आकाशवाणी औरंगाबाद
संक्षिप्त बातमीपत्र
१५ जून
२०२० सकाळी ११.०० वाजता
****
औरंगाबाद जिल्ह्यात आज सकाळी
कोरोना विषाणूचे नवे ५० रुग्ण आढळले आहेत. जिल्ह्यातील एकूण रुग्णांची संख्या २ हजार
८०६ झाली आहे.
****
औरंगाबाद जिल्ह्यात कोरोना विषाणूच्या १ हजार
१५४ रुग्णांवर सध्या उपचार सुरू आहेत. १ हजार ५०२
रुग्ण उपचारानंतर बरे होऊन घरी परतले असून मृत्यूमुखी पडलेल्यांची संख्या १५०
असल्याची माहिती जिल्हा प्रशासनानं दिली आहे.
****
देशात कोरोना विषाणूची लागण
झालेल्यांची संख्या ३ लाख ३२ हजार ४२४ झाली
आहे. गेल्या चोवीस तासांमधे ११ हजार ५०२ रुग्णांची
वाढ झाल्याची माहिती केंद्रीय आरोग्य मंत्रालयानं दिली आहे.
****
देशात कोरोना विषाणूमुळे
मृत्यूमुखी पडलेल्यांची संख्या ९ हजार ५२० झाली आहे. गेल्या चोवीस तासांमधे ३२५ मृत्यू
झाले आहेत.
****
पेट्रोलच्या दरामधे ४८ पैसे
तर डिझेलच्या दरामधे २३ पैशांची वाढ झाली आहे. या दरांमधे वाढ होण्याचा आजचा सलग नववा
दिवस आहे.
****
मुंबईमधे आजपासून निवडक उपनगरीय
लोकल सेवा सुरू करण्यात आली आहे. राज्य सरकारनं ठरवून दिलेल्या अत्यावश्यक कर्मचाऱ्यांसाठी
हे सेवा सुरू करण्यात आल्याचं रेल्वे प्रशासनानं स्पष्ट केलं आहे.
****
भारताच्या वाट्याचं पाकिस्तानमधे
वाहून जाणारं तीन नद्यांचं पाणी रोखण्यावर
सरकार काम करत असल्याची माहिती केंद्रीय मंत्री नितीन गडकरी यांनी दिली आहे.
हे पाणी जम्मू- काश्मीर, पंजाब, राजस्थान, दिल्ली, उत्तराखंड आणि हिमाचल प्रदेश या
राज्यांना दिलं जाईल, असंही त्यांनी म्हटलं आहे.
****
ज्येष्ठ खगोल शास्त्रज्ञ
डॉ. आर. व्ही. भोसले यांच आज कोल्हापूर इथं निधन झालं.ते ९२ वर्षाचे होते. भारतीय बनावटीच्या
पहिल्या रेडिओ दुर्बिणीचे ते जनक होत.
****
अभिनेता सुशांतसिंह राजपूत
याच्या मृतदेहाची छायाचित्र विचलित करणारी असल्यानं सामाजिक संपर्क माध्यमातून प्रसारीत
करू नये आणि केल्यास कायदेशीर कारवाई होऊ शकते, असा इशारा सायबर पोलिसांनी दिला आहे.
****
अमरावती जिल्ह्यात कोरोना विषाणूचे नवे पाच
रुग्ण आज आढळले आहेत. यामुळे जिल्ह्यातील कोरोना विषाणूच्या एकूण रुग्णांची संख्या
तिनशे त्रेचाळीस झाली आहे.
****
No comments:
Post a Comment