प्रत्येकी सहा असे १२ अर्ज भाजपनं भरले आहेत. शिवसेनेकडूनही दोन्ही पदांसाठी प्रत्येकी दोन असे चार अर्ज आले आहेत. जळगाव महापालिकेची विशेष महासभा ६ फेब्रुवारीला होत आहे.

**

सोलापूर महानगरपालिकेत भारतीय जनता पार्टीच्या गटनेतेपदी नरेंद्र काळे यांची सर्वानुमते निवड करण्यात आली आहे. नुकत्याच झालेल्या महापालिका निवडणुकीत सोलापुरात भाजपाला ८७ जागा मिळाल्या आहेत.

****

छत्रपती संभाजीनगर जिल्ह्यात आपदा मित्र प्रशिक्षण कार्यक्रम राबवण्यात येणार आहे. हा १२ दिवसीय प्रशिक्षण कार्यक्रम निवासी स्वरुपाचा आहे. जिल्हा आपत्ती व्यवस्थापन प्राधिकरणाच्या वतीने इच्छुक स्वयंसेवकांच्या तुकड्या १२ फेब्रुवारी रोजी रायगड जिल्ह्यात कोलाड इथं पाठवण्यात येणार आहेत. इच्छुकांनी आपले अर्ज जिल्हाधिकारी कार्यालयात १० फेब्रुवारी पर्यंत जमा करावे, असं आवाहन जिल्हा आपत्ती व्यवस्थापन प्राधिकरणाच्या मुख्य कार्यकारी अधिकाऱ्यांनी केलं आहे.

****

सोलापूर विद्यापीठातर्फे येत्या ३ ते ९ फेब्रुवारीदरम्यान राज्यस्तरीय आंतरविद्यापीठ कर्मचारी कुलगुरू टी-२० क्रिकेट स्पर्धा घेण्यात येणार आहेत. पुण्यश्लोक अहिल्यादेवी होळकर त्रिशताब्दी जयंती वर्षानिमित्त या स्पर्धेचं आयोजन करण्यात येत असल्याचं, विद्यापीठाकडून सांगण्यात आलं आहे.

****

भारत आणि न्यूझीलंड दरम्यान ट्वेंटी ट्वेंटी क्रिकेट मालिकेतला पाचवा आणि अंतिम सामना आज तिरुवनंतपुरम इथं होणार आहे. सायंकाळी ७ वाजता सामना सुरु होणार आहे. भारताने या मालिकेत तीन-एक अशी विजयी आघाडी घेतलेली आहे.

****

आकाशवाणी छत्रपती संभाजीनगर - दिनांक 31.01.2026 रोजीचे सायंकाळी 06.10 वाजेचे मराठी बातमीपत्र

आकाशवाणी मुंबई - दिनांक 31.01.2026 रोजीचे दुपारी 03.00 वाजेचे प्रादेशिक बातमीपत्र

آکاشوانی‘خبریں‘ تاریخ : 31.01.2026 ‘وقت: دوپہر 01.50

आकाशवाणी मुंबई – दिनांक 31.01.2026 रोजीचे दुपारी 01.30 वाजेचे राष्ट्रीय मराठी बातमीपत्र

Text - आकाशवाणी छत्रपती संभाजीनगर - दिनांक 31.01.2026 रोजीचे दुपारी 01.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date - 31 January 2026

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३१ जानेवारी २०२६ दुपारी १.०० वा.

****

राष्ट्रवादी काँग्रेस विधिमंडळ पक्षाची बैठक काही वेळात होणार आहे. त्यात विधीमंडळ पक्षनेत्याची निवड होईल, अशी माहिती पक्षाचे ज्येष्ठ नेते छगन भुजबळ यांनी दिली आहे. या बैठकीत विधिमंडळ पक्ष नेता निवडीचा निर्णय झाल्यास तातडीनं शपथविधी होण्याची शक्यताही त्यांनी व्यक्त केली. दरम्यान, महाराष्ट्राच्या उपमुख्यमंत्री म्हणून राष्ट्रवादी काँग्रेस पक्षाच्या नेत्या सुनेत्रा पवार यांच्या शपथविधीबद्दल आपणास कोणतीही माहिती नसल्याचं राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी म्हटलं आहे.

बारामती इथं पत्रकार परिषदेत ते बोलत होते. आज शपथविधी सोहळा होणार असल्याबाबत आपल्यासोबत कोणतीही चर्चा झाली नव्हती. सत्ताधारी राष्ट्रवादी काँग्रेसच्या पक्षाचा निर्णय झाला असावा असं ते म्हणाले. राष्ट्रवादी काँग्रेसच्या दोन्ही गटांच्या विलीनीकरणाचा निर्णय १२ फेब्रुवारी रोजी जाहीर होणार होता. असंही शरद पवार म्हणाले.

****

२०२४-२०२५ या वर्षात भारताची युरोपियन युनियनला होणारी वस्तूंची निर्यात ७५ पुर्णांक ८५ अब्ज डॉलर्सवर पोहोचली आहे. ही निर्यात २०२०-२१ या काळात ४१ पुर्णांक ३६ अब्ज डॉलर्स इतकी होती. अभियांत्रिकी वस्तू, रत्नं, औषधं आणि रसायनांमुळे ही निर्यात वाढल्याचं याबाबतच्या वृत्तात म्हटलं आहे.

****

भारतात निपाह या रोगाचा प्रसार होण्याचा धोका नगण्य असल्याचं जागतिक आरोग्य संघटनेनं स्पष्ट केलं आहे. हा धोका कमी असल्यामुळे भारतात प्रवास किंवा व्यापारावर प्रतिबंध घालण्याची आवश्यकता नसल्याचंही संघटनेनं म्हटलं आहे. पश्चिम बंगालमध्ये दोन जणांना निपाह या रोगाचं संक्रमण झाल्याचं आढळल्याच्या पार्श्वभूमीवर जागतिक आरोग्य संघटनेने ही प्रतिक्रिया दिली आहे.  भारतीय आरोग्य अधिकाऱ्यांसमवेत जागतिक आरोग्य संघटना यावर काम करत असून निपाहचा प्रसार मानवाकडून मानवाकडे होत असल्याचा कोणताही पुरावा अद्याप मिळाला नसल्याचं संघटनेनं स्पष्ट केलं आहे.

निपाह हा रोग पशुजन्य असून वटवाघुळांच्या माध्यमातून माणसाला होऊ शकतो आणि खराब झालेल्या अन्नाच्या माध्यमातून याचा प्रसार होतो.

****

भारतीय रेल्वेने काल आपल्या रेल्वेजाळ्याच्या तीन भागात कवच या सुरक्षा प्रणालीच्या चौथ्या टप्प्यातल्या ४७२ किलोमीटर लांबीच्या मार्गाचा प्रारंभ केला. यात पश्चिम रेल्वे विभागातील ३४४ किलोमीटरचा वडोदरा ते विरार, उत्तर विभागातील ३५ किलोमीटरचा तुगलकाबाद जंकशन ते पलवल आणि पूर्व मध्य विभागातील ९३ किलोमीटरहून अधिक लांबीचा मानपूर ते सरमतनार या रेल्वेमार्गांचा समावेश आहे. १ महिना आणि १ दिवसात कवच प्रणाली स्थापित करण्यात आलेला हा आतापर्यंतचा सर्वात मोठा लोहमार्ग आहे. या प्रणालीमुळे भारतीय रेल्वेच्या पाच मार्गांवर एकूण सुमारे १ हजार ३०० किलोमीटरच्या रेल्वेमार्गांवर कवच सुरक्षा प्रणाली कार्यान्वित झाली आहे.

****

उत्तर प्रदेशातील एटा इथल्या पाटणा पक्षी अभयारण्य आणि गुजरातमधील कच्छमधील छारी-धांड यांना रामसर स्थळं म्हणून घोषित करण्यात आले आहे. या दोन्ही ठिकाणी शेकडो स्थलांतरित आणि स्थानिक पक्षी प्रजातींसह चिंकारा, लांडगे, वाळवंटी मांजर, वाळवंटी कोल्हा तसंच दुर्मिळ पक्ष्यांचा अधिवास आहे. २०१४ मधील २६ वरून आज ९८ पर्यंत भारताच्या रामसर स्थळांची संख्या वाढली असून ही वाढ २७६ टक्क्यांपेक्षा अधिक आहे.

दरम्यान, ही दोन स्थळं रामसर स्थळं म्हणून घोषित झाल्याचा आनंद असून जैवविविधतेचं रक्षण आणि महत्त्वाच्या परिसंस्थांचं संरक्षण करण्याच्या आमच्या वचनबद्धतेला ही मान्यता पाठबळ देत असल्याचं पंतप्रधान नरेंद्र मोदी यांनी सामाजिक माध्यमावरील आपल्या संदेशात म्हटलं आहे.

****

देशभरात आतापर्यंत २५ कोटींहून अधिक शेतकऱ्यांना मृदा आरोग्य कार्डांचं वितरण करण्यात आलं आहे. मातीचं आरोग्य आणि दर्जा राखण्याच्या उद्देशानं केंद्रशासनानं मृदा आरोग्य कार्ड योजना २०१५ मध्ये सुरु केली. गेल्या वर्षी २०२५ मध्ये  देशभरात या योजनेच्या जनजागृतीसाठी ९३ हजारांहून अधिक शेतकरी प्रशिक्षण आणि सहा लाखांहून अधिक प्रत्यक्ष बांधांवर प्रात्यक्षिक कार्यक्रम घेण्यात आले, त्याचा चांगला परिणाम दिसून आल्याचं कृषी विभागानं म्हटलं आहे.

या योजनेअंतर्गत प्रत्येक दोन वर्षांनंतर मातीचं परीक्षण करुन शेतकऱ्यांना मृदा आरोग्य कार्डच्या माध्यमातून त्यांच्या शेतातील मातीचा दर्जा आणि पोषकता याबाबत माहिती दिली जाते.

****

भारत आणि न्यूझीलंड दरम्यानच्या टी-ट्वेंटी क्रिकेट मालिकेतील पाचवा आणि अंतिम सामना आज संध्याकाळी सात वाजता तिरुअनंतपुरम इथं खेळला जाईल. भारताने यापुर्वीच मालिकेत विजयी आघाडी घेतली आहे.

दरम्यान येत्या सात फेब्रुवारीपासून टी ट्वेंटी विश्वचषक स्पर्धेला सुरुवात होणार आहे.

****

Audio - आकाशवाणी छत्रपती संभाजीनगर - दिनांक 31.01.2026 रोजीचे दुपारी 01.00 वाजेचे मराठी बातमीपत्र

Text - आकाशवाणी छत्रपती संभाजीनगर – दिनांक 31.01.2026 रोजीचे सकाळी 11.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date 31 January 2026

Time 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३१ जानेवारी २०२६ सकाळी ११.०० वाजता

****

आगामी आर्थिक वर्षाचा केंद्रीय अर्थसंकल्प उद्या संसदेत सादर होणार आहे. अर्थमंत्री निर्मला सीतारामन लोकसभेत सलग नवव्यांदा हा अर्थसंकल्प सादर करतील. यावेळी देशभरातल्या विविध महाविद्यालयांच्या तीस विद्यार्थ्यांना लोकसभेच्या प्रेक्षक दीर्घेत बसून ही प्रक्रिया पाहता येणार आहे. त्यानंतर हे विद्यार्थी अर्थ मंत्रालयाला भेट देऊन, मंत्रालयातल्या कामकाजाची प्रक्रिया जाणून घेणार आहेत.

****

राष्ट्रवादी काँग्रेसनं आज विधिमंडळ पक्षाची बैठक बोलावली आहे. त्यात विधीमंडळ पक्षनेत्याची निवड होईल, अशी माहिती पक्षाचे ज्येष्ठ नेते छगन भुजबळ यांनी दिली आहे. या बैठकीत विधिमंडळ पक्ष नेता निवडीचा निर्णय झाला, तर तातडीनं शपथविधी होण्याची शक्यताही त्यांनी व्यक्त केली. विधिमंडळ नेतेपदी सुनेत्रा पवार यांची निवड व्हावी, अशी अनेकांची भावना असून, ही मागणी रास्त असल्याचं छगन भुजबळ यांनी सांगितलं. उपमुख्यमंत्रिपदाविषयी सुनेत्रा पवार यांच्याशी चर्चा करून निर्णय घेऊ, असं राष्ट्रवादीचे प्रदेशाध्यक्ष सुनील तटकरे यांनी म्हटलं आहे. तर याबाबत पक्षाच्या सर्व आमदारांना बोलावून त्यांच्याशी चर्चा करून, जनभावनेचा आदर करून आम्हाला निर्णय घ्यायचा आहे, तो लवकरच घेऊ, हे आम्ही मुख्यमंत्र्यांना सांगितलं, अशी माहिती प्रफुल्ल पटेल यांनी दिली.

दरम्यान, उपमुख्यमंत्रीपद आणि विधीमंडळ नेत्याबाबत राष्ट्रवादी काँग्रेस पक्ष जो निर्णय घेईल त्याला आपला पाठिंबा असल्याचं मुख्यमंत्री देवेंद्र फडणवीस यांनी काल नागपूर इथे प्रसारमाध्यमांशी बोलताना सांगितलं.

****

राज्याच्या गृहविभागाच्या अपर मुख्य सचिवपदी मनिषा पाटणकर-म्हैसकर यांची नियुक्ती करण्यात आली आहे. आय. एस. चहल यांच्या सेवानिवृत्तीमुळे हे पद रिक्त होत आहे. चहल यांच्या निवृत्तीनंतर मनिषा पाटणकर-म्हैसकर हा पदभार स्वीकारतील. मनिषा म्हैसकर सध्या सार्वजनिक बांधकाम विभागाच्या अपर मुख्य सचिव आहेत. त्यांच्या जागी मिलिंद म्हैसकर यांच्या नियुक्तीचा आदेश जारी करण्यात आला आहे.

****

पुणे महानगरपालिकेत भारतीय जनता पक्षाच्या गटनेतेपदी गणेश बिडकर यांची निवड करण्यात आली आहे. महापौर निवडीनंतर, बिडकर सभागृहनेते होतील. काँग्रेसच्या गटनेतेपदी नगरसेवक विधिज्ज्ञ रामचंद्र कदम यांची निवड करण्यात आली आहे. पुणे महापालिकेची महापौर आणि उपमहापौरपदाची निवडणूक येत्या नऊ फेब्रुवारी रोजी होणार असून यासाठी तीन फेब्रुवारीला उमेदवारी अर्ज दाखल करण्यात येतील.

****

महानगरपालिका आणि नगरपालिकांच्या निवडणुकीत काँग्रेसला चांगले यश मिळालं असून आता आगामी जिल्हा परिषद आणि पंचायत समिती निवडणुकीतही काँग्रेसला चांगलं यश मिळेल, असा विश्वास महाराष्ट्र प्रदेश काँग्रेस कमिटीचे अध्यक्ष हर्षवर्धन सपकाळ यांनी व्यक्त केला आहे.

जिल्हा परिषद निवडणुकीच्या प्रचारासाठी धाराशिवच्या दौऱ्यावर असताना पत्रकारांशी काल ते बोलत होते. जनतेने मोठा विश्वास दाखवत काँग्रेसला राज्यातील सर्वात मोठा विरोधी पक्ष बनवलं. नगरपालिकेत ४१ नगराध्यक्ष, १००६ नगरसेवक तर महानगरपालिकेत ३५० नगरसेवर निवडून दिले असल्याचं सपकाळ म्हणाले. तीन महानगरपालिकेत काँग्रेस पक्षाचे महापौर होत असल्याचंही हर्षवर्धन सपकाळ यांनी यावेळी सांगितलं.

****

मासिक पाळी दरम्यानचे आरोग्य हा महिलांच्या मूलभूत अधिकाराचा अविभाज्य भाग असल्याचे सर्वोच्च न्यायालयाने स्पष्ट केले आहे. मासिक पाळी आरोग्य हा कलम २१ अंतर्गत सन्मानाने जगण्याच्या आणि निजतेच्या अधिकाराचा हिस्सा असल्याचे न्यायालयानं म्हटले आहे. मुलींच्या आरोग्य आणि समानतेसाठी न्यायालयाने सर्व राज्ये, केंद्रशासित प्रदेश आणि शाळांना यासंदर्भात महत्त्वपूर्ण निर्देश दिले आहेत. या आदेशानुसार, सर्व सरकारी आणि खासगी शाळांमध्ये विद्यार्थिनींना मोफत 'बायोडिग्रेडेबल सॅनिटरी नॅपकिन्स' उपलब्ध करून देणे आता अनिवार्य असेल. तसेच, प्रत्येक शाळेत मुला-मुलींसाठी स्वतंत्र आणि पुरेशी स्वच्छतागृहे असावीत, असे आदेशात म्हटलं आहे. सर्वोच्च न्यायालयाचा हा निर्णय महिलांची प्रतिष्ठा आणि स्वच्छता जपण्याच्या दृष्टीने ऐतिहासिक मानला जात आहे.

****

केंद्रीय भूजल विभाग, भूजल सर्वेक्षण आणि विकास यंत्रणेच्या माहिती भांडाराचा सुसंगत आणि व्यापक वापर करून जिल्हास्तरीय नियोजन अधिक परिणामकारक करता येईल. असं धाराशिवचे जिल्हाधिकारी किर्ती किरण पूजार यांनी म्हटलं आहे.

शासकीय कार्यालयांमध्ये निर्माण होणाऱ्या मौल्यवान माहिती भांडाराचा स्थानिक भूजल व्यवस्थापन प्रकल्पांमध्ये अधिकाधिक प्रभावी वापर व्हावा, या उद्देशाने केंद्रीय जलशक्ती मंत्रालयाअंतर्गत केंद्रीय भूजल विभाग, पुणे यांच्या वतीनं धाराशिव इथं  आयोजित भूजल माहिती भंडार तसंच जलधर नकाशाकरण अभ्यास प्रकल्पांचे उपयोग” या कार्यशाळेत काल ते बोलत होते. गावपातळीवरील जलसुरक्षा आराखडे, पाणी पुनर्भरण प्रकल्प आणि दीर्घकालीन जलधोरणांसाठी ही माहिती अत्यंत उपयुक्त ठरणार असल्याचं ते यावेळी म्हणाले.

****

Audio - आकाशवाणी छत्रपती संभाजीनगर – दिनांक 31.01.2026 रोजीचे सकाळी 11.00 वाजेचे मराठी बातमीपत्र

Text - آکاشوانی چھترپتی سمبھاجی نگر‘علاقائی اُردو خبریں: بتاریخ: 31 جنوری 2026‘ وقت: صبح 09:00 تا 09:10

 Regional Urdu Text Bulletin, Chhatrapati Sambhajinagar

Date: 31 January-2026

Time: 09:00-09:10 am

آکاشوانی چھترپتی سمبھاجی نگر

علاقائی خبریں

تاریخ: ۱۳/ جنوری ۶۲۰۲ء؁

وقت: ۰۱:۹-۰۰:۹

***** ***** *****

::::: سرخیاں::::::

پیش ہیں خاص خبروں کی سرخیاں:

٭ آنجہانی نائب وزیرِ اعلیٰ اجیت پوار کے طیارہ حادثے کی تحقیقات CID کے سپرد۔

٭ رُکنِ پارلیمان سُنیترا پوار کی آج نائب وزیرِ اعلیٰ کی حیثیت سے حلف برداری کا قوی امکان۔

٭ نائب وزیرِ اعلیٰ کے عہدے کیلئے راشٹروادی کانگریس کے فیصلے کی مکمل حمایت کا وزیرِ اعلیٰ کا اعلان۔

٭ ریاست میں میئر انتخابات کیلئے سیاسی سرگرمیاں تیز۔

اور۔۔۔٭ بھارت اور نیوزی لینڈ کے مابین ٹی ٹوئنٹی سیریز کا آج آخری میچ۔

***** ***** *****

اب خبریں تفصیل سے...

آنجہانی نائب وزیرِ اعلیٰ اجیت پوار کے طیارہ حادثے کی تحقیقات مہاراشٹر جرائم تحقیقاتی محکمے یعنی (CID) کے حوالے کردی گئی ہے۔ محکمے نے اس اطلاع کی تصدیق کردی ہے۔ گذشتہ بدھ کو بارامتی طیران گاہ پر دورانِ لینڈنگ اس طیارے کو حادثے پیش آیا تھا۔ جس میں اجیت پوار سمیت پانچ افراد کی موت واقع ہوگئی تھی۔ اس طیارہ حادثے کی مکمل اور تیز رفتار جانچ کیلئے تعاون کرنے کی اپیل مرکزی وزیر برائے شہری ہوا بازی کے رام موہن نائیڈو نے وزیرِ اعلیٰ دیویندر پھڑنویس سے کی ہے۔ طیارہ حادثات کی جانچ بیورو کی جانب سے تفتیش میں جائے حادثہ پر درکار تعاون کی درخواست بھی انھوں نے وزیرِ اعلیٰ سے کی۔

***** ***** *****

دریں اثناء‘ آنجہانی اجیت پوار کی اہلیہ رکنِ پارلیمان سُنیترا پوار کے آج نائب وزیرِ اعلیٰ کے عہدے کا حلف لینے کا امکان ہے۔ خبر رساں ادارے پی ٹی آئی کی خبروں میں اس امکان کا اظہا رکیا گیا ہے۔ راشٹروادی کانگریس لیجسلیچر پارٹی کا آج اجلاس طلب کیا گیا ہے۔ این سی پی رہنماء چھگن بھجبل نے بتایا ہے کہ اس اجلاس میں لیجسلیچر پارٹی قائد سے متعلق تبادلہئ خیال ہوگا۔ انھوں نے کہا کہ ریاستی انتظام و انصرام کو مدِنظر رکھتے ہوئے اس موضوع کو ترجیح دی جارہی ہے۔ بھجبل کے ساتھ پارٹی رہنماؤں پرفل پٹیل‘ سنیل تٹکرے اور سابق وزیر دھننجئے منڈے نے کل ممبئی میں وزیرِ اعلیٰ دیویندر پھڑنویس سے ملاقات کی۔ نائب وزیرِ اعلیٰ اجیت پوار کی ناگہانی موت کے باعث پیدا شدہ سیاسی صورتحال پر گفت و شنید کیلئے یہ ملاقات کی گئی تھی۔

اسی دوران وزیرِ اعلیٰ دیویندر پھڑنویس نے کہا ہے کہ این سی پی لیجسلیچر پارٹی قائد کے معاملے پر پارٹی جو بھی فیصلہ کرتی ہے اس کی ہم مکمل حمایت کریں گے۔ کل ناگپور میں اخبار نویسوں سے گفتگو کرتے ہوئے انھوں نے کہا کہ یہ مکمل طور پر پارٹی کا اندرونی معاملہ ہے جو فیصلہ پارٹی کرے گی وہ ہمیں اور بی جے پی کو منظور ہوگا۔

دریں اثناء‘ کل ودھان بھون میں افسران و ملازمین نے کل اجیت پوار کی شبیہ پر پھول چڑھاکر انھیں خراجِ عقیدت پیش کیا۔

***** ***** *****

بابائے قوم مہاتما گاندھی کو ان کی 78 ویں برسی پر ملک بھر میں خراجِ عقیدت پیش کیا گیا۔ صدرِ جمہوریہ دروپدی مُرمو‘ نائب صدر سی پی رادھا کرشنن اور وزیرِ اعظم نرریندر مودی نے راج گھاٹ پر واقع گاندھی جی کی سمادھی پر گلہائے عقیدت پیش کیے۔ وزیرِ دفاع راجناتھ سنگھ سمیت دیگر اہم شخصیات نے بھی مہاتما گاندھی کو خراجِ عقیدت پیش کیا اور راج گھاٹ پر تمام مذاہب کی دعائیہ تقریب بھی منعقد کی گئی۔ ملک کی آزادی و یکجہتی کیلئے قربانیاں دینے والے تمام مجاہدین ِ آزادی کو خراجِ عقیدت پیش کرنے کیلئے اسے شہید دن کے طور پر منایا جاتا ہے۔

***** ***** *****

گورنر آچاریہ دیو وَرَت‘ وزیرِ اعلیٰ دیویندر پھڑنویس اور نائب وزیرِ اعلیٰ ایکناتھ شندے نے بھی بابائے قوم کو خراجِ عقیدت پیش کیا۔ ممبئی کے ودھان بھون میں موجود مہاتما گاندھی کے مجسّمے پر پھول چڑھاکر انھیں خراجِ عقیدت پیش کیا گیا۔

***** ***** *****

معذور افراد کو بااختیار بنانے کیلئے مصنوعی ذہانت یعنی آرٹیفیشیل انٹلیجنس اب محض ایک جدید تکنیکی تصور نہیں بلکہ یہ ان کی روز مرہ کی زندگی کی دشواریوں کو دور کرنے کا ایک مؤثر ذریعہ بن رہی ہے۔ ان خیالات کا اظہار چیف سیکریٹری راجیش اگروال نے کیا۔ وہ کل‘ ممبئی کے انٹرکونئینٹیل ہوٹل میں منعقدہ پری سمٹ راؤنڈ ٹیبل اجلاس سے خطاب کررہے تھے۔ جس کاموضوع ”معذور افراد کی شمولیت اور استحکام کیلئے مصنوعی ذہانت کی صلاحیت“ تھا۔ اس اجلاس سے خطاب میں انھوں نے کہا کہ بصارت‘ سماعت‘ جسمانی اور ذہنی معذوری کے شکار افراد کیلئے AI ٹکنالوجی کے ذریعے سہل خدمات فراہم کرکے معذور افراد کو خود کفیل بنانا ضروری ہے۔

***** ***** *****

یہ خبریں آکاشوانی چھترپتی سمبھاجی نگر سے نشر کی جارہی ہیں۔

***** ***** *****

چھتیس گڑھ کے سُکما ضلعے میں کل چار نکسلائٹس نے خودسپردگی کردی۔ ان میں دو خواتین شامل ہیں۔ ان چاروں پر مجموعی طور پر آٹھ لاکھ روپئے کا انعام مقرر تھا۔ بستر کے پولس انسپکٹر جنرل سندر راج پی اور سُکما کے سپرنٹنڈنٹ آف پولس کرن چوہان کے سامنے ان عسکریت پسندوں نے ہتھیار ڈال دئیے۔ یہ تمام نکسلائٹس گولاپلّی‘ کونٹا اور کستا رام علاقوں میں عسکری سرگرمیوں میں ملوث رہے تھے۔

***** ***** *****

مرکزی حکومت نے دیہی مقامی خودمختار اداروں اور پنچایتی راج اداروں کیلئے مالی سال 2025-26 کیلئے مالیاتی کمیشن کے غیر منصوبہ بند فنڈ کی دوسری قسط جاری کردی ہے۔ اس دوسری قسط کے تحت مہاراشٹر کیلئے 714 کروڑ 32 لاکھ روپئے منظور کیے گئے۔ اس فنڈ کا فائدہ ریاست کی 26 ہزار 407 اہل گرام پنچایتوں‘ 15 اہل پنچایت سمیتیوں اور دو بلدیہ جات کو ہوگا۔

***** ***** *****

ریاست میں میونسپل کارپوریشن انتخابات کے بعد میئر کے انتخابات کیلئے سیاسی سرگرمیاں تیز ہوگئی ہیں۔ آکولہ میونسپل کارپوریشن میں کل میئر کا انتخاب ہوا۔ بی جے پی کی حمایت یافتہ شہر سدھار آگھاڑی نے اپنی عددی قوت ثابت کرتے ہوئے میئر اور نائب میئر دونوں عہدے حاصل کرلیے۔ بی جے پی کی شاردا کھیڑکر 45 ووٹ حاصل کرکے میئر منتخب ہوئیں‘ جبکہ نائب میئر کے عہدے کیلئے آگھاڑی کے امیدوار امول گھوگے منتخب ہوئے۔ ایم آئی ایم کے کارپوریٹرز اس انتخاب میں غیر جانبدار رہے اور آزاد امیدوار نے شہر سدھار آگھاڑی کی حمایت کی۔

نئی ممبئی میونسپل کارپوریشن میں میئر کیلئے 5 فروری کو انتخاب ہوگا۔ پہلے ڈھائی برسوں کی مدت کے میئر اور ڈپٹی میئر کے انتخاب کیلئے خصوصی جنرل باڈی میٹنگ منعقد ہوگی۔ اس بار میئر کا عہدہ کھلے زمرے کی خاتون امیدوار کیلئے مختص ہے۔

تھانہ میونسپل کارپوریشن میں شیوسینا کی شرمیلا پمپڑولکر نے نائب وزیرِ اعلیٰ ایکناتھ شندے کی موجودگی میں درخواست ِ نامزدگی کل داخل کی‘ جبکہ بی جے پی کے کرشنا پاٹل نے ڈپٹی میئر کیلئے اپنا پرچہئ نامزدگی داخل کیا۔ ان دونوں کے سوا کسی نے بھی کاغذات داخل نہیں کیے اس لیے ان کا بلامقابلہ انتخاب تقریباً طئے ہے۔ اس انتخاب کا باقاعدہ اعلان 3 فروری کو کیا جائے گا۔

ناگپور میونسپل کارپوریشن کے میئر انتخاب کیلئے گفت و شنید کی غرض سے کل مرکزی وزیر نتن گڈکری اور وزیرِ اعلیٰ دیویندر پھڑنویس کی ملاقات ہوئی۔ ناگپور میں آئندہ 6 فروری کو میئر کا انتخاب ہوگا۔

مالیگاؤں میونسپل کارپوریشن میں بی جے پی اور کانگریس کے ارکان نے میئر انتخاب کیلئے آپس میں اتحاد کرلیا ہے۔ دونوں پارٹیوں نے ایک نیا گروپ تشکیل دیا۔

لاتور میونسپل کارپوریشن کے بی جے پی کے گروپ لیڈر کے طورپر ماہرِ قانون دیپک مٹھ پتی کا انتخاب کیا گیا ہے۔ کل اس انتخاب کا باقاعدہ عمل مکمل ہوا۔

***** ***** *****

ریاست میں سرِ دست سات کروڑ 77 لاکھ 14 ہزار میٹرک ٹن سے زائد گنے کی کشید مکمل ہوچکی ہے، جبکہ 9 اعشاریہ ایک فیصد ریکوری کے حساب سے 71 لاکھ میٹرک ٹن شکر کی پیداوار ہوئی ہے۔ ریاست کے 206 شکر کارخانوں میں یومیہ دس لاکھ 43 ہزار 550 میٹرک ٹن گنے کی کشید جاری ہے۔ اس بار کا کشید ہنگام فروری کے اواخر یا 10 مارچ تک جاری رہنے کا امکان شکر کمشنریٹ کے اسسٹنٹ ڈائریکٹر مہیش جھینڈے نے ظاہر کیا ہے۔

***** ***** *****

یومِ جمہوریہ کے موقع پر کرتویہ پتھ پر منعد پریڈ میں مہاراشٹر کی جھانکی کو پہلا انعام ملا ہے۔ جو کل نئی دہلی میں مرکزی وزیرِمملکت برائے دفاع سنجئے شیٹھ کے ہاتھوں دیا گیا۔ ریاست کی ثقافت اور روایات کی شاندار عکاسی کرنے والی یہ جھانکی ”گنیش اُتسو- خودانحصاری کی علامت“ کے تصور پر مبنی تھی۔

***** ***** *****

بھارت اور نیوزی لینڈ کے مابین رواں ٹی ٹوئنٹی کرکٹ میچوں کی سیریز کاپانچواں اور آخری میچ آج کھیلا جائے گا۔ ترواننت پورم میں شام سات بجے اس میچ کا آغاز ہوگا۔ اس سیریز یں بھارت نے تین- ایک سے سبقت حاصل کررکھی ہے۔

***** ***** *****

::::: سرخیاں::::::

اور آخر میں اس بلیٹن کی خاص خبریں ایک بار پھر...

٭ آنجہانی نائب وزیرِ اعلیٰ اجیت پوار کے طیارہ حادثے کی تحقیقات CID کے سپرد۔

٭ رُکنِ پارلیمان سُنیترا پوار کی آج نائب وزیرِ اعلیٰ کی حیثیت سے حلف برداری کا قوی امکان۔

٭ نائب وزیرِ اعلیٰ کے عہدے کیلئے راشٹروادی کانگریس کے فیصلے کی مکمل حمایت کا وزیرِ اعلیٰ کا اعلان۔

٭ ریاست میں میئر انتخابات کیلئے سیاسی سرگرمیاں تیز۔

اور۔۔۔٭ بھارت اور نیوزی لینڈ کے مابین ٹی ٹوئنٹی سیریز کا آج آخری میچ۔

***** ***** *****

Audio - آکاشوانی چھترپتی سمبھاجی نگر‘علاقائی اُردو خبریں: بتاریخ: 31 جنوری 2026‘ وقت: صبح 09:00 تا 09:10

Audio - आकाशवाणी पुणे - दिनांक 31.01.2026 रोजीचे सकाळी 08.30 वाजेचे राष्ट्रीय मराठी बातमीपत्र

Text - आकाशवाणी छत्रपती संभाजीनगर – दिनांक 31.01.2026 रोजीचे सकाळी 07.10 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date – 31 January 2026

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३१ जानेवारी २०२६ सकाळी ७.१० मि.

****

·      दिवंगत उपमुख्यमंत्री अजित पवार यांच्या विमान अपघाताचा तपास सीआयडीकडे

·      खासदार सुनेत्रा पवार आज उपमुख्यमंत्रिपदाची शपथ घेण्याची शक्यता

·      उपमुख्यमंत्रिपदाबाबत राष्ट्रवादी काँग्रेसच्या निर्णयाला पाठिंबा असल्याचं, मुख्यमंत्र्यांकडून स्पष्ट

·      राज्यात महापौर निवडणुकीसाठीच्या राजकीय घडामोडींना वेग

आणि

·      भारत-न्यूझीलंडदरम्यान टी-ट्वेंटी क्रिकेट मालिकेत आज अखेरचा सामना

****

दिवंगत उपमुख्यमंत्री अजित पवार यांच्या विमान अपघाताचा तपास महाराष्ट्र गुन्हे अन्वेषण विभाग अर्थात सीआयडीकडे सोपवण्यात आला आहे. विभागानं या माहितीला दुजोरा दिला. गेल्या बुधवारी बारामती विमानतळावर उतरत असताना या विमानाचा अपघात होऊन अजित पवार यांच्यासह पाच जणांचा मृत्यू झाला. या अपघाताची चौकशी वेगाने करण्यासाठी सहकार्य करावं असं आवाहन केंद्रीय हवाई वाहतूक मंत्री के राममोहन नायडू यांनी मुख्यमंत्री देवेंद्र फडणवीस यांना केलं आहे. विमान अपघात अन्वेषण ब्यूरो तर्फे सुरु असलेल्या चौकशीत अपघातस्थळी आवश्यक सहकार्य करावं असं त्यांनी फडणवीस यांना लिहिलेल्या पत्रात म्हटलं आहे.

****

दरम्यान, अजित पवार यांच्या पत्नी खासदार सुनेत्रा पवार आज उपमुख्यमंत्रिपदाची शपथ घेण्याची शक्यता आहे. पीटीआयनं दिलेल्या वृत्तात ही शक्यता वर्तवण्यात आली आहे. राष्ट्रवादी काँग्रेसच्या विधिमंडळ पक्षाची आज बैठक बोलावण्यात आली आहे. या बैठकीत विधीमंडळ पक्षनेते पदाबाबत चर्चा होणार असल्याचं, मंत्री छगन भुजबळ यांनी सांगितलं. राज्य चालवण्यासाठी या मुद्याला प्राधान्य देत असल्याचं, भुजबळ यांनी नमूद केलं, ते म्हणाले,

बाईट – मंत्री छगन भुजबळ

****

भुजबळ यांच्यासह पक्षाचे नेते प्रफुल्ल पटेल, सुनिल तटकरे आणि माजी मंत्री धनंजय मुंडे यांनी काल मुंबईत मुख्यमंत्री देवेंद्र फडणवीस यांची भेट घेतली. उपमुख्यमंत्री अजित पवार यांच्या आकस्मिक निधनानंतर निर्माण झालेल्या राजकीय परिस्थितीवर चर्चा करण्यासाठी ही भेट घेण्यात आली.

दरम्यान, उपमुख्यमंत्रिपद तसंच विधिमंडळ पक्षनेत्याबद्दल राष्ट्रवादी काँग्रेस पक्ष जो निर्णय घेईल त्याला आपला पाठिंबा असल्याचं, मुख्यमंत्री देवेंद्र फडणवीस यांनी म्हटलं आहे. ते काल नागपुरात प्रसार माध्यमांशी बोलत होते. हा त्यांच्या पक्षाचा विषय असून, पक्ष घेईल, तो निर्णय मान्य आपल्याला मान्य असेल, असं मुख्यमंत्र्यांनी स्पष्ट केलं, ते म्हणाले…

बाईट – मुख्यमंत्री देवेंद्र फडणवीस

****

दरम्यान, विधानभवनात अधिकारी कर्मचाऱ्यांनी काल अजित पावर यांच्या प्रतिमेला पुष्पांजली अर्पण करुन करून अभिवादन केलं.

****

राष्ट्रपिता महात्मा गांधी यांच्या ७८व्या पुण्यतिथीनिमित्त काल संपूर्ण देशभर त्यांना अभिवादन करण्यात आलं. राष्ट्रपती द्रौपदी मुर्मू, उपराष्ट्रपती सी.पी. राधाकृष्णन, पंतप्रधान नरेंद्र मोदी यांनी दिल्लीत राजघाट या गांधीजींच्या समाधीस्थळी पुष्पांजली अर्पण करून आदरांजली वाहिली. संरक्षणमंत्री राजनाथ सिंह यांच्यासह इतर मान्यवरांनीही गांधीजींना अभिवादन केलं. राजघाट इथं सर्वधर्म प्रार्थना पार पडली.

देशाचं स्वातंत्र्य आणि एकतेसाठी बलिदान देणाऱ्या सर्व स्वातंत्र्यसैनिक आणि हुतात्म्यांना आदरांजली वाहण्यासाठी हा दिवस हुतात्मा दिन म्हणूनही पाळण्यात आला.

**

राज्यपाल आचार्य देवव्रत, मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांनीही राष्ट्रपित्याला अभिवादन केलं. मुंबईत विधानभवन इथल्या गांधीजींच्या पुतळ्याला पुष्पहार अर्पण करुन आदरांजली वाहण्यात आली.

****

दिव्यांगांच्या सक्षमीकरणासाठी कृत्रिम बुद्धिमत्ता – एआय ही केवळ आधुनिक तांत्रिक संकल्पना न राहता, त्यांच्या दैनंदिन जीवनातील अडचणी दूर करणारं प्रभावी साधन ठरत असल्याचं मुख्य सचिव राजेश अग्रवाल यांनी म्हटलं आहे. इंडिया एआय इम्पॅक्ट समिटच्या पार्श्वभूमीवर 'दिव्यांग व्यक्तींच्या समावेशन आणि सक्षमीकरणासाठी कृत्रिम बुद्धिमत्तेची क्षमता उलगडणं' या विषयावर प्री-समिट राऊंडटेबलचं आयोजन मुंबईतल्या हॉटेल इंटर कॉन्टिनेंटल इथं करण्यात आलं होतं, त्यावेळी ते बोलत होते. दृष्टिदोष, श्रवणदोष, शारीरिक तसंच बौद्धिक अक्षम असलेल्या व्यक्तींसाठी कृत्रिम बुद्धिमत्ता आधारित उपकरणे, अ‍ॅप्स आणि डिजिटल सेवा मोठ्या प्रमाणावर उपयुक्त ठरत आहेत. कृत्रिम बुद्धिमत्ता आणि सहाय्यक तंत्रज्ञानाच्या माध्यमातून दिव्यांग व्यक्तींना सुलभ सेवा निर्माण करून त्यांना आत्मनिर्भर करावं, असं अग्रवाल म्हणाले.

****

छत्तीसगढच्या सुकमा जिल्ह्यात काल चार नक्षलवाद्यांनी शरणागती पत्करली. त्यात दोन महिलांचा समावेश असून त्या चौघांवर मिळून आठ लाख रुपयांचं बक्षीस होतं. बस्तरचे पोलीस महानिरिक्षक सुंदरराज पी आणि सुकमाचे पोलीस अधीक्षक किरण चव्हाण यांच्यासमोर या चौघांनी शस्त्रं टाकली. हे सर्वजण गोलापल्ली, कोंटा आणि किस्ताराम परिसरात सक्रीय होते.

****

केंद्र सरकारने राज्यातल्या ग्रामीण स्थानिक स्वराज्य संस्था आणि पंचायतराज संस्थांसाठी २०२५–२६ या आर्थिक वर्षाकरिता १५व्या वित्त आयोगाच्या अनिर्बंध अनुदानाचा दुसरा हप्ता जारी केला आहे. या दुसऱ्या हप्त्याअंतर्गत महाराष्ट्राला ७१४ कोटी ३२ लाख रुपये मंजूर करण्यात आले आहेत. या निधीचा लाभ राज्यातल्या २६ हजार ४०७ पात्र ग्रामपंचायती, १५ पात्र पंचायत समित्या आणि दोन जिल्हा परिषदांना मिळणार आहे.

****

राज्यातल्या महानगरपालिका निवडणुका झाल्यानंतर महापौरपदाच्या निवडणुकीसाठी हालचाली सुरु झाल्या आहेत. अकोला महानगरपालिकेत महापौरपदाची निवडणूक काल झाली. भाजपप्रणित शहर सुधार आघाडीने संख्याबळ सिद्ध करत महापौर आणि उपमहापौर दोन्ही पदं मिळवली आहेत. भाजपाच्या शारदा खेडकर ४५ मतं मिळवून महापौर बनल्या. उपमहपौरपदी आघाडीचे उमेदवार अमोल घोगे निवडून आले. एमआयएमचे नगरसेवक या निवडणुकीत तटस्थ राहिले आणि अपक्ष उमेदवाराने शहर सुधार आघाडीला पाठिंबा दिला.

नवी मुंबई महापालिका महापौर पदासाठी ५ फेब्रुवारी रोजी निवडणूक होणार आहे. पहिल्या अडीच वर्षांच्या कालावधीसाठी महापौर आणि उपमहापौर पदाच्या निवडीसाठी विशेष महासभा होणार आहे. यंदा महापौर पद सर्वसाधारण प्रवर्गातल्या महिला उमेदवारासाठी आरक्षित आहे.

ठाणे महानगरपालिकेत शिवसेनेच्या शर्मिला पिंपळोलकर यांनी महापौरपदासाठी उपमुख्यमंत्री एकनाथ शिंदे यांच्या उपस्थितीत अर्ज दाखल केला. तर भाजपाचे कृष्णा पाटील यांनी उपमहापौरपदासाठी अर्ज दाखल केला. या दोघांव्यतिरिक्त अन्य कोणाचाही अर्ज आला नसल्याने त्यांची बिनविरोध निवड होणार आहे. याची औपचारिक घोषणा येत्या तीन फेब्रुवारीला होईल.

नागपूर महापालिकेच्या महापौर पदाबाबतच्या निवडणुकीची चर्चा करण्यासाठी केंद्रीय मंत्री नितीन गडकरी आणि मुख्यमंत्री देवेंद्र फडणवीस यांची काल बैठक झाली. नागपूर इथं येत्या ६ फेब्रुवारी रोजी महापौरपदाची निवडणूक होणार आहे.

मालेगाव महानगरपालिकेत भाजप आणि काँग्रेसच्या नगरसेवकांनी एकत्र येत स्वतंत्र गट स्थापन केला आहे.

लातूर शहर महानगरपालिकेच्या भाजपच्या गटनेतेपदी विधिज्ञ दीपक मठपती यांची निवड झाली आहे. काल या निवडीची अधिकृत प्रक्रिया पूर्ण करण्यात आली.

****

राज्यात सद्यःस्थितीत ७ कोटी ७७ लाख ४१ हजार मेट्रिक टनांहून अधिक ऊस गाळप पूर्ण झालं आहे, तर ९ पूर्णांक १ टक्के निव्वळ उताऱ्यानुसार साखरेचं ७१ लाख मेट्रिक टन इतकं उत्पादन तयार झालं आहे. राज्यातल्या २०६ साखर कारखान्यांकडून प्रतिदिन दहा लाख ४३ हजार ५५० मेट्रिक टन ऊसगाळप सुरू असून, हंगाम जोमाने सुरू आहे. यंदाचा हंगाम फेबुवारीअखेर किंवा दहा मार्चपर्यंत चालू राहण्याचा अंदाज साखर आयुक्तालयाचे साखर सह संचालक महेश झेंडे यांनी वर्तवला आहे.

****

प्रजासत्ताक दिनी कर्तव्यपथावर झालेल्या संचलनात महाराष्ट्राच्या चित्ररथानं मिळवलेला प्रथम क्रमांकाचा पुरस्कार काल नवी दिल्लीत केंद्रीय संरक्षण राज्यमंत्री संजय शेठ यांच्या हस्ते प्रदान करण्यात आला. राज्याची संस्कृती आणि परंपरांचं दिमाखदार दर्शन घडवणारा हा चित्ररथ गणेशोत्सव: आत्मनिर्भरतेचे प्रतीक या संकल्पनेवर आधारित होता. या चित्ररथाचा विषय केवळ धार्मिक नसून, तो आर्थिक आणि सामाजिक सक्षमीकरणावर आधारित होता.

****

शाश्वत उत्पादन देणारा फळबागेचा पथदर्शी प्रकल्प बीड जिल्ह्यात ३५० एकर क्षेत्रावर येत्या काळात साकारणार आहे. हरित वृक्षलागवड वाढवून शेतकऱ्यांना बळकटी देण्यासोबतच पर्यावरणीय समतोल राखण्यासाठी हर्बालाईफ कंपनीने सामाजिक बांधिलकी उत्तरदायित्व अंतर्गत पुढाकार घेतला आहे.

****

भारत आणि न्यूझीलंडदरम्यान पाच टी-ट्वेंटी क्रिकेट सामन्यांच्या मालिकेतला पाचवा आणि शेवटचा सामना आज खेळवला जाणार आहे. तिरूवनंतपुरम इथं संध्याकाळी सात वाजता हा सामना होणार आहे. या मालिकेत भारताची तीन – एक अशी विजयी आघाडी आहे.

****