AIR NEWS BULLETIN, AURANGABAD 01.03.2018 13.00

 Regional Marathi Text Bulletin, Aurangabad

Date – 1 March 2018

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक १ मार्च  २०१८ दुपारी १.०० वा.

****

 विधान परिषदेचे विरोधी पक्षनेते धनंजय मुंडे यांनी सभागृहात लक्षवेधी सूचना मांडण्यासाठी लाच घेतल्याच्या कथित आरोपावरुन आज विधानसभेत भारतीय जनता पक्षाच्या सदस्यांनी गदारोळ केला. याप्रकरणाची सखोल चौकशी करण्याची मागणी भाजप आमदार अनिल गोटे यांनी केली.

 दरम्यान, राष्ट्रवादी काँग्रेसचे नेते अजित पवार यांनी हा आरोप फेटाळून लावला असून, कोणत्याही चौकशीला तयार असल्याचं म्हटलं आहे. 

****

 औरंगाबाद महानगरपालिकेच्या सूचनेनुसार जांभाळा शिवारात कचरा टाकण्यासाठी जाणारी गाडी जमावानं पेटवल्याची घटना आज सकाळी साडे नऊच्या सुमारास मिटमिटा इथं घडली. रस्त्याच्या मधोमध दुचाकी लावून जमावानं ही गाडी अडवली आणि वाहनातला कचरा पेटवला. प्रसंगावधान राखून चालक मिलिंद घाटे यांनी तत्काळ आग विझवली.

 दरम्यान, औरंगाबाद लेणीजवळ असलेल्या हनुमान टेकडीमागील मोकळ्या जागेत कचरा टाकण्यासाठी महानगरपालिका आयुक्त दीपक मुगळीकर यांच्या उपस्थितीत पंधरा ट्रक कचरा आणण्यात आला होता. मात्र नागरिकांच्या विरोधामुळे या पथकाला माघारी परतावं लागलं.

 दरम्यान, कचराप्रश्नी मुंबई उच्च न्यायालयाच्या औरंगाबाद खंडपीठात सुनावणी सुरु असून, नारेगाव इथं कचरा टाकण्यासाठी तीन महिने मुदतवाढ देण्याची मागणी प्रशासनानं न्यायालयाकडे केली आहे. या प्रकरणाची सुनावणी येत्या सोमवारी होणार आहे.

****

 पंजाब नॅशनल बँक घोटाळ्यातला आरोपी आणि गीतांजली ग्रुपचा मालक मेहुल चोकसीच्या एक हजार २०० कोटी रुपयांच्या ४१ मालमत्तांवर सक्तवसुली संचालनालयानं टाच आणली आहे. यामध्ये मुंबईतले १५ घरं आणि १७ कार्यालयं, तर कोलकाता मधलं शॉपिंग मॉल आणि अलिबागमधल्या फार्म हाऊसचा समावेश आहे.

 दरम्यान, या प्रकरणातला मुख्य आरोपी हिरे व्यापारी नीरव मोदी याच्याही चार स्थावर मालमत्तांवर आयकर विभागानं टाच आणली आहे. त्यात एक फार्म हाऊस आणि एका सौर ऊर्जा संयंत्राचा समावेश आहे. मोदी आणि चोकसी देशात कुठेही आले तरी कळावं, याकरता आयकर विभागानं लूक आऊट सर्क्युलर जारी केलं आहे.

****

 संरक्षणमंत्री निर्मला सीतारामन यांच्या अध्यक्षतेखाली संरक्षण खरेदी परिषदेनं लष्कर आणि तटरक्षक दलांच्या नऊ हजार ४३५ कोटी रुपये किंमतीच्या शस्त्र खरेदी प्रस्तावांना मान्यता दिली आहे. मेक इन इंडियाला चालना देण्यासाठी परिषदेनं ४१ हजार मशीनगन आणि साडेतीन लाखांहून अधिक इतर शस्त्रास्त्रांच्या खरेदी आणि उत्पादनाला मंजुरी दिली. ७५ टक्के शस्त्रास्त्रं खरेदी आणि निर्माण श्रेणीअंतर्गत भारतीय उद्योगांकडून घेतली जातील, तर उरलेली शस्त्रास्त्रं कारखाना बोर्डाकडून मिळणार आहेत.

****

 ‘छत्रपती शिवाजी महाराज शेतकरी सन्मान योजने’ अंतर्गत यापूर्वी कर्जमाफीसाठी अर्ज करण्यापासून वंचित राहिलेल्या शेतकऱ्यांना आजपासून नव्यानं ऑनलाईन अर्ज करता येणार आहेत. अर्ज करण्याची मुदत ३१ मार्चपर्यंत आहे. यापूर्वी अर्ज केलेल्या शेतकऱ्यांना पुन्हा अर्ज करता येणार नाही, असं शासन निर्णयात म्हटलं आहे.

****

 फसवणूक करून टॅक्स क्रेडिट मिळवल्याप्रकरणी शाह ब्रदर्स इस्पात प्रायव्हेट लिमिटेडचे संचालक प्रवीण मेहता आणि व्ही. एन. इंडस्ट्रीजचे संचालक विनयकुमार डी. आर्या यांना केंद्रीय वस्तू आणि सेवा कर - सी जी एस टीच्या मुंबई मध्यवर्ती आयुक्तालयानं अटक केली आहे. फसवणूक करून मेहता यांनी पाच कोटी २० लाख रुपयांचं, तर आर्या यांनी दोन कोटी तीन लाख रुपयांचं टॅक्स क्रेडिट मिळवलं होतं. या दोन्ही कंपन्यांनी कागदोपत्री दाखवलेले खरेदी वा विक्रीचे व्यवहार प्रत्यक्षात मात्र झालेच नसल्याचं चौकशीत आढळलं होतं.

****

 गाळमुक्त धरण आणि गाळयुक्त शिवार या योजनेत औरंगाबाद विभागात गाळ काढण्याच्या कामाला येत्या पाच तारखेपासून प्रारंभ करण्यात येणार असून, या संदर्भातल्या तांत्रिक बाबी येत्या दोन दिवसात पूर्ण करण्याच्या सूचना, विभागीय आयुक्त डॉ. पुरुषोत्तम भापकर यांनी दिल्या आहेत. या योजनेच्या अंमलबजावणी संदर्भातल्या बैठकीत ते बोलत होते. कोणत्याही परिस्थितीत जलयुक्त शिवारची २०१७-१८ ची कामं १५ जून पूर्वी पूर्ण करावीत, असंही त्यांनी सांगितलं. औरंगाबाद विभागात ६९९ गाळ काढण्याचं उदिष्ट असून, लघुसिंचन विभाग, जिल्हा परिषद, जलसंपदा विभागांचे एकूण ३५१ कामं प्रगती पथावर असल्याचं त्यांनी सांगितलं.

****

 बीड जिल्हा एकात्मिक आरोग्य आणि कुटुंब कल्याण सोसायटीच्या नियामक समितीची बैठक आज जिल्हा परिषदेचे मुख्य कार्यकारी अधिकारी अमोल येगडे यांच्या अध्यक्षतेखाली पार पडली. यावेळी जिल्ह्यातल्या आरोग्य विषयक कामांचा सविस्तर आढावा घेण्यात आला. राष्ट्रीय आरोग्य अभियानातला उपलब्ध निधी या महिना अखेरपर्यंत खर्च करण्याचे निर्देश त्यांनी यावेळी संबंधित अधिकाऱ्यांना दिले.

*****

***

AIR NEWS BULLETIN, AURANGABAD 01.03.2018_11.00AM.

AIR NEWS BULLETIN, AURANGABAD 01.03.2018 11.00AM

आकाशवाणी औरंगाबाद

संक्षिप्त बातमीपत्र

1 मार्च   २०१८ सकाळी ११.०० वाजता

****

 जम्मू काश्मीरमधल्या बांदीपुरा जिल्ह्यात आज सकाळपासून दहशतवाद विरोधी अभियान राबवण्यात येत आहे. राज्य पोलिस आणि दहशतवाद्यांमध्ये सुरु असलेल्या चकमकीत लष्कर ए तय्यबाचा एक दहशतवादी ठार झाल्याचं राज्य पोलिस महानिदेशक एस पी वैद यांनी सांगितलं. चकमकीच्या ठिकाणी काही युवकांनी सुरक्षा बलाच्या जवानांवर दगडफेक केल्याचंही वृत्त आहे. 

****

 माजी केंद्रीय अर्थमंत्री पी चिदंबरम यांचे पुत्र कार्ती चिदंबरम यांना आज केंद्रीय अन्वेषण विभाग - सीबीआयच्या विशेष न्यायालयात हजर करण्यात येणार आहे. आयएनएक्स मीडिया आर्थिक गैरव्यवहार प्रकरणी त्यांना काल चेन्नईतून अटक करण्यात आली होती. 

****

 वाईट आणि नकारात्मक बाबींचा नाश करत चांगल्या आणि सकारात्मकतेचा अंगिकार करण्याची संकल्पना असलेला होळीचा सण आज राज्यात उत्साहात साजरा होत आहे. संध्याकाळी ठिकठिकाणी होळी पेटवून पूजा केली जाईल.

****

 महाराष्ट्र माध्यमिक आणि उच्च माध्यमिक शिक्षण मंडळाच्या दहावीच्या परीक्षेला आजपासून सुरुवात झाली. या परीक्षेसाठी एकूण १७ लाख, ५१ हजार, ३५३ विद्यार्थी बसले आहेत. गेल्या वर्षीच्या तुलनेत यावर्षी परीक्षार्थींची संख्या घटली असल्याचं याबाबतच्या वृत्तात म्हटलं आहे. २४ मार्चपर्यंत ही परीक्षा चालणार आहे.

****

 जालना जिल्ह्याच्या अंबड तालुक्यातल्या पाथरवाला बुद्रुक इथं उसाचा ट्रक उलटून दोन मुलांचा मृत्यू झाला. काल संध्याकाळी ही घटना घडली. सदर ट्रक गोंदी इथून समर्थ सहकारी साखर कारखान्याकडे जात होता. चालकाचं नियंत्रण सुटल्यानं हा अपघात घडला. ओंकार चोरमारे आणि सार्थक थेटे  अशी या मुलांची नावं आहेत.

****

 औरंगाबाद इथं आयोजित ५७व्या हिंदी राज्य नाट्य स्पर्धेत काल नाटक सादर होत असतांना त्यातल्या अभिनेत्याचा हृदयविकाराच्या झटक्यानं मृत्यु झाला. तापडीया नाट्य मंदीरात आयोजित या स्पर्धेत काल मुंबईच्या माझगाव डॉक स्पोर्टस क्लब संस्थेचं ‘जिसने लाहोर नही देखा’ हे नाटक सुरु असताना कलाकार विनायक राणे यांचा मृत्यु झाला. त्यांनी विविध नाटकं, मालिका आणि चित्रपटातून काम केलं आहे.

*****

***

Regional Urdu Audio Bulletin, Aurangabad, Date: 01.03.2018 ,Time:8.40-8....

Regional Urdu Text Bulletin, Aurangabad, Date: 01.03.2018 ,Time:8.40-8.45 am

Regional Urdu Text Bulletin, Aurangabad.
Date - 01  March  2018
Time 8.40am to 8.45am
آکاشوانی اَورنگ آباد
علاقائی خبریں
تاریخ  :  یکم؍مارچ  ۲۰۱۸؁
وَقت  :  صبح  ۴۰: ۸  -  ۴۵ :۸
***********************
 مرکزی کابینہ نے انسانی اسمگلنگ مخالف بل کے مسودے کو منظوری دیدی۔ نئی دلّی میں کل منعقدہ کابینی اجلاس میں یہ فیصلہ کیا گیا۔ اس کے مطابق انسانی اسمگلنگ کے جرم کا بار بار ارتکاب کرنے والوں کو عمر قید ہوسکتی ہے۔ اس طرح کے جرائم کی تفتیش کرنے کیلئے آزادانہ سیل قائم کرنے کے مقصد سے نِربھیا فنڈ سے رقم فراہم کی جائیگی۔ اس کے علاوہ انسانی اسمگلنگ جیسے جرم کی جانچ‘ قومی تفتیشی ایجنسی NIA کے سپرد کرنے کی گنجائش بھی کل منظور کیے گئے مسودے میں موجود ہے۔
<<>><<>><<>><<>><<>><<>>
 اپوزیشن اراکینِ اسمبلی کی جانب سے بھیما کورے گائوں معاملے پر ہوئی ہنگامہ آرائی اور شور و غل کی وجہ سے ریاستی قانون ساز اسمبلی کی کاروائی کل دن بھر کیلئے ملتوی کرنی پڑی۔
اپوزیشن جماعتوں کا الزام تھا کہ پونے ضلعے کے بھیما کورے گائوں میں ہوئے فسادات کی سرپرستی ریاستی حکومت کررہی تھی جو انتہائی سنگین باب ہے۔ حزبِ مخالف رہنمائوں نے بھیما کورے گائوں واقعے کیلئے مبینہ طور پر ذمہ دار سنبھاجی بھڑے اور ملند ایکبوٹے کو فوری گرفتار کرنے کا مطالبہ کیا۔ اپوزیشن اراکین اس بات پر ہنگامہ آرائی کرتے رہے جسے کے بعد ایوان کی کاروائی 20/ منٹ کیلئے ملتوی کی گئی۔
 اس بیچ مملکتی وزیرِ داخلہ رنجیت پاٹل نے کل قانون ساز کونسل کو بتایا کہ ذات پنچایتوں کے قوانین کے مطابق کنوارے پن کی جانچ کرنے کے بارے میں تشہیر کرنے والے شخص پر بھی کیس درج کیا جائیگا۔ شیوسینا کی رہنما نیلم گورہے نے کنوارے پن کی جانچ اور اس طرح کے بڑھتے واقعات پر تشویش کا اظہار کرتے ہوئے ذات پنچایتوں پر سخت کاروائی کرنے کا مطالبہ کیا تھا۔
 دوسری جانب قانون ساز کونسل میں بھی کپاس کی فصل کے نقصان سے متاثرہ کسانوں کو نقصان بھرپائی دینے کے معاملے پر کل خوب ہنگامہ آرائی ہوئی۔ اپوزیشن جماعتیں تحریکِ التواء پیش کرکے اس معاملے پر بحث کے مطالبے پر اڑی رہیں، لیکن مطالبہ قبول نہ ہونے پر اُنھوں نے شور و غل شروع کردیا۔ اس کے بعد ایوان کا کام کاج صبح کے سیشن میں تین بار ملتوی کیا گیا۔
<<>><<>><<>><<>><<>><<>>
 مہاراشٹر حکومت کی چھترپتی شیواجی مہاراج شیتکری سنمان یوجنا کے تحت قرض معافی کیلئے درخواستیں پیش کرنے سے محروم رہے کسان آج سے ایک بار پھر قرض معافی کی آن لائن درخواستیں پیش کرسکتے ہیں۔ آن لائن درخواستیں 31/ مارچ تک پیش کی جاسکتی ہیں۔
سرکاری حکمنامے میں کہا گیا ہیکہ جو کسان اس سے پہلے قرض معافی کی درخواست دائر کرچکے ہیں وہ دوبارہ درخواست پیش کرنے کے اہل نہیں ہیں۔
<<>><<>><<>><<>><<>><<>>
 ریاستی حکومت کے ملازمین کے مہنگائی بھتے میں تین فیصد کا اضافہ کیا گیا ہے۔ اس بارے میں سرکاری حکمنامہ کل جاری کردیا گیا۔
 چھٹے پے کمیشن کے ترمیم شدہ تنخواہوں کے ڈھانچے کے مطابق گریڈ پے پر مہنگائی بھتے کی شرح کو 136/ فیصد سے بڑھا کر 139/ فیصد کردیا گیا ہے۔ ایک فروری سے یہ اضافی رقم نقد کی شکل میں دی جائیگی۔ جبکہ ایک جولائی 2017 سے 31/ جنوری 2018 یعنی سات مہینوں کے واجب الادا ایئریرس (Arrears)کے بارے میں الگ سے فیصلہ لیا جائیگا۔ سرکاری حکمنامہ میں یہ بات کہی گئی۔
<<>><<>><<>><<>><<>><<>>
 ریاستی تعلیمی بورڈ کے دسویں جماعت کے امتحانات کی آج سے شروعات ہورہی ہے۔ امتحانات 24/ مارچ تک جاری رہیں گے۔ بورڈ کی صدر شکنتلا کالے نے کل پونے میں اخباری نمائندوں کو یہ اطلاع دی۔ اُنھوں نے بتایا کہ بارہویں جماعت کے امتحانات کی طرز پر دسویں جماعت کے طلباء کیلئے بھی ساڑھے دس بجے تک امتحانی مرکز پر پہنچنا لازمی ہے۔ دسویں جماعت کیلئے کُل سترہ لاکھ 51/ ہزار 353/طلباء امتحان میں شرکت کررہے ہیں۔ اُنھوں نے کہا کہ گذشتہ سال کی نسبت اس سال طلباء کی تعداد میں کمی آئی ہے۔
<<>><<>><<>><<>><<>><<>>
 بالی ووڈ کی معروف اداکارہ شری دیوی کی آخری رسومات کل ممبئی کے ولے پارلے شمشان بھومی میں ادا کردی گئیں۔ اُن کی آخری رسومات پورے سرکاری اعزاز کے ساتھ ادا کی گئیں۔اس موقعے پر فلمی دنیا کے کئی فنکاروں سمیت شری دیوی کے ہزاروں مداح اپنی چہیتی اداکارہ کے آخری دیدار کیلئے کثیر تعداد میں موجود تھے۔
<<>><<>><<>><<>><<>><<>>
ممبئی ہائیکورٹ کی اورنگ آباد بینچ نے ریاست کے چیف سیکریٹری کو حکم دیا ہیکہ وہ اورنگ آباد شہر کے کچرے کو ٹھکانے لگانے سے متعلق ریاستی حکومت کے مؤقف کو حلف نامہ داخل کرکے واضح کریں۔ عدالت نے یہ بھی کہا کہ وہ کچرے کے انتظام کے بارے میں منصوبہ بندی کریں۔ نارے گائوں میں واقع کچرا ڈپو کے معاملے میں داخل کردہ مفادِ عامہ کی عرضی پر سماعت کے دوران کل عدالت نے یہ احکامات جاری کیے۔
 دریں اثناء کچرے کو ٹھکانے لگانے سے متعلق منگل کے روز ہوئی سماعت کے دوران جن مقامات کی تجویز میونسپل کارپوریشن نے پیش کی تھی‘ اُن جگہوں کے معائنے کی رپورٹ کل میونسپل کمشنر‘ ضلع کلکٹر اور پولس کمشنر نے کل عدالت میں پیش کی۔ انتظامیہ کا موقف تھا کہ ان نئے مقامات پر کچرا ڈپو قائم کرنے کا کام اتنی جلدی نہیں ہوسکتا ہے اس لیے نارے گائوں میں کچرا ڈالنے کی مدت میں تین مہینوں کی توسیع دی جائے۔ معاملے کی اگلی سماعت پیر کے روز ہوگی۔
<<>><<>><<>><<>><<>><<>>
جالنہ ضلعے کے عنبڑ تعلقے کے پاتھر والا بُدرُک میں ایک گنّے کے ٹرک کے اُلٹ جانے سے پیش آئے حادثے میں دو بچوں کی موت ہوگئی۔ یہ حادثہ کل شام پیش آیا۔
یہ ٹرک گوندی سے سمرتھ امدادِ باہمی شکر کارخانے کی جانب جارہا تھا۔ ڈرائیور کے ٹرک سے کنٹرول کھو دینے کو حادثے کی وجہ بتایا جارہا ہے۔
<<>><<>><<>><<>><<>><<>>
مقررہ وقت پر بجلی بل کی رقم ادا کرنے والے صارفین کو غیر مسدود بجلی فراہم کرنے کی ہدایت اورنگ آباد کے رُکنِ پارلیمنٹ چندر کانت کھیرے نے دی ہے۔
 کھیرے نے کل بجلی کاری کی ضلعی کمیٹی کی میٹنگ میں مہاوترن کمپنی کو یہ ہدایت دی۔ کھیرے نے مزید کہا کہ دیہی علاقوں میں واجب الادا رقم وصول کرکے صارفین کی بجلی فراہمی دوبارہ شروع کی جائے۔
<<>><<>><<>><<>><<>><<>>

AIR NEWS BULLETIN, AURANGABAD 01.03.2018_06.50AM.

AIR NEWS BULLETIN, AURANGABAD 01.03.2018 06.50AM

Regional Marathi Text Bulletin, Aurangabad

Date – 01 March 2018

Time 6.50 AM to 7.00 AM

Language Marathi

आकाशवाणी औरंगाबाद

प्रादेशिक बातम्या

दिनांक ०१ मार्च २०१८ सकाळी ६.५० मि.

****

Ø  मानवी तस्करी-प्रतिबंधक विधेयकाच्या मसुद्याला केंद्रीय मंत्रीमंडळाची मंजुरी

Ø  कर्जमाफीपासून वंचित राहिलेल्या शेतकऱ्यांना आजपासून ऑनलाईन अर्ज करण्यास परवानगी

Ø  राज्य शासकीय कर्मचाऱ्यांच्या महागाई भत्यात तीन टक्क्यांनी वाढ

Ø  दहावीच्या परीक्षेला आजपासून सुरुवात

आणि

Ø  औरंगाबाद शहरातल्या कचरा व्यवस्थापनासंदर्भात राज्याच्या मुख्य सचिवांनी शपथपत्र सादर करण्याचे मुंबई उच्च न्यायालयाच्या औरंगाबाद खंडपीठाचे आदेश

*****

 मानवी तस्करी-प्रतिबंध, संरक्षण आणि पुनर्वसन विधेयकाचा मसुदा केंद्रीय मंत्रीमंडळानं मंजूर केला आहे. काल नवी दिल्ली इथं आयोजित केंद्रीय मंत्रीमंडळाच्या बैठकीत हा निर्णय झाला. यानुसार आता मानवी तस्करीचा गुन्हा वारंवार करणाऱ्याला, जन्मठेपेच्या शिक्षेची तरतूद करण्यात आली असून अशा प्रकरणांचा छडा लावण्यासाठी स्वतंत्र कक्ष स्थापन करण्याकरता महिलांच्या संरक्षणासाठी असलेल्या निर्भया निधीतून, आर्थिक सहाय्य करण्यात येणार आहे. तसंच अशा  प्रकरणांच्या तपासाची मुख्य जबाबदारी  राष्ट्रीय तपास यंत्रणा –एन.आय.ए.कडे सुपूर्द करण्यासाठी संबंधीत कायद्यातही  सुधारणा करण्याचा प्रस्तावही काल या बैठकीत संमत झाला.

****

 भीमा-कोरेगाव मुद्यावरुन विरोधकांनी केलेल्या गदारोळामुळे, विधान परिषदेचं कामकाज काल दिवसभरासाठी स्थगित झालं. पुणे जिल्ह्यातल्या भीमा कोरेगाव इथं झालेली दंगल ही राज्य सरकार पुरस्कृत होती, असा गंभीर आरोप विरोधकांनी विधानपरिषदेत केला. याप्रकरणी कथित जबाबदार असलेले संभाजी भिडे आणि मिलिंद एकबोटेंना तात्काळ अटक करण्याची मागणी करत विरोधकांनी केलेल्या गदारोळामुळे सदनाचं कामकाज सुरवातीला २० मिनिटांसाठी तहकूब झालं होतं.

 जातपंचायतीच्या नियमांनुसार कौमार्य चाचणी करण्याबाबत जाहीर वाच्यता करणाऱ्या व्यक्तीवरही यापुढे गुन्हा नोंदवण्यात येणार, असल्याची घोषणा गृहराज्यमंत्री रणजित पाटील यांनी काल विधानपरिषदेत केली. शिवसेनेच्या नीलम गोऱ्हे यांनी कौमार्य चाचणी आणि अशा वाढत्या घटनांबाबत चिंता व्यक्त करत, जातपंचायतींवर कठोर कारवाईची मागणी करणारी लक्षवेधी सूचना मांडली होती.

 दुसरीकडे विधानसभेत काल विरोधकांनी बोंडअळी नुकसानग्रस्तांना मदतीच्या मुद्यांवरुन गदारोळ केला. स्थगन प्रस्तावाद्वारे या मुद्यावर चर्चेची मागणी विरोधकांनी लावून धरली. मात्र मागणी मान्य न झाल्यानं विरोधकांनी गदारोळ केला. त्यामुळे सभागृहाचं कामकाज सकाळच्या सत्रात तीनवेळा तहकूब झालं.

****

 सैनिकांबाबत क्षमायाचना आणि दिलगिरी व्यक्त करण्यात आल्यानंतर, विधान परिषद सदस्य, प्रशांत परिचारक यांचं  निलंबन मागे घेण्यात येत असल्याचं,  महसूलमंत्री चंद्रकांत  पाटील यांनी काल  विधान परिषदेत एका निवेदनाद्वारे सांगितलं.

****

 छत्रपती शिवाजी महाराज शेतकरी सन्मान योजने अंतर्गत यापूर्वी कर्जमाफीसाठी अर्ज करण्यापासून वंचित राहिलेल्या शेतकऱ्यांना आजपासून नव्यानं ऑनलाईल अर्ज करता येणार आहेत. ३१ मार्चपर्यंत अर्ज करण्याची मुदत असणार आहे. या पूर्वी या योजनेतंर्गत अर्ज केलेल्या शेतकऱ्यांना पुन्हा अर्ज करता येणार नसल्याचं याबाबतच्या शासन निर्णयात नमूद करण्यात आलं आहे.

****

 राज्य शासकीय कर्मचाऱ्यांच्या महागाई भत्यात तीन टक्क्यांनी वाढ करण्यात आली आहे. याबाबतचा शासन निर्णय काल जारी करण्यात आला. एक जुलै, २०१७ पासून सहाव्या वेतन आयोगानुसार सुधारित वेतनसंरचनेतल्या मूळ वेतनावरील महागाई भत्याचा दर, १३६ टक्क्यांवरून १३९ टक्के करण्यात आला आहे. १ फेब्रुवारीपासून ही वाढ रोखीने देण्यात येणार आहे तर एक जुलै, २०१७ ते ३१ जानेवारी, २०१८ या सात महिन्यांच्या कालावधीतल्या थकबाकीबाबत स्वंतत्रपणे निर्णय घेण्यात येणार असल्याचं या शासन निर्णयात नमूद करण्यात आलं आहे.

****

 महाराष्ट्र माध्यमिक आणि उच्च माध्यमिक शिक्षण मंडळाच्या दहावीच्या परीक्षेला आजपासून सुरुवात होत आहे. २४ मार्चपर्यंत ही परीक्षा चालणार आहे, मंडळाच्या अध्यक्षा शकुंतला काळे यांनी काल पुण्यात वार्ताहरांना ही माहिती दिली. बारावीच्या परीक्षेप्रमाणेच दहावीच्या परीक्षेसाठीही विद्यार्थ्यांना साडे दहा वाजेपर्यंत परीक्षा केंद्रावर पोहोचणं बंधनकारक आहे, असं त्या म्हणाल्या.  या परीक्षेसाठी एकूण १७ लाख,५१ हजार, ३५३ विद्यार्थी बसले आहेत. गेल्या वर्षीच्या तुलनेत यावर्षी परीक्षार्थींची संख्या घटली असल्याचं त्या म्हणाल्या.

****

 अभिनेत्री श्रीदेवी यांच्या पार्थिवावर काल मुंबईत विलेपार्ले इथल्या स्मशान भूमीत शासकीय इतमामात अंत्यसंस्कार करण्यात आले. चित्रपट सृष्टीतल्या ज्येष्ठ तसंच नवोदित अभिनेते अभिनेत्रींसह हजारो चाहत्यांनी आपल्या लाडक्या अभिनेत्रीला अखेरचा निरोप देण्यासाठी मोठी गर्दी केली होती.

****

 कांची कामकोटी पीठाचे शंकराचार्य जयेंद्र सरस्वती यांचं काल तामिळनाडूमधल्या कांचीपुरम इथं निधन झालं. ते ८२ वर्षांचे होते. ते गेल्या काही दिवसांपासून आजारी होते. कांची कामकोटी पीठाचे ते ६९वे शंकराचार्य होते.

*****

 हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन एआयआर डॉट कॉम या संकेतस्थळावरही उपलब्ध आहे.

*****

 औरंगाबाद शहरातल्या कचरा व्यवस्थापनाचं व्यवस्थित नियोजन करावं, आणि या कचऱ्याच्या संदर्भात राज्य शासनाची काय भूमिका आहे, या बद्दल राज्याच्या मुख्य सचिवांनी शपथपत्र सादर करण्याचे आदेश, मुंबई उच्च न्यायालयाच्या औरंगाबाद खंडपीठानं काल दिले. नारेगाव इथल्या कचरा डेपो प्रकरणी, दाखल जनहित याचिकेच्या सुनावणी दरम्यान काल न्यायालयानं हे आदेश दिले. 

 दरम्यान, कचरा विल्हेवाटी संदर्भात मंगळवारी झालेल्या सुनावणी दरम्यान ज्या जागा महानगरपालिकेनं सुचवल्या होत्या, त्या जागांच्या पाहणीचा अहवाल काल महानगर पालिका आयुक्त, जिल्हाधिकारी, आणि पोलीस आयुक्त यांनी न्यायालयाला सादर केला. या ठिकाणी त्वरित कचरा डेपो उभारता येणार नाही, त्यामुळे नारेगाव इथं कचरा टाकण्यासाठी तीन महिने मुदतवाढ देण्याची मागणी प्रशासनानं काल झालेल्या सुनावणीत न्यायालयाकडे केली. या प्रकरणाची सुनावणी आता येत्या सोमवारी होईल.

****

 मराठवाड्यातल्या शेतकऱ्यांच्या विविध मागण्यांसदर्भात स्वाभिमानी शेतकरी संघटनेच्या वतीनं काल औरंगाबाद इथल्या विभागीय आयुक्त कार्यालयावर रूमणं मोर्चा काढण्यात आला. हिवाळी अधिवेशनात राज्य सरकारनं बोंडअळीग्रस्त शेतकऱ्यांना जाहीर केलेली आर्थिक मदत सरसकट शेतकऱ्यांच्या खात्यात १० दिवसात जमा करावी, या मागणीसह विविध मागण्यांचं निवेदन संघटनेच्या वतीनं यावेळी प्रशासनाला देण्यात आलं.

****

 उस्मानाबाद जिल्हा पोलीस अधीक्षक कार्यालय, पाच उपविभागीय पोलीस अधिकारी कार्यालयं आणि १८ पोलीस ठाण्यांना आय.एस.ओ. नऊ हजार एक मानांकन प्राप्त झालं आहे. पोलीस अधीक्षक पंकज देशमुख यांनी याबाबत पुढाकार घेतला होता. याविषयी अधिक माहिती देत आहेत आमचे वार्ताहर –

 पोलीस ठाण्यातली कागदपत्रं, अभिलेखे, फाईलींग अद्यावतीकरण याचं वर्षानुवष चालणाऱ्या न्यायालयीन खटल्यांच्या मुद्देमाल याचं सूसुत्रीकरण करण्यात आलं. या शिवाय परिसर स्वच्छता, रंगरंगोटी, वाहनं पार्कींग, वृक्षलागवड या भौतिकसुविधा, पोलीस ठाण्यात येणाऱ्या नागरिकांना शुध्द पिण्याचं पाणी बसण्यासाठी आसनं, पोलीस ठाणे परिसरातील सर्व विभागांचा नकाशा, निर्भयापेटी, सूचनापेटी, या सुविधा उपलब्ध करुन देण्यात आल्या आहेत.

 शिवाय सामान्य नागरिकांच्या पासपोर्ट, चारित्र्य प्रमाणपत्रांसारख्या कागदपत्रांची निर्धारीत कालावधीत देण्यासाठी आणि गुणवत्तापुर्ण सेवा देणारे गुणात्मक सकारात्मक बदल्य या 24 पोलीस आस्थापनांमध्ये घडून आलेले आहेत. –देविदास पाठक,आकाशवाणी वार्ताहर, उस्मानाबाद.

****

 वीज देयकाचा रीतसर नियमितपणे भरणा करणाऱ्या वीज ग्राहकांना अखंडित वीज पुरवठा करण्याचे निर्देश औरंगाबादचे खासदार चंद्रकांत खैरे यांनी वीज महावितरण कंपनीला दिले आहेत. औरंगाबाद इथं जिल्हा विद्युतीकरण समितीच्या बैठकीत ते काल बोलत होते. ग्रामीण भागात महावितरणने गटानुसार वीज जोडणी दिली आहे, मात्र गटातले काही ग्राहक देयकाचा भरणा करत नसल्यानं, इतर ग्राहकांनाही त्रास सहन करावा लागतो. त्यामुळे थकीत देयकं वसूल करून, वीजपुरवठा सुरळीत करण्याचे निर्देश खासदार खैरे यांनी दिले.

****

 अर्थमंत्री सुधीर मुनगंटीवार यांच्या नावाने बनावट फेसबुक अकाऊंट तयार करून त्यावर पोस्ट टाकणाऱ्या एका तरुणाविरोधात जालना इथं सायबर पोलीस ठाण्यात गुन्हा दाखल करण्यात आला आहे. स्वप्नील  अग्रवाल असं या तरुणाचं नाव असून, तो भारतीय जनता पक्षाचा कार्यकर्ता आहे. अर्थमंत्र्यांच्या नावाने पक्षातल्या काही जणांना मैत्री विनंती प्राप्त झाल्यानंतर हा प्रकार समोर आला. वरिष्ठ पातळीवरून तक्रार प्राप्त झाल्यानंतर पोलिसांनी या तरुणाला ताब्यात घेतलं आहे.

****

 वाईट आणि नकारात्मक बाबींचा नाश करत चांगल्या आणि सकारात्मकतेचा अंगिकार करण्याची संकल्पना असलेला होळीचा सण आज राज्यात उत्साहात साजरा होत आहे. संध्याकाळी ठिकठिकाणी होळी पेटवून पूजा केली जाईल.

*****

***