“संसदेच्या अर्थसंकल्पीय अधिवेशनाला आज राष्ट्रपती रामनाथ कोविंद यांच्या अभिभाषणानं सुरुवात झाली.” – यह और अन्य समाचार सुनने के लिए क्लिक करें -

Text - AIR News Bulletin, Aurangabad 31.01.2019....Evening Bulletin

Regional Marathi Text Bulletin, Aurangabad

Date – 31 January 2019

Time 18.00 to 18.05

Language Marathi

आकाशवाणी औरंगाबाद

प्रादेशिक बातम्या

दिनांक ३१ जानेवारी २०१९ सायंकाळी ६.००

****

संसदेच्या अर्थसंकल्पीय अधिवेशनाला आज राष्ट्रपती रामनाथ कोविंद यांच्या अभिभाषणानं सुरुवात झाली. संसदेच्या दोन्ही सभागृहात राष्ट्रपतींचं अभिभाषण पटलावर ठेवल्यानंतर कामकाज स्थगित करण्यात आलं. राज्यसभेत माजी संरक्षण मंत्री जॉर्ज फर्नांडीस यांना श्रद्धांजली अर्पण करण्यात आली. उद्या केंद्रीय अर्थमंत्री पियुष गोयल लोकसभेत अंतरिम अर्थसंकल्प सादर करतील.

****

दरम्यान, राष्ट्रपतींचं अभिभाषण हे निवडणुकीचं भाषण होतं, अशी टीका काँग्रेसचे नेते मल्लिकार्जुन खरगे यांनी केली आहे. या भाषणात काहीही नाविन्य नव्हतं, असं त्यांनी संसद परिसरात वार्ताहरांशी बोलताना सांगितलं.

सरकारनं भेदभाव न करता सर्व स्तरातल्या लोकांचा विकास सुनिश्चित केल्याचं अल्पसंख्यांक व्यवहार मंत्री मुख्तार अब्बास नक्वी यांनी म्हटलं आहे. शेतकरी आणि गरीबांना या विकासाचा लाभ झाल्याचं त्यांनी नमूद केलं.    

****

केंद्रीय गुन्हे अन्वेषण विभाग - सीबीआयचे माजी विशेष संचालक राकेश अस्थाना यांच्या नागरी हवाई वाहतूक सुरक्षा मंडळाच्या संचालकपदी झालेल्या नियुक्तीला आव्हान देणारी याचिका सर्वोच्च न्यायालयानं आज फेटाळून लावली. दिल्ली उच्च न्यायालयानं ११ जानेवारीला अस्थाना यांच्याविरुद्ध लाचखोरी संदर्भातला प्राथमिक पाहणी अहवाल रद्द करायला नकार दिला होता आणि या प्रकरणाची तपासणी करायला दहा आठवड्यांची मुदत दिली होती.

****

मराठवाड्याचा प्रादेशिक असमतोल दूर होऊन विकास व्हावा, यासाठी सर्व लोकप्रतिनिधी, पदाधिकारी, अभ्यासकांनी एकत्र यावं, असं आवाहन विधानसभा अध्यक्ष हरिभाऊ बागडे यांनी केलं आहे. औरंगाबाद इथं आज एकात्मिक राज्य जल आराखडा आणि मराठवाड्यातल्या विविध प्रश्नांवर चर्चासत्र झालं, त्यावेळी ते बोलत होते. मराठवाड्यात पाण्याची प्रमुख मागणी आहे, त्यासाठी सर्वोत्तोपरी प्रयत्न करण्यासाठी कटीबध्द असल्याचं त्यांनी सांगितलं. या चर्चासत्रात मराठवाड्यातले लोकप्रतिनिधी कमी संख्येनं उपस्थित राहिल्याबद्दल त्यांनी खंत व्यक्त केली. वैधानिक विकास मंडळाचे अध्यक्ष डॉ.भागवत कराड, आमदार प्रशांत बंब, महापौर नंदकुमार घोडेले, नांदेडच्या महापौर शिला भवरे, मराठवाडा विकास परिषदच्या सदस्यांनी मराठवाड्यातल्या विविध प्रश्नांवर यावेळी चर्चा केली.

****

औरंगाबाद महानगरपालिका कार्यक्षेत्रातल्या रहिवाशांच्या थकीत मालमत्ता करावरील संपूर्ण व्याज आणि दंड माफ करावं अशी मागणी आमदार सतीश चव्हाण यांनी महापौर नंदकुमार घोडेले आणि महापालिका आयुक्त निपुण विनायक यांच्याकडे केली आहे. औरंगाबाद महानगरपालिकेच्या वतीनं थकीत मालमत्ता करावर व्याज आणि दंड आकारणीमध्ये ५० टक्के सुट देण्याची अभय योजना सुरू आहे. मात्र शहरात गेल्या अनेक वर्षांपासून नागरिकांना आवश्यक त्या सोयी सुविधा मिळत नसल्यामुळे व्याज आणि दंड माफ करावं, असं चव्हाण यांनी आपल्या पत्रात म्हटलं आहे. मलनि:सारण वाहिन्या अर्धवट टाकून सुध्दा त्याची वसूली नागरिकांकडून कर रूपाने होत असल्याचं चव्हाण यांनी या पत्रात नमूद केलं आहे.

****

परभणी जिल्ह्याच्या पालम तालुक्यातल्या ६५ गावांमध्ये राबवण्यात येणाऱ्या वॉटर ग्रीड पाणी पुरवठा योजनेचा शुभारंभ आज पाणी पुरवठा आणि स्वच्छता मंत्री बबनराव लोणीकर यांच्या हस्ते झाला. मराठवाड्यातल्या भीषण पाणी टंचाईवर मात करण्यासाठी वॉटर ग्रीड योजना सुरु केल्याचं लोणीकर यावेळी म्हणाले.  

****

उस्मानाबाद जिल्हा पोलिस दलाच्या कार्यतत्परतेमुळे जिल्ह्यात कायदा आणि सुव्यवस्था सुरळीत असल्याचं जिल्हा पोलिस अधीक्षक आर राजा यांनी म्हटलं आहे. ते आज उस्मानाबाद इथं वार्ताहरांशी बोलत होते. उस्मानाबाद, नळदुर्ग, तुळजापूर, कळंब, उमरगा याठिकाणी पोलिस अधिकारी, कर्मचाऱ्यांसाठी ९४० निवासस्थानं बांधण्याचा प्रस्ताव शासनाकडे सादर केला असल्याचं त्यांनी सांगितलं. जिल्हा पोलिस अधीक्षक कार्यालयाच्या प्रशासकीय इमारतीसाठी पाच कोटी ९८ लाख शहात्तर हजार रुपयांच्या अंदाजपत्रकास मंजुरी मिळाली असून, लवकरच हे काम पूर्ण होईल, असं राजा यांनी यावेळी सांगितलं.

****

परभणी शहरातल्या सय्यद शहा तुराबूल हक यांच्या उरुसास आजपासून सुरुवात झाली. या उरुसास राज्यातल्या विविध भागातून हिंदु मुस्लिम भाविक येतात. १५ दिवस हा उरुस चालणार असून, दोन फेब्रुवारीला मानाचा संदल निघणार आहे.

****

बुलडाणा जिल्ह्याच्या खामगाव तालुक्यातल्या १२ ग्रामपंचायतींवर निधीचा योग्य वापर न केल्याबद्दल कारवाई होणार आहे. या ग्रामपंचायतींना शुध्द पिण्याचं पाणी उपलब्ध व्हावं यासाठी १४ व्या वित्त आयोगातून आर ओ फिल्टर बसवण्याकरता प्रत्येक ग्रामपंचायतीच्या खात्यातून तीन लाख ९९ हजार रुपये काढण्यात आले होते. मात्र या ग्रामपंचायतींनी फिल्टर बसवलेच नसल्याचं उघडकीस आल्यानं त्यांच्याविरुद्ध कारवाई करण्याचे आदेश विभागीय आयुक्तांनी दिले आहेत.

****

AIR NEWS BULLETIN, AURANGABAD 31 01 2019 13 00

AIR NEWS BULLETIN, AURANGABAD 31 01 2019 13 00

AIR NEWS BULLETIN, AURANGABAD 31.01.2019 13.00

Regional Marathi Text Bulletin, Aurangabad

Date – 31  january 2019

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक ३१   जानेवारी २०१९  दुपारी १.०० वा.

****

 शासकीय योजना अपेक्षित कालमर्यादेत पूर्ण करण्यासाठी विद्यमान सरकार ओळखलं जात असल्याचं, राष्ट्रपती रामनाथ कोविंद यांनी म्हटलं आहे. संसदेच्या संयुक्त सभेला ते संबोधित करत होते. काळ्या पैशाविरोधात सरकारच्या कारवाईत नोटाबंदी हे महत्त्वाचं पाऊल ठरलं, या निर्णयामुळे समांतर अर्थव्यवस्थेला पायबंद बसला, सुमारे तीन लाखावर बनावट कंपन्या समोर आल्या, तसंच आयकर दात्यांची संख्या सुमारे सहा कोटींवर पोहोचल्याचं, राष्ट्रपती म्हणाले. डिजीटायझेशनमुळे सरकारी योजनांच्या सुमारे आठ लाख बनावट लाभार्थ्यांना दिला जाणारा निधी थांबला असल्याचं त्यांनी नमूद केलं. सरकारच्या इतर योजनांचाही राष्ट्रपतींनी आढावा घेतला. अत्याधुनिक राफेल विमान लवकरच वायुसेनेच्या ताफ्यात दाखल होऊन, देशाची शस्त्रसज्जता वाढणार असल्याचा विश्वास राष्ट्रपतींनी व्यक्त केला.

 संसदेच्या अर्थसंकल्पीय अधिवेशनाला आजपासून प्रारंभ झाला. १३ फेब्रुवारीपर्यंत हे अधिवेशन चालेल. उद्या अंतरिम अर्थसंकल्प सादर होईल. हा अंतरिम अर्थसंकल्पच असेल, असं सरकारनं स्पष्ट केलं आहे.

****

 ऑगस्टा वेस्टलँड घोटाळा प्रकरणी आरोपी असलेला दुबईस्थित व्यापारी राजीव सक्सेना आणि दीपक तलवार यांचं संयुक्त अरब अमिरातीनं भारताकडे प्रत्यर्पण केलं आहे. या प्रत्यार्पणामुळे, सक्सेना आणि तलवार यांचा हात असलेल्या दोन वेगवेगळ्या प्रकरणातल्या भ्रष्टाचाराचा तपास करणाऱ्या भारतीय यंत्रणांना मोठी मदत होणार आहे. सक्तवसुली संचालनालयानं सक्सेना याला याप्रकरणी अनेकदा समन्स बजावलं होतं. तलवारच्या बाबतीत एक हजार कोटी रुपयांपेक्षा जास्त अघोषित उत्पन्न आणि या हवाई करारात भूमिका बजावल्याच्या आरोपाबाबत चौकशी सुरु आहे.

****

 भारतात नोंदणी झालेल्या आणि हिंदू पद्धतीनं झालेल्या विवाहासंबंधीत घटस्फोटाचे खटले परदेशी न्यायालयात निकाली निघू शकत नाही, असा निकाल मुंबई उच्च न्यायालयानं दिला आहे. हिंदू विवाह पद्धतीनं झालेल्या आणि २०१३ मध्ये मुंबईत विवाह नोंदणी झालेल्या एका पुरुषानं ब्रिटनमध्ये घटस्फोटाचा खटला दाखल केला होता. भारतात परतलेल्या त्याच्या पत्नीनं ब्रिटन न्यायालयानं पाठवलेल्या घटस्फोटाच्या नोटीसीविरुद्ध मुंबई उच्च न्यायालयात धाव घेतली होती. याप्रकरणी न्यायाधीश आर डी धनुका यांनी हा निर्णय दिला.

****

 ज्येष्ठ सामाजिक कार्यकर्ते अण्णा हजारे यांनी लोकपाल आणि अन्य मागण्यांसाठी पुकारलेल्या उपोषणासंदर्भात त्यांची भेट घेऊन चर्चा करू, असं जलसंपदा मंत्री गिरीश महाजन यांनी म्हटलं आहे. नाशिक जिल्ह्यातल्या त्र्यंबकेश्वर इथं ते आज वार्ताहरांशी बोलत होते. हजारे यांनी आंदोलन मागं घ्यावं यासाठी आपण पुन्हा प्रयत्न करणार असल्याचंही त्यांनी सांगितलं. भारतीय जनता पक्षाचे राष्ट्रीय अध्यक्ष अमित शहा यांनी युतीसाठी शिवसेनेचे पक्षप्रमुख उद्धव ठाकरे यांना दूरध्वनी केला, ही अफवा असल्याचं महाजन यांनी स्पष्ट केलं. मात्र निवडणूक आचारसंहिता लागू होण्यासाठी कमी कालावधी असल्यानं युतीबाबतचं चित्र लवकर स्पष्ट व्हावं, अशी अपेक्षाही त्यांनी व्यक्त केली.

****

 नाशिक जिल्ह्यातल्या त्र्यंबकेश्वर इथं आज संत निवृत्तीनाथ महाराज यात्रेला प्रारंभ झाला. आज सकाळी नाशिकचे पालकमंत्री गिरीश महाजन यांच्या हस्ते महापूजा करण्यात आली. राज्यातला दुष्काळ दूर व्हावा आणि यंदा भरपूर पाऊस पडावा यासाठी निवृत्तीनाथ महाराजांच्या चरणी साकडं घातल्याचं महाजन यावेळी म्हणाले. या यात्रेसाठी त्र्यंबकेश्वर इथं शेकडो दिंड्या आणि दोन लाखांहून आधिक वारकरी दर्शनासाठी दाखल झाले आहेत. त्र्यंबकेश्वर नगरपालिका, जिल्हा प्रशासन आणि संत निवृत्तीनाथ महाराज ट्रस्टच्या वतीनं भाविकांसाठी पाणी, फिरते शौचालय आणि आरोग्य उपचाराच्या व्यवस्था करण्यात आल्या आहेत.

****

 येत्या लोकसभा निवडणुकीच्या अनुषंगानं नांदेड जिल्ह्यात अंतिम मतदार यादी आज प्रसिद्ध झाली. जिल्ह्यातल्या सर्व मतदारांनी या यादीत आपलं नाव आहे का, याची खात्री करुन घेण्याचं आवाहन जिल्हाधिकारी अरुण डोंगरे यांनी केलं आहे. 

****

 जालना - नाव्हा रस्त्यावर नागपूरहून पुण्याकडे जाणारी खासगी बस उलटून झालेल्या अपघातात एका महिलेचा मृत्यू झाला, तर १५ प्रवासी जखमी झाले. आज पहाटे हा अपघात झाला.

****

 भारत आणि स्पेन यांच्या महिला संघांमधला हॉकी मालिकेचा अंतिम सामना आज मुर्सिया इथं खेळला जाणार आहे. भारतीय वेळेनुसार संध्याकाळी साडे पाच वाजता सामन्याला सुरुवात होईल. मालिकेत दोन्ही संघ एक - एकनं बरोबरीत आहेत. 

****

      भारत आणि न्यूझीलंडदरम्यान हॅमिल्टन इथं झालेला चौथा एकदिवसीय क्रिकेट सामना न्यूझीलंडनं आठ गडी राखून जिंकला. प्रथम फलंदाजी करणारा भारतीय संघ ९२ धावांवरच सर्वबाद झाला. न्यूझीलंडच्या संघानं हे लक्ष्य अवघ्या पंधराव्या षटकातच पूर्ण केलं.

*****

***

AIR NEWS BULLETIN, AURANGABAD 31 01 2019 11 00AM

AIR NEWS BULLETIN, AURANGABAD 31 01 2019 11 00AM

AIR NEWS BULLETIN, AURANGABAD 31 01 2019 11 00AM

Regional Urdu Text Bulletin, Aurangabad.
Date: 31 January 2019
Time:  8:40 to 8:45 am
آکاشوانی اَورنگ آباد
علاقائی خبریں
تاریخ:  ۳۱ ؍  جنوری   ۲۰۱۹؁
وَقت: صبح ۴۰:۸۔ ۴۵:۸
 پارلیمنٹ کا بجٹ اجلاس آج  سے شروع ہو رہا ہے۔صدرِ جمہوریہ رامناتھ کو وِنداِس اجلاس کی افتتاحی تقریر کریں گے۔وہ آج صبح
 11؍ بجے پارلیمنٹ کے مرکزی ہال میں دونوں ایونوں کے اراکین سے مشترکہ خطاب کریں گے۔ یہ عبوری بجٹ اجلاس ہو گا۔ جو 13؍ فروری تک جاری رہے گا۔
 اِسی پس منظر میں لوک سبھا کی اسپیکر سُمترا مہاجن نے کل نئی دہلی میں کُل جماعتی اجلاس طلب کیا تھا۔اِس موقعے پر اُنھوں نے تمام جماعتوں سے اجلاس کی کار وائی پر امن طریقے سے چلا نے میں تعاون کر نے کی اپیل کی۔ اِس اجلاس میں کانگریس پارٹی کے سینئر رہنما ملِکارجُن کھر گے ،کے  ایس وینو گو پال،  اور  رام وِلاس پاسوان سمیت دیگر رہنمائوں نے بھی  شر کت کی۔
***** ***** *****
 وزیر ِ ریل پیوش گوئل نے کہا ہے کہ ریلوے راستوں کی صدفیصد بجلی کاری جلد ہی یقینی بنائی جائے گی۔وہ کل نئی دہلی میں’’ ریلوے کا مستقبل ‘‘کے عنوان سے شائع  بین الاقوامی توانائی ایجنسی کی رپورٹ کااجراء کر نے کے بعد مخا طب تھے۔وزیر موصوف نے بتا یا کہ گذشتہ سال 4؍ ہزار کلو میٹر ریلوے راستوں کی بجلی کاری کی گئی  اور اِس برس  6؍ ہزار کلو میٹر ریلوے لائنوں کی بجلی کاری کرنے کا عزم کیا گیا ہے۔
***** ***** *****
 درج فہرست ذاتوں جماعتوں پر مظالم کی روک تھام سے متعلق قا نون میں حال ہی میں کی گئی تر میمات پر حکم امتناع جاری کرنے کی در خواست سپریم کورٹ نے ایک مرتبہ پھر مسترد کر دی ہے۔ عدالت کے اِس فیصلے کی وجہ سے مذکورہ قا نون کی خلاف روزی کر نے والوں کو ضما نت قبل از گرفتاری نہ دینے کی گنجائش برقرار رہے گی۔ عدالت نے کہا ہے کہ اِس معاملے پر مرکزی حکو مت کی جانب سے داخل کی گئی نظر ثانی کی در خواست سمیت دیگر در خواستوں پر آئندہ19؍ فروری کو سماعت ہو گی۔
***** ***** *****
 ویڈیو کان قرض معاملے میں ICICI بینک کی سا بق چیف ایکزیکیٹو آفیسر اور مینیجِنگ ڈائریکٹر چندا کو چرکو قصور وارقرادیا گیاہے۔
دوران ملازمت اُنھوں نے بینک کے قوانین و ضوابط کی خلاف ور زی کر تے ہوئے وینو گو پال دھو ت کی کمپنی ویڈیو کان گروپ کو
3؍ ہزار250؍ کروڑ روپئے قرض فراہم کیا تھا۔جسکے عوض دھو ت نے چندا کو چر کے خا وِند دیپک کوچر کی کمپنی میں 64؍ کروڑ روپئے کی سر مایہ کاری کر نے کا الزام ہے ۔بینک کی داخلی جانچ کمیٹی کی معرفت کی گئی تحقیقات میں یہ اِنکشاف ہواہے۔بینک نے وضاحت کی ہے کہ مستعفی ہونے سے قبل چندا کوچر کے جمع شدہ بھتے ادا نہیں کیئے جائیں گے اور 2009؁ سے دیا گیا بھونس بھی وصول کیا جا ئے گا۔
***** ***** *****

 کسا نوں کی مکمل قر ض معا فی اور سوامی ناتھن کمیشن کی سفارشات نافذ کر نے کے بعد کسانوں کو حکو مت سے کوئی اور مطالبہ کر نے کی ضرورت پیش نہیں آئے گی۔بزرگ سما جی کار کن اننا ہزار نے اِن خیا لات کا اظہار کیا ہے ۔وہ کل رانے گڑھ سدھی میں بھوک ہڑتال شروع کر نے کے بعد صحا فیوں سے مخا طب تھے۔اُنھوں نے کہا کہ لوک پال قانون پر عمل آوری کر نے کا وعدہ حکو مت نے پانچ برسوں میں بھی پو را نہیں کیا۔اِس موقعے پر اننا ہزار نے ریاستی ودھان سبھا میںلوک آیوکت قانون منظور کر کے لوک آیوکت کی تقرری کا مطالبہ کیا۔اُنھوں نے کہا کہ اپنے مطالبات کی یکسوئی کے لیے عوام کو بھوک ہڑتال کرنا پڑے یہ نہا یت افسوسناک امر ہے۔جناب ہزارے نے کہا کہ مطالبات کی یکسوئی کے لیے وہ آخری سانس تک بھوک ہڑتال کریں گے۔
***** ***** *****
  آج عالمی یومِ جذام کے موقعے پر ریاست بھر میں عوامی بیدار ہفتوں کا آغاز عمل میں آرہا ہے۔اِس ضمن میں ضلع سطح پر ریلی ،کوئز اور راستوں پر ڈرامے وغیرہ پروگرام پیش کیئے جائیں گے۔اِس ضمن میں وزیر صحت ایکناتھ شِندے نے بتا یا کہ ریا ست میںمحکمہ صحت کی معرفت  جذام کے مریضوں کے لیے  بازآباد کا ری منصوبوں پر عمل آ وری کرتے ہوئی جذام کے مکمل خاتمہ کے لیے اقدامات کیئے جا ئیں گے۔
***** ***** *****
 موجودہ صورتحال میں ذات پات کے نام پر ذات پرستی کا نیا معاملہ پیدا ہو رہا ہے۔ جو ایک تشویشناک امر ہے ۔ صحافی اورمصنف سنجئے اَوٹے نے اِن خیا لات کااظہار کیا ۔ وہ کل اورنگ آبادکے دیو گیری کالج میں پھُلے شاہو امبیڈکر مذاکرے میں اظہارِ خیال کر رہے تھے۔
اُنھوں نے اِس بات پر بھی تشویش کا اظہار کیا کہ پھُلے شاہو امبیڈکرتحریک میں خواتین کا تعاون کم ہو رہا ہے اور یہ تحریک صرف مردوں کی تحریک ہوتی جا رہی ہے۔جناب َاوٹے نے کہا کہ ملک کی ترقی کے لیے سبھی کو مل جُل کر فعال کر دار ادا کر نے کی ضرورت ہے۔
***** ***** *****
 بابا ئے قوم مہاتما گاندھی کی بر سی کے موقعے کل وِدھان بھون میں اُنھیں خراج عقیدت پیش کیا گیا۔اِس موقعے پر وزیر اعلیٰ دیویندر پھڑ نویس ، ودھان پریشد کے چیئر مین رام راجے نائک نمبالکر اورودھان سبھا کے اسپیکر ہری بھائو باگڑے  نے مہاتما گاندھی کے مجسمے پر گلہائے عقیدت پیش کیئے۔
***** ***** *****
 بھارت اور نیوزی لینڈ کے ما بین چو تھا ایک روزہ کر کٹ مقابلہ آج ہیمِلٹن میں کھیلا جا رہا ہے۔بھارتی وقت کے مطا بق صبح ساڑھے سات بجے مقابلے کا آغاز ہوا۔ نیوزی لینڈ نے ٹاس جیت کر پہلے بلّے بازی کرنے کا فیصلہ کیا ہے۔چوٹ سے متاثرہ مہیندر سنِگھ دھو نی کواِس مقابلے میں آ رام دیا گیا ہے۔ اور شُبھم گِل اور خلیل احمد کو ٹیم میں شامل کیا گیاہے۔ آخری خبر ملنے تک بھارت نے14؍ اوور میں  6؍وکٹ کے نقصان پر
35؍رن بنا لیے ہیں۔
***** ***** *****

AIR News Bulletin, Aurangabad. Date : 31.01.2019, Time :8.40 - 8.45 AM

AIR NEWS BULLETIN, AURANGABAD 31 01 2019 07 10AM

AIR NEWS BULLETIN, AURANGABAD 31 01 2019 07 10AM

AIR NEWS BULLETIN, AURANGABAD 31.01.2019 07.10AM

Regional Marathi Text Bulletin, Aurangabad

Date – 31  January 2018

Time 7.10 AM to 7.20 AM

Language Marathi

आकाशवाणी औरंगाबाद

प्रादेशिक बातम्या

दिनांक ३१  जानेवारी २०१८ सकाळी ७.१० मि.

****

Ø संसदेचं आजपासून अर्थसंकल्पीय अधिवेशन; उद्या अंतरिम अर्थसंकल्प सादर होणार

Ø व्हिडिओकॉन कर्ज प्रकरणी आयसीआयसीआय बँकेच्या मुख्य कार्यकारी अधिकारी तथा व्यवस्थापकीय संचालक चंदा कोचर दोषी 

Ø ज्येष्ठ सामाजिक कार्यकर्ते अण्णा हजारे यांचं राळेगणसिद्धी इथं उपोषण सुरू

आणि

Ø भारत आणि न्यूझीलंडदरम्यान आज चौथा एकदिवसीय क्रिकेट सामना; नाणेफेक जिंकून न्यूझीलंडचा गोलंदाजीचा निर्णय

****

 संसदेचं आजपासून अर्थसंकल्पीय अधिवेशन सुरू होत आहे. राष्ट्रपती रामनाथ कोविंद यांच्या अभिभाषणानं या अधिवेशनाला प्रारंभ होईल. सकाळी अकरा वाजता संसदेच्या केंद्रीय सभागृहात दोन्ही सदनाच्या सदस्यांना ते संबोधित करतील. १३ फेब्रुवारीपर्यंत हे अधिवेशन चालेल. दरम्यान, या अधिवेशनात उद्या संसदेत सादर होणारा अर्थसंकल्प हा अंतरिम अर्थसंकल्पच असेल, असं सरकारनं स्पष्ट केलं आहे. देशात, लोकसभा निवडणुकीच्या आधी अंतरिम अर्थसंकल्प सादर करण्याची परंपरा आहे, मात्र, यावेळी पूर्ण अर्थसंकल्प सादर होण्याची वृत्तं माध्यमांमध्ये आल्यानंतर सरकारनं काल हा खुलासा केला.

 अधिवेशनाच्या पार्श्वभूमीवर लोकसभेच्या अध्यक्ष सुमित्रा महाजन यांनी काल नवी दिल्लीत सर्वपक्षीय बैठक बोलावली होती. लोकसभेचं कामकाज सुरळीत चालवण्यासाठी सर्व राजकीय पक्षांनी सहकार्य करण्याचं  आवाहन महाजन यांनी या बैठकीत केलं. या बैठकीला कॉंग्रेसचे ज्येष्ठ नेते मल्लिकार्जुन खरगे, के. एस. वेणुगोपाल, रामविलास पासवान, सुदीप बंडोपाध्याय, भर्तृहरी मेहताब, नरेंद्र सिंग तोमर, विजय गोयल आणि प्रेमसिंह चंदुमाजरा यांच्यासह अनेक नेते उपस्थित होते.

****

 येत्या पाच वर्षात रेल्वे मार्गाचं १०० टक्के विद्युतीकरणाला सरकारनं प्रारंभ केला असल्याची माहिती, रेल्वेमंत्री पियुष गोयल यांनी दिली. ते काल नवी दिल्ली इथं एका पुरस्कार प्रदान कार्यक्रमात बोलत होते. यामुळे कार्बन उत्सर्जनाचं प्रमाण कमी होऊन वातावरण बदलाचा सामना करण्याला सहाय्य मिळेल असंही गोयल म्हणाले. आपलं मंत्रालय रेल्वेच्या जमिनीवर कमी खर्चात सौरऊर्जा प्रकल्प उभारण्याच्या संकल्पनेवर भर देत असून यामुळे रेल्वेच्या महसुलात वाढ होईल असंही त्यांनी नमूद केलं. वातावरण बदलाच्या लढ्यात जगाचं नेतृत्व करण्याचं भारताचं उद्दीष्ट असल्याचं रेल्वेमंत्री गोयल म्हणाले.

****

 अनुसूचित जाती-जमाती अत्याचार प्रतिबंधक कायद्यात नुकत्याच केलेल्या बदलांना स्थगिती देण्याची मागणी सर्वोच्च न्यायालयानं काल पुन्हा एकदा फेटाळून लावली. या कायद्याशी संबंधित प्रकरणांमधल्या आरोपींना अटकपूर्व जामीन मिळू नये, ही तरतूद या निर्णयामुळे कायम राहिली आहे. केंद्र सरकारच्या या संदर्भातल्या, पुनर्विचार याचिकेसह इतर याचिकांची एकत्रित सुनावणी येत्या एकोणीस फेब्रुवारीला घेणार असल्याचंही न्यायालयानं सांगितलं.

****

 व्हिडिओकॉन कर्ज प्रकरणात आयसीआयसीआय बँकेच्या तत्कालीन मुख्य कार्यकारी अधिकारी तथा व्यवस्थापकीय संचालक चंदा कोचर दोषी ठरल्या आहेत. पदावर असताना चंदा कोचर यांनी बँकेच्या अंतर्गत धोरणांचे उल्लंघन करून, वेणूगोपाल धूत यांच्या व्हिडिओकॉन समूहाला तीन हजार २५० कोटी रुपये कर्ज दिलं. त्याबदल्यात धूत यांनी चंदा कोचर यांचे पती दीपक कोचर यांच्या कंपनीत ६४ कोटी रुपये गुंतवल्याचा आरोप होता. या प्रकरणी, बँकेच्या अंतर्गत चौकशी समिती मार्फत चौकशी करण्यात आली, ही चौकशी सुरू झाल्यावर कोचर यांनी बँकेतल्या सर्व पदांचा राजीनामा दिला होता. राजीनाम्यापूर्वी कोचर यांचे रोखलेले बोनससह इतर भत्ते आता दिले जाणार नाहीत, असं बँकेनं स्पष्ट केलं आहे.

****

 शेतकऱ्यांचं कर्ज फक्त एकदा पूर्ण माफ केलं आणि स्वामीनाथन आयोगाच्या शिफारशींची अंमलबजावणी सुरू केली, की पुन्हा सरकारकडे काही मागण्याची वेळ शेतकऱ्यांवर येणार नाही, यासाठी सरकारनं सकारात्मक निर्णय घेऊन तो अंमलात आणावा, असं ज्येष्ठ सामाजिक कार्यकर्ते अण्णा हजारे यांनी म्हटलं आहे. काल राळेगणसिद्धी इथं उपोषण सुरू केल्यानंतर ते वार्ताहरांशी बोलत होते. लोकपाल कायद्याच्या अंमलबजावणीचं आश्वासन सरकारनं पाच वर्षांत पूर्ण केलं नाही, असं सांगत, राज्य विधानसभेत लोकायुक्त कायदा मंजूर करून लोकायुक्तांची नियुक्ती करावी, अशी मागणी हजारे यांनी केली. जनतेला आपल्या मागण्यांसाठी उपोषण करण्याची वेळ येणं हे दुर्दैवी असल्याचं नमूद करत, मागण्या मान्य झाल्या नाहीत तर आमरण उपोषण सुरू ठेवण्याचा निर्धार अण्णा हजारे यांनी यावेळी व्यक्त केला.

****

 जागतिक कुष्ठरोग दिनानिमित्त जनजागृती पंधरवड्याला राज्यभरात सुरुवात झाली असल्याचं आरोग्यमंत्री एकनाथ शिंदे यांनी काल सांगितलं. त्यानिमित्त जिल्हास्तरावर प्रभात फेरी, प्रश्नमंजुषा, पथनाट्य अशा विविध कार्यक्रमांच्या माध्यमातून कुष्ठरोगाविषयी जागृती केली जाणार आहे. केंद्र शासनानं कुष्ठरोग्यांचं प्रमाण दर दहा हजार व्यक्तींमागे एकपेक्षा कमी करण्याचं उद्दिष्ट दिल्याचं ते म्हणाले.

****

 हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन ए. आय. आर. डॉट कॉम या संकेतस्थळावरही उपलब्ध आहे.

****

 सद्य:स्थितीत जातीअंताच्या नावाखाली नवा जातीवाद उभा राहत असल्याची चिंता ज्येष्ठ पत्रकार लेखक संजय आवटे यांनी व्यक्त केली आहे. औरंगाबाद इथल्या देवगिरी महाविद्यालयाच्या शाहू, फुले, आंबेडकर व्याख्यानमालेत काल तिसरं आणि शेवटचं पुष्प ‘आम्ही भारतीय लोक’ या विषयावर त्यांनी गुफलं. त्यावेळी ते बोलत होते. शाहू, फुले, आंबेडकरी चळवळीत महिलांचा सहभाग कमी झाला असून ही चळवळ पुरुषी चळवळ होत चालली असल्याची खंतही त्यांनी व्यक्त केली. देशाची ख्याती जगवण्यासाठी सर्वांनी सक्रीय होऊन आपली भूमिका चोख बजावणं आवश्यक असल्याचं ते म्हणाले.

****

 राष्ट्रपिता महात्मा गांधी यांच्या एकाहत्तराव्या पुण्यतिथीनिमित्त काल विधानभवनात त्यांना अभिवादन करण्यात आलं. महात्मा गांधी यांच्या प्रतिमेला पुष्पं अर्पण करून मुख्यमंत्री देवेंद्र फडणवीस, विधान परिषदेचे सभापती रामराजे नाईक निंबाळकर आणि विधानसभेचे अध्यक्ष हरिभाऊ बागडे यांनी आदरांजली वाहिली. १९५६च्या संयुक्त महाराष्ट्राच्या लढ्यात बलिदान दिलेल्या हुताम्यांचं स्मरण करुन आणि दोन मिनिटं मौन पाळून त्यांना श्रध्दांजली अर्पण करण्यात आली.

****

 भारत आणि न्यूझीलंडदरम्यानचा चौथा एकदिवसीय क्रिकेट सामना थोड्याच वेळात हॅमिल्टन इथं सुरू होत आहे. न्यूझीलंडनं नाणेफेक जिंकून प्रथम गोलंदाजी करण्याचा निर्णय घेतला आहे. भारतीय वेळेनुसार सकाळी साडेसात वाजता सामन्याला सुरुवात होईल. या आधीचे तीनही सामने जिंकून भारतानं मालिकेत तीन -शून्य अशी विजयी आघाडी घेतली आहे. उर्वरीत दोन एकदिवसीय सामने आणि तीन टी-ट्वेंटी सामन्यांच्या मालिकेसाठी रोहित शर्मा भारतीय संघाचं नेतृत्व करेल. तर आज होणाऱ्या सामन्यासाठी दुखापतग्रस्त महेंद्रसिंह धोनीच्या समावेशाबाबत निर्णय होणार आहे.

****

 उस्मानाबाद जिल्ह्यातले गोरेवाडीचे सेंद्रीय शेतीचे पुरस्कर्ते कृषी तज्ज्ञ शहाजी गोरे यांचं मंगळवारी मुंबईत अल्पशा आजारानं निधन झालं, ते ७० वर्षांचे होते. त्यांच्या पार्थिव देहावर काल अंत्यसंस्कार करण्यात आले. परभणी कृषी विद्यापीठाचे कार्यकारणी सदस्य तसंच राज्य सरकारच्या शेतीविषयक समित्यांचे सदस्य म्हणून त्यांनी काम पाहिलं होतं. देशभरातल्या शंभर सर्वोत्कृष्ट शेतकऱ्यांमध्ये नाव समाविष्ट असलेले शहाजी गोरे यांना शेती क्षेत्राशी निगडित विविध पुरस्कारांनी गौरवण्यात आलं होतं.

****

 शल्यक्रिया तज्ज्ञांच्या मॅसिकॉन परिषदेला आजपासून औरंगाबाद इथं प्रारंभ होत आहे. महात्मा गांधी मिशनच्या वैद्यकीय महाविद्यालयात ही परिषद आयोजित करण्यात आली आहे. तीन फेब्रुवारीपर्यंत चालणाऱ्या या परिषदेत देशातले १७०० तज्ज्ञ सहभागी होत असून, ३५ ते ४० शल्यक्रिया मोफत केल्या जाणार असल्याचं, आयोजकांकडून सांगण्यात आलं आहे.

****

 नांदेड जिल्ह्यातल्या लोहा नगर परिषदेच्या उपाध्यक्षपदी भारतीय जनता पक्षाचे केशवराव चव्हाण विजयी झाले, त्यांनी काँग्रेसच्या शारदाबाई निर्मले यांचा नऊ मतांनी पराभव केला. चव्हाण यांना तेरा तर निर्मले यांना चार मतं मिळाली.

****

 राज्याच्या एकात्मिक जल आराखड्यामध्ये मराठवाड्याला पाणी वाटपाचा योग्य हिस्सा मिळावा, यासह मराठवाड्यातल्या विविध प्रश्नांवर चर्चा करण्यासाठी मराठवाडा विकास मंडळाचे अध्यक्ष डॉ. भागवत कराड यांनी औरंगाबाद इथं लोकप्रतिनीधींची बैठक बोलावली आहे. आज दुपारी १२ वाजता औरंगाबाद जिल्हाधिकारी कार्यालयाच्या सभागृहात ही बैठक होणार आहे.

****

 राज्यात राबण्यात येत असलेल्या ‘मुख्यमंत्री सौर कृषी पंप योजने’चा नांदेड जिल्ह्यातील शेतकऱ्यांनी जास्तीत जास्त लाभ घ्यावा असं आवाहन, नांदेडचे जिल्हाधिकारी अरुण डोंगरे यांनी केलं आहे. शाश्वत जलस्रोत उपलब्ध असलेल्या मात्र वीजपुरवठा मिळण्यास अडचणी असणाऱ्या भागांना सौर कृषी पंप देण्यासाठी प्राधान्य देण्यात येणार आहे. महावितरणच्या संकेतस्थळावर यासाठी अर्ज करता येणार आहे.

****

 केंद्र सरकाराच्या केंद्रीय विद्युत संशोधन संस्थेच्या वतीनं नाशिक तालुक्यात शिलापूर इथं नियोजित विभागीय परीक्षण प्रयोगशाळा प्रकल्पाचे भूमिपूजन केंद्रीय ऊर्जा राज्य मंत्री आर के सिंह यांच्या हस्ते काल करण्यात आलं. सध्या गरजेपेक्षा जास्त विद्युत निर्मिती होत असल्याने, शेजारच्या देशांना वीज निर्यात करण्यात येत आहे, येत्या ३१ मार्च पर्यंत देश भारनियमन मुक्त होईल अशी घोषणा त्यांनी यावेळी केली.

****

 भारतीय सेनाध्यक्षांकडून देण्यात येणाऱ्या मानाच्या ‘सेनाध्यक्ष प्रशंसा पदका’ साठी कोल्हापुरातल्या १०९ इन्फंट्री टी. ए. बटालियनच्या पाच जवानांची निवड झाली आहे. भारताचे लष्कर प्रमुख बिपिन रावत यांच्यावतीनं हा निर्णय जाहीर करण्यात आला आहे.

*****

***

“संसदेचं उद्यापासून अर्थसंकल्पीय अधिवेशन सुरू होत आहे.” – यह और अन्य समाचार सुनने के लिए क्लिक करें -

Text - AIR News Bulletin, Aurangabad 30.01.2019....Evening Bulletin

Regional Marathi Text Bulletin, Aurangabad

Date – 30 January 2019

Time 18.00 to 18.05

Language Marathi

आकाशवाणी औरंगाबाद

प्रादेशिक बातम्या

दिनांक ३० जानेवारी २०१९ सायंकाळी ६.००

****

संसदेचं उद्यापासून अर्थसंकल्पीय अधिवेशन सुरू होत आहे. या पार्श्वभूमीवर नवी दिल्लीत लोकसभेच्या अध्यक्ष सुमित्रा महाजन यांनी बोलावलेली सर्वपक्षीय बैठक सध्या सुरू आहे. या बैठकीला कॉग्रेसचे वरिष्ठ नेते मल्लिकार्जुन खरगे, के. एस. वेणुगोपाल, रामविलास पासवान, सुदीप बंडोपाध्याय, भातृहरी मेहताब, नरेंद्र सिंग तोमर, विजय गोयल आणि चंदु माजरा यांच्यासह अन्य नेते उपस्थित आहेत.

दरम्यान, या अधिवेशनात एक फेब्रुवारीला संसदेत सादर होणारा अर्थसंकल्प हा अंतरिम अर्थसंकल्पच असेल, असं सरकारनं आज स्पष्ट केलं आहे. देशात, लोकसभा निवडणुकीच्या आधी अंतरिम अर्थसंकल्प सादर करण्याची परंपरा आहे, मात्र, यावेळी पूर्ण अर्थसंकल्प सादर होण्याची वृत्तं माध्यमांमध्ये आल्यानंतर सरकारनं आज हा खुलासा केला आहे.

****

पंतप्रधान नरेंद्र मोदी यांच्या हस्ते आज गुजरातमध्ये सुरत इथल्या विमानतळाच्या टर्मिनल इमारतीच्या विस्तारीकरणाच्या कामाचं भूमीपूजन तसंच व्हीनस, या सुपर स्पेशालिटी हॉस्पिटलचं उद्घाटन आणि लोकार्पण झालं. केंद्र सरकारनं गेल्या साडेचार वर्षात केलेल्या विविध जनकल्याण योजनांचा आढावा पंतप्रधानांनी यावेळी बोलताना घेतला. नोटबंदीचा निर्णय आणि रेरा कायदा, उडान योजना, प्रधानमंत्री आवास योजना यासह अन्य योजनांमुळे सामान्य माणसांचं जीवन सोपं झाल्याचं त्यांनी नमूद केलं. आपल्या सरकारनं या साडेचार वर्षात जितकं काम केलं आहे, तितकं काम करायला मागच्या सरकारनं अजून पंचवीस वर्षं घेतली असती, असं सांगत, हे सगळं काम करणं, बहुमताचं मजबूत सरकार असल्यानंच शक्य झालं, असं प्रतिपादन पंतप्रधानांनी केलं.

नवसारी जिल्ह्यात ‘दांडी’ इथं उभारण्यात आलेल्या ‘राष्ट्रीय मीठ सत्याग्रह स्मारका’चं आणि संग्रहालयाचं लोकार्पणही मोदी यांनी केलं.

****

शेतकऱ्यांचं कर्ज फक्त एकदा पूर्ण माफ केलं आणि स्वामीनाथन आयोगाच्या शिफारशींची अंमलबजावणी सुरू केली, की पुन्हा सरकारकडे काही मागण्याची वेळ शेतकऱ्यांवर येणार नाही, यासाठी सरकारनं याबाबत सकारात्मक निर्णय घेऊन तो अंमलात आणावा, असं ज्येष्ठ समाजसेवक अण्णा हजारे यांनी म्हटलं आहे. आज राळेगणसिद्धी इथे उपोषणाला सुरुवात करताना ते वार्ताहरांशी बोलत होते. लोकपाल कायद्याची अंमलबजावणी करण्याचं आश्वासन सरकारनं पाच वर्षांत पूर्ण केलं नाही, असं सांगत, राज्याच्या विधानसभेत लोकायुक्त कायदा मंजूर करून लोकायुक्तांची नियुक्ती करावी, अशी मागणी हजारे यांनी केली. जनतेला आपल्या मागण्यांसाठी उपोषण करण्याची वेळ येणं हे दुर्दैवी असल्याचं सांगत, मागण्या मान्य झाल्या नाहीत तर शरीरात प्राण असेपर्यंत उपोषण सुरू ठेवण्याचा निर्धार अण्णा हजारे यांनी यावेळी व्यक्त केला.

****

राष्ट्रपिता महात्मा गांधी यांच्या एक्काहत्तराव्या पुण्यतिथीनिमित्त आज विधानभवनात त्यांना अभिवादन करण्यात आलं. महात्मा गांधी यांच्या प्रतिमेला पुष्पं अर्पण करून मुख्यमंत्री देवेंद्र फडणवीस, विधान परिषदेचे सभापती रामराजे नाईक निंबाळकर आणि विधानसभेचे अध्यक्ष हरिभाऊ बागडे यांनी आदरांजली वाहिली. त्याआधी, १९५६च्या संयुक्त महाराष्ट्राच्या लढ्यात बलिदान दिलेल्या हुताम्यांचं स्मरण करुन आणि दोन मिनिटं मौन पाळून त्यांना श्रध्दांजली अर्पण करण्यात आली.

****

राज्यात आजही थंडीचा कडाका कायम होता. मराठवाड्यापेक्षा विदर्भात थंडीची लाट अधिक तीव्रतेनं जाणवत आहे. परभणीचं आजचं तापमान चार अंश सेल्शियसपर्यंत घसरल्याची नोंद तिथल्या कृषी विद्यापीठाच्या हवामान विभागानं केली आहे. थंडीची ही लाट पुढचे दोन दिवस अशीच राहणार असल्याचा अंदाज हवामान खात्यानं वर्तवला आहे.

****

जागतिक कुष्ठरोग दिनानिमित्त आजपासून राज्यभरात जनजागृती पंधरवडा साजरा करण्यात येत आहे. त्यानिमित्त जिल्हास्तरावर प्रभात फेरी, प्रश्नमंजुषा, पथनाट्य अशा विविध कार्यक्रमांच्या माध्यमातून कुष्ठरोगाविषयी जागृती केली जाणार आहे. केंद्र शासनानं कुष्ठरोग्यांचं प्रमाण दर दहा हजार व्यक्तींमागे एकपेक्षा कमी करण्याचं उद्दिष्ट दिलं असल्याची, तसंच गेल्या वर्षी राज्यात राबवलेल्या कुष्ठरोग शोध अभियानात बारा हजार चारशे पंधरा नवीन कुष्ठरुग्ण आढळून आले असल्याची माहिती आरोग्यमंत्री एकनाथ शिंदे यांनी आज दिली.

****

AIR NEWS BULLETIN, AURANGABAD 30 01 2019 13 00

AIR NEWS BULLETIN, AURANGABAD 30 01 2019 13 00

AIR NEWS BULLETIN, AURANGABAD 30.01.2019 13.00

Regional Marathi Text Bulletin, Aurangabad

Date – 30  january 2019

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक ३०  जानेवारी २०१९  दुपारी १.०० वा.

****

 अनुसूचित जाति-जमाती अत्याचार प्रतिबंधक कायद्यात नुकत्याच केलेल्या बदलांना स्थगिती देण्याची मागणी सर्वोच्च न्यायालयानं आज पुन्हा एकदा फेटाळून लावली. या कायद्याशी संबंधित प्रकरणांमधल्या आरोपींना अटकपूर्व जामीन मिळू नये, ही तरतूद या निर्णयामुळे कायम राहिली आहे. केंद्रसरकारच्या या संदर्भातल्या, पुनर्विचार याचिकेसह इतर याचिकांची एकत्रित सुनावणी येत्या एकोणीस फेब्रुवारीला घेणार असल्याचंही न्यायालयानं सांगितलं.

****

 कायद्यातल्या पळवाटा काढत तपास यंत्रणांच्या कामात अडथळे आणण्याऐवजी, कार्ती चिदंबरम यांनी येत्या ५,६,७ आणि १२ मार्चला सक्त वसुली संचालनालया समोर हजर व्हावं, अशी तंबी सर्वोच्च न्यायालयानं दिली आहे. एअरसेल मॅक्सिस आर्थिक घोटाळा प्रकरणात सक्त वसुली संचालनालयाला कार्ती यांची चौकशी करायची आहे, त्या संदर्भात न्यायालयानं आज हा आदेश दिला आहे. फेब्रुवारी आणि मार्च महिन्यात आंतरराष्ट्रीय टेनिस सामन्यांसाठी आपल्याला परदेशी जाण्याची परवानगी द्यावी, अशी विनंती कार्ती यांनी आज न्यायालयात केली. त्यावर, सर्वोच्च न्यायालयाच्या महासचिवांकडे दहा कोटी रुपयांची अनामत रक्कम जमा करून, परदेशातून परत येण्याबाबतचं आणि तपासात सहकार्य करण्याबाबतचं प्रतिज्ञापत्र देण्यास सर्वोच्च न्यायालयानं सांगितलं आहे.

****

 अर्थव्यवस्थेतली तरलता वाढवण्याच्या उद्दिष्टानं भारतीय रिजर्व्ह बँक पुढच्या महिन्यात सदोतीस हजार पाचशे कोटी रुपये आर्थिक प्रणालीमध्ये टाकणार आहे. सरकारी प्रतिभूतींच्या खरेदीद्वारे ही रोख अर्थव्यवस्थेत आणली जाईल. अर्थव्यवस्थेतल्या तरलतेबाबतच्या स्थितीवर सातत्यानं देखरेख ठेवली असून, आवश्यकतेनुसार हा निर्णय घेतला असल्याचं बँकेनं जारी केलेल्या याबाबतच्या पत्रकात म्हटलं आहे.

****

 ज्येष्ठ सामाजिक कार्यकर्ते अण्णा हजारे यांनी आज राळेगण सिद्धी इथे उपोषणाला सुरुवात केली. केंद्र सरकारनं दिलेल्या आश्वासनांची पूर्ती केली नाही, तसंच राज्य सरकारनं लोकायुक्त कायदा मंजूर केला नाही आणि लोकपाल नियुक्ती केली नाही, या कारणांसाठी आपण हे उपोषण करत असल्याचं त्यांनी सांगितलं आहे. मुख्यमंत्र्यांना लोकायुक्तांच्या कक्षेत आणण्याच्या राज्य मंत्रिमंडळाच्या निर्णयाचं आपण स्वागत करतो, तरीही, निवडणुकीपूर्वी दिलेल्या लोकपाल आणि लोकायुक्त कायद्याबाबतची आश्वासनं पूर्ण होईपर्यंत उपोषण सुरू ठेवणार असल्याचं त्यांनी सांगितलं. आज सकाळी राळेगण सिद्धी येथे यादवबाबा मंदिरात दाखल होत, अण्णांनी उपोषण सुरू केलं आहे.

****

 देशाचं सुवर्ण धोरण लवकरच जारी करण्यात येणार असून त्या दृष्टीनं नीती आयोग आणि संबंधितांशी चर्चा सुरू असल्याची माहिती वाणिज्य आणि उद्योगमंत्री सुरेश प्रभू यांनी दिली आहे. ते काल मुंबईत दागिने आणि रत्न राष्ट्रीय परिषदेच्या उद्घाटनप्रसंगी बोलत होते. ही परिषद देशाच्या आर्थिक उन्नतीला सहाय्य करून रोजगार निर्मिती करेल, असा विश्वास त्यांनी व्यक्त केला.

****

 २०१८ या वर्षाच्या भ्रष्टाचाराबाबतच्या जागतिक क्रमवारीत भारतानं आपल्या स्थितीमध्ये सुधारणा घडवून आणल्याचं, जागतिक भ्रष्टाचारावर देखरेख ठेवणाऱ्या, ट्रान्स्परन्सी इंटरनॅशनल या आंतरराष्ट्रीय संस्थेनं जारी केलेल्या अहवालात स्पष्ट झालं आहे. जागतिक भ्रष्टाचार निर्देशांकात तीन गुणांची सुधारणा करत भारत आता, एकशे ऐंशी देशांच्या यादीत अट्ठ्याहत्तराव्या क्रमांकावर आला आहे. या क्रमवारीत चीन सत्त्याऐंशीव्या आणि पाकिस्तान एकशे सतराव्या स्थानावर असल्यानं भारताच्या तुलनेत खूपच पिछाडीवर आहेत. या यादीत डेन्मार्क हा देश सर्वात कमी भ्रष्टाचारासह पहिल्या स्थानी आणि न्यूझीलंड दुसऱ्या स्थानी आहेत. तर,सोमालिया, सीरिया आणि दक्षिण सुदान हे देश सर्वात खालच्या स्थानी आहेत.

****

 राज्याच्या एकात्मिक जल आराखड्यामध्ये मराठवाड्याला पाणी वाटपाचा योग्य हिस्सा मिळावा, यासह मराठवाड्यातल्या विविध प्रश्नांवर चर्चा करण्यासाठी मराठवाडा विकास मंडळाचे अध्यक्ष डॉ. भागवत कराड यांनी औरंगाबाद इथं लोकप्रतिनीधींची बैठक बोलावली आहे. उद्या दुपारी १२ वाजता औरंगाबाद जिल्हाधिकारी कार्यालयाच्या सभागृहात ही बैठक होणार आहे.

*****

*** 

AIR NEWS BULLETIN, AURANGABAD 30 01 2019 11 00AM

AIR NEWS BULLETIN, AURANGABAD 30 01 2019 11 00AM

AIR NEWS BULLETIN, AURANGABAD 30.01.2019 11.00AM

आकाशवाणी औरंगाबाद

संक्षिप्त बातमीपत्र

३०  जानेवारी  २०१९ सकाळी ११.०० वाजता

****

 महात्मा गांधी यांच्या एक्काहत्तराव्या पुण्यतिथीनिमित्त आज देशभरातून त्यांना आदरांजली वाहण्यात येत आहे. हा दिवस हुतात्मा दिन म्हणून पाळण्यात येतो. राष्ट्रपती रामनाथ कोविंद आणि पंतप्रधान नरेंद्र मोदी यांनी महात्मा गांधी यांना आदरांजली वाहिली आहे. गांधीजींना वंदन करण्यासाठी नवी दिल्लीतल्या राजघाट इथल्या त्यांच्या समाधीवर विविध राजकीय नेते हजेरी लावत असून, त्या ठिकाणी सर्व धर्म प्रार्थना आयोजित करण्यात आली आहे.

****

 गुजरात मध्ये नवसारी जिल्ह्यात दांडी इथे उभारण्यात आलेल्या राष्ट्रीय मीठ सत्याग्रह स्मारकाचं लोकार्पण आज पंतप्रधान नरेंद्र मोदी यांच्या हस्ते होणार आहे. त्यापूर्वी पंतप्रधान आज सुरत विमानतळ इमारतीच्या विस्तारीकरणाच्या प्रकल्पाचं भूमीपूजन करतील. सुरतमध्ये नवभारत युवा परिषदेतही पंतप्रधान सहभागी होत असून, युवकांशी संवादही साधणार आहेत.

****

 संसदेच्या येत्या अर्थसंकल्पीय अधिवेशनाच्या पार्श्वभूमीवर लोकसभा अध्यक्ष सुमित्रा महाजन यांनी आज सर्व पक्षीय बैठक बोलावली आहे. या सत्राच्या सुरुवातीला राष्ट्रपती रामनाथ कोविंद संसदेच्या दोन्ही सभागृहांना संबोधित करतील. येत्या एक फेब्रुवारीला अंतरिम अर्थसंकल्प सादर केला जाईल. संसदेचं हे सत्र येत्या तेरा फेब्रुवारीपर्यंत चालणार आहे.

****

 लोकायुक्त अधिनियम सुधारणेचा प्रस्ताव विधिमंडळात मंजूर होऊन कायदा बनेपर्यंत उपोषण मागे घेणार नसल्याचं, ज्येष्ठ सामाजिक कार्यकर्ते अण्णा हजारे यांनी म्हटलं आहे. लोकपाल आणि लोकायुक्त नियुक्तीच्या मागणीसाठी अण्णा आजपासून उपोषण पुकारत आहेत. त्यांना उपोषणापासून परावृत्त करण्यासाठी जलसंपदामंत्री गिरीश महाजन त्यांच्या भेटीला येणार होते. मात्र अण्णांनी महाजन यांच्याशी भेट नाकारल्याचं, आमच्या वार्ताहरानं कळवलं आहे.

*****

***

Regional Urdu Text Bulletin, Aurangabad.
Date: 30 January 2019
Time:  8:40 to 8:45 am
آکاشوانی اَورنگ آباد
علاقائی خبریں
تاریخ:  ۳۰ ؍  جنوری   ۲۰۱۹؁
وَقت: صبح ۴۰:۸۔ ۴۵:۸
 قحط کی صورتحال سے نمٹنے کے لیے مرکزی حکو مت کی جانب سے ریاست کے لیے 4؍ ہزار714؍ کروڑ روپئے منظور کیئے گئے ہیں۔ وزیر داخلہ راجناتھ سنگھ کی زیر صدارت ایک اعلیٰ سطحی کمیٹی کے اجلاس میں یہ منظوری دی گئی۔ مہاراشٹر کے علاوہ  ہماچل پر دیش،اُتر پر دیش، آندھرا پر دیش ،کرنا ٹک، گجرات اورپُدو چیری کے لیے بھی مرکزی امداد کا اعلان کیاگیا ہے۔
 دریں اثناء  امدد اور باز آ باد کاری کے وزیر چندر کانت پاٹل نے کہا ہے کہ ریاستی حکو مت کی جانب سے مرکز سے طلب کی گئی امداد کی یہ پہلی قسط ہے اور بقیہ فنڈز کے حصول کے لیے ریاستی حکو مت ضروری نمائندگی کرے گی۔اُنھوں نے کہا کہ قحط کے پیش نظر ریاستی حکو مت کسا نوں کے ساتھ کھڑی ہے اور جو قصبے اور دیہات قحط سے متاثرہ ہیں اور مرکزی حکو مت کے طئے کردہ اصولوں پر نہیں اُتر تے اُنھیں ریاستی حکو مت فنڈ ز مہیا کرے گی اِسکے لیے تجا ویز تیار کر نے کاکام جا ری ہے۔
***** ***** *****
 مرکز ی حکو مت کی جانب سے مطالبہ کیا گیا ہے کہ ایو دھیا میں با بری مسجد رام جنم بھو می معاملے میں متنازعہ 2.77؍ ایکر اراضی کو چھوڑ کر آس پاس کی بقیہ67؍ ایکر اراضی رام جنم بھو می ٹرسٹ کو دی جائے اِس سلسلے میں مرکزی حکو مت نے کل رام جنم بھو می ٹرسٹ کو زمین الاٹ کیئے جانے کے لیے عدالت عظمیٰ میں در خواست داخل کی ہے۔ ما ضی میں مرکز نے یہ زمین ایکوائر کی تھی لیکن عدالت عظمیٰ نے اراضی اپنے قبضے میں لینے کے مرکز کے متنازعہ فیصلے پر حکم التواء جاری کر رکھا ہے۔
***** ***** *****
 لوک آ یوکت کی معرفت تحقیقات کے دائرہ کار میں وزیر اعلیٰ کے عہدے کو بھی شامل کر نے کو ریاستی کا بینہ نے منظوری دیدی ۔ اِس فیصلے کے با عث اب لوک آ یو کت وزیر اعلیٰ سے بھی تحقیقات کر سکتے ہیں۔ دیہاتوں میں املاک ٹیکس عائد کر نے کے طریقہ کار میں تر میم کے لیے رپورٹ مرتب کر نے ، اضا فی توا نائی سے آبپاشی کی اسکیموں کے لیے بجلی کی نرخ میں رعایت اور درج فہرست ذاتوں اور
نو بودھ افراد کو نئے کارو بار کے لیے کُل تخمینے کی 15؍ فیصد رقم دینے کو بھی کل منعقدہ کا بینی اجلاس میں منظوری دی گئی۔
***** ***** *****
 سابق وزیر دِفاع اور معروف مزدور قائد جارج فرنانڈیز کی آخری رسو مات آج نئی دہلی میں ادا کی جائے گی۔ کل وہ نئی دہلی میں دوران علاج چل بسے تھے ۔وہ 88؍ برس کے تھے۔ ایمر جنسی کے دوران جد و جہد کی علا مت سمجھے جانے والے جارج فرنانڈیز نے کئی مزدور تحریکوں کی قیادت کی۔ ایمر جنسی کے بعد بر سر اقتدار آنے والے مُرار جی دیسائی حکو مت میں فر نانڈیز نے وزیر صنعت وی پی سنگھ کی حکو مت میں وزیر ریل اور اٹل بہاری واجپائی کی حکو مت میں وزیر دفاع کی حیثیت سے خد مات انجام دیں۔

 صدر جمہوریہ رامناتھ کووِند ،نائب صدر وینکیا نائیڈو ، وزیر اعظم نریندر مودی، کانگریس صدر راہُل گاندھی ،
گور نر سی وِدیا ساگر رائو اور وزیر اعلیٰ دیویندر پھڑ نویس اور این سی پی صدر شرد پوار سمیت متعدد قائدین نے جارج فر نانڈیز کو خراج عقیدت پیش کیاہے۔
***** ***** *****
 بابا ئے قوم مہاتما گاندھی کی 71؍ ویں بر سی  پر آج ملک بھر میںاُنھیں خراج عقیدت پیش کیا جا رہا ہے۔ اِس سلسلے میں ملک بھر میں دعا ئیہ جلسے اور گاندھیائی افکار کی تر ویج کے لیے پروگرام منعقد کیئے جا رہے ہیں۔ آج صبح11؍ بجے ملک بھر میں
2؍ منٹ کی خا مو شی منا کر با با ئے قوم کو خراج عقیدت پیش کیا جائے گا۔
***** ***** *****
 بچوں کی اموات اور بھکمری کے واقعات کے تدا رُک کی غرض سے ریاست میں نو زائیدہ بچوں کو دیئے جانے والے ’’وزیر اعلیٰ استقبالِ نوزائیدہ کِٹ‘‘ اسکیم کا افتتاح کل وزیر بہبود اطفال پنکجا منڈے کے ہاتھوں عمل میں آ یا۔ سر کا ری اسپتالوں میں ہو نے والی پہلی زچکی کے بعد حکو مت کی جانب سے نو زائیدہ بچوں کے استعمال کی اشیاء پر مبنی یہ کِٹ مفت دیا جائے گا۔
***** ***** *****
 وزیر اعظم نریندر مودی نے طلباء سے کہا ہے کہ وہ یکسوئی کے ساتھ اپنی تعلیمی تیا ری پر توجہ دیں۔ وقت کا بہتر بندوبست کریں اور نفسیاتی تنائو سے ہار نہ ما نیں۔ وہ کل نئی دہلی میں پریکشا پر چر چہ پروگرام میں 2؍ ہزار طلباء ، سر پرست اور اساتذہ سے بات چیت کر رہے تھے۔ اُنھوں نے کہا کہ طلباء اپنی زندگی کو کامیاب بنا نے کے لیے صرف حصول علم پر توجہ دیں اور نتائج کی فکر نہ کریں۔ یہ پروگرام سبھی سر کا ری  اورCBSE اسکولوں ،اعلیٰ تعلیمی اِداروں اور ملک بھر کے کالجوں میں نشر کیا گیا ۔
***** ***** *****
 احمد نگر ضلعے کے نیواسہ تعلقے میں جائیکواڑی ڈیم کے تحت آ نے والے علاقے میں بجلی کی فراہمی 8؍ گھنٹے کیئے جانے کے مطالبے پر کل صبح احمد نگر-اورنگ آباد شاہراہ پر  پر ورا سنگم کے مقام پر کُل جماعتی راستہ رو کو احتجاج کیا گیا۔ اِس مظا ہرے کے باعث کچھ وقت کے لیے آمد و رفت شدید متاثر ہوئی۔
***** ***** *****
 ڈویژنل کمشنر ڈاکٹر پُر شو تم بھا پکر نے کہا ہے کہ مختلف سر کاری فلاحی اسکیموں پر موثر عمل در ا ٓمدکر کے سر کا ری افسران سماج اور ملک کی بڑی خد مت انجام دے سکتے ہیں۔ وہ کل اورنگ آباد کے دیو گیری کالج میں منعقدہ ایک پرو گرام سے خطاب کر رہے تھے۔
***** ***** *****

AIR News Bulletin, Aurangabad. Date : 30.01.2019, Time :8.40 - 8.45 AM

AIR NEWS BULLETIN, AURANGABAD 30 01 2019 07 10AM

AIR NEWS BULLETIN, AURANGABAD 30 01 2019 07 10AM

AIR NEWS BULLETIN, AURANGABAD 30.01.2019 07.10AM

Regional Marathi Text Bulletin, Aurangabad

Date – 30  January 2018

Time 7.10 AM to 7.20 AM

Language Marathi

आकाशवाणी औरंगाबाद

प्रादेशिक बातम्या

दिनांक ३०  जानेवारी २०१८ सकाळी ७.१० मि.

****

Ø दुष्काळी उपाययोजनांसाठी राज्याला केंद्राकडून चार हजार ७१४ कोटी रुपये निधी मंजूर

Ø लोकायुक्तांच्या चौकशीच्या कार्यकक्षेत मुख्यमंत्री पदाचा समावेश

Ø झुंजार कामगार नेते माजी सरंक्षणमंत्री जॉर्ज फर्नांडिस यांचं निधन; आज दिल्लीत अंत्यसंस्कार

Ø कल्याणकारी योजनांची प्रभावी अंमलबजावणी ही देशसेवाच - विभागीय आयुक्त डॉ. पुरूषोत्तम भापकर

आणि

Ø भारत आणि न्यूझीलंड महिला एकदिवसीय क्रिकेट मालिकेत भारताची दोन शून्यनं विजयी आघाडी

****

 दुष्काळी परिस्थितीवर उपाययोजना करण्यासाठी राज्याला केंद्र सरकारकडून चार हजार ७१४ कोटी रुपयांचा निधी मंजूर करण्यात आला आहे. गृहमंत्री राजनाथ सिंह यांच्या अध्यक्षतेखालच्या एका उच्चस्तरीय समितीनं हा निधी देण्यास मंजुरी दिली. महाराष्ट्रासह हिमाचल प्रदेश, उत्तर प्रदेश, आंध्र प्रदेश, कर्नाटक, गुजरात आणि पुदुच्चेरीसाठीही मदत निधीची घोषणा काल करण्यात आली.

 दरम्यान, राज्य शासनानं मागितलेल्या मदतीचा हा पहिला टप्पा असून ऊर्वरित निधी मिळण्यासाठी राज्य शासन पाठपुरावा करणार असल्याचं मदत आणि पुनर्वसन मंत्री चंद्रकांत पाटील यांनी सांगितलं. दुष्काळात शेतकऱ्यांच्या पाठीशी राज्य शासन खंबीरपणे उभं असून प्रसंगी राज्याच्या निधीतून मदत केली जाईल, अशी ग्वाहीही पाटील यांनी दिली.

 केंद्राच्या निकषात न बसणाऱ्या दुष्काळग्रस्त मंडळं आणि गावांना, शासनाच्या निधीतून मदत केली जाणार असून त्याचा प्रस्ताव तयार करण्याचं काम सुरू असल्याचंही पाटील यांनी सांगितलं.

****

 विद्यार्थ्यांनी आपल्या उद्दीष्टांवर लक्ष केंद्रीत करावं, वेळेचं उत्तम व्यवस्थापन करावं आणि तणावाला बळी पडू नये असे आवाहन पंतप्रधान नरेंद्र मोदी यांनी केलं आहे. ते काल नवी दिल्लीत ‘परीक्षा पे’ चर्चा' या कार्यक्रमाच्या दुसऱ्या पर्वात देशातल्या दोन हजार विद्यार्थी, पालक आणि शिक्षकांशी संवाद साधत होते. परीक्षेच्या निकालाबाबत काळजी न करता आपलं आयुष्य समृद्ध करण्यासाठी, ज्ञान मिळवण्यावर विद्यार्थ्यांनी लक्ष केंद्रीत करावं, असा सल्ला त्यांनी दिला.

****

 अयोध्येत रामजन्मभूमी- बाबरी मशीद प्रकरणी वादग्रस्त २ पूर्णांक ७७ शतांश एकरची जागा वगळून उर्वरित ६७ एकर जागा रामजन्मभूमी न्यासला द्यावी, अशी मागणी केंद्र सरकारनं केली आहे. या बाबत केंद्र सरकारनं काल सर्वोच्च न्यायालयात अर्ज सादर केला. ही जागा केंद्र सरकारनं अधिग्रहीत केली होती, मात्र सर्वोच्च न्यायालयानं या निर्णयाला स्थगिती दिली होती.

****

 लोकायुक्तांच्या चौकशीच्या कार्यकक्षेत मुख्यमंत्री पदाचा समावेश करण्यास राज्य मंत्रिमंडळानं मान्यता दिली. या निर्णयामुळे लोकायुक्त मुख्यमंत्र्यांची चौकशी करु शकतील.

 गावातल्या मालमत्तांच्या कर आकारणी पद्धतीत सुधारणा करण्यासाठी मालमत्ता पत्रक तयार करण्यास, उच्चदाब उपसा जलसिंचन योजनांना वीज दरात सवलत देण्यास, अनुसूचित जाती आणि नवबौद्ध घटकांतल्या नव उद्योजकांना प्रोत्साहन देण्यासाठी त्यांना प्रकल्पाच्या कमाल १५ टक्के फरकाची रक्कम देण्यासही काल झालेल्या राज्य मंत्रिमंडळाच्या बैठकीत मान्यता देण्यात आली.

 एकात्मिक नगर वसाहत प्रकल्पांसाठी शेतजमीन खरेदी करताना शेतजमीन धारणेच्या कमाल मर्यादेतून सूट देण्यासाठी महाराष्ट्र शेतजमीन अधिनियमात सुधारणेलाही मंत्रिमंडळानं मान्यता दिली.

 औद्योगिक वापरासाठी मंजूर केलेल्या शासकीय जमिनीचा वापर अधिमूल्य आकारून इतर प्रयोजनासाठी करण्यास परवानगी देण्यात आली.

 २०१५ मध्ये पार पडलेल्या ग्रामपंचायतींच्या निवडणुकांसाठी जातवैधता प्रमाणपत्र सादर करण्यासाठी २०१८ चा महाराष्ट्र अधिनियम क्रमांक ६६ मध्ये सुधारणा करण्यासही मंत्रिमंडळानं मान्यता दिली.

****

 झुंजार कामगार नेते माजी सरंक्षणमंत्री जॉर्ज फर्नांडिस यांच्या पार्थिव देहावर आज दिल्लीत अंत्यसंस्कार होणार आहेत. त्यांचं काल नवी दिल्ली इथं उपचारादरम्यान निधन झालं. ते ८८ वर्षांचे होते. आणिबाणी विरोधात लढा पुकारणारे फर्नांडीस यांनी कामगारांच्या अनेक चळवळींचं नेतृत्व केलं. रेल्वे कामगारांसाठी त्यांनी उभारलेला ऐतिहासिक लढा आजही अनेकांच्या स्मरणात आहे.  आणिबाणी नंतर सत्तेवर आलेल्या मोरारजी देसाई सरकारमध्ये फर्नांडीस यांनी उद्योगमंत्री म्हणून, व्ही पी सिंग सरकारमध्ये रेल्वेमंत्री म्हणून तर अटल बिहारी वाजपेयी यांच्या सरकारमध्ये संरक्षणमंत्री म्हणून समर्थपणे जबाबदारी सांभाळली. त्यांनी स्थापन केलेला समता पक्ष, आणि रामकृष्ण हेगडे यांच्या लोकशक्ती पक्षाचं विलीनीकरण होऊन, संयुक्त जनता दलाची निर्मिती झाली आहे.

 फर्नांडीस यांना राष्ट्रपती रामनाथ कोविंद, उपराष्ट्रपती एम.व्यंकय्या नायडू, पंतप्रधान नरेंद्र मोदी, काँग्रेस अध्यक्ष राहुल गांधी, राज्यपाल सी. विद्यासागर राव, मुख्यमंत्री देवेंद्र फडणवीस, राष्ट्रवादी काँग्रेसचे अध्यक्ष शरद पवार यांच्यासह अनेक नेत्यांनी श्रध्दांजली वाहिली.

****

 राष्ट्रपिता महात्मा गांधी यांच्या ७१ व्या पुण्यतिथी निमित्त आज देशभरातून त्यांना अभिवादन करण्यात येत आहे. यानिमित्तानं ठिकठिकाणी प्रार्थना सभा तसंच गांधी विचारांच्या कार्यक्रमांचं आयोजन करण्यात आलं आहे. आज सकाळी ११ वाजता देशभरात मौन पाळून गांधीजींना आदरांजली अर्पण करण्यात येणार आहे.

****

 हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन ए. आय. आर. डॉट कॉम या संकेतस्थळावरही उपलब्ध आहे.

****

 बालमृत्यू तसंच कुपोषणाचं प्रमाण कमी करण्यासाठी राज्यातल्या नवजात बालकांना देण्यात येणाऱ्या ‘मुख्यमंत्री शिशू स्वागत पेटी’ या योजनेचा शुभारंभ महिला आणि बालविकास मंत्री पंकजा मुंडे यांच्या हस्ते काल झाला. शासकीय रुग्णालयात होणाऱ्या पहिल्या प्रसूतिनंतर अर्भकाच्या संगोपनासाठी राज्य शासनामार्फत ही पेटी मोफत देण्यात येणार आहे. या पेटीत झोपण्याची लहान गादी, ब्लँकेट, मच्छरदाणी, छोटं नेलकटर, इलेक्ट्रॉनिक थर्मामीटर, लंगोट, हातमोजे, पायमोजे आदी साहित्याचा समावेश आहे. बालमृत्यू, कुपोषण रोखण्याबरोबरच बालसंगोपनाच्या दृष्टीनं ही योजना महत्त्वपूर्ण ठरेल, असं मुंडे यावेळी म्हणाल्या.

****

 सरकारच्या विविध कल्याणकारी योजनांची प्रशासकीय अधिकाऱ्यांनी प्रभावीपणे अंमलबजावणी करून सामाजिक उत्थानाचं कार्य करणे ही मोठी देशसेवा असल्याचं मत विभागीय आयुक्त डॉ. पुरूषोत्तम भापकर यांनी व्यक्त केलं आहे. त्यांनी काल औरंगाबाद इथं देवगिरी महाविद्यालयाच्या फुले, शाहू आंबेडकर व्याख्यानमालेचं दुसरं पुष्प ‘प्रशासन : सामाजिक उत्थानाचे प्रभावी साधन’ या विषयावर गुंफलं. त्यावेळी ते बोलत होते.

 या व्याख्यानमालेत आज ज्येष्ठ पत्रकार संजय आवटे हे ‘आम्ही भारतीय लोक’ या विषयावर तिसरं आणि शेवटचं पुष्प गुंफणार आहेत.

****

 भारत आणि न्यूझीलंड महिला क्रिकेट संघादरम्यान माऊंट मौंगानुई इथं झालेल्या दुसऱ्या एकदिवसीय सामन्यात काल भारतानं न्यूझीलंडवर आठ गडी राखून विजय मिळवला. प्रथम फलंदाजी करत न्यूझीलंड संघानं भारतीय संघाला १६२ धावांचं लक्ष्य दिलं, हे लक्ष्य भारतीय महिला संघानी ३६व्या षटकातच पूर्ण केलं. स्मृती मंधानानं ९०, तर मिताली राजनं ६३ धावा केल्या. तीन सामन्याच्या या मालिकेत भारतानं दोन - शून्य अशी विजयी आघाडी घेतली आहे.

****

 अहमदनगर जिल्ह्यातल्या नेवासे तालुक्यात जायकवाडी पाणलोट क्षेत्राचा वीजपुरवठा आठ तास करण्यात यावा, या मागणीसाठी काल सकाळी अहमदनगर- औरंगाबाद महामार्गावर प्रवरासंगम इथं सर्व पक्षीयांच्या वतीनं रस्ता रोको आंदोलन करण्यात आलं. या आंदोलनामुळे या महामार्गावरची वाहतूक काही काळ विस्कळीत झाली होती.

****

 वीज महानिर्मिती कंपनीमधल्या प्रकल्पग्रस्त प्रगत कुशल प्रशिक्षणार्थींच्या मानधनात प्रती महिना ६ हजार रूपये वाढ करण्यात आली आहे. ऊर्जामंत्री चंद्रशेखर बावनकुळे यांनी हा निर्णय घेतला आहे.  १५०० पेक्षा जास्त प्रशिक्षणार्थींना या निर्णयाचा लाभहोणार आहे.

****

 राज्य शासनाच्यावतीनं होणाऱ्या ७२ हजार पदांच्या मेगाभरतीमध्ये लातूर आणि उस्मानाबाद जिल्ह्यातल्या भूकंपग्रस्तांच्या दोन टक्के आरक्षणाची काटेकोरपणे अंमलबजावणी व्हावी असे निर्देश राज्याचे भूकंप पुनर्वसन मंत्री संभाजी पाटील निलंगेकर यांनी दिले आहेत. काल यासंदर्भात मंत्रालयात आयोजित बैठकीत ते बोलत होते.

****

 ज्येष्ठ लेखक, कवी वसंत आबाजी डहाके यांना नाशिकच्या 'कुसुमाग्रज प्रतिष्ठान'चा जनस्थान पुरस्कार जाहीर झाला आहे. एक लाख रुपये आणि सन्मान पत्र असं पुरस्काराचं स्वरूप असून, येत्या २७ फेब्रुवारीला नाशिक इथं हा पुरस्कार प्रदान केला जाईल.

****

 उस्मानाबाद जिल्ह्यात भारत संचार निगम - बीएसएनलच्या फोर जी सेवेचा शुभारंभ काल खासदार रवींद्र गायकवाड यांच्या हस्ते झाला. जिल्ह्यात बीएसएनलच्या १३२ टॉवरद्वारे  फोर जी ची जलद गती मोबाईल सेवा दिली जाणार आहे.

****

 परभणी जिल्ह्यातल्या मानवत पंचायत समितीचा वरिष्ठ सहाय्यक लेखाधिकारी शेख हमीद यास चार हजार रुपयांची लाच घेतांना काल रंगेहाथ पकडलं. आरोग्य सेविकेच्या वेतनातून नियमानुसार कपात न करण्यासाठी त्यानं ही लाच मागितली होती.

****

 महिला सक्षमीकरण ही काळाची गरज असल्याचं राज्य महिला आयोगाच्या अध्यक्षा विजया रहाटकर यांनी म्हटलं आहे. महिलांविषयक कायदे आणि आरोग्य या विषयावर काल जालना जिल्हाधिकारी कार्यालयाच्या सभागृहात आयोजित कार्यशाळेच्या उदघाटन प्रसंगी त्या बोलत होत्या.

****

 प्लास्टीक आणि त्यापासून होणाऱ्या वस्तुंचं उत्पादन, वापर, साठवणूक, वितरण, आयात तसंच  वाहतूक करणांऱ्या विरुध्द दंडात्मक कारवाईचे निर्देश नांदेडचे जिल्हाधिकारी अरुण डोंगरे यांनी दिले आहेत.  काल जिल्हाधिकारी यांच्या कक्षात आयोजित बैठकीत ते बोलत होते.

****

 शेतकरी कामगार पक्ष शेकापतर्फे उद्या बीड इथं मराठवाडा दुष्काळ परिषद होणार आहे. शेकापचे विभागीय चिटणीस काका शिंदे यांनी काल पत्रकार परिषदेत ही माहिती दिली. या परिषदेत ज्येष्ठ  नेते गणपतराव देशमुख पक्षाची मतं आणि धोरणं जाहीर करणार आहेत.

*****

***