Regional Urdu Text Bulletin, Aurangabad.

Date : 30 September 2020

Time:  09 : 00 to 09: 10 AM

آکاشوانی اَورنگ آباد

علاقائی خبریں

تاریخ:   ۳۰ٗٗٗٗٗٗٗٗٗٗٗٗ  ؍  ستمبر  ۲۰۲۰ئ؁

وَقت: صبح  ۰۰۔۹  سے  ۱۰۔۹؍ بجے 

پہلے خاص خبروں کی سر خیاں...

٭

 نوراتر ی اُتسو میں گر با ‘ داندڈیا اور دیگر ثقا فتی پروگراموں کا اہتمام کرنے کی اجازت نہیں ہو گی

٭

زراعی تر میمی بلوں کی حمایت میں کسان تنظم2؍ اکتوبر کو ریاست بھر میں مکمل آزادی کی تحریک چلائے گی

٭

ڈاکٹر بابا صاحیب امبیڈکر مراٹھواڑہ یو نیور سٹی کے امتحا نات ملتوی کر دیئے گئے ہیں

٭

ریاست میں مزید14؍ ہزار976؍ افراد کورونا وائرس سے متاثر ‘430

؍مریض علاج کے دوران چل بسے

اور

٭

مراٹھواڑے میں مجموعی طور پر 36؍ مریض دوران علاج انتقال کر گئے ‘ جبکہ مزید ایک ہزار265؍ مریضوں  کا اضا فہ

  اب خبریں تفصیل سے....

کورونا وائرس کے پھیلائو کو مدِ نظر رکھتے ہوئے ریاستی حکو مت نے نو راترر ی اور  دسہرا  تہوار منا نے کے لیے کَل رہنما ہدایات جا ری کی ۔ اِس کے مطابق ریاست میں نو راتری  کے موقعے پر گر با ‘ دانڈیا اور دیگر ثقا فتی پروگراموں کا اہتمام کرنے کی اجازت نہیں ہو گی۔ اِسی طرح عوامی منڈلوں میں مورتی کی اونچائی زیادہ سے زیادہ چار فُٹ اور گھریلو مورتی کی اونچائی زیادہ سے زیادہ 2؍ فُٹ ہو۔ اِسی طرح مورتی لانے اور  اُس کے وِسرجن کے لیے جلوس نکالنے کی بھی اجازت نہیں ہو گی۔ آن لائن درشن کا بندوبست کر نا  نیز  مذہبی تقاریب میں عوامی ہجوم اکٹھا نہ ہو اِس بات کا خیال رکھنا    اور  نوراتری اُتسو کے دوران ’’ میرا کُنبہ میری  ذمہ داری‘‘  مہم سے متعلق عوامی بیداری پیدا کرنا  وغیرہ ہدایات ریاستی حکو مت نے جا ری کی ہیں۔ ساتھ ہی عوامی نوراتر اُتسو منڈلوں کو بلدیہ  اور  مقا می انتظا میہ سے اجازت حاصل کرنا بھی لازمی قرار دیا گیا ہے۔ 

اِسی طرح دسہرا تہوار کے موقعے پر راون کی مورتی جلا نے کا کام گنے چُنے افراد کی موجودگی میں انجام دینے اور اِس پروگرام کوبراہِ راست نشر کرنے کی بھی ہدایت دی گئی ہے۔ 

***** ***** ***** 

وزیر اعلیٰ اُدھو ٹھا کرے نے کہا ہے کہ ’’ میرا کُنبہ میری ذمہ داری‘‘ یہ مہم سر کارکی نہیں بلکہ عوام کی ہے ۔ وہ کَل اِس مہم کے جائزہ اجلاس میں اظہار خیا ل کر رہے تھے۔ اِس موقعے پر چیف سیکٹریٹری  اروِند کُما ر نے بتا یا کہ اِس مہم کے تحت تا حال دیہی علاقوں کے8؍ کروڑ سے زیادہ افراد کا سر وے کیا جا چکا ہے۔ اور اِس کے لیے تشکیل دیئے گئے وفود نے اب تک 24؍ لاکھ کنبوں سے ملا قات کی ہے۔  

***** ***** ***** 

راشٹر وادی کانگریس پارٹی کے سر براہ رکن پارلیمنٹ شرد پوار نے کہا ہے کہ چھتر پتی سنبھاجی راجے اور چھتر پتی اُدین راجے کو  بھارتیہ جنتا پارٹی نے  بطور رکن پارلیمنٹ مقرر کیا ہے لہذا یہ دونوں راجابی جے پی سے مراٹھا ریزر ویشن کا معا ملہ حل کر وائیں۔وہ کَل شولا پور میں صحافیوں سے مخا طب تھے۔ اُنھوں نے کہا کہ ملک کی توجہ ہٹا نے کے لیے مرکزی حکو مت نے اداکار سشانت سنگھ راجپوت خودکشی معاملے کی جانچ کر نے کے لیے مختلف اِداروںکو ذمہ داری سونپی تھی تا ہم وہ دوسری سمت میں تفتیش کر رہے ہیں۔ پوار نے کہا کہ مرکزی حکو مت کے پیش کر دہ زرعی بلوں کی سبھی مل کر مخالفت کریں گے اور کسان اِس کی قیادت کریں گے ۔ 

***** ***** ***** 

اسمبلی میں حزب اختلاف کے رہنما دیویندر پھڑ نویس نے وزیر اعلیٰ اُدھو ٹھا کرے کو خط لکھ کر مطالبہ کیا ہے کہ مراٹھواڑے میں ہوئی موسلا دھار بارش کی وجہ سے متاثر ہوئی فصلوں کے پنچ نا مے جلد از جلد تیار کر کے کاشتکاروں کی امداد کی جائے ۔ اُنھوں نے لکھا کہ پنچانامے کیئے جا رہے ہیں یا نہیں  اور  اصل زمینی  حالات کیا ہیں اِس پر سنجید گی سے توجہ دینے کی ضرورت ہے ۔

***** ***** ***** 

مرکزی حکو مت کی جانب سے منظو رکر دہ زرعی تر میمی بلوں کی حمایت میں کسان تنظیم آئندہ2؍ اکتوبر کو ریاست بھر میں مکمل آزادی کی تحریک چلائے گی۔ کسان تنظیم کے صدر  اَنیل گھن وٹ نے صحا فیوں کو یہ اطلاع دی ۔ اُنھوں نے بتا یا کہ کسان تنظیم کے دیرینہ مطا لبات کے مطا بق اِن قوانین کے سبب کاشتکاروں کو کھلا بازار میسر آ یاہے  تاہم ضروری اشیاء سے متعلق قا نون  سے خارج کی گئی اشیاء کی قیمت میں اضا فہ ہونے کے بعد دو با رہ  ضروری اشیاء کی فہرست میں شامل کرنے کی گنجائش کی کسان تنظیم خلاف ہے۔ گھن وٹ نے کہا کہ مرکزی حکو مت صحیح سمت میں گامزن ہے۔

***** ***** ***** 

ڈاکٹر با با صاحیب امبیڈکر مراٹھواڑہ یو نیور سٹی کے آئندہ کَل یعنی یکم اکتوبر سے شروع ہونے والے امتحا نات ملتوی کر دیئے گئے ہیں۔ اِس خصوص میں یونیور سٹی کی جانب سے کل ایک مراسلہ جاری کیا گیا۔ اِس میں کہا گیا ہے کہ یو نیور سٹی کے تمام غیر تدریسی ملازمین کام بند آندولن کر رہے ہیں اِسی لیے  یہ امتحا نات ملتوی کیے جا رہے ہیں۔ 

اِسی دوران رکن پارلیمنٹ ڈاکٹر بھاگوت کراڑ اور  شیو سینا کے رہنما چندر کانت کھیرے نے کَل مظاہرین سے ملا قات کی اِس موقعے پر رکن پارلیمنٹ کراڑ نے کہا کہ وہ  ملازمین کے مسائل حل کروانے کے مقصد سے وزیر اعلیٰ  اور  ریاست کے گور نر سے ملاقات کریںگے۔

***** ***** ***** 

***** ***** ***** 

 یہ خبریں آکاشوانی اورنگ آ باد سے نشر کی جا رہی ہیں

***** ***** ***** 

ریاست بھر میں گزشتہ روز مزید14؍ ہزار976؍ افراد کورونا وائر س سے متاثر پائے گئے ۔ اِس اضا فے کے ساتھ ہی ریاست بھر میں اب تک پائے گئے کورونا متاثرین کی مجموعی تعداد 13؍ لاکھ

66؍ ہزار129؍ ہوچکی ہے۔ ریاست بھر میں کَل 430؍ کورونا مریض علا ج کے دوران چل بسے ۔ اِس بیماری کے سبب اب تک پوری ریاست میں 36؍ ہزار181؍ اموات ہو چکی ہیں۔ 

دوسری جانب زیر علاج مریضوں میں سے گزشتہ کَل19؍ ہزار212؍ افراد شفا یاب ہو کر اپنے گھر لوٹ گئے ۔ اِس طرح اب تک 10؍ لاکھ 69؍ ہزار159؍ افراد علاج کے بعد کورونا وائرس سے نجات پا کر صحت یاب ہو چکے ہیں اور فی الحال 2؍ لاکھ60؍ ہزار363؍ کورونا مریض زیر علاج ہیں۔ 

***** ***** ***** 

مراٹھواڑے میں کَل 36؍کورونا مریضوں کا علاج کے دوران انتقال ہو گیا۔ جبکہ مزید ایک ہزار

265؍ افراد کورونا وائرس کی زد میں آ گئے ۔

عثمان آ باد اور بیڑ ضلعے میں کَل فی کس 8-8؍ کورونا مریضوں کی موت واقع ہو گئی ۔ جبکہ عثمان آ باد ضلعے میں مزید216؍   اور  بیڑ ضلعے میں146؍ افراد کورونا وائرس سے متاثر پائے گئے ۔ اورنگ آ باد اور لاتور ضلعے میں بھی فی کس 5-5؍ کورونا مریض کل علاج کے دوران فوت ہو گئے۔ جبکہ اورنگ آباد ضلعے میں مزید237؍  افراد  اور  لاتور ضلعے میں مزید217؍ کورونا مریضوں کی نشاندہی ہوئی۔ ناندیڑ ضلعے میں 4؍ کورونا مریض کل علاج کے دوران چل بسے  جبکہ مزید216؍ مریض پائے گئے۔ جالنہ ضلعے میں 3؍ کورونا مریضوں نے کل علاج کے دوران دم توڑ دیا  جبکہ مزید115؍ افراد کورونا وائرس کے نر غے میں آ گئے ہیں ۔ پر بھنی ضلعے میں بھی گزشتہ کَل2؍ مریضوں کی موت واقع ہو گئی  جبکہ مزید82؍ افراد کورونا وائرس سے متاثر ہونے کا انکشاف ہوا ۔  ہنگولی ضلعے میں کَل ایک کورونا مریض کی علاج کے دوران وفات ہو گئی جبکہ مزید36؍ افراد کورونا وائرس سے متاثر پائے گئے ۔

***** ***** ***** 

پریس اِنفور میشن بیورو نے واضح کیا ہے کہ  بالیکا یو جنا  کے نام سے غریب لڑ کیوں کی شادی کے لیے مرکزی حکو مت کی جانب سے پچاس ہزار روپئے دینے کی اسکیم سے متعلق ایک ویب سائٹ پر شائع کی گئی خبر بے بنیاد ہے اور ایسی کوئی یو جنا نہیں ہے ۔

***** ***** ***** 

عثمان آ باد ضلعے کے پرانڈا تعلقے میں ٹاکلی سے تعلق رکھنے والے سپا ہی وامن پوار نے کَل لداخ میں فرائض کی انجام دہی کر تے ہوئے اپنی جان کا نذرانہ پیش کر دیا ۔ اُن کا  جسدِ خاکی کل دیر رات گئے اُن کے گائوں پہنچا یا گیا۔ اُن کی آخری رسو مات آج تمام سر کاری اعزازات کے ساتھ ادا کی جا ئیں گی۔

***** ***** ***** 

جیب گاڑی میں منشیات کی اسمگلنگ کرنے والے 2؍ افراد کو کل اورنگ آ باد میں گرفتار کر لیا گیا۔ پولس کو اطلاع ملی تھی کہ ممبئی سے اورنگ آ باد آ رہی ایک گاڑی میں منشیات کی اسمگلنگ کی جا رہی  ہے جس کے بعد پولس نے جال بچھا کر ایک اسکار پیو جیپ  سے61؍ ہزار روپئے مالیت کی منشیات بر آمد کی۔  ملزمان کو گرفتار کر کے فردِ جرم داخل کیا گیا ہے۔

***** ***** ***** 

اورنگ آ باد کے رکن پارلیمنٹ امتیاز جلیل نے موسلادھا بارش کی وجہ نقصان اُٹھا رہے کاشتکاروں کو امداد فراہم کرنے سے متعلق جلد از جلد کوئی ٹھوس فیصلہ کر کے معاشی پیکیج جا ری کرنے کا مطالبہ کیا ہے۔ رکن پارلیمنٹ امتیاز جلیل نے کَل مملکتی وزیر برائے محصول عبد الستار ‘ ضلع کلکٹر  سُنیل چو ہان اور  دیگر متعلقہ افسران کے ساتھ کنڑ‘ گنگا پور اور ویجا پور تعلقوں میں متاثرہ کھیتوںکا معائنہ کیا ۔ اِس موقعے پر اُنھوں نے کہا کہ حکو مت کی جانب سے قانون میں تبدیل کئے گئے زرعی بِل کسان مخالف ہیں۔

***** ***** ***** 

آخر میں خاص خبروں کی سر خیاں ایک بار پھر سن لیجیے 

٭

 نوراتر ی اُتسو میں گر با ‘ داندڈیا اور دیگر ثقا فتی پروگراموں کا اہتمام کرنے کی اجازت نہیں ہو گی

٭

زراعی تر میمی بلوں کی حمایت میں کسان تنظم2؍ اکتوبر کو ریاست بھر میں مکمل آزادی کی تحریک چلائے گی

٭

ڈاکٹر بابا صاحیب امبیڈکر مراٹھواڑہ یو نیور سٹی کے امتحا نات ملتوی کر دیئے گئے ہیں

٭

ریاست میں مزید14؍ ہزار976؍ افراد کورونا وائرس سے متاثر ‘430؍مریض علاج کے دوران چل بسے

اور

٭

مراٹھواڑے میں مجموعی طور پر 36؍ مریض دوران علاج انتقال کر گئے ‘ جبکہ مزید ایک ہزار265؍ مریضوں  کا اضا فہ

علاقائی خبریں ختم ہوئیں۔

٭٭٭٭٭