Regional Urdu Text Bulletin, Aurangabad.
Date : 31 December 2021
Time: 09 : 00 to 09: 10 AM
آکاشوانی اَورنگ آباد
علاقائی خبریں
تاریخ: ۳۱ ؍ دسمبر ۲۰۲۱ء
وَقت: صبح ۰۰۔۹ سے ۱۰۔۹؍ بجے
سب سے پہلے اِس وقت کی سر خیاں...
٭ مہاراشٹر میں آج آدھی رات سےنافذ ہوں گی سخت پا بندیاں‘شادی کی تقریبات میں50؍ اور
جنا زوں میں صرف20؍ لوگ کر سکتے ہیں شر کت
٭ نئے سال کے موقعے پر بھیڑجمع ہونے سے روکنے کے لیے سیا حتی مقامات کو کیاگیا بند ‘
مزید پا بندیاں عائد کرنے کامقامی ضلع انتظا میہ کو دیاگیااختیار
٭ مہاراشٹر میں کَل ایک دِن میں پائے گئے 5358؍ نئے کورونا پا زیٹیو مریض‘
ریاستی وزیر امِت دیشمکھ نے کہا کورونا مریضوں کی تعداد میں ہو رہا اضا فہ
تیسری لہر میں تبدیل ہو سکتا ہے
اور
٭ سلِوڑ - کنّڑ شاہراہ پر منگلور پھا ٹے کے قریب کَل ہوئے حادثے میں ایک ہی خاندان کے
6؍ لوگوں کی موت
اب خبریں تفصیل سے....
مہاراشٹر میں کورونا پا زیٹیو مریضوں کی بڑھتی تعداد اور او میکرون مریضوں میں ہو رہے اضا فے کی وجہ سے ریاست میں د و بارہ پا بندیاں عائد کی جا رہی ہیں۔ نئی پا بندیاں آج آدھی رات سے نافذ ہوں گی ۔ وزیر اعلیٰ اُدھو ٹھا کرے نے کورونا ماہرین کی کمیٹی سے تفصیلی تبادلۂ خیال کے بعد یہ فیصلہ لیا۔ اِس بارے میں حکم نا مہ کَل دیر رات جا ری کیا گیا ۔ آج رات سے نافذ کی جا نے والی پا بندیوں کے مطا بق کھُلی جگہوں یا بند ہالس میں منعقدکی جانے والی شادی کی تقریبات میں صرف 50؍ لوگوں کو شر کت کرنے کی اجازت ہو گی ۔
وہیں جنازوں اور آخر رسو مات میں صرف بیس افراد شریک ہو سکتے ہیں ۔ سیاسی ‘ مذہبی اور سما جی تقریبات میں
صرف50؍ لوگوں کو شر کت کی اجازت ہو گی ۔ اُن ضلعوں میں جہاں کو رونامریضوں کی تعداد بڑھ رہی ہے وہاں سخت فیصلے لینے کا اختیار مقامی انتظا میہ کو بحال کر دیا گیا ہے۔ نئے سال کے جشن کے موقعےپر لوگوں کی بھیڑ جمع ہونے سے روکنے کے لیے ممبئی سمیت مختلف شہروں کے سیاحتی مقا مات اور سمندر کناروں کو بند کر دیا جائے گا ۔ سبھی سیاحتی مقا مات پر امتنا عی احکا مات نافذ ہیں۔
اِس بیچ کورونا ٹاسک فورس کے ساتھ ہوئی میٹنگ میں وزیر اعلیٰ نے ریاست میں کورونامریضوں کی بڑھتی تعداد پر فکر مندی کا اظہار کیا۔ میٹنگ کی تفصیلات تبا تے ہوئے ریاستی وزیر صحت راجیش ٹو پے نے کہا کہ بھیڑ کو جمع ہونے سے روکنے پر سبھی نے ایک دوسرے سے اتفاق کیا ہے۔ ٹو پے نے کہا کہ مزید پا بند یوں کے بارے میں بھی جلد ہی فیصلہ لیا جا ئے گا ۔
***** ***** *****
دریں اثنامہاراشٹر میں اومیکرون مریضوں کی تعداد میں اضا فہ جاری ہے ۔ گزشتہ کَل ایک دِن میں ریاست میں198؍ نئے او میکرون پا زیٹیو مریضوں کا انکشاف ہوا ۔ اِن مریضوں میں190؍ مریض ممبئی سے ہیں جبکہ تھا نے میں4؍ اور سا تا را ‘ ناندیڑ‘ پونے اور پِمپری - چِنچوڑ میں ایک-ایک او میکرون پا زیٹیو مریض پا یا گیا ۔ اِس اضا فے کے بعد مہاراشٹر میں اب تک پائے گئے او میکرون مریضوں کی تعداد بڑھ کر450؍ ہو گئی ہے ۔ اِس تعداد میں سے125؍ افراد ٹھیک بھی ہو چکے ہیں۔
دوسری جانب ریاست میں ایک او میکرون پا زیٹیو مریض کی موت کا ا نکشاف ہوا ہے۔
پِمپری-چِنچوڑ میں28؍ دسمبر کو فوت ہوئے 52؍ سالہ شخص کی او میکرون سے موت ہو نے کاکَل انکشاف ہوا ۔
نائجیر یا سے سفر کر کے لوٹے اِس شخص کو 13؍ سالوں ے ذیابطیس کی بیما ری تھی ۔ یہ شخص پِمپری-چِنچوڑ میو نسپل حدود کے یشو نت رائو چو ہان اسپتال میں علاج کر وا رہا تھا ۔
***** ***** *****
مہاراشٹر میں کَل ایک دِن میں 5358؍ نئے کورونا پا زیٹیو مریض پائے گئے ۔ اِس اضا فے کے بعد ریاست میں اب تک کورونا پا زیٹیو ہوئے مریضوں کی مجموعی تعداد بڑھ کر 66؍ لاکھ70؍ ہزار754؍ تک جا پہنچی ہے ۔ وہیں کَل دن بھر میں ریاست میں22؍ کورونا مریضوں نے دوران علاج دم توڑ دیا ۔ اِن اموات کو ملا کر مہاراشٹر میں کورونا وائرس کی شروعات کے بعد سے اب تک جان گنوا نے والوں کی کُل تعداد ایک لاکھ41؍ ہزار
518؍ ہو گئی ہے ۔ ریاستی شرح اموات 2؍ فیصد پر بر قرار رہی۔
دوسری جانب کَل ایک دن میں ریاست کے مختلف اسپتالوں سے کَل1193؍ افراد کورونا وائرس سے صحت یاب ہونے کے بعدگھرں کو رخصت ہوئے ۔ مہاراشٹر میں اب تک 65؍ لاکھ7؍ ہزار330؍ افراد
اِس بیما ری سے ٹھیک ہو چکے ہیں۔ کورونا وائرس سے صحت یابی کا ریاستی تناسب لگ بھگ 98؍ فیصد رہا ۔ فی الحال مہاراشٹر میںکورونا پا زیٹیو مریضوں کی درج شدہ مجموعی تعداد18,217؍ ہو گئی ہے او ر اِن سبھی مریضوں کا علاج کیا جا رہا ہے۔
***** ***** *****
مراٹھواڑہ میں کَل ایک دِن میں53؍ نئے کورونا پا زیٹیو مریض منظر عام پر آئے ۔ اور ایک مریض کی موت ہو گئی ۔ جان گنوا نے والے شخص کا تعلق بیڑ ضلعے سے ہے ۔گزشتہ کَل اورنگ آ باد اور عثمان آ باد ضلعوں میں 16-16؍ نئے مریض پائے گئے ۔ لاتور میں8؍ پر بھنی میں7؍ اور جالنہ ضلعے میں 4؍ مریضوں کا کَل اضا فہ درج کیا گیا ۔ بیڑ ضلعے میں کَل 2؍ افراد کے کورونا پا زیٹیو ہو نے کا انکشاف ہوا ۔ ناندیڑ اور ہنگولی ضلعوں میں
گزشتہ روز ایک بھی کورونا پا زیٹیو مریض نہیں پا یا گیا ۔
***** ***** *****
یہ خبریں آکاشوانی اورنگ آ باد سے نشر کی جا رہی ہیں
***** ***** *****
لاتور کے نگراں وزیر امِت دیشمکھ نے ضلعے کے عوام سے احتیا ط برتنے اور سبھی کورونا مخالف ضا بطوں پر عمل کر تے رہنے کی اپیل کی ہے ۔ امِت دیشمکھ نے کہا کہ گزشتہ کچھ دنوں سے کورونا مریضوں کی تعداد میں ہو رہا اضا فہ ‘ تیسری لہر کے آہٹ سامحسوس ہو رہا ہے۔ لہذا اِس سے بچنے کے لیے حکو مت کی جانب سے جاری کر دہ احکا مات پر سختی سے عمل کر لینے کی ضرورت ہے ۔امِت دیشمکھ نے مزید کہا کہ کورونا وائرس کے پھیلائو کو روکنے کے لیے لاتور ضلعے میں کورونا مخالف ٹیکہ اندازی مہم میں تیزی لا نے کی ضررورت ہے ۔ دیشمکھ نے لوگوں سے کہا کہ جنھوں نے ابھی تک ٹیکہ نہیں لگوا ا ہے وہ فوراً اپنی ٹیکہ اندازی مکمل کریں۔
***** ***** *****
اِسی طرح امیکرون مریضوں کی بڑھتی تعداد کے پس منظر میں ناندیڑ کے ضلع کلکٹر ڈاکٹر وِپِن اِٹنکر نے بھی ضلعے کے عوام سے احتیا ط کا دامن نہ چھوڑ نے کی اپیل کی ہے ۔ ضلع کلکٹر نے صحت کو لاحق خطرات کے پیش نظر لوگوں سے ا یک جگہ جمع نہ ہونے اور گھروں میں رہتے ہوئے نئے سال کا استقبال کر نے کی اپیل کی ۔ اورنگ آباد کے پولس کمشنر ڈاکٹر نِکھل گپتا نے بھی نئے سال کا استقبال سادگی سے کرنے کی اپیل کی ہے۔
***** ***** *****
شیو سینا کا رکن سنتوش پَرب پر کیے گئے حملے کے ملزم اور بھارتیہ جنتا پارٹی کے رکن اسمبلی نتیش را نے اور دیگر ایک ملز م کی قبل از گرفتاری ضمانت کی در خواست ‘ سندھو دُرگ کی ضلع عدالت نے کَل نا منظور کر دی۔ اِس عرضی پر دونوں فریقوں کی جانب سے گزشتہ 2؍ دونوں سے اپنی بات رکھی جا رہی تھی ۔ عرضی نا منظور ہونے کے بعد رانے کے وکیل نے صحا فیوں کو بتا یا کہ عدالت کے فیصلے کے خلاف ہائی کورٹ سے رجوع کرنے پرغور کیا جا رہا ہے۔
***** ***** *****
تعلیم کے شعبے میں ہو رہی زبر دست سیاسی مدا خلت سے تعلیم کا معیار گر نے کا خطرہ بڑھ گیا ہے ۔ اِس خیال کا اظہار ڈاکٹر با با صاحیب امبیڈکر مراٹھواڑہ یو نیور سٹی کے سابق وائس چانسلر ڈاکٹر وِجئے پنڈھری پانڈے نے کیا ۔ وہ کَل اورنگ آباد میں یو نیور سٹی اصلا حات بِل2016 کے ضمن میں منعقدہ گول میز کانفرنس میں بول رہے تھے ۔اُنھوں نے کہا کہ موجودہ دور میں معیار سے زیادہ تعداد کو اہمیت دی جا رہی ہے جس سے یو نیور سیٹیوں میں تعلیم کا درجہ لگا تار گر تا جارہا ہے ۔
اِس بیچ بھارتیہ جنتا پار ٹی کی یوا مورچہ شاخ نے کَل اورنگ آباد ضلع کلکٹر دفتر پر مظاہرے کیے ۔ مظاہرین کاکہنا تھا کہ مہاراشٹر کی مہا وِکاس آگھاڑی حکو مت کے یو نیو رسٹی قا نون سے یو نیور سیٹیوں کے وائس چانسلروں کے انتخاب میں سیاسی مداخلت بڑھ جا ئے گی ۔
***** ***** *****
اورنگ آ باد ضلعے کے سِلوڑ -کنڑ شاہراہ پر بارات لے جا رہے پِک اَپ اور ٹریکٹر کے در میان کَل ہوئے بھیا نک حادثے میں ایک ہی خاندان کے 6؍ لوگوں کی موت ہو گئی ۔ یہ حادثہ منگلور پھا ٹے پر کَل علی الصبح رونما ہوا ۔ حادثے میں14؍ لوگ شدید زخمی بھی ہوئے ہیں جنھیں علاج کے لیے اسپتال میں شریک کیا گیا ہے۔
***** ***** *****
بھارت اور جنوبی افریقہ کے در میان سنچو رین میں کھیلا گیا پہلا ٹیسٹ میچ بھارت نے جیت لیا ہے ۔ بھارتی ٹیم نے113؍ رنوں سے یہ مقا بلہ اپنے نام کیا ۔ میچ کے پانچویں اور آخری دِن جنوبی افریقہ کو جیت کے لیے 305؍ رن بنا نےتھے تاہم پوری ٹیم191؍ رن ہی بنا سکی ۔ 4؍ وکٹ کھو کر 94؍ رنوں کے اسکور سے آگے کھیلتے ہوئے کَل جنوبی افریقہ کے بلّے باز بھارت کی گیند بازی کے آگے ٹِک نہیں پائے اور وکٹ گنوا تے رہے ۔بھارت کی جانب سے محمدشا می اور جسپریت بُمراہ نے 3-3؍ کھلاڑیوں کو آئوٹ کیا ۔ جبکہ محمد سراج اور روی چند اشوِن نے 2-2؍ جنوبی افریقی بلّے باز وں کے وکٹ لیے ۔ سنچری لگا نے والے کے ایل راہُل کومین آف دی میچ انعام دیا گیا ۔ اِس جیت کے بعد بھارت3؍ ٹیسٹ میچوں کی سیریز میں ایک - صفر کی سبقت حاصل کر چکا ہے ۔ سیریز کا دوسرا ٹیسٹ میچ‘3؍ سے7؍ جنوری کے در میان جو ہانسبرگ میں کھیلا جا ئے گا ۔
***** ***** *****
دوبئی کے شارجہ میں کھیلے جا رہے اَنڈر19- ایشیا کپ ایک روزہ کر کٹ مقابلوں میں بھارت کی ٹیم نے کَل بنگلہ دیش کو103؍ رنوں سے ہرا کر فائنل میں داخلہ حاصل کر لیاہے۔ کَل کھیلے گئے مقا بلے میں بنگلہ دیش نے ٹاس جیت کر پہلے بلّے با زی کی بھارت کو دعوت دی ۔ بھارتی بلّے باز شیخ رشید کی جانب سے دھواں دار90؍ رنوں کی اِننگز کی بدو لت بھارت نے بنگلہ دیش کے سامنے244؍ رنوں کا نشا نہ رکھا جِسے حاصل کر نےمیں بنگلہ دیش نا کام رہا ۔
***** ***** *****
موسم : وِدربھ کے کچھ مقا مات پر کَل ژالہ باری کے ساتھ ساتھ بارش ہوئی ۔ مراٹھواڑہ اور وسطی مہاراشٹر کے کئی مقا مات پر کم از کم درجہ حرارت میں اوسط کے مقابلے ہلکا اضا فہ ضرور ہوا ہے لیکن سرد ہوائیں اب بھی جا رہی ہیں ۔ پونے دفتر موسمیات کا کہنا ہے کہ اگلے 2؍ دنوں میں پورے مہاراشٹر میںموسم خشک رہے گا ۔
***** ***** *****
اورآخر میں اہم خبریں ایک بار پھر سن لیجیے ...
٭ مہاراشٹر میں آج آدھی رات سےنافذ ہوں گی سخت پا بندیاں‘شادی کی تقریبات میں50؍ اور
جنا زوں میں صرف20؍ لوگ کر سکتے ہیں شر کت
٭ نئے سال کے موقعے پر بھیڑجمع ہونے سے روکنے کے لیے سیا حتی مقامات کو کیاگیا بند ‘
مزید پا بندیاں عائد کرنے کامقامی ضلع انتظا میہ کو دیاگیااختیار
٭ مہاراشٹر میں کَل ایک دِن میں پائے گئے 5358؍ نئے کورونا پا زیٹیو مریض‘
ریاستی وزیر امِت دیشمکھ نے کہا کورونا مریضوں کی تعداد میں ہو رہا اضا فہ
تیسری لہر میں تبدیل ہو سکتا ہے
اور
٭ سلِوڑ - کنّڑ شاہراہ پر منگلور پھا ٹے کے قریب کَل ہوئے حادثے میں ایک ہی خاندان کے
6؍ لوگوں کی موت
اِس کے ساتھ ہی آکاشوانی اورنگ آباد سے علاقائی خبریں ختم ہوئیں۔
٭٭٭
No comments:
Post a Comment