Regional Urdu Text Bulletin, Chatrapati Sambhajinagar
Date: 25 January-2024
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۲۵؍ جنوری ۲۰۲۴ء
وقت: ۱۰:۹-۰۰:۹
***** ***** *****
::::: سرخیاں::::::
پیش ہے خاص خبروں کی سرخیاں:
٭ یومِ جمہو ریہ کی مناسبت سے صدرِ جمہوریہ دَروپدی مُرمو کا آج شام قوم سے خطاب۔
٭ ممبئی میں مراٹھا ریزرویشن کیلئے احتجاج کے فیصلے پر نظرِ ثانی کرنے کی ریاستی حکومت کی منوج جر انگے پاٹل سےاپیل۔
٭ مراٹھا ریزرو یشن احتجاج کے باعث شہریوں کے معمولاتِ زندگی متاثر نہ ہونے دینے کی ریاستی حکومت کو ممبئی ہائیکورٹ کی ہدا یت۔
٭ چھترپتی سمبھاجی نگر میونسپل کارپو ریشن حدود میں ترقی یافتہ بھارت سنکلپ یاترا کا اختتام ۔
اور۔۔۔ ٭ کھیلو انڈیا یوتھ اسپو رٹس مقابلوں میں 25 گولڈ میڈلس کے ساتھ مہاراشٹر سرِ فہرست ۔
***** ***** *****
اب خبریں تفصیل سے:
یومِ جمہوریہ کی مناسبت سے صدرِ مملکت درَوپدی مُرمو آج قوم سے خطاب کریں گی۔ شام سات بجے آکاشوانی کے تمام چینلوں پر صدر کی تقریر پہلے ہندی زبان میں اور پھر انگریزی میںنشر کی جائے گی‘ جبکہ رات ساڑھے نو بجے اس تقریر کا مراٹھی ترجمہ نشر کیا جائے گا۔
***** ***** *****
وزیر اعظم نریندر مودی نے کہا ہے کہ اس سال کا 75 واں یوم جمہوریہ خصوصی اہمیت رکھتا ہے اور اس دِن کی پریڈ کو طاقت ِ نسواں کیلئے وقف کرنے کی بات کہی ہے۔ قومی یومِ نسو اں کے موقع پرکل وزیر اعظم نے نئی دہلی میں اپنی رہائش گاہ پر تصویری رتھ کے فنکاروں، قومی طلبہ تنظیم( این سی سی) اور قو می خدمت گار اسکیم (NSS) کے رضاکاروں سے ملاقات کی۔
دریں اثناآئندہ 29 جنوری کو ، وزیر اعظم مودی ’’پرِکشاپہ چرچا‘‘ پرو گرام میں طلباء سے بات چیت کریں گے۔ اس پروگرام کے ساتویں حصے میں وزیرِ اعظم سے بات چیت کرنے کیلئے مائی جی او وی پورٹل پراب تک 2 کروڑ26 لاکھ طلبہ نے رجسٹریشن کرایا ہے۔
ؕ***** ***** *****
کوئلے سے ایندھن گیس بنانے کی تجویز کو مرکزی کابینہ نےمنظوری دے دی ہے۔ کل نئی دہلی میں کابینہ کے اجلاس کے بعد اطلاعات و نشریات کے وزیر انوراگ سنگھ ٹھاکر نے میڈیا کو یہ جانکاری دی۔ کوئلے سے بجلی سازی کے دو ران بڑے پیمانے پر ہونے و الی آلودگی کی رو ک تھام کیلئے گیس تیاری کا متبادل چنا گیا ہے۔ اس کیلئے ساڑھے آٹھ ہزار کرو ڑ روپئے کے مفاہمتی معاہدوں پر دستخط کیے گئے ہیں اور اس معاہدے سے سا ل 2030 تک دس کروڑ ٹن کوئلے سے گیس تیار ہونے کا اند ازہ ہے۔
***** ***** *****
مر اٹھا تحریک کے رہنما منوج جر انگے پاٹل اور مراٹھا سماج سے ریزرو یشن کیلئے ممبئی میں احتجاج کرنے سے متعلق اپنے فیصلے پر نظر ثانی کرنے کی اپیل ر یاستی حکومت نے کی ہے۔اس ضمن میں کل اسکولی تعلیم کے وزیر دیپک کیسرکر نے ایک بیان جاری کیا‘جس میں حکومت کی جانب سے مراٹھواڑہ کی مراٹھا برادری کو کنبی ذات کا سرٹیفکیٹ دینے کیلئے حکومت کا مثبت رویہ ہونے اور اس خصوص میں آئندہ ماہ ایک روزہ اجلاس بلانے اور مراٹھا ریزرویشن کیلئےسرکاری اعلامیہ جاری کرنے کی وضاحت کی گئی ہے۔
***** ***** *****
دریں اثناممبئی عد الت ِ عالیہ نے ریاستی حکومت کو اس بات کا خیال رکھنے کی ہد ایت دی ہے کہ مراٹھا ریزرویشن احتجاج سے شہریوں کے معمولاتِ زندگی پر اثر نہ پڑے‘ ساتھ ہی منوج جرانگے پاٹل کو عدالت میں حاضر رہنے کا نوٹس جاری کرنے کی ہد ایت آزاد میدان پولس کو دی گئی ہے۔ منوج جرانگے مراٹھا ریزرویشن کیلئے کل سے ممبئی میں احتجاج کریں گے‘ تاہم ایڈوکیٹ گُن رتن سداورتے نےاس احتجاجی مورچے کو رو کنے کیلئے ممبئی عد التِ عالیہ سے رجوع کیا تھا اوراس احتجاجی جلوس کو روکنے کا حکم جاری کرنے کی درخواست کی گئی تھی۔ اس عرضی پر سنوائی کے دوران عد الت ِ عالیہ نے یہ ہد ایات جاری کیں۔
اسی دو ر ان منوج جرانگے پاٹل کا پیدل احتجاجی مورچہ کل لونا والا میں قیام کے بعد آج دوپہر تک پنویل پہنچے گا اور کل 26 جنوری کو ممبئی میں داخل ہوگا۔
***** ***** *****
جل یُکت شیوار منصوبے کے دو سرے مرحلے کے کام بعجلت ِ ممکنہ مکمل کرنے کے احکامات نائب وزیر اعلیٰ دیویندر پھڑنویس نے ریاست کے تمام ضلع کلکٹروں کو دیئے ہیں۔ نائب وزیرِ اعلیٰ کل ممبئی میں اس سلسلے میں منعقدہ جائزاتی اجلاس سے خطاب کر رہے تھے۔ ریاست کے لاتور، بھنڈارا، شولاپور، سانگلی اور پونہ نے مقررہ ہدف سے زیادہ تیزی سے جل یُکت شیوار منصوبے کے کام کیے ہیں‘ لہٰذا دوسرے اضلاع کو بھی منصوبے کے کاموں میں تیزی لانے کا مشورہ پھڑنویس نے دیا۔
دریں اثنا، دیگر ا یک اجلاس سے خطاب کرتے ہوئے، پھڑنویس نے ریاست میں ہوائی اڈوں کے ترقیاتی کاموں کو بروقت مکمل کرنے کی ہدایت دی۔ انہوں نے بتایا کہ چھترپتی سمبھاجی نگر طیران گاہ کی توسیع کیلئے 600 کروڑ روپے کی لاگت آئے گی‘ لہٰذا طیران گاہ کی توسیع کیلئے پہلے زمین حاصل کرنے کی ہد ایت بھی انھوں نے دی۔ اس اجلاس میں جلگاؤں، ناندیڑ، دھاراشیو، لاتور شہر وں کی طیران گاہوں کے کاموں کا بھی جائزہ لیا گیا۔
***** ***** *****
دو لت ِ اسلامیہ عراق اور شام (داعش) کو فنڈ فراہم کرنے کے شبہ میں ناسک سے کل ایک نوجوان کو گرفتار کیا گیا۔ گرفتار شدہ نوجوان کا نام عبدالعزیز شیخ ہے، انسدادِ دہشت گردی دستے (ATS)کواس نوجوان انجینئر کی جانب سے داعش کے ہلاک ہونے والے اراکین کے لواحقین کی مالی اعانت کیے جانے کی معلومات حاصل ہوئی تھی، جس کے بعد ATS دستے نے نوجوان کو حراست میں لے لیا۔
***** ***** *****
کرناٹک ہائی کورٹ کے چیف جسٹس پرسنا وراڑے کو عدالت ِ عظمیٰ کا جج مقرر کیا گیا ہے۔ وہ آج اپنے عہدے کا حلف لیں گے۔
***** ***** *****
یہ خبریں آکاشوانی چھترپتی سمبھاجی نگر سے نشر کی جارہی ہیں
***** ***** *****
ریاستی ثانو ی و اعلیٰ ثانوی تعلیمی بورڈ کے تحت رو اں سال فروری۔ مارچ میں ہونے والے دسویں اور بارہویں امتحانات میں طلبہ کو سوالیہ پرچہ حل کرنے کیلئے اضافی دس منٹ ملیں گے۔ ریاستی تعلیمی بورڈ کی سیکر یٹری انورا دھا اوک نے کل یہ اطلاع دی۔ گذشتہ سال بھی بورڈ امتحانات میں طلبہ کو دس منٹ اضافی وقت دیا گیا تھا۔
***** ***** *****
2023-24 میں ناند یڑ ضلعے میں نوجوان رائے دہندگان کی نام اندراج مہم کامیابی سے ہمکنار ہونے پر ضلع کلکٹر ابھیجیت ر ائوت کو چھترپتی سمبھاجی نگر ڈویژن میں بہتر ین دہندگان بیداری ایوارڈ د یا گیا۔ کل ممبئی میں منعقدہ پروگرام میں ریاستی انتخابی آفیسر شریکانت دیشپانڈےکے ہاتھوں رائوت کو ایوارڈ عطا کیا گیا۔
***** ***** *****
چھترپتی سمبھاجی نگر میونسپل کا رپوریشن حدو د میں ترقی یافتہ بھارت سنکلپ یاترا کا کل اختتام ہوا۔ 53 دِن تک جاری رہنے والی اس یاترا میں 104 مقامات پر عوامی بیداری پروگرام منعقد کیے گئے۔ اس یاترا میں 12 ہزار 843 افراد نے آیوشمان بھارت کارڈ کیلئے‘ سواندھی اسکیم کیلئے 12 ہزار 708‘ جبکہ د و ہزار خواتین نے اُجولا گیس اسکیم کیلئے ناموں کا اندراج کیے جانے کی اطلاع میونسپل کا رپو ر یشن انتظامیہ کی جانب سے دی گئی۔
***** ***** *****
چنئی میں جاری کھیلو انڈیا یوتھ اسپورٹس مقابلوں میں مہاراشٹر نے 72 تمغے جیت کر اوّل مقام قائم رکھا ہے۔ اس میں 25 طلائی‘ 21 نقرئی اور 26 کانسے کے تمغے شامل ہیں۔
کل ان مقابلوں میں فنکارانہ جمناسٹک مقابلوں میں مہاراشٹر کے آرین دَوَنڈے نے سونے کا تمغہ جیتا۔ والٹنگ ٹیبل زمرے میں بھی آرین نے سونے کا تمغہ اپنے نام کیا۔ اسی زمرے میں مہاراشٹر کے سِدھانت کونڈے کو کانسے کا تمغہ حاصل ہوا۔ مکے بازی میں 50 تا 52 کلو وزنی زمرے میں پونہ کی دیویکا گھورپڑے‘ سائیکلنگ میں پونہ کے ویدانت جادھو نے سونے کا تمغہ حاصل کیا۔
***** ***** *****
آسٹریلین اوپن ٹینس ٹو رنامنٹ میں بھارت کے روہن بوپنّا نے مردو ں کے ڈبلز کے سیمی فائنل میں داخلہ حاصل کرکے تاریخ رقم کی ہے۔ عمر کے 43 ویں سال میں سیمی فائنل میں جگہ بنانے والا وہ واحد کھلاڑی ہے۔ اس کے ساتھ ہی بوپنّا کو مردو ں کے ڈبلز مقابلوں میں اس طرح کی کارکردگی انجام د ینے والے اوّلین کھلاڑی بننے کا اعزاز بھی حاصل ہوا ہے۔
***** ***** *****
مراٹھا سماج کی سماجی اور تعلیمی پسماندگی کی جانچ کیلئے کل پہلے دِن ناندیڑ شہر میں چھ ہزار دو سو خاندانوں کا سروے کیا گیا۔ شہر کے 96 ہزار املاک مالکان کا اس کے تحت سروے کیا جائےگا۔
چھترپتی سمبھاجی نگر شہر میں تین ہزار 148 گھرو ں کا سروے مکمل ہونے کی اطلاع میونسپل کا رپوریشن کی جانب سے دی گئی۔
***** ***** *****
بیڑ ضلعے میں گذشتہ اکتوبر تا دسمبر آخر تک تین مہینے میں 14 سے بھی زیادہ کم عمری کی شادی کے معاملات اُجاگر ہوئے ہیں۔ بچوں کی شادی کی رو ک تھام دستہ کو ایسے معاملات کو فور ی حل کرنے اور کمسنی کی شادی رو کنےکیلئے سخت اقد امات کرنے کے احکامات ضلع کلکٹر د یپا مدھوڑ منڈے نے دئیے ہیں۔
***** ***** *****
اَٹل بھوجل یوجنا کے تحت زمینی پانی سے بھرپور گائوں کے مقابلے میں دھارا شیو کی کھیڑ گرام پنچا یت کو پہلا‘ کھامس واڑی کو د وسرا اور بھگت واڑی گرام پنچایت کو تیسرے مقام کا ایو ارڈ د یا گیا ہے۔ ایو ارڈ یافتہ گائوں کو ضلع کلکٹر سچن اومباسے کے ہاتھوں یومِ جمہوریہ پر اعزاز سے نو ازا جائیگا۔
***** ***** *****
ہنگولی میں آشا رضاکاروں او ر گرو پ پروموٹرس نے کل ضلع کلکٹر دفتر کے روبرو اپنے مختلف مطالبات کی یکسوئی کیلئے احتجاج کیا۔ مظاہرین کی جانب سے راستہ رو کے جانے پر پولس نے انھیں حراست میں لیکر رِہا کرد یا۔
ناندیڑ میں بھی آشا رضاکاروں ا ور معا ونین نے احتجاجی مظاہرہ کیا۔
***** ***** *****
شاکمبھری پورنیما کے موقعے پر بیڑ شہر کے چَونڈیشوری دیو ی کے مندر میں جاری تہوار کا آج خیر سگالی یاترا سے اختتام ہوگا۔ صبح نو بجے شہر کے ہیرالال چوک سے یہ یاترا نکلے گی۔
***** ***** *****
::::: سرخیاں::::::
آخرمیں اس بلیٹن کی خاص خبریں ایک بار پھر:
٭ یومِ جمہو ریہ کی مناسبت سے صدرِ جمہوریہ دَروپدی مُرمو کا آج شام قوم سے خطاب۔
٭ ممبئی میں مراٹھا ریزرویشن کیلئے احتجاج کے فیصلے پر نظرِ ثانی کرنے کی ریاستی حکومت کی منوج جر انگے پاٹل سےاپیل۔
٭ مراٹھا ریزرو یشن احتجاج کے باعث شہریوں کے معمولاتِ زندگی متاثر نہ ہونے دینے کی ریاستی حکومت کو ممبئی ہائیکورٹ کی ہدا یت۔
٭ چھترپتی سمبھاجی نگر میونسپل کارپو ریشن حدود میں ترقی یافتہ بھارت سنکلپ یاترا کا اختتام ۔
اور۔۔۔ ٭ کھیلو انڈیا یوتھ اسپو رٹس مقابلوں میں 25 گولڈ میڈلس کے ساتھ مہاراشٹر سرِ فہرست ۔
***** ***** *****
No comments:
Post a Comment