Regional Urdu Text Bulletin, Aurangabad.
Date : 28 February 2022
Time: 09 : 00 to 09: 10 AM
آکاشوانی اَورنگ آباد
علاقائی خبریں
تاریخ: ٗٗٗٗٗٗٗٗٗٗٗٗ ۲۸ ؍ فروری ۲۰۲۲ء
وَقت: صبح ۰۰۔۹ سے ۱۰۔۹؍ بجے
کورونا وائرس کا نیا ویرینٹ ’’اومائیکرون ‘‘ فکر مندی کی وجہ ہے۔لہذاہم اپنے سننے والوں سے احتیاط برتنے اور 15 سے 18؍ سال کے بچوں سمیت دیگر سبھی لوگوں کو کورونا وائرس سے بچائو کاٹیکہ لگوانے میں مدد کرنے کی اپیل کرتے ہیں۔محفوظ رہنے کے لئے تین آسان طریقے اپنائیں۔ماسک پہنیں، دوگز کا محفوظ جسمانی فاصلہ بنائے رکھیں ‘ ہاتھ اور چہراصاف رکھیں۔کووڈ 19سے متعلق جانکاری اور رہنمائی کے لئے ہیلپ لائن نمبر
011-23 97 80 46 یا 1075 ؍پرکال کریں۔۔
اب خاص خبروں کی سر خیاں...
٭ وزیر اعظم نے سر پرستوں کو بچوں میں سائنسی روئیے کے ارتقاکے لیے چھو ٹی چھو ٹی
کوشِشیں کرنے کا دیا مشورہ
٭ رکن پارلیمنٹ سمبھا جی راجے چھتر پتی کا مراٹھا سماج کے مطالبات کی یکسوئی کے لیے حکو مت کی جانب سے تحریری فیصلہ اور عمل در آمد کا اعلان کیے جانے تک بھوک ہڑ تال
واپس نہ لینے کاعزم
٭ دِشا سالیان کی بد نامی معاملے میں مرکزی وزیر نا رائن رانے اور رکن اسمبلی نِتیش رانے کے خلاف مالو نی پولس اسٹیشن میں فردِ جرم داخل
٭ ریاست میں کَل پائے گئے کورونا کے 782؍ نئے مریض‘ مراٹھواڑہ میں کورونا سے
2؍ کی موت اور 38
؍ نئے متاثرین کا اضا فہ
اور
٭ تیسرے T-20؍ کرکٹ مقابلے میں بھارت نے سری لنکا کو6؍ وکٹوں سے شکست دے کر
3 - 0
؍ سے سیریزکرلی اپنے نام
اب خبریں تفصیل سے....
وزیر اعظم نریندر مودی نے سر پرستوں کو بچوں میں سائنسی تحقیقی رویہ کے ارتقا کے لیے چھو ٹی چھو ٹی کوشِشیں کرنےکا مشورہ دیا ہے ۔ وزیر اعظم کَل آکاشوانی کے پروگرام من کی بات کے ذریعے قوم سے خطاب کر رہے تھے ۔ آج قومی سائنسی دِن منا یا جا رہا ہے ۔ اِس موقع پر انہوں نے بچوں میں علم طبعیات اور فلکیات کے متعلق جاننے کا تجسُس پیدا کرنے کی بھی اپیل کی ۔ وزیر اعظم نے مراٹھی زبان کا یومِ افتخار کے موقعے پر کَل مراٹھی شہر یوں کو مراٹھی میں تہنیت پیش کی ۔ اِس موقعے پر اُنہوں نے کہا کہ ماں اور مادری زبان ہماری زندگی کی بنیاد کو مضبوط کرتے ہیں ۔ وزیر اعظم نے بتا یا کہ قو می تعلیمی پالیسی کے تحت مقامی زبان میں تعلیم پر زور دیاگیا ہے ۔ انہوں نے کہا کہ پیشہ وارانہ کورسیز بھی مقا می زبانوں میں سکھانے کے لیے کوشش کی جا رہی ہے ۔
***** ***** *****
جنگ زدہ یو کرین میں پھنسے بھارتی طلبا کی مہم آپریشن گنگا کے تحت کَل 250؍ طلبا دہلی پہنچے ۔ اِن میں مہاراشٹر کے27؍ طلبا شامل ہیں۔158؍ ہندوستانیوں کو لے کر بُخار سیٹ سے کَل ایک طیارہ دہلی پہنچا ۔ دہلی میں واقع مہاراشٹر سدن کی جانب سے اِندرا گاندھی بین الاقوامی طیران گاہ پر یو کرین سے آنے والوں کو صحیح سلامت گھر پہنچا نے کے لیے ایک امدادی روم قائم کیا ہے ۔ مہاراشٹر کے طلبا کو اُن کے گھروں کے قریب واقع طیران گاہوں کے ٹکٹ حکو مت کی جانب سے دیے جا رہے ہیں ۔
***** ***** *****
رکنِ پارلیمنٹ سمبھا جی راجے چھتر پتی نے مراٹھا سماج کے مطا لبات کی خاطر حکو مت کی جانب سے تحریری فیصلہ اور عمل در آمد کا اعلان کیے جانے تک بھوک ہڑ تال ختم نہ کرنے کا فیصلہ کیا ہے ۔ دوسری جانب ریاستی حکو مت نے سمبھا جی راجے کی بھوک ہڑ تال ختم کر وانے کے لیے مراٹھا سماج کے مطالبات پر غور و خوص کی خا طر وزراکی آج میٹنگ طلب کی ہے ۔ جس میں سمبھا جی راجے کے نمائندے کو بھی شر کت کی دعوت دی ہے ۔
***** ***** *****
اِسی بیچ سکَل مراٹھا سماج نے حکو مت پر مراٹھا ریزر ویشن کے لیے رکنِ پارلیمنٹ یو راج سمبھا جی راجے چھتر پتی کی جانب سے کی جا رہی بھوک ہڑ تال کو نظر انداز کرنے کا الزام عائد کیا ہے ۔ اِس سماج نے 2؍ دِنوں میں مراٹھا ریزر ویشن پر فیصلہ نہ کیے جانے پر مختلف طریقوں سے احتجاج کرنے کا انتباہ دیا ہے جس کا آغاز آئندہ بدھ کو کولہا پور بند سے کیے جانے کا فیصلہ سکَل مراٹھا سماج کی میٹنگ میں کیا گیا ۔ سمبھا جی راجے کی بھوک ہڑتال کی حمات میں بند کے دورا ن راستہ روکو آندو لن بھی کیا جا ئے گا ۔
اِسی بیچ مراٹھا ریزر ویشن کے لیے رکن پارلیمنٹ سمبھا جی راجے کی بھوک ہڑ تال کی حمایت میں تُلجا پور سے بی جے پی کے رکن اسمبلی رانا جگجیت سنگھ پاٹل نے بھی کَل علا متی بھوک ہڑتال کی ۔
***** ***** *****
فلم ادا کار سُشانت سنگھ راجپوت کی سابق منیجر دِشا سالیان کی بد نا می کرنے کے معاملے میں مرکزی وزیر نا رائن رانے اور رکن اسمبلی نِتیش رانے کے خلاف کَل ما لو نی پولس اسٹیشن میں جرم داخل کیا گیا ۔ گزشتہ 19؍ فروری کو نارائن رانے نے ایک صحا فتی کانفرنس میں دِشا سے متعلق متنا زعہ بیان دیا تھا اور اِس بیان کی حمایت میں اُن کے بیٹے نِتیش رانے نے سوشل میڈیا پر دِشا کی موت سے متعلق بد نام کرنے والا پیغام وائرل کیا ۔ دِشا کی ماں واسنتی سالیان نے رانے کے بیان کو سا لیان خاندان کی بد نا می قرار دیتے ہوئے پولس اسٹیشن میں شکایت درج کر ائی تھی ۔ اِس شکا یت کے بعد رانے اور اُن کے بیٹے کے خلاف جرم داخل کیا گیا ہے ۔
***** ***** *****
یہ خبریں آکاشوانی اورنگ آ باد سے نشر کی جا رہی ہیں
***** ***** *****
ریاست کے وزیر صحت راجیش ٹو پے نے کہا ہے کہ کورونا کی تیسری لہر اگر چے کے قابو میں ہے تب بھی ہمیں ماسک کے استعمال سے آزاد ہونے کی جلد ی نہیں کرنا چا ہیے۔ وزیر موصوف کَل جالنہ میں صحیفہ نگا روں سے خطاب کر رہے تھے ۔ انہوں نے کہا کہ حکو مت فی الحال پا بند یوں کو ختم کرنے کی جانب گامزن ہے تاہم ماسک سے نجات کے فیصلے پر ابھی غور کرنا باقی ہے ۔
***** ***** *****
ریاست میں کَل کورونا وائرس کے 782؍ نئے مریض پائے گئے ۔ جس کے بعد ریاست بھر میں اِس وبا کے کُل متاثرین کی تعداد78؍ لاکھ65؍ ہزار298؍ ہو چکی ہے ۔ کَل علاج کے دوران2؍ کورونا مریضوں کی موت ہو گئی ۔ ریاست میں اب تک ایک لاکھ43؍ ہزار697؍ افراد کورونا سے ہلاک ہو چکے ہیں ۔ ساتھ ہی کَل ایک ہزار361؍ کورونا مریض شفا یاب ہوئے ۔ ریاست میں اب تک 77؍ لاکھ10؍ ہزار376؍ کورونا مریض صحت یاب ہو کر گھر لوٹ چکے ہیں۔ فی الحال ریاست میں کورونا کے7؍ ہزار228؍مریضوں کا علاج کیا جا رہا ہے ۔
***** ***** *****
مراٹھواڑہ میں کَل کورونا کے34؍ نئے کیسیز درج کیے گئے ۔ بیڑ اور ہنگولی اضلاع میں کَل علاج کے دوران فی کس ایک کورونا مریض کی موت ہو گئی ۔ اورنگ آباد ضلعے میں کَل کورونا کے11؍ نئے مریض پائے گئے ۔ لاتور میں9؍ بیڑ5؍ پر بھنی4؍ ناندیڑ3؍ عثمان آ بادمیں2؍ جبکہ جالنہ اور ہنگولی میں کَل کورونا کا ایک بھی نیا معاملہ درج نہیں کیاگیا ۔
***** ***** *****
مُلک بھر میں کَل سے قو می پلس پو لیو مہم کا آغاز کر دیا گیا ہے ۔ اِس مہم کے تحت صفر سے5؍ برس کے عمر کے بچوں کو پو لیو کے قطرے پلائے جا تے ہیں ۔ آئندہ2؍ مارچ تک یہ مہم جاری رہے گی ۔ ریاستی سطح پر اِس مہم کا آغام وزیر صحت راجیش ٹو پے کے ہاتھوں جالنہ کے خواتین ضلع اسپتال سے کیا گیا ۔ اورنگ آ باد میونسپل کار پو ریشن نے کَل ایک لاکھ58؍ ہزار225؍ بچوں کو پو لیو کی خوراک دی۔ عثمان آباد میں کَل ضلع پریشد صدر اسمِتا کامبلے کے ہاتھوں ایک بچے کو پو لیو خوراک دے کر اِس مہم کا آغاز کیا گیا ۔
***** ***** *****
رکن پارلیمنٹ امتیاز جلیل نے اورنگ آباد میں آئندہ2؍ مارچ کو ہونے والے قد رتی گیس پائپ لائن کے کاموں کے افتتاح کے موقع پر مرکزی وزرا کو کالے جھنڈے دِکھا کر احتجاج کرنے کا انتباہ دیا ہے ۔ جلیل کَل اورنگ آ باد میں صحا فتی کانفرنس میں بول رہے تھے ۔ انہوں نے کہا کہ شہر کے52؍ ہزار اہل افراد کو وزیر اعظم رہائشی اسکیم کے تحت ابھی تک مکا نات نہیں دیے گئے ہیں اور شہر کے راستے ما ضی قریب میں دُرست کیے گئے ۔ انہوں نے قدرتی گیس پائپ لائن بچھا نے کے لیے اِن راستوں کو دو با رہ خراب کیے جانے کی تشویش ظاہر کی ہے ۔ انہوں نے کہا کہ اورنگ آباد کے بے گھر افراد کو قدرتی گیس سے زیادہ گھر اور پانی فراہمی کی ضرورت ہے ۔
***** ***** *****
ناندیڑ کے رابطہ وزیر اشوک چوہا ن نے کہا ہے کہ حکو مت کی جانب سے معیاری تعلیم کی فراہمی کی خاطر اسکو لوں کو فنڈ کی کمی نہیں ہونے دی جا ئے گی ۔ ناندیڑ ضلع پریشد کی جانب سے ساوِتری بائی پھُلے ایوارڈ ‘ نر ہرکُرندکر ایوارڈ ضلع اُستاذ انعام کَل وزیر موصوف کے ہاتھوں تقسیم کیے گئے ۔ اِس موقعے پر چو ہان نے یہ تیقن دیا ۔
***** ***** *****
دھرم شالہ میں کَل کھیلے گئے تیسرے T-20؍ کر کٹ مقابلے میں بھارت نے سر ی لنکا کو6؍ وکٹوں سے شکست دے دی اور سیریز0 - 3 ؍ سے اپنے نام کر لی ۔ سر ی لنکائی ٹیم کی جانب سے دیے گئے 147؍ رنوں کے ہدف کو بھارت نے17؍ ویں اوور میں حاصل کر لیا ۔ سیریز میں مسلسل 3؍مرتبہ نصف سنچری بنا نے اور ناٹ آئوٹ رہنے پر شرییس ائیر کو مین آ ف دی میچ کے اعزاز سے نوازا گیا ۔
***** ***** *****
آخر میں اہم خبروں کی سر خیاں ایک بار پھر ...
٭ وزیر اعظم نے سر پرستوں کو بچوں میں سائنسی روئیے کے ارتقاکے لیے چھو ٹی چھو ٹی
کوشِشیں کرنے کا دیا مشورہ
٭ رکن پارلیمنٹ سمبھا جی راجے چھتر پتی کا مراٹھا سماج کے مطالبات کی یکسوئی کے لیے حکو مت کی جانب سے تحریری فیصلہ اور عمل در آمد کا اعلان کیے جانے تک بھوک ہڑ تال
واپس نہ لینے کاعزم
٭ دِشا سالیان کی بد نامی معاملے میں مرکزی وزیر نا رائن رانے اور رکن اسمبلی نِتیش رانے کے خلاف مالو نی پولس اسٹیشن میں فردِ جرم داخل
٭ ریاست میں کَل پائے گئے کورونا کے 782؍ نئے مریض‘ مراٹھواڑہ میں کورونا سے
2؍ کی موت اور 38
؍ نئے متاثرین کا اضا فہ
اور
٭ تیسرے T-20؍ کرکٹ مقابلے میں بھارت نے سری لنکا کو6؍ وکٹوں سے شکست دے کر
3 - 0
؍ سے سیریزکرلی اپنے نام
اِسی کے ساتھ آکاشوانی اورنگ آباد سےعلاقائی خبریں ختم ہوئیں۔
٭٭٭٭٭
No comments:
Post a Comment