Regional Urdu Text Bulletin, Aurangabad.
Date: 30 September 2019
Time:  8:40 to 8:45 am
آکاشوانی اَورنگ آباد
علاقائی خبریں
تاریخ:  ۳۰ ؍ستمبر  ۲۰۱۹ئ؁
وَقت: صبح ۴۰:۸۔ ۴۵:۸

 اسمبلی انتخا بات کے لیے کانگریس پارٹی نے کل اپنے 51؍ امید واروں کے ناموں پر مشتمل پہلی فہرست جا ری کی۔ اِس میں ناندیڑ ضلعے کے بھو کر حلقے انتخاب سے سابق وزیر اعلیٰ اشوک چو ہان کو امید واری دی گئی ہے۔ جبکہ ناندیڑ شمال حلقے سے  ڈی  پی   ساونت ‘  نایے گائوں سے وسنت رائو چو ہان‘  دیگلور سے رائو صاحیب انتا پو رکر ‘  ہنگولی ضلعے میں کلمنوری سے  سنتوش ٹار پھے ‘ پر بھنی ضلعے میں پا تھری سے  سُریش ورپوڈ کر ‘ اورنگ آباد ضلعے میں پھُلمبری سے ڈاکٹر کلیان کاڑے  ‘  لاتور ضلعے میں لاتور شہر حلقہ انتخاب سے  امیت دیشمکھ ‘  نلنگا  سے اشوک پاٹل نلینگیکر ‘  اوَ سا سے بسو راج پاٹل ‘   اورعثمان آ باد ضلعے میں تلجاپور سے رکن اسمبلی مدھو کر رائو چو دھری کو پارٹی امید وار نامزد کیا گیا ہے۔
  پہلی فہرست میں کانگریس پارٹی نے23؍ موجودہ اراکینِ اسمبلی کو دو بارہ موقع دیا ہے جبکہ 18؍ نئے چہرے شامل کیئے گئے ہیں۔ عام آدمی پارٹی کی جانب سے بھی کل مزید سات امید واروں کے ناموں کا اعلان کیا گیا ہے۔جس میں جالنہ سے کیلاس پھولاری کو امید واری دی گئی ہے جبکہ دیگر حلقوں میں تھا نہ ‘  شو لا پور اور پو نا  ضلعے کے امید واروں کے نام شامل ہیں ۔

***** ***** ***** 

 مہاراشٹر او رہر یانہ میں ہونے والے اسمبلی انتخا بات کے لیے امید واروں کے ناموں پر غور کرنے کے مقصد سے بی جے پی کی مرکزی انتخا بی کمیٹی کی میٹنگ کل نئی دِلّی ہو ئی۔ اِس اجلاس میں وزیر اعظم نریندر مودی بھی موجود تھے۔ ذرائع سے ملی اطلاع کے مطا بق اِس اجلاس میں شیو سینا کے ساتھ اتحاد کے لیے نشتیوں کی تقسیم سے متعلق بھی اتفاق کر لیا گیا  اور
دونوں پارٹیوں کے اتحاد سے متعلق آج یاکل اعلان ہونے کا امکان ہے ۔ شیو سینا کے لیے تقریباً سوّا  سو  نشستیں چھوڑ نے اور یہ انتخا بات موجودہ وزیر اعلیٰ دیویندر پھڑ نویس کی قیادت میں لڑنے کا  فیصلہ بھی اِس اجلاس کیا گیا۔
 اِسی دوران شیو سینا پارٹی کے سر براہ اُدھو ٹھا کرے نے کل ممبئی میں تقریباً سبھی موجودہ اراکینِ اسمبلی میں امید واری کے لیے لازمی  اے  بی   فارم تقسیم کیئے۔  فارم پانے والوں میں اورنگ آباد مغرب حلقے سے سنجئے شر ساٹھ ‘  پیٹھن سے  سندیپان بھومرے  ‘  جالنہ سے مملکتی وزیر ارجن کھو تکر ‘ ہنگولی سے سنتوش بانگر  ‘ عثمان آباد سے گیان راج چو گُلے اور واشم سے وشوناتھ سانپ کا نام شامل ہیں۔

***** ***** ***** 

  شیتکری کامگار پارٹی نے شولا پور ضلعے میں سانگولا اسمبلی حلقہ انتخاب سے پارٹی کے با وُثوق امید وار کی حیثیت سے بھائو صاحیب روپنرکو نامزد کیا ہے۔ رکن اسمبلی گنپت رائو دیشمکھ اور پارٹی کے سیکریٹری رکن اسمبلی جینت پاٹل نے کل یہ اعلان کیا۔ واضح رہے کہ اِس حلقے پر گذشتہ 50؍ برسوں سے سیشیتکری کامگار پارٹی کا غلبہ ہے۔ 

***** ***** ***** 

  مرکزی حکو مت نے پیاز کی بڑھتی قیمتوں پر قا بو پانے کے لیے تمام اقسام کی پیاز بر آمد کرنے پر پا بندی عائد کر دی ہے۔ یہ پا بندی فور ی طورپر نافذ کر دی گئی ہے۔کامرس کی مرکزی وزا رت نے پیاز کی بر آمد سے متعلق پالیسی میں اصلاح کرنے کے بعد یہ فیصلہ کیا ہے۔ اِس سے قبل مرکزی حکو مت نے جوائنٹ سیکریٹری درجہ کے دو افسران کو پیاز کی دستیا بی کا صحیح اندازلگا نے اور بازار میں مزید پیاز کی فراہمی  سے متعلق کسانوں ‘ تاجروں اور بر آمد کنند گان سے بات چیت کرنے کے لیے  مہاراشٹر بھیجا تھا  ۔ خوراک اور صارفین امور کے وزیر  رام وِلاس پاسوان نے بتا یا کہ مرکزی حکو مت ریاستوں کی  پیاز کی ضرورت پوری کرنے کے لیے تمام ضروری اقدا مات کرے گی۔

***** ***** ***** 

 نوجوان نسل ملک کا مستقبل ہے ۔ اُنھیں نشے کی لعنت سے بچا نے کے لیے حکو مت نے   ای  سگریٹ پر پا بندی عائد کی ہے۔  اِن خیا لا ت کا اظہار وزیر اعظم نریندر مودی نے کیا ۔ وہ کل آ کاشوانی سے نشر ہونے والے پروگرام من کی بات میں اظہار خیال کر رہے تھے۔ وزیر اعظم نے کہا کہ ہما ری تہذیب میں خواتین کو بہت زیادہ اہمیت دی جا تی ہے اسی لیے آئندہ دیوالی کے موقعے پر ملک بھر میں خواتین کے اعزاز میں مختلف پروگراموں کا اہتمام کر کے نئے انداز میں دیوالی منائیں۔
مودی نے کہا کہ اِسکے علا وہ سوشل میڈیا پر خواتین کی کا میابیوں کا بڑے پیما نے پر ذکر کیا جا نا چا ہیے۔ اپنے خطاب میں اُنھوں نے ملک بھر میں حا لیہ دنوں میں منائے جا رہے مختلف تہواروں اور آنے والے دنوں میں منا ئے جانے والے تہواروںکی مبارکباد بھی پیش کی۔ اِس موقعے پر اُنھوں نے عوام سے اپیل کی کہ ایک ہی مرتبہ قابل استعمال پلاسٹک کے خلاف آئندہ2؍ اکتوبر سے شروع ہونے جا رہی مہم میں ضرور حصہ لیں۔ 

***** ***** ***** 

 پر بھنی شہر میں کھنڈو با بازار میں پانی کے ممبے کے قریب پانی کی مین پائپ لائن پھوٹ جانے کی وجہ سے آبرسانی کا نظام درہم بر ہم ہو گیا ہے۔ جسکی وجہ سے شہر میں دو روز تک پانی فراہمی نہیں کی جا سکے گی۔ پر بھنی بلدیہ کے سٹی انجینئر وسیم پٹھان نے یہ اطلاع دی ہے۔ اُنھوں نے بتا یا کہ پائپ لائن کی مرمت کا کام جنگی پیما نے پر کیا جا رہا ہے۔

***** ***** *****