Regional Urdu Text Bulletin, Chatrapati Sambhajinagar
Date: 29 April-2024
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۲۹؍ اپریل ۲۰۲۴ء
وقت: ۱۰:۹-۰۰:۹
***** ***** *****
::::: سرخیاں::::::
پیش ہے خاص خبروں کی سرخیاں:
٭ پارلیمانی انتخابات کے چھٹے مرحلے کا نوٹیفکیشن جا ری؛ چو تھے مرحلے کے انتخابات کیلئے درخواستیں واپس لینے کا آج آخری دِن۔
٭ تیسرے مرحلے کے چنائو کیلئے سیاسی جما عتوں کے جلسوں او ر قا ئدین کے دو روں میں اضافے سے تشہیری مہم عروج پر۔
٭ بیڑ ضلعے کے مانجر سُمبا تعلقے میں 16 سالہ دوشیزہ کی شاد ی رو کنے میں انتظامیہ کو کامیابی۔
اور۔۔۔٭ تیراندازی کے عالمی کپ مقابلوں کے ریکرو زمرے میں ہندو ستانی مردوں کی شاندار کارکردگی؛ مقا بلوں میں پانچ طلائی‘ دو نقرئی او ر ایک کانسے کے تمغے جیتے۔
***** ***** *****
اب خبریں تفصیل سے:
پارلیمنٹ کے عام انتخابات کے چھٹے مرحلے کے انتخابی عمل کا نوٹیفکیشن آج جاری کردیا گیا۔ اس مرحلے میں دہلی‘ ہریانہ، اُترپردیش‘ بہار‘ مغربی بنگال‘ اُڈیسہ اور جھارکھنڈ ر یاستوں کی 57لوک سبھا نشستوں پر چنائوہوگا۔ اس مرحلے کیلئے 6 مئی تک امید واری عریضےداخل کیے جاسکیں گے اور 25 مئی کو ر ائے دہی کی جائےگی۔
***** ***** *****
چوتھے مرحلے کے انتخابی عمل کے تحت کاغذاتِ نامزدگی واپس لینے کا آج آخری دِن ہے۔ اس مرحلے میں مراٹھو اڑہ کے جالنہ، بیڑ اور اورنگ آباد پارلیمانی حلقوں میں آئندہ 13 مئی کو چنائو ہوگا۔ گذشتہ جمعہ کو کاغذاتِ نامزدگی کی چھان بین میںاورنگ آباد پا رلیمانی حلقے میں 44‘ جالنہ حلقے میں 35‘ اور بیڑانتخا بی حلقے میں 55 امیدو اری پرچے درست قرار پائے تھے۔ اسی طرح اس مرحلے میں جلگائوں لوک سبھا حلقے میں 20‘ ر اویر 29‘ نندو ربار 16‘ ماوڑ35‘ پونے 42‘ شرور 35‘ احمدنگر 36‘ او ر شرڈی لوک سبھا حلقۂ انتخاب میں 22 امیدوارو ں کے کا غذاتِ نامزد گی درست قرار دئیے گئے تھے۔ آج امیدو اری عریضے و اپس لینے کی مہلت ختم ہونے کے بعد ان تمام انتخابی حلقو ں میں مقابلے کی تصویر صا ف ہوجائیگی۔
***** ***** *****
لوک سبھا انتخابات کے تیسرے مرحلے میں 7 مئی کو ر ائے دہی کی جائےگی ا ور اس کیلئے آئندہ ا توار پانچ مئی تک سیاسی پارٹیاں اورامیدو ار تشہیر کرسکیں گے۔ اس مرحلے میں سبھی انتخابی حلقوں میں سیاسی جماعتوں کی جانب سے ا یک دوسرے کیخلاف الزامات کا سلسلہ عرو ج پرپہنچ چکا ہے۔ مہایوتی کے امیدو اروں کیلئے بی جے پی رہنما نریندر مود ی آج ا ور کل مہاراشٹر کا دو رہ کریں گے۔ بی جے پی کے ر یاستی صدر چندرشیکھر باونکولے نے اس کی اطلاع د ی۔ اس دو ر ان نریندر مود ی آج شولاپو ر، کر اڑ او ر پونے میں، جبکہ کل ماڑشیرس، عثمان آباد او ر لا تور میں جلسۂ عام سے خطاب کریں گے۔
دریں اثنا لاتور کے بِرلے فارم پر ‘نریندر مودی کےمجوزہ جلسۂ عام کے پیشِ نظر ٹریفک کے نظام میں تبد یلی کی گئی ہے۔ جلسہ گاہ کی جانب آنے و الی مال بردار گاڑیوں سمیت دیگر تمام گاڑیوں کو کل د وپہر بارہ بجے تا شام پانچ بجے تک متبا دل راستوں کا استعما ل کرنے کی ہدایت ضلع کلکٹر و رشا ٹھاکر گھوگے نے دی ہے۔
د ھاراشیو کے تیرنا انجینئرنگ کا لج سے متصل 25 ا یکڑ وسیع و عریض رقبے پر بھی نریندر مودی کے جلسۂ عام کا انعقاد کیا جائےگا۔
***** ***** *****
دریں اثنا‘راشٹروادی کانگریس شرد چندر پوار گرو پ کے سربراہ شرد پوار نے کہا ہے کہ نریندر مودی کی سربراہی والی مرکزی حکومت کسانوں کی زرعی پیداوار کے ساتھ انصاف نہیں کر رہی ہے۔ وہ کل احمدنگر ضلعے کے شیوگائوں میں مہاوِکا س آگھاڑی کے امید وار نیلیش لنکے کے تشہیر ی جلسے سے خطاب کررہے تھے۔ نر یندر مود ی کو پارلیمانی جمہوریت پر بھروسہ نہ ہونے کا الزام بھی اس موقعے پر پوار نے عائد کیا۔
***** ***** *****
رَتناگری۔ سِندھو دُرگ انتخابی حلقے سے مہاوِکاس آگھاڑی کے امیدو ار اور شیوسینا اُدّھو باڑ ا صا حب ٹھاکرے پا رٹی کے رہنما و موجودہ رکنِ پا رلیمان وِنایک رائوت کی تشہیر کیلئے پارٹی سربر اہ اُدّھو ٹھاکرے نے کل رَتناگری میں ایک جلسۂ عام سے خطاب کیا۔ اپنے خطا ب میں انھوںنے وزیرِ اعظم نر یندر مودی‘ امیت شاہ سمیت بی جے پی قائدین کو سخت تنقید کا نشا نہ بنایا۔
***** ***** *****
عثمان آباد لوک سبھا حلقے سے مہایوتی کی امید وار اَرچنا پاٹل کے حق میں بی جے پی قائد دیویندر پھڑنویس نے کل بارشی میں ایک اجتماعِ عام سے خطاب کیا۔ اس د ور ان کانگریس کے سابق صدرِ بلد یہ مدھوکر تائوڑے سمیت سابق کا رپوریٹر ا ور یوتھ کانگریس کے سابق ضلع صدر درشن کوڑگے نے بی جے پی میں شمولیت اختیار کرلی۔
ماڈھا لوک سبھا حلقے سے مہا یوتی کے امیدوار رَنجیت سنگھ نائیک نمباڑکر کی تشہیر کیلئے بھی پھڑنویس نے کل شولاپور انتخابی حلقہ میں ایک جلسۂ عام سے خطاب کیا۔
***** ***** *****
سابق ر یاستی وزیر او ر کانگریس قا ئد امیت دیشمکھ کی موجود گی میں کل لاتور ضلعے کے ریناپور تعلقے کے پوہرے گائوں میں لاتور پا رلیمانی حلقے سے مہا وِکاس آگھاڑی کے امیدو ار ڈاکٹر شیواجی کوڑگے کی تشہیر کےلئے ایک جلسۂ عام منعقد کیا گیا۔ اس موقع پر امیت دیشمکھ نے زرعی پید اوار کو سوامی ناتھن کمیشن کی سفارشات کے تحت ضمانتی نرخ د ینے‘ منریگا کے تحت مزدو رو ں کی اُجرت میں اضافے سمیت دیگرموضوعات پر خطاب کیا۔
***** ***** *****
بیڑ پارلیمانی حلقے سے مہاوِکاس آگھاڑی کے امیدو ار بجرنگ سونونے سمیت راشٹروادی کانگریس شردچندر پوار پارٹی کے رہنما اور رکنِ اسمبلی سندیپ شرساگر نے کل بیڑ ضلع کے مختلف مقامات پر مذہبی اجتماعات میں شریک رہ کر را ئے دہندگان سے ملاقات کی اور ان سے تبادلۂ خیال کیا۔
***** ***** *****
شیوسینا اُدّھو باڑا صاحب ٹھاکرے پارٹی کے رہنما اور قا نون ساز کونسل میں حزبِ اختلاف کے قائد امبا داس دانوے نے کل او رنگ آباد لوک سبھا حلقے سے مہاوِکاس آگھاڑی کے امیدوار چندرکانت کھیرے کی تشہیری مہم کے تحت ویجاپور علاقے میں مختلف د یہاتوں کے ساکنان سے ملاقاتیں کیں اور ان کے مسائل سے آگاہی حاصل کی۔
***** ***** *****
بیڑ ضلعے کے مانجر سُمبا تعلقے میں ایک 16 سالہ دوشیزہ کی شادی روکنے میں انتظامیہ کو کامیابی حاصل ہوئی۔ اس شادی سے متعلق بیڑ چائلڈ ہیلپ لائن کوموصولہ معلومات کی بنیاد پر دُلہن کی عمر سے متعلق حقائق کی جانکا ری حاصل کرنے کے بعدفی الفور کارروائی کرتے ہوئے اس کمسنی کی شادی کو ر وکنے کی اطلاع ہمارے نمائندے نے دی ہے۔
***** ***** *****
85 سال سے زائد عمر کے ر ائے دہندگان اور معذور ر ائے دہندگان کو انتخابی کمیشن نےگھر بیٹھے حقِ رائے دہی کی ادائیگی کی سہولت فراہم کی ہے۔ چھترپتی سمبھاجی نگر ضلعے میں ا یک ہزار 384 ر ائے دہندگان نے گھر بیٹھے رائے دہی کا متبادل اپنایا ہے۔ اس انتخابی عمل کی انجام دہی کیلئے مقررہ ملازمین، فوٹوگر افر‘ پولس ملازمین، کو گاڑی کے رو ٹ میپ کے مطابق رائے دہندگان کے گھر جاکر ووٹ حاصل کرنے اور مقررہ معیاد میں انتخابی عمل مکمل کرکے اس کی رپورٹ انتظامیہ کو پیش کرنے کی ہدا یت ضلع کلکٹر دلیپ سو امی نے دی ہے۔
***** ***** *****
انتخابی کمیشن کے انسپکٹر ر اجیش کمار نے کل چھترپتی سمبھاجی نگر ضلعے کے پیٹھن‘ پھلمبری ا ور سلوڑ اسمبلی حلقوں میں انتخابی تیاریوں کا جائزہ لیا۔ ضلعے کے تینوں اسمبلی حلقو ں کو جالنہ پا رلیمانی حلقے سے جوڑا گیا ہے۔ اس جائزاتی اجلاس میں نائب انتخابی افسر دیویندر کٹکے نے تیاریوں سے متعلق معلومات فراہم کیں۔
***** ***** *****
بیڑ پارلیمانی حلقے میں رائے دہندگان میں بیداری کی غرض سے کل سائیکل ر یلی نکالی گئی۔ اس سائیکل ریلی میں ضلع انتخابی افسر دیپا مدھوڑ منڈے کے ساتھ سائیکل اسوسی ایشن کے اراکین اور بیڑ شہر کی عوام نے حصہ لیا۔ ضلعے کے امبہ جو گائی‘ پرلی اور ماجل گائوں سمیت مختلف مقامات پر رائے دہندگان کی بیداری کیلئے سائیکل ریلیوں کا انعقاد کیا گیا۔
***** ***** *****
چین کے شنگھائی میں جاری تیراند ازی کے عالمی کپ مقا بلوں میں بھارتی مردوں کی ریکرو ٹیم نے سونے کا تمغہ اپنے نام کیا۔ دھیرج بومّا دیور ا‘ ترون د یپ رائے ا ور پروین جادھو کی ٹیم نے کل فائنل مقابلے میں جنوبی کوریا کو شکست سے دو چار کیا۔ اسی طرح دیپیکا کماری نے خواتین کے ریکرو زمرے کے انفرادی مقابلے میں چاند ی کا تمغہ حاصل کیا۔ اس ٹورنامنٹ میں بھارت نے اب تک کُل آٹھ تمغے جیتے ہیں، جن میں پانچ طلائی، دو نقرئی اور ایک کانسے کا تمغہ شامل ہے۔
***** ***** *****
بنگلہ دیش کے سلہٹ میں بھارت اور بنگلہ دیش کی خواتین کرکٹ ٹیموں کے مابین کھیلے گئے پہلے ٹی ٹوئنٹی مقابلے میں بھارت نے 44 رنوں سے جیت حاصل کرلی۔ بھارتی ٹیم نے مقررہ 20 اوورو ں میں سات وِکٹوں کے نقصان پر 145 رنز بنائے‘ جبکہ بنگلہ دیش کی ٹیم مقررہ اوور وں میں آٹھ وِکٹوں کے نقصان پر 101 رنز ہی بناسکی۔ پانچ میچو ں کی سیریز کا دوسرا میچ کل کھیلا جائےگا۔
***** ***** *****
انڈین پریمیر لیگ (IPL)کرکٹ ٹو رنامنٹ میں کل احمدآباد میں کھیلے گئے مقابلے میں رائل چیلنجرز بنگلورو نے گجرات ٹائٹنز کو آٹھ وِکٹوں سے شکست دے دی۔
دیگر ایک مقابلے میں چنئی سپر کنگز نے سن رائزرس حیدرآباد کو 78رنوں سے شکست دی۔ چنئی کی جانب سے دئیے گئے 213رنوں کے ہدف کا تعاقب کرتے ہوئے حیدرآبادکی پوری ٹیم صرف 134رنوں پر ہی آئوٹ ہوگئی۔
آج اس ٹورنامنٹ میں کولکاتہ نائٹ رائیڈرس اور دہلی کیپٹل کے مابین مقابلہ ہوگا۔
***** ***** *****
::::: سرخیاں::::::
آخرمیں اس بلیٹن کی خاص خبریں ایک بار پھر:
٭ پارلیمانی انتخابات کے چھٹے مرحلے کا نوٹیفکیشن جا ری؛ چو تھے مرحلے کے انتخابات کیلئے درخواستیں واپس لینے کا آج آخری دِن۔
٭ تیسرے مرحلے کے چنائو کیلئے سیاسی جما عتوں کے جلسوں او ر قا ئدین کے دو روں میں اضافے سے تشہیری مہم عروج پر۔
٭ بیڑ ضلعے کے مانجر سُمبا تعلقے میں 16 سالہ دوشیزہ کا بیاہ رو کنے میں انتظامیہ کو کامیابی۔
اور۔۔۔٭ تیراندازی کے عالمی کپ مقابلوں کے ریکرو زمرے میں ہندو ستانی مردوں کی شاندار کارکردگی؛ مقا بلوں میں پانچ طلائی‘ دو نقرئی او ر ایک کانسے کے تمغے جیتے۔
***** ***** *****
اس کے ساتھ ہی علاقائی خبریں ختم ہوئیں۔
ان خبروں کو آپ AIR چھترپتی سمبھاجی نگر یوٹیوب چینل‘ پر دوبارہ کسی بھی وقت سن سکتے ہیں۔
***** ***** *****
No comments:
Post a Comment