Regional Urdu Text Bulletin, Aurangabad.
Date: 30 January 2020
Time: 8:40 to 8:45 am
آکاشوانی ‘  اَورنگ آباد
علاقائی خبریں
تاریخ:  ۳۰  ؍ جنوری  ۲۰۲۰ئ؁
وَقت :  ۴۰:۸۔ ۴۵:۸

 مہاراشٹر کابینہ نے گرام پنچایت کے لیے چنے گئے اراکین میں سے سر پنچ کو منتحب کرنے کے فیصلے کو کل منظوری دی۔ اب تک سر پنچ کو سیدھے عوام سے چنا جا تا تھا۔ ریاستی کابینہ کے کل ہوئے اجلاس میں گرام پنچایت سے سر پنچ چننے کے فیصلے کو قا نونی شکل دینے کے لیے آرڈیننس جا ری کر نے کا بھی فیصلہ لیا گیا۔ ساتھ ہی کا بینہ نے مہاراشٹر گرام پنچا یت قا نون میں جزوی طور پر اصلاح کرنے کو بھی منظوری دی۔ دیہی تر قیات کے وزیر حسن مُشرف نے کہا کہ اِس فیصلے سے سر پنچ اور دیگر اراکین میں تال میل بڑھے گا جس سے گرام پنچایتوں کا کام کاج مزید تیز اور آسان ہو سکے گا۔حسن مُشرِف نے مزید کہا  کہ اب تک سر پنچوں کو سیدھے عوام  سے منتخب کر نے کے منفی اثرات سامنے آئے ہیں جو گائوں کی تر قی پر اثر انداز ہو تے رہے۔ اُنھوں نے کہا کہ یہ دیکھا گیا ہے کہ گرام پنچا یتوں میں سر پنچ اور اراکین کے نظر یات کا ٹکرائو ہو نے لگا تھا جس کے بعد گرام پنچا یت اراکین میں سے ہی سر پنچ کو چننے کا فیصلہ لیا گیا ہے۔
 دوسری جانب ریاستی حکو مت کے فیصلے سے غیر مطمئین سر پنچ پریشد کے صدر دتاّ کا کڑے نے اِس فیصلے سے نا اتفاقی کا اظہار کیا ہے۔ کا کڑے نے مطا لبہ کیا  کہ حکو مت سیدھے عوام سے سرپنچ چننے کو منسوخ کر نے کے فیصلے پر دو بارہ غور کرے۔
اِس فیصلے کے خلاف سر پنچ پریشد نے احمد نگر ضلعے کے شیو گائوں میں تحصیل دفتر پر کل جلوس نکا لا جس کے بعد کا کڑے نے یہ بات کہی۔ اُنھوں نے کہا کہ اِس بارے میں ایک کمیٹی تشکیل دی جائے جو عوام کی رائے حاصل کرے۔ کاکڑے نے انتباہ دیا کہ اگر ریاستی حکو مت اِس فیصلے کو منسوخ نہیں کر تی ہے تو ریاست بھر میں شدید احتجاج کیا جائے گا۔

***** ***** *****

 شہر یت تر میمی قانون ‘CAA  اور مردم شماری کے قو می رجسٹر‘   NPR قوانین کے خلاف بہو جن کرانتی مورچہ اور دیگر مزدور تنظیموں کی جانب سے کل منا ئے گئے بھارت بند کا مہاراشٹر میں ملا جلا اثر دیکھا گیا۔ اورنگ آ باد شہر میں کچھ حصوں میں دکا نیں بند رہیں  جبکہ دیگر حصوں میں کارو بار حسبِ معمول جاری رہے۔ کچھ علاقوں میں دکا نیں بند کر وانے پر بضد ہجوم اور کارو باریوں کے بیچ بحث بھی ہوئی جس کے بعد علا قے میں تنائو پیدا ہو گیا تھا۔
 دوسری جانب خلد آ باد کا ہفتہ واری بازار کل نہیں لگا یا گیا۔ اجنٹہ چوراہے پر بھی کل جلوس نکا لا گیا۔سلوڑ‘ بِڑکن‘ کر ماڑ اور شیکٹہ میں بھی بند کا ملا جلا اثر دیکھا گیا۔

***** ***** *****

 ناندیڑ میں دکانداروں نے بھارت بند میں شریک ہونے سے انکار کر تے ہوئے اپنے کا رو بار جاری رکھے۔ ہنگولی میں بھی کچھ دکانیں بند رہیں لیکن انکاکاروبار ی سر گر میوں پر کوئی اثر نہیں پڑا۔ پر بھنی ضلعے کے سیلو ‘ گنگا کھیڑ تعلقے میں بھی بند کا کوئی اثر نہیں دیکھا گیا جبکہ پر بھنی ضلعے میں بند کا ملا جلا اثر رہا۔ آکاشوانی کے لاتور کے نمائندے نے بتا یا کہ لاتور ضلعے میں بھارت بند کا کوئی خاص اثر نہیں دیکھا گیا۔
 اِس بیچ دھو لیہ اور ایوت محل شہر وں میں بھارت بند نے پُر تشدد رُخ اختیار کر لیا۔ دھو لیہ میں مظاہرین نے کئی گاڑیوں پر پتھرائو کیا اور کچھ گاڑیوں کو آگ کے حوالے کر دیا۔ ایوت محل میں مظا ہرین کی جانب سے  پتھرائو کے بعد ماحول میں تنائو پیدا ہو گیا تھا۔ اورتاجراور مظاہرین آمنے سامنے آگئے تھے۔ بعد میں پولس نے لاٹھی چارج کر کے حا لات پر قا بو پا یا۔ سانگلی ضلعے کے مِرَج میں بھی بھارت بند کے دوران گاڑیوں کو نقصان پہنچا نے والے دو نو جوانوں کو پولس نے حراست میں  لیا۔ ممبئی میں بھی کانجو مارگ ریلوے اسٹیشن پر احتجاج کر رہے قریب سو مظاہرین کو بھی پولس نے حراست میں لیا۔

***** ***** ***** 

 مہاراشٹر حکو مت کی جانب سے دیے جانے والا گان سمراگنی لتا منگیشکر انعام کے لیے معروف خاتون موسیقار اُوشا کھنہّ کے نام کا اعلان کیا گیا ہے۔ یہ انعام پانچ لاکھ روپئے نقد‘ سپاس نا مہ اور توصیفی سند پر مشتمل ہے۔ ثقا فتی امور کے وزیر امِت دیشمکھ کے ہاتھوں کل ممبئی میں اُوشا کھنہّکوگان سمراگنی لتا منگیشکر انعام دیا جائے گا۔ مرد موسیقاروں کی بالا دستی والی ہندی فلم انڈسٹری میں اُوشا کھنہّنے خاتون موسیقار کی حیثیت سے اپنی نما یاں پہچان بنا ئی ہے۔ اُنھوں نے بِن پھیرے ہم تیرے‘ لال بنگلہ‘ سبق‘ ہوَس‘ ہم ہندوستا نی ‘ آپ تو ایسے نہ تھے اور آئو پیا ر کریں جیسی کئی فلموں میں موسیقی دی ہے۔

***** ***** *****

 نائب وزیر اعلیٰ اجیت پوار آج اورنگ آباد میں ضلع سا لا نہ منصوبہ بندی2020-21؁ء  کی ریاستی سطح کی میٹنگ کریں گے۔ اِس میٹنگ میں مراٹھواڑہ کے سبھی ضلعوں کی سا لا نہ منصوبہ بندی کے خا کے کو حتمی شکل دی جائے گی۔ متعلقہ ضلعوں کے رابطہ وزرائ‘ عوامی نما ئندے اور اعلیٰ افسران آج اِس میٹنگ میں شر کت کریں گے۔

***** ***** *****

 ناسک ضلعے کے دیو لہ کے قریب منگل کے روز بس اور آپے رکشہ کے در میان ہوئے حادثے میں مر نے والوں کی تعداد بڑھ کر26؍ ہو گئی ہے۔ حادثے کے دوران بس اور آ پے رکشہ دو نوں قریب واقع کنویں میں جا گرے تھے۔
 وزیر اعظم نریندر مودی نے بھی اِس واقعے پر گہرے رنج و غم کا اظہار کیا ہے۔ اپنے ٹوئیٹر پیغا م میں مودی نے مرنے والوں کے افرادِ خاندان کے ساتھ ہمدر دی کا اظہار کیا ہے۔ اِس دوران ٹرانسپورٹ کے ریاستی وزیر انیل پرب نے کل مالیگائوں میں میڈیا سے گفتگو کر تے ہوئے کہا کہ انسانی غلطیوں اور تکنیکی خرابیوں سے ہونے والے حادثوں کی روک تھام کے لیے ایس ٹی کار پو ریشن جلد ہی ضروری اقدامات کرے گی۔ پر ب نے اعلان کیا کہ حادثے کے دوران جانے گنوا نے والے بس مسا فروں کے افرادِ خاندان کو  فی کس دس لاکھ اور رکشے میں سوار مسافروں کے افرادِ خاندان کو فی کس دو لاکھ روپیوں کی مدد  دی جائے گی۔

***** ***** *****

 بھارت اور نیوزی لینڈ کے در میان کل ہیمِلٹن میں کھیلے گئے تیسرےT-20؍ مقابلے میں بھارت نے سو پر اوور جیت کر میچ اپنے نام کر لیا۔  میزبان نیوزی لینڈ نے ٹاس جیت کر بھارت کو پہلّے بلّے بازی کرنے کی دعوت دی اور بھارت نے نیوزی لینڈ کے سامنے179؍ رنوں کا نشا نہ رکھا۔
 دوسری جانب نشا نے کا پیچھا کر تے ہوئے نیوزی لینڈ کی ٹیم بھی179؍ رن بنا کر آئوٹ ہو گئی۔ اس کے بعد میچ سو پر اوور کے دلچسپ مر حلے میں داخل ہو گیا۔ سو پر اوور کے دوران پہلے بلّے بازی کر تے ہوئے نیوزی لینڈ نے سترہ رن بنا ئے ۔ جواب میں روہِت شر ما کے دو چھکوں کی بدو لت بھارت نے اٹھا رہ رن بنا کر مقابلہ اپنے نام کر لیا۔ پانچ T-20؍ مقابلوں کی سیریز کے تین مقابلے جیت کر بھارت نے سیریز میں تین ۔صفر کی بر تری حاصل کر لی ہے۔ سیریز کا اگلا مقابلہ کل ویلِنگٹن کھیلا جائے گا۔

***** ***** *****