Regional Urdu Text Bulletin, Aurangabad
Date : 30 June 2022
Time : 09.00 to 09.10 AM
آکاشوانی اَورنگ آ باد
علاقائی خبریں
تاریخ : ۳۰ ؍ جون ۲۰۲۲ ء
وقت : صبح ۹.۰۰ سے ۹.۱۰ بجے
چند اہم خبروں کی سر خیاں سماعت کیجیے ...
٭ اکثر یت جانچ کو روکنے کا مطالبہ سپریم کورٹ نے مسترد کرنے کے بعد اُدّھو ٹھا کرے کا
وزیر اعلیٰ عہدے سمیت قا نون ساز کونسل کی رکنیت کا بھی استعفیٰ
٭ شیو سینا کا باغی گروپ کَل گوہاٹی سے گوّا میں داخل
٭ اورنگ آ باد شہر کا سنبھا جی نگر تاہم عثمان آ باد کا دھارا شیو نام کرنے کی تجویز کو ریاستی کابینہ کی منظوری
٭ مراٹھواڑہ ‘ وِدربھ اور باقی ماندہ مہاراشٹر ترقیاتی بورڈس کو از سرِ نو تشکیل دینے کی تجویز کو منظوری
٭ احمد نگر - بیڑ- پر لی ویجناتھ ریلوے لائن کے 805؍ کروڑ17؍ لاکھ روپیوں کے نظر ثانی شدہ بجٹ کو بھی
حکو مت کی منظوری
٭ نائب صدر جمہوریہ عہدے کا 6؍ اگست کو انتخاب
٭ ریاست میں کووِڈ وباء کے نئے3؍ ہزار957؍ مریض‘ مراٹھوارہ میں108؍ متاثرین
اور
٭ حیدر آ باد مُکتی سنگرام کے سینئر مجاہد آ زادی بیرِسٹر کاشی ناتھ ناوَندر چل بسے
اب خبریں تفصیل سے...
ٌٌ مہا وِکاس فرنٹ حکو مت کو اکثر یت ثابت کرنے کے ٹیسٹ کو روکنے کے لیے شیو سینا کا مطا لبہ سپریم کورٹ نے کَل مسترد کر دیا ۔ بعد ازاں شیو سینا چیف اُدّھو ٹھا کرے نے وزیر اعلیٰ کےعہدے کے ساتھ قا نون ساز کونسل کی رکنیت سے بھی کَل استعفیٰ دےد یا ۔ گور نر بھگت سنگھ کوشیاری سے اُنھوں نے راج بھون میں راست ملا قات کر کے وزیر اعلیٰ کے عہدے کا استعفیٰ سپرد کیا ۔ گور نر نے ٹھاکرے کااستعفیٰ قبول کر لیا اور اُنھیں متبا دل انتظام ہونے تک عہدے کا کام کاج سنبھالنے کے لیے کہا ہے ۔ گور نر کو شیاری نے اکثر یت ٹیسٹ لینے کے لیے قانون ساز اسمبلی کا خاص اجلاس طلب کر نے کا حکم دینے کے بعد شیو سینا نےسپریم کورٹ کا رخ کیا اور اکثر یت ٹیسٹ روکنے کامطالبہ کرنے والی عرضداشت سپریم کورٹ میں پیش کی تھی ۔
باغی اراکیِن اسمبلی کی نا اہلیت کا معا ملہ عدالت میں التواء میں رہنے پر اعتماد کی تجویز کا اجلاس طلب کرنا یہ آئین کے خلاف ہے ۔ یہ بات شیو سینا نے عرضداشت میں کہی تھی ۔ عدالت نے اِس عرضداشت پر شام کو فوراً سماعت کی دو نوں فریقین کے بیا نات سُننے کے بعد عدالت نے اکثر یت جانچ پر روک لگانے کے شیو سینا کے مطالبے کو مسترد کر دیا اِس کے بعد سماجی ذرائع سے عوام سے راست خطاب کر تے ہوئے اُدّھو ٹھا کرے نے استعفیٰ دینے کا اعلان کیا اپنے دور ِ حکو مت میں کَل ہوئی کابینی میٹنگ میں اورنگ آ باد کا نام سنبھا جی نگر اور عثمان آ باد کا دھاراشیو کیا گیا ۔ اِس پر اُنھوں نے اطمینان کا اظہار کیا ۔ جن افراد نے مسلسل یہ مطالبہ کیا تھا وہ افرادسے میٹنگ میں غیر حاضر تھے تاہم جن کی نام میں تبدیلی کی مخالفت تھی یعنی کانگریس اور راشٹر وادی کانگریس پارٹیوں نے نام میں تبدیلی پر مخالفت نہ کرتے ہوئے فوراً منظوری دینے پر وزیر اعلیٰ نے اُنکا شکریہ ادا کیا ۔ گزشتہ ڈھائی سال میں کسانوں کو قرضوں سے نجات سمیت مہا وِکاس فرنٹ حکو مت نے لیے گئےفیصلوں کا وزیر اعلیٰ نے اِس موقعے پر جائزہ لیا ۔
اِسی بیچ وزیر اعلیٰ نے استعفیٰ دینے کی وجہ سے قانون ساز اسمبلی کا آج طلب کیا گیا خاص اجلاس منسوخ کر دیاگیا ہے ۔ شیو سینا کا باغی گروپ کَل گو ہا ٹی سے گوا پہنچ گیا ہے ۔ اکثر یت ٹیسٹ کے مدّ نظر یہ گروکپ آج ممبئی آنے والا تھا ۔
***** ***** *****
اورنگ آباد شہر کا نام تبدیل کر کے سنبھا جی نگر تاہم عثمان آباد کا دھا را شیو کرنے کی تجویز کو کَل ریاستی کابینہ نے منظوری دیدی ہے ۔ کا بینہ کی میٹنگ میں پاس کی گئی یہ تجویز مرکزی حکو مت کو روانہ کر کے اِس کے بعد ڈیویژن‘ ضلعے‘ تعلقہ اِسی طرح میونسپل کار پوریشن اور بلدیہ میں نام تبدیل کی جائے گی ۔ اِس سلسلے میں کار وائی علیحدہ سے محصول اور محکمہ جنگلات اِسی طرح شہری تر قیات محکمے کی جانب سے قا نونی لحاظ سے کی جائے گی ۔
نئی ممبئی بین الاقوامی طیران گاہ کا نام عوامی رہنما آنجہا نی ڈی بی پاٹل بین الاقوامی طیران گاہ کر نے کا فیصلہ بھی کَل کےکا بینی میٹنگ میں کیا گیا ہے ۔
***** ***** *****
ریاست کے وِدربھ تر قیاتی بورڈ مراٹھواڑہ تر قیاتی بورڈ اور باقی ماندہ مہاراشٹر تر قیاتی بورڈ اِن تینوں علاقائی تر قیاتی بورڈس کی از سرِ نو تشکیل کر نے کا فیصلہ کابینہ نے لیاہے ۔ اِن بورڈس کو ازسرِ نو تشکیل دینے کے ضمن میں در خواست مرکزی حکو مت کو کرنے کے سلسلے میں گور نر کو سفارش کی گئی ہے ۔
***** ***** *****
احمدنگر- بیڑ-پر لی ویجناتھ اِس نئی ریلوے لائن کے پروجیکٹ کے805؍ کروڑ17؍ لاکھ روپیوں کے نظر ثانی شدہ بجٹ کو کابینہ کی میٹنگ میں منظوری دی گئی ۔ اِسی طرح سے اِس میں ریاستی حکو مت کا مالی حصّہ دینے کا فیصلہ کیا گیا ۔ اِس پروجیکٹ کے لیے ریاستی حکو مت کا 2؍ ہزار402؍ کروڑ 59؍ لاکھ روپیوں کا 50؍ فیصد کاحصّہ مرکزی حکو مت کو
فنڈ کی فراہمی کے لحاظ سے مر حلے وار دیا جائے گا ۔
***** ***** *****
ہنگولی ضلعے میں باڑا صاحب ٹھا کرے ہلدی ریسرچ اور تر بیتی مرکز قائم کرنے کو کابینہ نے منظوری دی ۔ اِس مرکز کے لیے100؍ کرور روپیوں کا فنڈ فراہم کیا جائے گا ۔
***** ***** ***** ***** ***** *****
یہ خبریں آکاشوانی اورنگ آ باد سے نشر کی جا رہی ہیں
***** ***** ***** ***** ***** *****
مرکزی انتخا بی کمیشن نے نائب صدر جمہوریہ کے عہدے کے انتخاب کی تاریخ کا اعلان کر دیا ہے ۔ انتخاب کا آرڈیننس 5؍ جولائی کو جاری کیا جائے گا ۔ اِس کے لیے 19؍ جولائی تک امید وار در خواستیں داخل کر سکتے ہیں ۔ ضرورت پڑ نے پر 6؍ اگست کو نائب صدر جمہوریہ کےعہدے کے انتخاب کے لیے رائے دہی ہو گی ۔ موجودہ نائب صدر جمہوریہ ایم وینکیا نائیڈو کی مُدّت 10؍ اگست کو ختم ہو رہی ہے ۔
***** ***** *****
ریاست میں کَل کووِڈ وباء کے نئے3؍ ہزار957؍ مریضوں کی تصدیق ہوئی ۔ اِس کی وجہ سے تمام ریاست میں کووِڈ متاثرین کی جملہ تعداد 79؍ لاکھ72؍ ہزار474؍ ہو گئی ہے ۔ کَل اِس وباء کی وجہ سے 7؍ مریض فوت ہو گئے ۔ ریاست میں اب تک اِس وباء کی وجہ سے مر نے والے مریضوں کی جملہ تعداد ایک لاکھ47؍ ہزار922؍ ہو گئی ہے ۔ شرح اموات ایک اعشا ریہ 85؍ فیصد ہے ۔ کَل3؍ ہزار696؍ مریض شفا یاب ہو گئے ۔ ریاست میں اب تک 77؍ لاکھ98؍ ہزار817؍ مریض اِس بیماری سے نجات حاصل کر چکے ہیں ۔ کووِڈ سے نجات کی شرح 97؍ اعشاریہ 84؍ فیصد ہو گئی ہے ۔ ریاست میں فی الحال 25؍ ہزار735؍ مریضوں کا علاج جا ری ہیں۔
***** ***** *****
مراٹھواڑہ میں کَل108؍ کورونا وائرس متاثرہ مریضوں کا انکشاف ہوا ۔ اورنگ آ باد ضلعے میں42؍ ناندیڑ اور عثمان آ باد اضلاع میں فی کس18؍ جالنہ اور لاتور اضلاع میں فی کس14؍ تاہم بیڑ ضلعے میں2؍ نئے مریضوں کا اندراج ہوا ۔
***** ***** *****
اورنگ آ باد کے میونسپل کارپوریشن کے ایڈمنسٹریٹر کے عہدے پر سانگلی کے ضلع کلکٹر ڈاکٹر ابھیجیت چو دھری کا تقرر کیا گیا ہے ۔ موجودہ ایڈ منسٹریٹری آستِک کمار پانڈے کا اورنگ آباد سڈ کو کے چیف ایڈ منسٹریٹر کے عہدے پر تبادلہ کیا گیا ہے ۔
***** ***** *****
حیدر آ باد مُکتی سنگرام کے سینئر مجاہد آزادی بیرِسٹر کاشی ناتھ نا وَندر کَل اورنگ آباد میں چل بسے ۔ وہ95؍ برس کے تھے ۔ وہ مختلف تنظیموں کے صدر تھے۔نا وَندر کے جسدِ خاکی پر کَل شام اورنگ آ باد میں آخری رسو مات ادا کر دی گئی ۔
***** ***** *****
اورنگ آباد کا سنبھا جی نگر نام میں تبدیلی کی تجویز منظور ہونے کے بعد شہر کے ٹی وی سینٹر چوک میں چھتر پتی سنبھاجی مہاراج کے مجسمّے پر خراجِ عقیدت پیش کر تے ہوئے شیو سینا کے رہنما چندر کانت کھیرے ‘ رکن اسمبلی امبا دا س دانوے سمیت شیو سینکوں نے ڈھول تاشوں ‘ آتِش بازی کر کے پیڑے تقسیم کر کے جشن منا یا ۔ عثمان آباد کا دھا را شیو نام کرنے کی تجویز کو منظوری دینے کی وجہ سے عثمان آباد شہر میں شیو سینا کی جانب سے جشن منا یاگیا ۔
***** ***** *****
اِسی بیچ اورنگ آباد کے رکن پارلیمنٹ امتیاز جلیل نے اورنگ آباد کا سنبھا جی نگر نام کرنے کی مخالفت ظاہر کی ہے ۔ اقتدار جارہاہے اِس کا اندازہ ہو تے ہی وزیر اعلیٰ اُدّھو ٹھا کرے نے یہ فیصلہ کیا ۔ آخری فیصلہ مرکزی حکو مت کے ذریعے سے لیا جائے گا ۔ اِس لحاظ سے ہم مقابلہ کریں گے ۔ یہ بات رکن پارلیمنٹ امتیاز جلیل نے کہی ہے ۔
***** ***** *****
ریاست میں آئندہ2؍ یوم میں بارش ہونے کا قیاس محکمہ موسمیات نے ظاہر کیا ہے ۔ سِندھو دُرگ اور رتنا گیری میں آج Orange الرٹ جاری کیا گیا ہے تاہم تھا نے ‘ پالگھر ‘ وِدربھ اور مراٹھواڑہ کے کئی علاقوں میں آج یلو الرٹ جاری کیا گیا ہے ۔ کو کن ساحلی علاقوں ‘ مراٹھواڑہ اور وِدربھ میں کَل کے لیے یلو الرٹ جاری کیا گیا۔
***** ***** *****
آخر میں چند اہم خبروں کی سر خیاں دوبارہ سماعت کیجیے...
٭ اکثر یت جانچ کو روکنے کا مطالبہ سپریم کورٹ نے مسترد کرنے کے بعد اُدّھو ٹھا کرے کا
وزیر اعلیٰ عہدے سمیت قا نون ساز کونسل کی رکنیت کا بھی استعفیٰ
٭ شیو سینا کا باغی گروپ کَل گوہاٹی سے گوّا میں داخل
٭ اورنگ آ باد شہر کا سنبھا جی نگر تاہم عثمان آ باد کا دھارا شیو نام کرنے کی تجویز کو ریاستی کابینہ کی منظوری
٭ مراٹھواڑہ ‘ وِدربھ اور باقی ماندہ مہاراشٹر ترقیاتی بورڈس کو از سرِ نو تشکیل دینے کی تجویز کو منظوری
٭ احمد نگر - بیڑ- پر لی ویجناتھ ریلوے لائن کے 805؍ کروڑ17؍ لاکھ روپیوں کے نظر ثانی شدہ بجٹ کو بھی حکو مت کی منظوری
٭ نائب صدر جمہوریہ عہدے کا 6؍ اگست کو انتخاب
٭ ریاست میں کووِڈ وباء کے نئے3؍ ہزار957؍ مریض‘ مراٹھوارہ میں108؍ متاثرین
اور
٭ حیدر آ باد مُکتی سنگرام کے سینئر مجاہد آ زادی بیرِسٹر کاشی ناتھ ناوَندر چل بسے
علاقائی خبریں ختم ہوئیں
٭٭٭٭٭
No comments:
Post a Comment