Regional Urdu Text Bulletin, Aurangabad.
Date : 30 April 2020
Time:  09 : 00 to 09: 10 AM
آکاشوانی اَورنگ آباد
علاقائی خبریں
تاریخ:   ٗٗٗٗٗٗٗٗٗٗٗٗ۳۰ ؍  اپریل  ۲۰۲۰ئ؁
وَقت: صبح  ۰۰۔۹  سے  ۱۰۔۹؍ بجے 

 سب سے پہلے خاص خبروں کی سر خیاں...

        ٭  ملک کے کچھ اضلاع میں 4؍ مئی کے بعد لاک ڈائون میں نر می کی جائے گی۔ مرکزی وزارتِ داخلہ ٭  مختلف حصوں میں پھنسے ہوئے خانہ بدوش مزدوروں ‘ سیاح ‘ طلبہ اور دیگر افراد کو اُن کے مستقل       رہائشی مقام پر روانہ کرنے کی مشروط اجازت
 ٭ کورونا متاثرین کے علاج کے لیے پلازما تھیراپی کا پہلا تجر بہ کامیاب۔ وزیر صحت راجیش ٹو پے کا دعویٰ
 ٭  ریاست میں مزید597؍ افراد کورونا  وائرس کی زد میں   :  32؍ مریض چل بسے
 ٭اورنگ آ باد میں کورونا سے متاثرہ مزید 21؍ مریض پائے گئے ۔
 ٭ وزیر اعلیٰ نے قانون ساز کونسل میں خالی نشست پُر کرنے کے معاملے میں وزیر اعظم سے مداخلت        کرنے کی درخواست کی۔
 اور
 ٭  معروف اداکار عرفان خان نہیں رہے

  اب خبریں تفصیل سے....

 مرکزی حکو مت لاک ڈائون سے متعلق آئندہ 4؍ مئی سے نئے رہنما اصول جاری کرے گی ۔  اور کچھ اضلاع میں لاک ڈائون کی پا بندیوں میں نر می کی جائے گی۔وزارت ِ داخلہ نے کل لاک ڈائون کی موجودہ صورتحال سے متعلق ایک جامع جائزہ میٹنگ لی جس میں یہ معلو مات فراہم کی گئی۔ اِس حوالے سے  مزید تفصیلات آئندہ 2؍ روز میں جاری کی جا ئیں گے۔ 

***** ***** ***** 

 لاک ڈائون کی وجہ سے ملک کے مختلف حصوں میں پھنسے ہوئے خانہ بدوش مزدور ‘ سیاح ‘ طلبہ اور دیگر افراد کو اُن کے مستقل رہائشی مقام پر واپس بھیجنے کی مرکزی حکو مت نے مشروط اجازت دیدی ہے۔
وزارتِ داخلہ کی جانب سے کل اِس خصوص میں جاری کیے گئے حکم نامے میں کہا گیا ہے کہ پھنسے ہوئے افراداپنے پسندیدہ مقام پر پہنچنے کے لیے بس کا استعمال کریں‘  تا ہم اِس سے قبل بسوں کو جراثم سے پاک کر والیں‘   اور  دوران ِ سفر سما جی فاصلے کے ضابطے پر بھی عمل کریں۔اِسی طر ح ریاستوں سے کہا گیا ہے کہ ایک نوڈل آفیسر کا تقر ر کر کے اُس کی معرفت پھنسے ہوئی شہر یان کو اُن کی متعلقہ ریاست کے لیے روانہ کریں اِسی طرح دیگر ریاستوں میں پھنسے ہوئے شہر یان کو واپس لانے کا  بندوبست کریں۔
دونوں ریاستیں باہمی تال میل سے اِس کام کا لائحہ عمل طئے کریں۔ پھنسے ہوئے لوگوں کو نکالنے سے پہلے اُن کی طبی جانچ کروا نا لازمی ہے۔ اسی طرح اُن کے رہائشی مقام پر پہنچنے کے بعد مرکزی حکو مت کی ہدایات کے مطا بق اُنھیں اپنے اپنے مکانوں میں یا اِنسٹی ٹیوشنل کورنٹین کر نا لازمی ہو گا۔

***** ***** ***** 

 ریاستی وزیر صحت راجیشن ٹو پے نے کہا ہے کہ کورونا متاثرین کے علاج کے لیے پلازما تھیراپی کا پہلا تجر بہ کامیاب رہا ہے۔ اُنھوں نے بتا یا کہ ممبئی کے لیلا وتی ہسپتال میں یہ تجر بہ کیا گیا ہے اب دوسرے مریض کا بھی پلازما تھیرا پی  کے ذریعے علاج کیا جا رہا ہے۔ پی ٹی آئی کی خبر میں کہا گیا ہے کہ پلا زما تھیرا پی میں کورونا وائرس سے نجات پا چکے  مریض کے خون سے پلازما  لے کر کورونا متاثرہ مریض کے خون میں شامل کیا جا تا ہے۔ تاہم مرکزی وزارت برائے صحت کی جانب سے کہا گیا ہے کہ یہ طریقہ علاج کورونا متاثرین کے لیے موزو ہے اِس کا ابھی تک کوئی ٹھوس سند نہیں ہے۔

***** ***** ***** 

 ریاست میں کل مزید597؍ افراد کورونا وائرس کی زد میں آگئے ۔ جس کے ساتھ ہی مریضوں کی تعداد بڑھ کر9؍ہزار915؍ ہو گئی ہے۔ اورکل 32؍ کورونا مریضوں کی موت واقع ہو گئی جس کے بعد ریاست میں اب تک کورونا وائرس کے سبب فوت ہو نے والوں کی تعداد 432؍ ہو گئی ہے۔

***** ***** ***** 

 اورنگ آباد شہر میں کل کورونا وائرس سے متاثرہ مزید21؍ مریض پائے گئے ہیں۔جس کے بعد متاثرین کی تعداد 130؍ سے تجاوز کر گئی ہے۔ ضلع سول ہسپتال میں91؍ اور گھاٹی دواخانے میں10؍مریض زیر علاج ہیں۔ اورنگ آباد شہر میں اب تک 7؍ کورونا مریض جابحق ہوئے ہیں اور23؍ مریض علاج کے بعد مکمل طور پر صحت یاب ہو کر اپنے گھر جا چکے ہیں۔ شہر کے بائجی پورہ علاقے کی کورونا متاثرہ زچہ اور اُن کی نو مولود بیٹی کو بھی کل صحت یاب ہو جانے پر دواخانے سے رخصت دیدی گئی۔

***** ***** ***** 

 ضلع پولس سپرنٹنڈنٹ موکشداپاٹل نے اورنگ آ باد ضلع کے تمام دیہاتوں میں آئندہ 2؍ روز تک مکمل بند منا نے کا حکم دیا ہے۔ جس کے مطا بق 30؍ اپریل اور یکم مئی اِن 2؍ دنوں میں لازمی خد مات کو چھوڑ کر بقیہ تمام سر گر میوں پر سخت پا بندی ہوگی۔ اُنھوں نے حکم کی خلاف ور زی کرنے والے کے خلاف سخت کار وائی کا انتباہ دیا ہے۔ساتھ ہی اُنھوں نے عوام سے انتظامیہ کے ساتھ تعاون کرنے کی بھی اپیل کی ۔

***** ***** *****

 ہنگولی ضلعے میں کل کورونا سے متاثرہ مزید 2؍ مریض پائے گئے۔کل صبح اِن دو نوں مریضوں کی جانچ رپورٹ موصول ہوئی جس کے بعد ضلعے میں کورونا متاثرین کی تعداد بڑھ کر 16؍ ہو گئی ہے۔ مریضوں کی تعداد میں ہورہے اضافے کو مد نظر رکھتے ہوئے ضلع انتظامیہ نے 3؍ مئی تک پورے ضلعے میں تمام دکانیں بندرکھنے کا حکم دیا ہے۔

***** ***** ***** 

 پریس ٹرسٹ آف اِنڈیا کے مطابق  وزیر اعلیٰ اُدھو ٹھا کرے نے وزیر اعظم نریندر مودی سے قانون ساز کونسل میں خالی نشستوںپر تقرری میں مداخلت کرنے کی در خواست کی ہے۔ خبر میں کہا گیا ہے کہ ٹیلی فون پر بات چیت کرتے ہوئے وزیر اعلیٰ نے اُنھیں بتا یا کہ ریاست میں سیا سی عدم استحکام پیدا کرنے کی کوشش کی جا رہی ہے۔ لہذا وزیر اعظم اِس جانب توجہ دیں۔
 اِسی دوران ریاست میں کورونا وائرس کے سبب پیدا شدہ حالات سے متعلق بھی وزیر اعلیٰ اور وزیر اعظم کے در میان  بات چیت ہوئی۔ اور  وزیر اعظم نے ریاستی حکو مت کی جانب سے کیے جا رہے اقدامات کی تفصیلات حاصل کی۔ 

***** ***** *****
 یہ خبریں آکاشوانی اورنگ آ باد سے نشر کی جا رہی ہیں
***** ***** ***** 

 ہندی اور انگریزی فلموں کے معروف اداکار عر فان خان کا کل صبح ممبئی میں انتقال ہو گیا۔ وہ54؍ برس کے تھے۔ عر فان خان نے متعدد ہندی اور انگریزی فلموں میں اپنے فن کے جو ہر دکھائے۔ اُنھیں پدم شری اعزاز کے علا وہ فلم پان سنگھ تو مر میں نبھا ئے گئے مرکزی کر دار کے لیے فلموں کے قومی اعزاز سے بھی سر فرا ز کیا گیا تھا۔سال2018؁ میں سر طان کی تشخیص ہونے پر علاج کے لیے وہ بیرون ملک چلے گئے تھے۔ صحت یاب ہو کر وطن واپس آنے کے بعد منظر عام پر آئی اُن کی فلم انگریزی میڈیم عرفان خان کی زندگی کی آخری فلم ثابت ہوئی۔ کل صبح طبیعت خراب ہو نے پر اُنھیں ممبئی کے کوکیلا بین ہسپتال میں داخل کیا گیا تھا۔ جہاں دورانِ علاج اُن کی وفات ہو گئی۔
 مرکزی وزیر برائے اطلاعات و نشر یات پر کاش جائوڑیکر نے عر فان خان کی موت پر گہرے رنج و غم کا اظہار ہے۔ اپنے تعزیتی پیغام میں وزیر موصوف نے کہا کہ ہم ایک ہمہ جہت اداکار سے محروم ہو گئے ہیں۔
 عر فان خان کے انتقال پر صدر جمہوریہ رام ناتھ کو وِند نے دکھ کا اظہار کیا ہے ۔ اُنھوں نے کہا کہ عرفان خان کی موت سے نہ صرف فلمی دنیا بلکہ فلمی شائقین کا بھی بڑا نقصان ہوا ہے۔
 وزیر اعظم نریندر مودی نے بھی عر فان خان کو خراج تحسین پیش کرتے ہوئے کہا کہ عرفان خان اپنے مختلف کرداروں کے ذریعے ہمیشہ یاد رہیں گے۔
 گورنر بھگت سنگھ کوشیاری  اور  وزیر اعلیٰ اُدھو ٹھا کرے نے بھی عر فان خان کی وفات پر دکھ کا اظہار کیا۔ وزیر اعلیٰ اُدھو ٹھا کرے نے کہا کہ عرفان خان کا بالی ووڈ سے ہالی ووڈ تک کا سفر نئے اداکاروں کے لیے ایک مثال ہے۔

***** ***** ***** 

 وزیر توانائی نتن رائوت نے کہا ہے کہ ریاست میں تینوں بجلی سپلائی کمپنیوں اور  بجلی کے ریگو لیٹری کمیشن کے باہمی اتفاق سے بجلی کے نرِ خ میں کی گئی کمی کے فیصلے کی وجہ سے ریاست میں صنعت اور کاروبار کو بڑے پیمانے پر فروغ  ملے گا۔ وہ کل زوم ایپ کے توسط سے منعقدہ اخباری کانفرنس میں اظہار خیال کر رہے تھے۔ اِس موقعے پر انھوں نے بحیثیت ِ وزیر توانا ئی کیے گئے تمام اہم فیصلوں کی بھی تفصیلات پیش کی۔

***** ***** ***** 

 ریپبلیکن پارٹی کے قو می صدر اور مملکتی وزیر برائے سماجی انصاف رام داس آٹھو لے نے کہا ہے کہ دِن رات کورونا وائرس کے خاتمے کے لیے کوشاں ڈاکٹرس‘ نرسیس‘ دیگر طبی ملازمین‘ پولس ملازمین اور میونسپل کار پوریشن کے صفائی ملازمین کی تنخواہوں میں کسی قسم کی کوئی تخفیف نہ کی جائے۔

***** ***** ***** 

 مراٹھواڑہ گریجویٹ حلقہ ٔ  انتخاب کے رکن اسمبلی ستیش چو ہان نے وزیر اعلیٰ اُدھو ٹھا کرے سے مطالبہ کیا ہے  کہ ا گر ریاستی حکو مت 3؍ مئی کے بعد لاک ڈائون کی معیاد میں اضا فہ کر نا چاہتی ہے تو دیگر اضلاع میں پھنسے ہوئے طلبہ  اور  اسا تدہ سے متعلق مثبت فیصلہ کر یں۔اُنھوں نے کہا کہ پونا اور اورنگ آبادجیسے شہروں میں دیہی علاقوںکے کئی طلبہ  اِسی طرح ریاست کے مختلف ضلع پریشدوں میں ہزاروں اساتدہ اپنے وطن سے سینکڑوں کلو میٹر دور پھنسے ہوئے ہیں۔  ستیش چو ہان نے مطالبہ کیا کہ ایسے طلبہ ‘ اسا تدہ اور دیگر شہر یان کو 2؍ دن کا وقت  دے کر اپنے اپنے گائوں واپس جانے کی اجازت دی جائے۔

***** ***** ***** 

 لاتور ضلعے میں نام فائونڈیشن کی جانب سے 600؍ ضرورت مند افراد میں کرانہ کٹس تقسیم کیے گئے۔ نام فائونڈیشن کے سر براہ نانا پاٹیکر‘ مرکند اناس پورے اور راجہ بھائو شیڑ کے کی جانب سے یہ سامان عطیہ کیا گیا۔ اِسی طرح پر بھنی ضلعے میں مانوت شہر کے حمال واڑی علاقے میں بھی نام فائونڈیشن اور گیان سادھد نا فائونڈیشن کی جانب سے120؍ کنبوں میں اناج تقسیم کیا گیا۔

***** ***** ***** 

 نشہ آور گولیاں فروخت کرنے والا ملزم جو سٹی چوک پولس کی حراست میں ہے اُس میں بھی کورونا وائرس کی علا مات پائی گئی ہیں۔ جس کی وجہ سے متعلقہ پولس اسٹیشن کے 20؍ ملازمین کو کورنٹین کر دیا گیاہے۔  پولس انسپکٹر  سنبھا جی پوار نے بتا یا کہ  اِن تمام کے بلغم کے نمو نوں کی جانچ کی جا رہی ہے۔
 اِسی دوران اورنگ آ باد کے چھائو نی علاقے میں واقع ایک بیکری کا ملازم کورونا وائرس سے متاثر ہو نے کی خبر جھو ٹی ہے۔ چھائو نی بورڈ کے چیف ایکزیکیٹو آفیسر  وِکرانت مورے نے اِس خصوص میں ایک مکتوب جاری کرکے بتا یا کہ یہ خبر بے بنیاد ہے۔ 

***** ***** *****

 آخر میں اِس بلیٹن کی خاص خاص خبریں ایک مرتبہ پھر سن لیجیے

  ٭  ملک کے کچھ اضلاع میں 4؍ مئی کے بعد لاک ڈائون میں نر می کی جائے گی۔ مرکزی وزارتِ داخلہ ٭  مختلف حصوں میں پھنسے ہوئے خانہ بدوش مزدوروں ‘ سیاح ‘ طلبہ اور دیگر افراد کو اُن کے مستقل       رہائشی مقام پر روانہ کرنے کی مشروط اجازت
 ٭ کورونا متاثرین کے علاج کے لیے پلازما تھیراپی کا پہلا تجر بہ کامیاب۔ وزیر صحت راجیش ٹو پے کا دعویٰ
 ٭  ریاست میں مزید597؍ افراد کورونا  وائرس کی زد میں   :  32؍ مریض چل بسے
 ٭ اورنگ آ باد میں کورونا سے متاثرہ مزید 21؍ مریض پائے گئے ۔
 ٭ وزیر اعلیٰ نے قانون ساز کونسل میں خالی نشست پُر کرنے کے معاملے میں وزیر اعظم سے مداخلت        کرنے کی درخواست کی۔
 اور
 ٭  معروف اداکار عرفان خان نہیں رہے

 علاقائی خبریں ختم ہوئیں۔

 اپنے گھروں میں رہیں‘ اور کورونا وائرس کے اثر سے محفوظ رہنے کے لیے احتیاطی ہدایات پر عمل کریں۔ اور سنتے رہیے آکاشوانی اورنگ آباد۔
٭٭٭٭٭