Regional Urdu Text  Bulletin, Aurangabad, Date: 02.05.2018 ,Time:8.40-8.45 am

Regional Urdu Text Bulletin, Aurangabad.
Date: 02 May 2018
Time 8:40 to 8:45 am
آکاشوانی اَورنگ آباد
علاقائی خبریں
تاریخ: ۲؍ مئی ۲۰۱۸؁
وَقت: صبح ۴۰:۸۔ ۴۵:۸
***** ***** *****
 ریاست ِ مہاراشٹر کا یومِ تاسیس کل جوش و خروش سے منایا گیا۔ اس موقعے پر ریاست بھر میں مختلف پروگراموں کا انعقاد کیا گیا تھا۔
 ممبئی کے شیواجی پارک میں منعقدہ مرکزی تقریب میں گورنر سی ودّیا ساگر رائو نے پرچم کشائی کی۔ تقریب سے خطاب کرتے ہوئے گورنر نے قرض معافی سے محروم رہ گئے قریب تین لاکھ کسانوں تک قرض معافی کا فائدہ پہنچانے‘ لاتور میں مجوزہ ریل کوچ فیکٹری سے 25/ ہزار ملازمتیں پیدا کرنے اور اگلے سال تک سبھی بے گھر افراد کو مکانات فراہم کرنے کیلئے بارہ لاکھ گھروں کی تعمیر کا عہد کیا۔
ریاست کے مختلف شہروں میں بھی متعلقہ رابطہ وزیروں نے پرچم کشائی کی۔ اورنگ آباد میں رابطہ وزیر ڈاکٹر دیپک ساونت کے ہاتھوں پرچم کشائی کی گئی۔ اس موقع پر اپنی مخاطبت میں رابطہ وزیر نے ضلعے کے کھلے میں رفع حاجت سے پاک ہونے کا اعلان کیا۔ حکومت کی جانب سے چلائی جارہی مختلف اسکیموں کا بھی اُنھوں نے ذکر کیا۔ تقریب میں 22 / پولس افسران اور ملازمین کو DG پولس انعامات سے نوازا گیا۔ تقریب میں کھلاڑیوں‘ تلاٹھی اور صنعتکاروں کو بھی انعامات دیکر اُن کی حوصلہ افزائی کی گئی۔ شہید پولس جوانوں کی بیوائوں میں ST کارپوریشن کی بسوں کے تاعمر مفت پاس بھی تقسیم کیے گئے۔
مراٹھوا ڑہ کے دوسرے شہر جالنہ میں پولس ہیڈ کوارٹر میدان پر ریاست کے آبی فراہمی اور صفائی کے وزیر ببن رائو لونیکر نے پرچم کشائی کی۔ جالنہ ضلع بننے کے 37/ سال مکمل ہونے پر لونیکر نے شہریوں کو مبارکباد پیش کی۔ بیڑ میں رابطہ وزیر پنکجا منڈے اور لاتور میں رابطہ وزیر سنبھاجی پاٹل نلنگیکر کے ہاتھوں پرچم کشائی کی گئی۔
 ناندیڑ میں رام داس کدم‘ عثمان آباد میں ارجن کھوتکر اور پربھنی میں ضلع کلکٹر پی شیو شنکر نے پرچم کشائی کی۔
------------------------------
محنت کش مزدوروں کا عالمی دن بھی کل منایا گیا۔ اس موقعے پر مختلف پروگراموں کا انعقاد کیا گیا تھا۔ بین الاقوامی محنت کش تنظیمو ں کی جانب سے ہر سال ایک مئی کو مزدوروں کا عالمی دن منایا جاتا ہے۔
------------------------------
 مرکزی تفتیشی بیورو‘ CBI نے کل ممبئی کے کسٹم ڈیوٹی دفتر میں ڈپٹی کمشنر درجے کے چار افسران کو گرفتار کرلیا۔ ان افسران کو ایک درآمد کار کے سامان کو اجازت نامہ جاری کرنے کے عوض 50/ لاکھ روپئوں کی رشوت لینے کا الزام ہے۔ CBI کے نئی دلّی افسران نے یہ معلومات دیں۔ CBI افسران نے ممبئی کی عدالت کو یہ اطلاع دی ہیکہ اس معاملے میں مزید دو افراد کو گرفتار کیا جائیگا۔
------------------------------
مہاراشٹر کے وزیرِ اعلیٰ دیویندر پھڑنویس نے اُمید ظاہر کی ہیکہ ایک اگست کے بعد ریاست کے سبھی کسانوں کو ڈیجیٹل دستخط والا سات بارہ ملے گا۔ پھڑنویس نے کل ممبئی میں ڈیجیٹل دستخط سات بارہ مہم کے افتتاح کے بعد بول رہے تھے۔ اُنھوں نے کہا کہ سرکار کے ایک محکمے سے دوسرے محکمے تک دستاویزات پہنچانے کی تکلیف سے عوام کو راحت پہنچانا اور دو محکموں کے درمیان بہتر تال میل پیدا کرنا ڈیجیٹائزیشن کا مقصد ہے۔ اس موقعے پر وزیرِ اعلیٰ سمیت کئی کسانوں میں سات بارہ کی ڈیجیٹل نقل تقسیم کی گئی۔ وزیرِ اعلیٰ نے اس منصوبے کو کامیابی کے ساتھ نافذ کرنے پر محصول محکمے کے افسران اورملازمین کی تعریف بھی کی۔
------------------------------
 بلٹ ٹرین اور نانار جیسے پروجیکٹوں کیلئے اپنی زمینیں نہ دینے کی اپیل مہاراشٹر نونرمان سینا کے صدر راج ٹھاکرے نے کی ہے۔ کل پال گھر میں جلسۂ عام سے خطاب کرتے ہوئے راج ٹھاکرے نے ریاست اور مرکز کی BJP حکومتوں کی پالیسیوں پر خوب تنقید کی۔ ٹھاکرے نے ریاست اور مرکز کی حکومتوں کو عوام کے مسائل حل کرنے میں پوری طرح ناکام قرار دیا۔
------------------------------
 علیحدہ ودربھ ریاست کے مطالبے پر کل مہاراشٹر دن کے موقعے پر ایوت محل میں یومِ سیاہ منایا گیا۔
 ہمارے نمائندے نے خبر دی ہیکہ علیحدہ ودربھ ریاست کے حامیوں نے کل ایوت محل کے نگر بھون علاقے میں واقع لوک نائک باپوجی اَنے کے مجسّمے کے قریب ودربھ ریاست کے جھنڈے کی پرچم کشائی کی اور نیتاجی چوک میں دھرنا احتجاج کرتے ہوئے نعرے بازی کی۔
------------------------------
گائووں کو بھی شہروں کی طرح بنیادی ڈھانچے کی سہولیات فراہم کرنے والے شیاما پرساد مکھرجی روربن منصوبے پر اورنگ آباد ضلعے میں مؤثر عمل آوری کرنے کی ہدایت ضلعے کے رابطہ وزیر ڈاکٹر دیپک ساونت نے دی ہے۔انھوں نے کل اورنگ آباد میں اس منصوبے سے متعلق اعلیٰ سطحی میٹنگ میں یہ ہدایت دی۔ اورنگ آباد ضلعے کے 12/ گائووں کو اس منصوبے میں شامل کیا گیا ہے۔ڈاکٹر ساونت نے خلدآباد تعلقے کے گدانہ گائوں میں شرم دان کے ذریعے کیے گئے کاموں کا معائنہ کیا اور اُن کی ستائش کی۔ اس کے علاوہ اُنھوں نے اورنگ آباد شہر کے مختلف مقامات کا دورہ کیا اور کچرے کی صورتحال کا جائزہ لیا۔ رابطہ وزیر نے متعلقین کو کچرے کو جلد سے جلد ٹھکانے لگانے کی بھی ہدایت دی۔
------------------------------

AIR NEWS BULLETIN AURANGABAD 02.05.2018_6.50

Text- AIR NEWS BULLETIN AURANGABAD 02.05.2018 6.50

Regional Marathi Text Bulletin, Aurangabad

Date – 02 May  2018

Time 6.50 AM to 7.00 AM

Language Marathi

आकाशवाणी औरंगाबाद

प्रादेशिक बातम्या

दिनांक ०२ मे २०१८ सकाळी ६.५० मि.

****

·       महाराष्ट्र राज्य स्थापनेचा वर्धापन दिन काल उत्साहात साजरा

·       डिजिटल स्वाक्षरीकृत सातबारा योजनेचं मुख्यमंत्र्यांच्या हस्ते लोकार्पण

·       दुष्काळमुक्त महाराष्ट्रासाठी पाणी फाऊंडेशनचं राज्यभरात महाश्रमदान; लातूर जिल्ह्यात फत्तेपूर इथं अभिनेता आमिर खान, तसंच अभिनेत्री अलिया भट यांचा श्रमदानात सहभाग

आणि

·       ५० लाख रूपये लाचप्रकरणी मुंबईत सीमाशुल्क विभागातल्या उपायुक्त दर्जाच्या चार अधिकाऱ्यांना अटक

****

महाराष्ट्र राज्याचा स्थापना दिवस काल उत्साहात साजरा करण्यात आला. यानिमित्त राज्यभर विविध कार्यक्रमांचं आयोजन करण्यात आलं होतं. मुंबईत शिवाजी पार्कमध्ये राज्यपाल सी.विद्यासागर राव यांच्या हस्ते महाराष्ट्र दिनाचं मुख्य ध्वजारोहण झालं. कर्जमाफीपासून वंचित राहिलेल्या जवळपास तीन लाख शेतकऱ्यांना कर्जमाफीचा लाभ, लातूर इथं नियोजित रेल्वे डब्याच्या कारखान्यामुळे प्रत्यक्षात २५ हजार नोकऱ्यांची निर्मिती आणि पुढील वर्षापर्यंत सर्व बेघरांना हक्काचं घर देण्यासाठी, १२ लाख घरं बांधण्याचा मनोदय, राज्यपालांनी यावेळी व्यक्त केला.

राज्यभरात जिल्हा मुख्यालयांच्या ठिकाणी संबंधित जिल्ह्यांच्या पालकमंत्र्यांच्या हस्ते ध्वजारोहण करण्यात आलं.

औरंगाबाद इथं पालकमंत्री डॉ. दीपक सावंत यांच्या हस्ते मुख्य ध्वजारोहण झालं. यावेळी केलेल्या भाषणात पालकमंत्र्यांनी जिल्ह्यातला ग्रामीण भाग उघड्यावर शौचापासून मुक्त झाल्याचं सांगितलं. शासनामार्फत राबवल्या जात असलेल्या विविध योजनांचा त्यांनी आढावा घेतला, ते म्हणाले...

प्राचीन संस्कृतीचा वारसा सांभाळतांना देशाच्या विकासात आपल्या  राज्याचे योगदार फार महत्त्व पुर्ण आहे. छत्रपती शिवाजी महाराज शेतकरी सन्मान महत्वाकांक्षी योजना अतिशय पारदर्शकपणे राबविलेली आहे. शहिद सैनिकांच्या वीर पत्नीस पंचवीस लाख रुपये तसेच पाच एक्कर जमिन आणि इतर लाभही देण्यात येत आहे.  वीर पत्नींना शासन सेवेत सामावून घेण्याच्या संदर्भात तसेच वीर पत्नी आणि त्यांच्या अपत्यांना महात्मा फुले जन आरोग्य योजणांच्या माध्यमातुन आरोग्याचे सुरक्षा कवच देखील उपलब्ध करण्यासाठी राज्य शासनाने सकारात्मक पावले उचलली आहेत.

यावेळी पालकमंत्र्यांच्या हस्ते २२ पोलिस अधिकारी आणि कर्मचाऱ्यांना पोलिस महासंचालकांची सन्मानचिन्हं प्रदान करण्यात आली. क्रीडापटू, तलाठी तसंच उद्योजकांचाही यावेळी पुरस्कार देऊन गौरव करण्यात आला.

हुतात्मा जवानांच्या वीरपत्नींना राज्य मार्ग परिवहन - एसटी बससेवेचे आजीवन मोफत पास वितरित करण्यात आले. 

जालना इथं पोलीस मुख्यालयाच्या मैदानावर राज्याचे पाणीपुरवठा आणि स्वच्छता मंत्री बबनराव लोणीकर यांच्या हस्ते ध्वजारोहण झालं. जालना जिल्हा निर्मितीला ३७ वर्ष पूर्ण झाल्याबद्दल लोणीकर यांनी जिल्हावासियांना शुभेच्छा दिल्या.

बीड इथं पोलिस मुख्यालयाच्या मैदानावर पालकमंत्री पंकजा मुंडे यांच्या हस्ते तर लातूर इथं पालकमंत्री संभाजी पाटील निलंगेकर यांच्या हस्ते ध्वजारोहण करण्यात आलं.

नांदेड इथं पालकमंत्री रामदास कदम यांच्या हस्ते, उस्मानाबाद इथं पालकमंत्री अर्जुन खोतकर यांच्या हस्ते तर परभणी इथं जिल्हाधिकारी पी शिवशंकर यांच्या हस्ते ध्वजारोहण झालं.

हिंगोलीत पालकमंत्री दिलीप कांबळे यांच्या हस्ते ध्वजारोहण झालं. पोलीस दलातल्या पदक प्राप्त आधिकाऱ्यांचा यावेळी सत्कार करण्यात आला.

****

आंतरराष्ट्रीय कामगार दिवसही काल विविध उपक्रमांच्या माध्यमातून उत्साहात साजरा करण्यात आला. आंतरराष्ट्रीय श्रमिक संघटनांच्या सक्षमीकरणासाठी दर वर्षी हा दिवस पाळण्यात येतो.

****

येत्या एक ऑगस्टनंतर राज्यातल्या सर्व शेतकऱ्यांना डिजिटल स्वाक्षरी असलेला सातबारा उतारा मिळेल, असा विश्वास मुख्यमंत्री देवेंद्र फडणवीस यांनी व्यक्त केला आहे. मुंबईत काल डिजिटल स्वाक्षरीकृत सातबारा योजनेचं लोकार्पण केल्यानंतर ते बोलत होते.

आज आपण ४० हजार गावांचा अचूक डेटा हा संगणकीकृत डिजीटल फॉरमॅटमध्ये आणू शकलोय आणि एक ऑगस्टला आपण त्याची डिजीटल स्वाक्षरी देखील पूर्ण करु. रोज त्याच्यामध्ये १०-२० लाख, ५० लाखाची भर पडतेय. आणि ही भर पडून एक ऑगस्टपर्यंत हे निश्चितपणे मिळेल.

सर्वसामान्यांना सरकारच्या एका विभागातून कागदपत्रं घेऊन ती सरकारच्याच दुसऱ्या विभागात जमा करावी लागू नयेत, दोन विभागांनीच परस्पर समन्वय साधावा, हा सरकारी कामकाजाच्या डिजिटायझेनचा उद्देश असल्याचं मुख्यमंत्री म्हणाले. मुख्यमंत्र्यांसह अनेक शेतकऱ्यांना यावेळी सातबारा उताऱ्याच्या प्रती वितरित करण्यात आल्या. ही योजना यशस्वी केल्याबद्दल महसूल विभागातले अधिकारी तसंच कर्मचाऱ्यांचा यावेळी गौरव करण्यात आला.

****

केंद्रीय गुन्हे अन्वेषण विभाग - सीबीआयनं मुंबईत सीमाशुल्क विभागातल्या उपायुक्त दर्जाच्या चार अधिकाऱ्यांना अटक केली आहे. एका आयातदाराच्या मालाला परवानगी देण्यासाठी ५० लाख रुपयांची लाच मागितल्या प्रकरणी ही अटक करण्यात आली. नवी दिल्लीत सीबीआयच्या अधिकाऱ्यांनी ही माहिती दिली आहे. या प्रकरणी आणखी दोघांना अटक केली जाणार असल्याचं अधिकाऱ्यांनी मुंबईतल्या एका न्यायालयात सांगितलं.

****

हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन ए. आय. आर. डॉट कॉम या संकेतस्थळावरही उपलब्ध आहे.

$33FD113F-59D5-4F37-83B1-FC574C0A020A$****

बुलेट ट्रेन, नाणार या सारख्या प्रकल्पांना आपल्या जमिनी देऊ नका, असं आवाहन महाराष्ट्र नवनिर्माण सेनेचे प्रमुख राज ठाकरे यांनी केलं आहे. काल पालघर इथं एका सभेमध्ये त्यांनी हे आवाहन करताना राज्य आणि केंद्र सरकारच्या धोरणांवर कडाडून टीका केली. जनतेच्या समस्या सोडवण्यात राज्य आणि केंद्र सरकार पूर्णपणे अयशस्वी ठरल्याचा आरोप राज ठाकरे यांनी केला.

****

दुष्काळमुक्त महाराष्ट्रासाठी पाणी फाऊंडेशनच्या वतीनं काल राज्यभरात महाश्रमदान अभियान राबवण्यात आलं. लातूर जिल्ह्यातल्या फत्तेपूर या गावी अभिनेता आमिर खान, त्याची पत्नी किरण राव तसंच अभिनेत्री अलिया भट यांनी काल श्रमदानात सहभाग नोंदवला. गेली तीन वर्ष जलसिंचन प्रकल्पांसाठी अशी कामं राज्यात सुरू आहेत. यंदा राज्यातल्या ७५ तालुक्यांची या कामांसाठी निवड झाली असून त्यात लातूर जिल्ह्यातल्या औसा, निलंगा आणि देवणी तालुक्यांचा समावेश आहे. गेल्या वर्षी एक हजार तीनशे गावांत हा उपक्रम राबवण्यात आला, यंदा चार हजार पाचशे गावांत ही कामं होणार असल्याचं अमिर खाननं सांगितलं.

पाणी फाऊंडेशनचे एक लाख ३६ हजार स्वंयसेवक राज्यात श्रमदानात आपला सहभाग नोंदवणार आहेत. २१ मे पर्यंत हे काम चालणार आहे. यामध्ये जनतेनं सहभागी व्हावं, असं आवाहन अलिया भटनं यावेळी केलं.

देवणी तालुक्यात तळेगाव भोगेश्वर इथं पालकमंत्री संभाजी पाटील निलंगेकर यांच्यासह इतर अधिकाऱ्यांनी श्रमदान केलं.

परभणी जिल्ह्याच्या जिंतूर तालुक्यात चारठाणा, जांब आणि भोसी इथंही महाश्रमदान करण्यात आलं.

****

गावांना शहराप्रमाणं पायाभूत सुविधा पुरवण्याची सुविधा असलेल्या श्यामा प्रसाद मुखर्जी रुरबन अभियानाची जिल्ह्यात प्रभावीपणे अंमलबजावणी करण्याचं आवाहन औरंगाबादचे पालकमंत्री डॉ. दीपक सावंत यांनी केलं आहे. या अभियानाच्या शिखर समितीची बैठक काल औरंगाबादमध्ये त्यांच्या उपस्थितीत झाली, त्यावेळी ते बोलत होते. या अभियानांतर्गत जिल्ह्यातल्या एकूण १२ गावांचा समावेश आहे.

खुलताबाद तालुक्यातल्या गदाना गावात श्रमदानातून केलेल्या कामाची पालकमंत्री डॉक्टर सावंत यांनी पाहणी करून गावकऱ्यांचं कौतुक केलं.

त्याचबरोबर पालकमंत्र्यांनी औरंगाबाद शहरातल्या विविध ठिकाणी भेट देऊन कचऱ्याच्या व्यवस्थापनाची पाहणी केली. कचऱ्यावर लवकरात लवकर प्रक्रिया करण्याचे निर्देश त्यांनी यावेळी दिले.

****

स्वतंत्र विदर्भ राज्याच्या मागणीसाठी काल महाराष्ट्र दिनी यवतमाळ इथं विदर्भवाद्यांनी काळा दिवस पाळला. नगर भवन परिसरात असलेल्या लोकनायक बापूजी अणे यांच्या पुतळ्याशेजारी विदर्भ राज्याचं ध्वजारोहण करुन कार्यकर्त्यांकडून स्वतंत्र विदर्भाच्या घोषणा देत नेताजी चौकात धरणे आंदोलन करण्यात आल्याचं आमच्या वार्ताहरानं कळवलं आहे.

****

पुण्याजवळील भोसरी इथल्या एका भूखंडाच्या खरेदीत तत्कालीन महसूल मंत्री एकनाथ खडसे यांनी पदाचा दुरुपयोग केल्याच्या आरोपाच्या चौकशीचा अहवाल लाचलुचपत प्रतिबंधक विभागानं पुणे न्यायालयात सादर केला आहे. हा २२ पानी अहवाल २७ एप्रिललाच सादर केला असल्याचं पोलिस अधीक्षक संदीप दिवाण यांनी वृत्तसंस्थेला सांगितलं. अहवालाचा तपशील सांगायला मात्र त्यांनी नकार दिला. पुण्याच्या एका व्यावसायिकानं खडसे यांच्या विरोधात ही तक्रार केली होती.

****

अहमदनगर जिल्ह्यात जामखेड इथं राष्ट्रवादी युवक काँग्रेसच्या कार्यकर्त्यांच्या दुहेरी हत्याकांडाचा तपास दहशतवाद विरोधी पथकाकडे देण्याची मागणी विधान सभेचे माजी सभापती दिलीप वळसे पाटील यांनी केली आहे. पीड़ित कुटुंबाचं सांत्वन करण्यासाठी वळसे पाटील काल अहमदनगरला आले होते. त्यावेळी त्यांनी ही मागणी केली. २८ एप्रिल रोजी या दोन कार्यकर्त्यांची हत्या झाली. जामखेडमध्ये घडणाऱ्या घटना आणि पोलिसांची मानसिकता लक्षात घेता या घटनेचा तपास स्थानिक पोलिस कार्यक्षमपणे करू शकणार नाही, असं वळसे पाटील म्हणाले.

//*********//

AIR News Bulletin, Aurangabad 01.05.2018....17.25

Text - AIR News Bulletin, Aurangabad 01.05.2018 - 17.25

Regional Marathi Text Bulletin, Aurangabad

Date - 1 May 2018

Time - 17.25 to 17.30

Language Marathi

आकाशवाणी औरंगाबाद

प्रादेशिक बातम्या

दिनांक १ मे २०१८ सायंकाळी ५.२५ मि.

****

बाल लैंगिक शोषणाशी निगडित सर्व खटले विशेष जलदगती न्यायालयात चालवावेत, असे निर्देश सर्वोच्च न्यायालयानं दिले आहेत. या खटल्यांवर देखरेख आणि नियमन करण्यासाठी सर्व राज्यांच्या उच्च न्यायालयांनी तीन न्यायमूर्तींची एक समिती स्थापन करावी, असंही न्यायालयानं या संदर्भात दिलेल्या दिशानिर्देशांमध्ये म्हटलं आहे. बाल लैंगिक शोषण प्रतिबंधक कायदा - पॉक्सो नुसार अशा खटल्याचं कामकाज विनाकारण पुढे न ढकलण्याची सूचना उच्च न्यायालयानं संबंधित न्यायमूर्तींना करावी, असंही न्यायालयानं सांगितलं आहे. सर्व राज्यांच्या पोलिस महासंचालकांनी, यासंदर्भात एक विशेष कृतीदल स्थापन करण्याचे निर्देशही न्यायालयानं दिले आहेत.

****

देशात वस्तू आणि सेवा कर - जीएसटी लागू झाल्यानंतर पहिल्यांदाच एप्रिल महिन्यात जीएसटीच्या माध्यमातून एक लाख कोटी इतका महसूल प्राप्त झाला आहे. केंद्रीय अर्थमंत्रालयानं आज ही आकडेवारी जाहीर केली. जीएसटीला मिळालेलं हे ऐतिहासिक यश असून, वाढत्या आर्थिक व्यवहारांच्यादृष्टीनं फायदेशीर असल्याचं केंद्रीय अर्थमंत्री अरुण जेटली यांनी ट्विटरच्या माध्यमातून म्हटलं आहे. 

****

राष्ट्रीय शैक्षणिक संशोधन आणि प्रशिक्षण परिषद - एनसीईआरटीनं शाळा आणि पालकांना सायबर सुरक्षेविषयी दिशानिर्देश जारी केले आहेत. विद्यार्थ्यांना इंटरनेटचा सुरक्षित, कायदेशीर आणि नैतिक उपयोग करण्यासाठी शिक्षक आणि पालकांनी प्रोत्साहन द्यावं, यासाठी परिषदेनं हे निर्देश जारी केले आहेत. विद्यार्थ्यांनी इंटरनेटवरुन ओळख झालेल्या व्यक्तीला भेटू नये, तर शिक्षकांनी मुलांच्या वर्तणुकीतल्या बदलांचं निरीक्षण करण्याचे निर्देशही देण्यात आले आहेत. सायबर सुरक्षेविषयी अधिक मार्गदर्शन करण्यासाठी शाळांनी विशेष उपक्रम घ्यावेत, असंही परिषदेनं सूचवलं आहे.      

****

देशातल्या कामगारांचं जीवनमान सुधारण्यासाठी नवीन विचारांसोबत काम करण्याची गरज असल्याचं केंद्रीय मंत्री नितीन गडकरी यांनी म्हटलं आहे. नवी दिल्ली इथं आज आंतरराष्ट्रीय कामगार दिनानिमित्त आयोजित कार्यक्रमात ते बोलत होते. संघटीत आणि असंघटीत क्षेत्रातल्या कामगारांना निवास, शिक्षण आणि आरोग्य या सुविधा मिळायला पाहिजे, असं ते म्हणाले. कामगारांच्या मेहनतीमुळे देश आज प्रगती करत असल्याचं त्यांनी नमूद केलं.

****

येत्या एक ऑगस्टनंतर सर्व शेतकऱ्यांना डिजिटल स्वाक्षरी असलेला सातबारा उतारा मिळेल, असा विश्वास मुख्यमंत्री देवेंद्र फडणवीस यांनी व्यक्त केला आहे. मुंबईत आज डिजिटल स्वाक्षरीकृत सातबारा योजनेचं लोकार्पण केल्यानंतर मुख्यमंत्री बोलत होते. ते म्हणाले -

आज आपण ४० हजार गावांचा अचूक डेटा हा संगणकीकृत डिजीटल फॉरमॅटमध्ये आणू शकतोय आणि एक ऑगस्टला आपण त्याची डिजीटल स्वाक्षरी देखील पूर्ण करु. रोज त्याच्यामध्ये १०-२० लाख, ५० लाखाची भर पडतेय. आणि ही भर पडून एक ऑगस्टपर्यंत हे निश्चितपणे मिळेल.

सर्वसामान्यांना सरकारच्या एका विभागातून कागदपत्रं घेऊन ती सरकारच्याच दुसऱ्या विभागात जमा करावी लागू नयेत, दोन विभागांनीच परस्पर समन्वय साधावा, हा सरकारी कामकाजाच्या डिजिटायझेनचा उद्देश असल्याचं मुख्यमंत्री म्हणाले. मुख्यमंत्र्यांसह अनेक शेतकऱ्यांना यावेळी सातबारा उताऱ्याच्या प्रती वितरित करण्यात आल्या. ही योजना यशस्वी केल्याबद्दल महसूल विभागातले अधिकारी तसंच कर्मचाऱ्यांचा यावेळी गौरव करण्यात आला.

****

मुंबई शहरासाठी तयार करण्यात आलेल्या ‘नव विकास आराखडा २०३४’ मुळे मूलभूत परिवर्तन होईल, असं केंद्रीय गृहनिर्माण आणि नगरविकास राज्यमंत्री हरदिप सिंह पुरी यांनी म्हटलं आहे. महाराष्ट्र स्थावर मालमत्ता नियामक प्राधिकरणाच्या वर्धापनदिनानिमित्त मुंबईत आयोजित कार्यक्रमात ते आज बोलत होते. हा आराखडा तयार केल्याबद्दल पुरी यांनी मुख्यमंत्री देवेंद्र फडणवीस यांची यावेळी प्रशंसा केली. या विकास आराखड्यामुळे फक्त महानगरातच नव्हे तर संपूर्ण राज्यात गुणात्मक बदल दिसून येईल, असं ते म्हणाले. गेल्या आठवड्यात जाहीर करण्यात आलेल्या या विकास आराखड्यात, जमिनीचे नवीन दर निश्चित केले आहेत.

****

दुष्काळमुक्त महाराष्ट्रासाठी पाणी फाऊंडेशनच्या वतीनं आज राज्यभरात महाश्रमदान अभियान राबवण्यात आलं. लातूर जिल्ह्यातल्या देवणी तालुक्यात तळेगाव भोगेश्वर इथं पालकमंत्री संभाजी पाटील निलंगेकर यांच्यासह इतर अधिकाऱ्यांनी श्रमदान केलं. पाणी फाऊंडेशनच्या वॉटर कप स्पर्धेत देवणी तालुक्यानं भाग घेतला असून, सध्या नाला सरळीकरण आणि कंपार्टमेंट बंडीगची कामं श्रमदानाच्या माध्यमातून सुरु आहेत.

****

स्वतंत्र विदर्भ राज्याच्या मागणीसाठी आज महाराष्ट्र दिनी यवतमाळ इथं विदर्भवाद्यांनी काळा दिवस पाळला. नगर भवन परिसरात असलेल्या लोकनायक बापूजी अणे यांच्या पुतळ्याशेजारी विदर्भ राज्याचं ध्वजारोहण करुन कार्यकर्त्यांकडून स्वतंत्र विदर्भाच्या घोषणा देत नेताजी चौकात धरणे आंदोलन करण्यात आल्याचं आमच्या वार्ताहरानं कळवलं आहे.

****

AIR NEWS BULLETIN, AURANGABAD 01.05.2018_13.00.

AIR NEWS BULLETIN, AURANGABAD 01.05.2018 13.00

Regional Marathi Text Bulletin, Aurangabad

Date – 1 May 2018

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक १ मे  २०१८ दुपारी १.०० वा.

****

 आंतरराष्ट्रीय कामगार दिवस आज साजरा होत आहे. आंतरराष्ट्रीय श्रमिक संघटनांच्या संवर्धनासाठी दर वर्षी हा दिवस पाळण्यात येतो. राष्ट्रपती रामनाथ कोविंद यांनी देशभरातल्या कामगारांना शुभेच्छा दिल्या आहेत. कामगारांची शिस्त आणि समर्पणामुळे राष्ट्र उभारणी होत असून, नव भारताची पायाभरणी होत असल्याचं सांगून राष्ट्रपतींनी, कामगारच राष्ट्रनिर्माता असल्याचं नमूद केलं.

****

 महाराष्ट्र आणि गुजरात या राज्यांचा स्थापना दिवस आज साजरा होत आहे. राष्ट्रपती रामनाथ कोविंद आणि पंतप्रधान नरेंद्र मोदी यांनी दोन्ही राज्यांतल्या रहिवाशांना स्थापना दिनाच्या शुभेच्छा दिल्या आहेत. या दोन्ही राज्याचा विकास आणि संपन्नतेची आशा करत असल्याचं राष्ट्रपतींनी आपल्या संदेशात म्हटलं आहे. तर पंतप्रधानांनी आपल्या शुभेच्छा संदेशात, देशाच्या विकासात महाराष्ट्र महत्त्वाची भूमिका बजावत असल्याचं म्हटलं आहे.

****

 डिजिटल स्वाक्षरीकृत सातबारा योजनेचं आज मुंबईत मुख्यमंत्री देवेंद्र फडणवीस आणि महसूल मंत्री चंद्रकांत पाटील यांच्या हस्ते लोकार्पण करण्यात आलं. मुख्यमंत्र्यांच्या सातबारा उताऱ्याची प्रत काढून या सेवेला प्रारंभ करण्यात आला. यावेळी काही शेतकऱ्यांनाही सातबारा उताऱ्याच्या प्रती वितरित करण्यात आल्या.

 ही योजना यशस्वी केल्याबद्दल महसूल विभागातले अधिकारी तसंच कर्मचाऱ्यांचा यावेळी मुख्यमंत्र्यांच्या हस्ते या वेळी गौरव करण्यात आला.

****

 राज्याच्या स्थापना दिनानिमित्त विविध कार्यक्रमांचं आयोजन करण्यात आलं आहे. राज्यभरात जिल्हा मुख्यालयांच्या ठिकाणी आज सकाळी ध्वजारोहण करण्यात आलं. पालघर इथं पालकमंत्री विष्णू सावरा, रायगड इथं पालकमंत्री रविंद्र चव्हाण, नंदुरबार इथं पालकमंत्री जयकुमार रावल, अहमदनगर इथं पालकमंत्री राम शिंदे, भंडारा इथं पशुसंवर्धन आणि दुग्धविकास मंत्री महादेव जानकर, नाशिक इथं पालकमंत्री गिरीश महाजन, सातारा इथं पालकमंत्री विजय शिवतारे, सिंधुदुर्ग इथं पालकमंत्री दीपक केसरकर, तर धुळे इथं पालकमंत्री दादा भुसे यांच्या हस्ते मुख्य ध्वजारोहण करण्यात आलं. 

****

 औरंगाबाद इथं मुख्य शासकीय ध्वजारोहणानंतर, राज्य सरकारचं मुखपत्र असलेल्या लोकराज्यच्या वाचक उद्दीष्टपूर्तीबद्दल औरंगाबादचे जिल्हा माहिती अधिकारी मुकुंद चिलवंत यांचा उत्कृष्ट अधिकारी म्हणून पालकमंत्री दीपक सावंत यांच्या हस्ते गौरव करण्यात आला.

****

 औरंगाबाद इथं वीज महावितरण कंपनीचं प्रादेशिक कार्यालय आणि परिमंडल कार्यालयात महाराष्ट्र दिनानिमित्त प्रादेशिक सह व्यवस्थापकीय संचालक ओम प्रकाश बकोरिया यांच्या हस्ते ध्वजारोहण करण्यात आलं. गुणवंत कामगारांचा यावेळी प्रमाणपत्र आणि स्मृतिचिन्ह देऊन गौरव करण्यात आला.

****

 स्वच्छ भारत अभियानाला जनआंदोलनाचं स्वरुप प्राप्त व्हावं या उद्देशानं आजपासून स्वच्छ भारत उन्हाळी आंतरवासिता - इंटर्नशीप कार्यक्रम सुरु होत आहे. याद्वारे उन्हाळी सुट्टयांच्या कालखंडात देशातल्या लाखो विद्यार्थ्यांना प्रोत्साहन देऊन त्यांना स्वच्छ भारत मोहिमेत सहभागी करुन घेतलं जाईल. तीन महिन्यांच्या या कार्यक्रमाचा समारोप ३१ जुलै २०१८ रोजी होईल. युवक-युवतींनी पुढाकार घेऊन स्वच्छता मोहिम देशव्यापी करावी आणि या कार्यक्रमात भाग घ्यावा, असं आवाहन प्रधानमंत्री नरेंद्र मोदी यांनी ‘मन की बात’ या कार्यक्रमात केलं होतं.

****

 गावं विजेनं स्वयंपूर्ण झाली याचा अर्थ प्रत्येक गावातल्या १० टक्के घरांमध्ये वीज पोहोचली असल्याचं स्पष्टीकरण ऊर्जा मंत्रालयानं दिलं आहे. ग्रामीण भागात घरगुती वीजपुरवठा ८२ टक्क्यांहून अधिक असून, विविध राज्यात वीज पुरवठ्याचं प्रमाण ४७ ते शंभर टक्के असल्याचं राज्यांच्या ताज्या आकडेवारीत दिसून येत आहे.

****

 जम्मू काश्मीरमधल्या बारामुल्ला जिल्ह्यात काल संध्याकाळी अज्ञात बंदुकधाऱ्यांनी केलेल्या गोळीबारात तीन नागरिक ठार झाले. या हल्ल्यामागे लष्कर - ए -तय्यबा या दहशयतवादी संघटनेचा संबंध आढळून आल्याचं विभागीय पोलिस मुख्यालयानं प्रसिद्ध केलेल्या निवेदनात म्हटलं आहे. एका पाकिस्तानी तसंच दोन स्थानिक दहशतवाद्यांचा प्रमुख संशयितात समावेश आहे. अद्याप कुठल्याही दहशतवादी संघटनेनं या हल्ल्याची जबाबदारी स्वीकारलेली नाही.

****

 मुंबई - गोवा महामार्गावर दुचाकी आणि पीक अप वाहन यांच्यात धडक होऊन झालेल्या अपघातात दोन जण जागीच ठार झाले. इंदापूर नजीक धरणवाडी इथं काल रात्री हा अपघात झाला. 

****

 नांदेड इथं काल महिलांसाठी कर्करोग नियंत्रण जनजागृतीपर कार्यक्रम घेण्यात आला. जिल्ह्याचे पालकमंत्री रामदास कदम यांनी यावेळी केलेल्या भाषणात जिल्हा कर्करोग नियंत्रण विभागाच्या कामाबाबत समाधान व्यक्त करत, नागरिकांनी योग्य वेळी तपासणी तसंच आवश्यकतेनुसार उपचार करून घेण्याचं आवाहन केलं. वजिराबाद इथल्या गुरु गोविंदसिंहजी जिल्हा रुग्णालयातल्या नियंत्रण कक्षाचं उद्घाटनही पालकमंत्र्यांच्या हस्ते करण्यात आलं.

*****

***