Regional Urdu Text Bulletin, Aurangabad.
Date : 31 January 2023
Time : 09 : 00 to 09: 10 AM
آکاشوانی اَورنگ آباد
علاقائی خبریں
تاریخ: ۳۱ ٗٗٗٗٗٗٗٗٗٗٗٗ ؍ جنوری۲۰۲۳ء
وَقت: صبح ۰۰۔۹ سے ۱۰۔۹؍ بجے
سب سے پہلے خبروں کی سر خیاں...
٭ پارلیمنٹ کے بجٹ سیشن کا آج سے آغاز ‘ کَل مرکزی بجٹ ہو گا پیش
٭ تجارت کو فروغ دینے کے لیے مرکزی اور
ریاستی سطح پر کار وبار کی آزاد وزارت کے قیام کا
مہا راشٹر چیمبر آف کامرس کی جانب سے مطالبہ
٭ ملک کے خانگی ٹی وی چینلس کے لیے روز آنہ 30؍ منٹ تک خدماتِ عامّہ کی نشر یات لازمی قرار
٭ قانو ن ساز کائونسل کی5؍ نشستوں کے لیے تقریباً 72؍ فیصد رائے دہی
٭ پارٹی کا نام اور نشان سے متعلق شیو سینا کے دونوں گروپوں کی جانب سے مرکزی انتخابی کمیشن کے روبرو
تحریری بحث پیش
اور
٭ خواتین کے
T-20
؍ کر کٹ مقابلے میں بھارت کی ویسٹ اِنڈیز پر 8؍ وکٹوں سے فتح
اب خبریں تفصیل سے....
پارلیمنٹ کے بجٹ اجلاس کا آج سے صدر جمہوریہ دروپدی مُر مو کے خطاب سے آغاز ہو رہا ہے ۔ اِس پس منظر میں کَل پارلیمنٹ کے احا طے میں کُل جما عتی میٹنگ کا انعقاد کیا گیا ۔ اِس میٹنگ میں وزیر دفاع راجناتھ سنگھ ‘ پیوش گوئل اور سیاسی جماعتوں کے نمائندے موجو د تھے ۔ تاہم کانگریس پارٹی کے نمائندہ اِس میٹنگ میں غیر حاضر تھے ۔
اِس موقعے پر حکو مت کی جانب سے تمام سیاسی جماعتوں سے پارلیمنٹ کی کار وائی بغیر کسی رکا وٹ کے کیے جانے کی خاطر تعاون کرنے کی اپیل کی گئی ۔ میٹنگ میں مخالف جماعتوں سے کچھ مسائل اٹھا ئے گئے اور تجا ویز دی گئی ۔ حکو مت نے کہا کہ تمام مسائل اور تجا ویز پر حکو مت ایوانوں میں بحث کے لیے تیار ہے ۔
یہ اطلاع پارلیمانی امور کے مرکزی وزیر پر لہاد جو شی نے میٹنگ کے بعد نامہ نگاروں سے بات کر تے ہوئے دی ۔ بجٹ اجلاس کے دوران حکو مت کے سیاسی حکمتِ عملی طئے کرنے کے لیے NDA کی اتحادی جماعتوں کا بھی کل اجلاس منعقد کیا گیا ۔ پارلیمنٹ کے دونوں ایوانوں میں آج اقتصا دی جائزے کی رپورٹ پیش کی جائے گی ۔ کل یکم فروری کو وزیر مالیات نِر ملا سیتا رمن سال2023 - 24 ء کے لیے مالی بجٹ پیش کریں گی ۔ مرکزی وزیر پر لہاد جو شی نے بتا یا کہ2024ء کے عام انتخاب کے پیش نظر مالی بجٹ انتہائی اہمیت کا حامل ہے ۔
***** ***** *****
پارلیمنٹ کے بجٹ اجلاس کے پیش نظر وزیر اعلیٰ ایکناتھ شِندے کی زیر صدارت کل ریاست کے پارلیمنٹ اراکین کی میٹنگ منعقد کی گئی ۔ نائب وزیر اعلیٰ دیویندر پھڑ نویس ‘ مرکزی وزیر نا رائن رانے ‘ مرکزی وزیر مملکت بھاگوت کراڑ ‘ کپل پاٹل ‘ ڈاکٹر بھارتی پوارسمیت ریاستی کا بینی وزراء اِس میٹنگ میں شریک ہوئے ۔ اِس موقعے پر وزیر اعلیٰ نے کہا کہ ریاست کے تمام اراکین پارلیمنٹ ریاست کی تر قی کی خاطر کوشش کرنے والے عوامی نمائندے ہیں ۔ انہوں نے کہا کہ ہم سب مل کر ریاست کے زیر التواء مسائل مرکزی حکو مت کے روبرو اٹھا ئیں ۔
***** ***** *****
مہا راشٹر چیمبر آف کامرس ‘ اِنڈسٹریس اینڈ ایگریکلچر کے صدر للت گاندھی نے ملک میں تجارت کے فروغ کی خاطر مرکزی اور ریاستی سطح پر کار بار کی آزاد وزارت کے قیام کا مطالبہ کیا ہے ۔ مالی بجٹ سے کار وبار و صنعت کو جو امید یں وابستہ ہے اُس پر اپنا موقف واضح کر تے ہوئے للت گاندھی نے مانگ کی کہ اشیاء و خد مات ٹیکس ِؑؒ
GST ؍کے5؍ برسوں کا جائزہ لے کر اُس کے طریقہ کار میں درستی کی جائے اور GST ؍ کی شرح میں مناسب کمی کی جائے اُنھوں نے مزید مطالبہ کیا کہ ریاست کے ناندیڑ ‘ لاتور ‘ جلگائوں اِن اضلاع میں ہوئی خد مات مہیا کی جائیں ساتھ ہی کولہا پور ‘ ناسک ‘ اورنگ آباد طیرانگاہوں پر کارگو ٹر مِنس قائم کیے جائیں ۔ انہوں نے امرا وتی اور رتنا گیری ایئر پورٹس کی تعمیر کرنے اور کولہا پور یبھو واڑی ریلوے راستے کی خاطر فنڈ فراہم کرنے کی مانگ کی ۔
***** ***** *****
مرکزی وزارتِ اطلاعات و نشر یات نے ملک کے ٹی وی چینلس کی اَپ لِنکنگ اور ڈائون لنکنگ کے لیے نومبر2022ء میں جاری رہنما خطوط سے متعلق ‘ خانگی ٹی وی چینلس اور اُن کی تنظیموں کے ساتھ تفصیلی تبادلۂ خیال کر کے کل اِس بارے میں ہدایات جاری کی ۔ اِس کے مطا بق خانگی ٹی وی چینلس کے لیے روز آ نہ 30؍ منٹ تک خد مات ِ عامہ سے متعلق نشر یات لازمی قرار دی گئیں۔ اِن پروگرامس میں تعلیم کی تشہیر ‘ زراعت اور دیہی تر قی ‘ صحت اور خاندانی بہبود ‘ سائنس ٹیکنا لو جی ‘ خواتین اور سماج کے پسماندہ طبقات کی تر قی ‘ ما حولیات ‘ ثقا فت اور قومی اتحاد جیسے موضوعات شامل کیے جا ئیں گے ۔
***** ***** *****
***** ***** *****
یہ خبریں آکاشوانی اورنگ آ باد سے نشر کی جا رہی ہیں
***** ***** *****
زمینی حمل و نقل کے مرکزی وزیر نتن گڈکری نے کہا ہے کہ سر کاری اور نیم سرکاری محکمہ جات میں استعمال کی جانے والی15؍ برس سے زائد پُرانی گاڑیوں کو فرسودہ قرار دے کر خدمات سے علیحدہ کرنے کو منظوری دی گئی ہے ۔ نئی دہلی میں بھارتی تجا رت و صنعت کی تنظیم فِکّی کی جانب سے منعقدہ تقریب میں وزیر موصوف نے یہ اطلاع دی ۔ انہوں نے بتا یا کہ یکم اپریل 2023ء سے یہ تمام گاڑیاں راستوں پر نظر نہیں آ ئیں گی ۔ ساتھ ہی آلودگی پھیلا نے والی چار پہیہ گاڑیوں کے متبا دل کے طور پر نئی گاڑیوں کی خرید ی کی تجویز کو بھی منظوری دی گئی ہے ۔
***** ***** *****
با بائے قوم مہا تما گاندھی کی75؍ ویں برسی کی منا سبت سے کَل انہیں خراج عقیدت پیش کیا گیا ۔ اُن کی بر سی شہید دِ ن کے طور پر منائی جاتی ہے ۔ صدر جمہوریہ دروپدی مُر مو ‘ نائب صدر جمہوریہ جگدیپ دھنکڑ ‘ وزیر اعظم نریندر مودی ‘ وزیر دفاع راجناتھ سنگھ ‘ لوک سبھا اسپیکر اوم بِر لا ‘ چیف آف آ رمی اسٹاف انِل چو ہان ‘ فوج کے تینوں شعبوں کے سر براہوں راج گھاٹ جا کر انہیں خراج عقیدت پیش کیا ۔ اِس موقعے پر تمام مذاہب کی دعا ئیہ تقا ریب کا اہتمام کیا گیا ۔ گور نر بھگت سنگھ کوشیاری نے کَل راج بھون میں 2؍ منٹ خاموشی اختیار کر کے مہا تماگاندھی اور دیگر شہیدں کو یاد کیا ۔ اِس موقعے پر مہا تما گاندھی کی راج بھون ملاقا ت کے موضوع پر ڈاکیو منٹری دکھائی گئی ۔
***** ***** *****
قانون ساز کائونسل کی5؍ نشستوں کے لیے کَل ریاست میں چند واقعات کے علا وہ مجموعی طور پر پُر امن رائے دہی عمل میں آئی ۔ اِن گریجویٹ حلقوں میں کم و بیش 72؍ فیصد ووٹ ڈالے گئے ۔ مراٹھواڑہ ٹیچرس حلقوں میں86؍ فیصد رائے دہی کی گئی ۔ اورنگ آ باد ضلع80؍ فیصد جالنہ 82؍ پر بھنی 90؍ فیصد ناندیڑ 84؍ فیصد ‘ ہنگولی 91 فیصد ـلاتور 86 عثمان آباد 92اور بیڑ حلقے میں90؍ فیصد ووٹ ڈالے گئے ۔ مراٹھواڑہ ٹیچرس حلقوں میں کل 14؍ امید وار میدان میں تھے ۔ وہیں کو کن حلقہ انتخاب میں91؍ فیصد ‘ ناگپور 85؍ فیصد ‘ ناسک 49 اعشاریہ28؍ فیصد جبکہ امرا وتی میں49؍ اعشا ریہ 67؍ فیصد رائے دہی کی گئی ۔ پر سوں 2؍ فروری کو نتائج کا اعلان کیا جائے گا ۔
اِسی بیچ انتخابی کام کاج میں لا پر واہی کے الزام کے تحت اورنگ آباد ضلعے کے سلوڑ تعلقے کے زرعی افسر گیا نیشور بر دے کے خلاف سلوڑ شہر پولس اسٹیشن میں جرم داخل کیا گیا ہے ۔ منڈل افسر کچرو تُپے کی جانب سے کی گئی شکایت پر یہ کار وائی کی گئی ۔
***** ***** *****
شیو سینا اُدھو با لا صاحب ٹھاکر ے اور با لا صاحب کی شیو سینا اِن دونوں گروپوں نے کل مرکزی انتخابی کمیشن کے روبر و پارٹی کے نام اور نشان سے متعلق تحریری طور پر بحث پیش کر کے اپنا اپنا موقف واضح کیا ہے ۔ بتا یا گیا ہے کہ شندے گروپ نے124؍ صفحات اور ٹھاکرے گروپ نے 112 ؍صفحات پر مشتمل بحث داخل کی ہے ۔ دستور کی شِق10؍ کا حوا لہ دے کر ٹھاکرے گروپ نے کہا کہ شندے گروپ نے اپنی مرضی سے پارٹی چھوڑی ہے اِس لیے وہ شیو سینا کی نشانی پر دعویٰ نہیں کر سکتے ۔ انہوں نے مطالبہ کیا کہ اِس تعلق سے شندے گروپ کے مطالبے کو قبول نہ کیا جائے۔
وہیں شِندے گروپ نے پارٹی نمائندہ گروپ پر اپنا دعویٰ پیش کیا اور کہا کہ نمائدہ گروپ کے144؍ افراد ہمارے ساتھ ہیں ۔ اِن میں اراکینِ پارلیمنٹ ‘ اسمبلی اور پارٹی کے عہدیداران شامل ہیں ۔ شندے گروپ نے اِس خصوص میں ناموں کی ایک فہرست کمیشن کے روبرو پیش کی ہے ۔
***** ***** *****
گجرات کے گاندھی نگر سیشن کورٹ نے اپنی شا گردہ کی عصمت ریزی معاملے میں روحا نی گرو آسا رام باپو کو مجرم قرار دیا ہے ۔ سورت شہر کی دو بہنوں کی عصمت ریزی کا یہ واقعہ 2013ء کا ہے ۔ اِس سلسلے میں عدالت آج سزا سنائے گی ۔ آسا رام باپو کو سن2018ء میں جودھپور عدالت نے ایک اور جنسی ہراسانی معاملے میں عمر قید کی سزا سنائی ہے ۔
***** ***** *****
تین ملکوں کے خواتین T-20 ؍ کرکٹ مقابلےکی سیریز میں کَل بھارت نے ویسٹ اِنڈیز کو8؍ وکٹوں سے شکست دے دی ۔ بھارتی ٹیم نے ٹاس جیت کر ویسٹ اِنڈیز کو بلّے بازی کرنے کے لیے کہا ۔ ویسٹ اِنڈیز کی خواتین کر کٹ ٹیم نے طئے شدہ 20؍ اوورس میں94؍ رن بنا ئے ۔ جوابی کھیل کے دوران بھارتی ٹیم نے14؍ ویں اوور میں2؍ وکٹوں کے نقصان پر جیت کا ہدف حاصل کر لیا ۔ اِس سیریز کا آخری مقابلہ بھارت اور جنوبی افریقہ کے در میان آئندہ جمعرات کو ہو گا ۔
***** ***** *****
آخر میں اہم خبروں کی سر خیاں ایک با د پھر ...
٭ پارلیمنٹ کے بجٹ سیشن کا آج سے آغاز ‘ کَل مرکزی بجٹ ہو گا پیش
٭ تجارت کو فروغ دینے کے لیے مرکزی اور
ریاستی سطح پر کار وبار کی آزاد وزارت کے قیام کا
مہا راشٹر چیمبر آف کامرس کی جانب سے مطالبہ
٭ ملک کے خانگی ٹی وی چینلس کے لیے روز آنہ 30؍ منٹ تک خدماتِ عامّہ کی نشر یات لازمی قرار
٭ قانو ن ساز کائونسل کی5؍ نشستوں کے لیے تقریباً 72؍ فیصد رائے دہی
٭ پارٹی کا نام اور نشان سے متعلق شیو سینا کے دونوں گروپوں کی جانب سے مرکزی انتخابی کمیشن کے روبرو
تحریری بحث پیش
اور
٭ خواتین کے
T-20
؍ کر کٹ مقابلے میں بھارت کی ویسٹ اِنڈیز پر 8؍ وکٹوں سے فتح
علاقائی خبریں ختم ہوئیں۔
٭٭٭٭٭
No comments:
Post a Comment