Tuesday, 30 April 2024
आकाशवाणी छत्रपती संभाजीनगर – दिनांक 30.04.2024 रोजीचे सायंकाळी 06.10 वाजताचे मराठी बातमीपत्र
Regional Marathi Text Bulletin, Chhatrapati Sambhajinagar
Date – 30 April 2024
Time 18.10 to 18.20
Language Marathi
आकाशवाणी छत्रपती
संभाजीनगर
प्रादेशिक बातम्या
दिनांक – ३० एप्रिल २०२४
सायंकाळी ६.१०
****
· लोकसभा निवडणुकीच्या तिसऱ्या टप्प्यात प्रचाराला वेग;उस्मानाबाद
आणि लातूरच्या सभेत भाजप नेते पंतप्रधान नरेंद्र मोदी यांची विरोधकांवर कडाडून टीका
· महाविकास आघाडीचीही आज पुण्यात जाहीर सभा-काँग्रेस नेते राहुल
गांधी येत्या तीन तारखेला पुणे दौऱ्यावर
· नाशिक जिल्ह्यात चांदवडजवळ एसटी बस आणि ट्रकच्या अपघातात चार
जणांचा मृत्यू
आणि
· टी ट्वेंटी क्रिकेट विश्वचषकासाठी रोहित शर्माच्या नेतृत्वात
भारतीय संघ जाहीर
****
लोकसभा निवडणुकीच्या तिसऱ्या टप्प्यासाठी
येत्या सात तारखेला मतदान होणार आहे. या टप्प्यात उस्मानाबाद आणि लातूरसह राज्यातल्या
११ मतदारसंघांचा समावेश आहे. या सर्व मतदारसंघात प्रचार शिगेला पोहोचला असून, सर्वच
पक्षांचे स्टार प्रचारक रॅली, बैठका, प्रचारसभा घेत आहेत.
भारतीय जनता पक्षाचे ज्येष्ठ नेते पंतप्रधान
नरेंद्र मोदी यांनी लातूर तसंच उस्मानाबाद इथं अनुक्रमे सुधाकर श्रृंगारे आणि अर्चना
पाटील यांच्यासाठी सभा घेतली. शिक्षण क्षेत्रात लातूर पॅटर्नने महत्त्वपूर्ण योगदान
दिले असल्याचा त्यांनी गौरवपूर्ण उल्लेख केला. देशाची प्रगती आणि सुरक्षा सुनिश्चित
करण्यासाठी मजबूत नेतृत्वाची गरज असल्याचं मोदी यावेळी म्हणाले. पाणी प्रश्नासह विविध
मुद्यांवरून त्यांनी विरोधी पक्षांवर टीका केली.
दरम्यान, धाराशिव इथं तेरणा अभियांत्रिकी
महाविद्यालयालगत २५ एकर क्षेत्रावर घेतलेल्या सभेत मोदी यांनी, गेल्या
दहा वर्षात शेतकरी तसंच सामान्य जनतेसाठी केलेल्या कामांचा आढावा घेतला.
माढा लोकसभेचे महायुतीचे उमेदवार रणजीतसिंह
नाईक निंबाळकर यांच्या प्रचारार्थ मोदी यांची आज माळशिरस इथं जाहीर सभा झाली. विरोधी
पक्षांच्या कारकिर्दीतील सिंचन प्रकल्प आणि उसाला मिळणारा रास्त भाव यावरून विरोधी
पक्षांवर टीका केली.
****
महाविकास आघाडीचीही आज संध्याकाळी पुण्यात
जाहीर सभा होणार आहे.
दरम्यान, येत्या तीन तारखेला पुण्यात
काँग्रेस नेते राहुल गांधी यांची सभा होणार असल्याचं, काँग्रेस
प्रदेशाध्यक्ष नाना पटोले यांनी सांगितलं. ते काल पुण्यात पत्रकार परिषदेत बोलत होते.
काँग्रेस नेत्या प्रियंका गांधी या देखील पुण्यात रोड शो घेणार असल्याची माहिती त्यांनी
दिली.
****
लोकसभा निवडणुकीच्या पाचव्या टप्प्यात अर्ज
भरण्याची प्रक्रिया सुरु आहे. या टप्प्यात राज्यातल्या धुळे, दिंडोरी, नाशिक, पालघर, भिवंडी, कल्याण, ठाणे
आणि मुंबईतल्या सहा मतदारसंघांचा समावेश असून, तीन मे पर्यंत उमेदवारी अर्ज
भरता येणार आहेत.
उत्तर मुंबई लोकसभा मतदारसंघातून महायुतीचे
उमेदवार पियुष गोयल,
उत्तर मध्य मुंबईतून महाविकास आघाडीच्या उमेदवार वर्षा गायकवाड, कल्याण
लोकसभा मतदार संघाच्या शिवसेना उद्धव बाळासाहेब ठाकरे पक्षाच्या उमेदवार वैशाली दरेकर-राणे, नाशिक
मतदार संघातून दलित शोषित पिछडा वर्ग अधिकार दलाचे कमलाकर गायकवाड, अपक्ष
सिद्धेश्वरानंद गुरू स्वामी सोमेश्वरानंद सरस्वती आणि अपक्ष जितेंद्र भाभे यांनी, धुळे
लोकसभा मतदारसंघातून महाविकास आघाडीच्या उमेदवार शोभा बच्छाव, तसंच
अपक्ष उमेदवार आनंदसिंग पांडुरंग ठोके यांनी एक उमेदवारी अर्ज दाखल केला.
महायुतीने उत्तर पश्चिम मुंबईतून रविंद्र
वायकर यांना तर दक्षिण मुंबई मतदार संघातून शिवसेनेच्या यामिनी जाधव यांना उमेदवारी
जाहीर करण्यात आली आहे. पक्षानं आज यासंदर्भातलं पत्रक जारी करुन ही माहिती दिली.
****
औरंगाबाद लोकसभा मतदार संघात महायुतीचे उमेदवार
संदिपान भुमरे हे धनुष्यबाण या चिन्हावर तर महाविकास आघाडीचे उमेदवार चंद्रकांत खैरे
हे मशाल या चिन्हावर निवडणूक लढवत आहेत. एमआयएमचे सय्यद इम्तियाज जलील हे पतंग तर बहुजन
समाज पक्षाचे संजय जगताप हे हत्ती या चिन्हावर निवडणुकीत उतरले असून, वंचित
बहुजन आघाडीचे उमेदवार अफसर खान यांना गॅस सिलिंडर हे चिन्ह मिळालं आहे. अन्य अपक्ष
उमेदवारांमध्ये जे के जाधव यांना रूम कूलर, डॉ.जीवन
राजपूत यांना टी.व्ही.रिमोट, तर हर्षवर्धन जाधव यांना टी.व्ही. हे निवडणूक
चिन्ह मिळालं आहे.
****
महाराष्ट्रातल्या एका १४ वर्षीय लैंगिक अत्याचार
पीडित मुलीच्या गर्भपाताला सर्वोच्च न्यायालयानं दिलेली परवानगी मागे घेतली आहे. पीडितेच्या
कुटुंबीयांनी तिच्या प्रकृतीबाबत चिंता व्यक्त केल्यानंतर हा निर्णय घेण्यात आला. मुख्य
न्यायमूर्ती डी वाय चंद्रचूड आणि जे बी पार्डीवाला यांच्या पीठानं ३० आठवड्यांच्या
गर्भाचं आरोग्य महत्त्वाचं असल्याचं सांगत आपल्या निर्णयात बदल केला. याआधी गेल्या
आठवड्यात २२ तारखेला याबाबतचा निर्णय देण्यात आला होता.
****
छत्तीसगढमधल्या नारायणपूर जिल्ह्यात जिल्हा
राखीव दल, विशेष कृती दलासोबत झालेल्या चकमकीत तीन महिला नक्षलवाद्यांसह दहा नक्षलवादी मारले
गेले. अबूझमाडच्या जंगलात नक्षलवादी असल्याची माहिती मिळाल्यानंतर जिल्हा राखीव दल
आणि विशेष कृती दलानं शोधमोहिम सुरु केल्यानंतर ही चकमक झाली. या ठिकाणाहून एक ए के
-47 आणि मोठ्या प्रमाणात शस्त्रसाठा तसंच दारुगोळा जप्त करण्यात आला.
****
ॲडमिरल दिनेश त्रिपाठी यांनी आज भारतीय नौदल
प्रमुख म्हणून पदभार स्वीकारला. यावेळी त्यांनी दिल्लीतील राष्ट्रीय युद्ध स्मारकावर
पुष्पचक्र अर्पण केला. ॲडमिरल आर हरीकुमार यांनी याआधी
कार्यभार संभाळला होता.
****
महाराष्ट्र राज्याचा पासष्टावा स्थापना दिन
उद्या साजरा होत आहे. यानिमित्तानं सर्वत्र ध्वजारोहणासह विविध कार्यक्रमांचं आयोजन
करण्यात आलं आहे.
****
आज राष्ट्रसंत तुकडोजी महाराज यांची ११५
वी जयंती साजरी करण्यात आली. अमरावतीच्या यावली शहीद इथं राष्ट्रसंत तुकडोजी महाराजांचा
जन्मोत्सव सोहळा पार पडला. त्यानंतर गावातून पालखी यात्रा काढण्यात आली.
मुंबई इथं मंत्रालयात अपर सचिव रवींद्र पेटकर
यांनी राष्ट्रसंत तुकडोजी महाराज यांच्या प्रतिमेला पुष्पहार अर्पण करून अभिवादन केलं.
यावेळी मंत्रालयातील अधिकारी आणि कर्मचारी उपस्थित होते.
****
नाशिक जिल्ह्यात चांदवडजवळ आज सकाळी राज्य
परिवहन महामंडळाची बस आणि ट्रक मध्ये झालेल्या भीषण अपघातात चार जणांचा मृत्यू झाला, तर
३३ प्रवासी जखमी झाले. भिवंडी इथल्या खलीदा गुलाम हुसेन, तर
नाशिकच्या साई संजय देवरे,
बळीराम सोनू आहिरे आणि सुरेश तुकाराम सावंत यांचा मृतांमध्ये
समावेश आहे. आज सकाळी पावणे दहा वाजता राज्य परीवहन महामंडळाची बस चांदवड इथून नाशिककडे
जात असताना राहुड घाटात ट्रकवर आदळल्यानं हा अपघात झाला असल्याचं स्थानिक पोलिसांनी
सांगितलं.
****
श्रोतेहो, 'लोकनिर्णय
महाराष्ट्राचा'
या कार्यक्रमात आजच्या भागात आपण जालना लोकसभा मतदार संघाचा
आढावा घेणार आहोत. संध्याकाळी सव्वा सात ते साडे सात वाजेपर्यंत आकाशवाणी मुंबईच्या
अस्मिता वाहिनीवर आणि समाज माध्यमांवर हा कार्यक्रम ऐकता येईल.
****
लोकसभा निवडणूकीत मतदानाची टक्केवारी वाढवण्यासाठी
मुंबई उपनगर जिल्ह्यात 'स्वीप'
अंतर्गत गृहभेट उपक्रम राबवण्यात येत आहे. या उपक्रमांतर्गत
मतदारांच्या घरी जाऊन त्यांना मतदान करण्यासाठी प्रोत्साहित करण्यात येणार आहे. या
उपक्रमात अंगणवाडी सेविका,
मदतनीस, आरोग्य सेविका, आशा
सेविका, ग्रामसेवक यांच्यासह विविध शासकीय सेवकांचा समावेश आहे
****
परिपूर्ण लोकशाहीसाठी महिलांनी आपला मतदानाचा
हक्क बजावतांना आपले कुटूंब तसंच परिसरातल्या लोकांनाही मतदान करायला प्रोत्सहित करावं
असं आवाहन जिल्हाधिकारी तथा जिल्हा निवडणूक अधिकारी दिलीप स्वामी यांनी केलं. आज औरंगाबाद
पश्चिम विधानसभा क्षेत्रातील महिला मतदारांचा मेळावा सेंट फ्रान्सिस हायस्कूल इथं आयोजित
करण्यात आला होता त्यावेळी ते बोलत होते. यावेळी 'हम मतदार है' या
गीतावर नृत्य सादर झाले. तसंच उपस्थितांना मतदानाची प्रतिज्ञा देण्यात आली.
दरम्यान, औरंगाबाद लोकसभा मतदार
संघातल्या निवडणूक खर्चांची तपासणी ३, ७ आणि ११ मे रोजी होणार असल्याचं
कक्षाचे नोडल अधिकारी शेखर कुलकर्णी यांनी सांगितलं आहे. यादिवशी जिल्हाधिकारी कार्यालयात
खर्च तपासणीसाठी उमेदवार अथवा त्यांचे खर्च प्रतिनिधी यांनी उपस्थित राहण्याचं आवाहन
कुलकर्णी यांनी केलं आहे.
****
एक जूनपासून सुरू होत असलेल्या आयसीसी टी-२०
विश्वचषक स्पर्धेसाठी भारतीय क्रिकेट नियामक मंडळानं संघाची घोषणा केली आहे. रोहित
शर्माच्या नेतृत्वाखालच्या या संघात हार्दिक पंड्या उपकर्णधार असेल. यष्टीरक्षक ऋषभ
पंतचं संघात पुनरागमन झालं असून, के एल राहुलला मात्र विश्रांती देण्यात आली
आहे. उर्वरित संघात विराट कोहली, यशस्वी जैस्वाल, सूर्यकुमार
यादव, संजू सॅमसन,
शिवम दुबे, रवींद्र जडेजा, अक्षर
पटेल, कुलदीप यादव,
युजवेंद्र चहल, अर्शदीप सिंग, जसप्रीत
बुमराह, मोहम्मद सिराज यांचा समावेश आहे. शुभमन गिल, रिंकू सिंग, खलील
अहमद आणि आवेश खान यांची राखीव खेळाडू म्हणून निवड झाली आहे. यावेळी वेस्ट इंडिज आणि
अमेरिका यांच्या संयुक्त विद्यमाने या स्पर्धेचे आयोजन केले जाणार असून, जगभरातल्या
२० देशांचे संघ यात सहभागी होणार आहेत.
****
आयपीएल क्रिकेट स्पर्धेत आज लखनऊ सुपर जायंट्स
आणि मुंबई इंडियंस यांच्यात सामना होणार आहे. लखनऊच्या एकाना क्रिकेट मैदानावर आज संध्याकाळी
साडेसात वाजता सामन्याला सुरूवात होईल.
****
बांगलादेशातल्या सिल्हेट इथं सुरू असलेल्या
भारतीय महिला क्रिकेट संघाचा बांगलादेश महिला क्रिकेट संघासोबत
सुरू असलेल्या दुसऱ्या टी-ट्वेंटी क्रिकेट सामन्यात प्रथम फलंदाजी करताना
शेवटचं वृत्त हाती आलं तेव्हा बांगलादेश संघाच्या चौदा षटकांत पाच बाद ८८ धावा झाल्या
होत्या.
****
Text - आकाशवाणी छत्रपती संभाजीनगर, दिनांक:30.04.2024 रोजीचे दुपारी: 01.00 वाजेचे मराठी बातमीपत्र
Regional Marathi Text Bulletin, Chhatrapati Sambhajinagar
Date: 30 April 2024
Time: 01.00 to 01.05 PM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक: ३० एप्रिल २०२४ दुपारी १.०० वा.
****
छत्तीसगढमधल्या नारायणपूर जिल्ह्यात जिल्हा राखीव दल, विशेष कृती दलासोबत झालेल्या चकमकीत दोन महिला नक्षलवाद्यांसह सात नक्षलवादी मारले गेले. अबूझमाडच्या जंगलात नक्षलवादी असल्याची माहिती मिळाल्यानंतर जिल्हा राखीव दल आणि विशेष कृती दलानं शोधमोहिम सुरु केल्यानंतर ही चकमक झाली. या ठिकाणाहून एक ए के -47 आणि मोठ्या प्रमाणात शस्त्रसाठा तसंच दारुगोळा जप्त करण्यात आला.
****
लोकसभा निवडणुकीच्या तिसऱ्या टप्प्यासाठी येत्या सात तारखेला मतदान होणार आहे. या टप्प्यात उस्मानाबाद आणि लातूरसह राज्यातल्या ११ मतदारसंघांचा समावेश आहे. या सर्व मतदारसंघात प्रचार शिगेला पोहोचला असून, सर्वच पक्षांचे स्टार प्रचारक रॅली, बैठका, प्रचारसभा घेत आहेत.
भाजपचे ज्येष्ठ नेते पंतप्रधान नरेंद्र मोदी यांनी आज माढा मतदारसंघाचे महायुतीचे उमेदवार रणजीतसिंह नाईक निंबाळकर यांच्या प्रचारार्थ माळशिरस इथं सभा घेतली. गेल्या दहा वर्षात राष्ट्रीय लोकशाही आघाडी सरकारने केलेल्या कामांचा त्यांनी यावेळी आढावा घेतला.
यानंतर पंतप्रधान मोदी यांच्या धाराशिव आणि लातूर इथं प्रचारसभा होणार आहेत. लातूर इथं सारोळा रस्त्यावर ४० एकर मैदानावर ही सभा होणार असून, उन्हापासून बचावासाठी अडीच लाख चौरस फूट मंडपाची उभारणी करण्यात आली आहे. धाराशिव इथं तेरणा अभियांत्रिकी महाविद्यालयालगत असलेल्या २५ एकर क्षेत्रावर मोदींची सभा होणार आहे.
****
लोकसभा निवडणुकीच्या पाचव्या टप्प्यात अर्ज भरण्याची प्रक्रिया सुरु आहे. या टप्प्यात राज्यातल्या धुळे, दिंडोरी, नाशिक, पालघर, भिवंडी, कल्याण, ठाणे आणि मुंबईतल्या सहा मतदारसंघांचा समावेश असून, तीन मे पर्यंत उमेदवारी अर्ज भरता येणार आहेत.
उत्तर मुंबई लोकसभा मतदारसंघातून महायुतीचे उमेदवार पियुष गोयल यांनी आज अर्ज दाखल केला. उत्तर मध्य मुंबईतून महाविकास आघाडीच्या उमेदवार वर्षा गायकवाड, ईशान्य मुंबईतून संजय पाटील, धुळे लोकसभा मतदारसंघातून शोभा बच्छाव, तर कल्याण लोकसभा मतदारसंघातून महाविकास आघाडीच्या वैशाली दरेकर आज अर्ज दाखल करणार आहेत.
****
शिवसेनेनं उत्तर पश्चिम मुंबईतून रविंद्र वायकर यांना उमेदवारी जाहीर केली आहे. पक्षानं आज यासंदर्भातलं पत्रक जारी करुन ही माहिती दिली.
****
लोकसभा निवडणुकीचा आढावा घेणारा ‘लोकनिर्णय महाराष्ट्राचा’ या कार्यक्रमाच्या आजच्या भागात आपण जालना लोकसभा मतदार संघाचा आढावा घेणार आहोत. संध्याकाळी सव्वा सात वाजता आकाशवाणीच्या मुंबई केंद्रावरून हा कार्यक्रम प्रसारित होईल.
****
लोकसभा निवडणुकीत मतदानाचा टक्का वाढवण्यासाठी आज धुळे शहरातून मतदार जनजागृती रॅली काढण्यात आली. यावेळी ‘वोट कर धुळेकर’ असं आवाहन करत पथनाट्य सादर करण्यात आलं. धुळ्याचे जिल्हाधिकारी अभिनव गोयल यांनी नागरिकांना शंभर टक्के मतदान करण्याचं आवाहन केलं.
****
नाशिक जिल्ह्यात गंगापूर धरणालगत गंगावऱ्हे गावात गेल्या १४ दिवसांपासून सुरू असलेल्या गाळ उपसा मोहिमेमुळे, गंगापूर धरणाची तब्बल दोन कोटी १५ लाख ८८ हजार लिटरने पाणी क्षमता वाढली आहे. आतापर्यंत एक हजार ७५० मोठे ट्रक आणि १९९ ट्रॅक्टर च्या माध्यमातून २१ हजार ६२३ क्युबिक मीटर गाळाचा उपसा करण्यात आला. जलसमृद्ध नाशिक अभियानाअंतर्गत भारतीय जैन संघटना, नाशिक मानव सेवा फाऊंडेशन आणि आर्ट ऑफ लिव्हिंग या संस्थांच्या पाठबळाच्या आधारे ही मोहिम राबवली जात आहे. धरणातून काढलेला गाळ आजुबाजुच्या शेतकऱ्यांना मोफत दिला जात आहे.
****
नाशिक जिल्ह्यात चांदवड जवळ आज सकाळी बस आणि ट्रक मध्ये झालेल्या भीषण अपघातात सहा जणांचा मृत्यू झाला, तर अनेक जण जखमी झाले. बसचं टायर फुटल्यानं हा अपघात झाल्याचा प्राथमिक अंदाज आहे. जखमींना रुग्णालयात दाखल करण्यात आल्याचं आमच्या वार्ताहरानं कळवलं आहे.
****
नांदेड जिल्ह्यात भोकरहून नांदेडकडे जात असलेल्या भरधाव ट्रकने आठ दुचाकींना उडवल्याची घटना आज सकाळी बारडजवळ घडली. या घटनेत एकाचा जागीच मृत्यू झाला, तर अनेक जण जखमी झाले.
****
चीन मध्ये सुरु असलेल्या थॉमस चषक बॅडमिंटन स्पर्धेत भारताने इंग्लंडचा पाच - शून्य असा पराभव करत उपान्त्यपूर्व फेरीत प्रवेश केला. उपान्त्यपूर्व फेरीत भारतीय संघाचा सामचा उद्या थायलंड सोबत होणार आहे.
दरम्यान, पॅरीस ऑलिम्पिक स्पर्धेत होणाऱ्या बॅडमिटन सामन्यांच्या सर्व चारही प्रकारासाठी भारतीय बॅडमिंटनपटू पात्र ठरले आहेत. पुरूष एकेरीत एच एस प्रणॉय आणि लक्ष्य सेन, महिला एकेरीत पी व्ही सिंधु, पुरूष दुहेरीत सात्विक साईराज आणि चिराग शेट्टी तर महिला दुहेरीत अश्विनी पोन्नपा आणि तनिषा क्रास्टो भारताचं प्रतिनिधित्व करणार आहेत.
****
भारत आणि बांग्लादेशच्या महिला क्रिकेट संघादरम्यान बांग्लादेशात सुरु असलेल्या पाच टी - ट्वेंटी सामन्यांच्या मालिकेतला दुसरा सामना आज खेळला जाणार आहे. या मालिकेत भारतीय संघ एक - शून्यनं आघाडीवर आहे.
****
Text - आकाशवाणी छत्रपती संभाजीनगर, दिनांक:30.04.2024 रोजीचे सकाळी: 11.00 वाजेचे मराठी संक्षिप्त बातमीपत्र
आकाशवाणी छत्रपती संभाजीनगर
संक्षिप्त बातमीपत्र
३० एप्रिल २०२४ सकाळी ११.०० वाजता
****
मणिपूर मध्ये आऊटर मणिपूर मतदारसंघातल्या सहा मतदान केंद्रांवर आज फेर मतदान होत आहे. या केंद्रांवर लोकसभा निवडणुकीच्या दुसऱ्या टप्प्यात २६ एप्रिलला मतदान झालं होतं, मात्र निवडणूक आयोगानं याठिकाणी पुन्हा मतदान घेण्याचे निर्देश दिले होते.
****
भाजपचे ज्येष्ठ नेते पंतप्रधान नरेंद्र मोदी आज माळशिरस, उस्मानाबाद आणि लातूर इथं प्रचारसभा होणार आहेत. लातूर इथं सारोळा रस्त्यावर ४० एकर मैदानावर ही सभा होणार असून, उन्हापासून बचावासाठी अडीच लाख चौरस फूट मंडपाची उभारणी करण्यात आली आहे. धाराशिव इथं तेरणा अभियांत्रिकी महाविद्यालयालगत असलेल्या २५ एकर क्षेत्रावर मोदींची सभा होणार आहे.
****
वंचित बहुजन आघाडीसाठी यंदा सकारात्मक वातावरण असून, यावेळी आम्ही आमचं लोकसभेतलं खातं नक्की उघडू, असा विश्वास, वंचित बहुजन आघाडीचे प्रमुख प्रकाश आंबेडकर यांनी काल पुण्यात व्यक्त केला. वंचितचे पुण्यातले उमेदवार वसंत मोरे यांच्या प्रचार शबेत ते काल बोलत होते.
****
बुलढाणा जिल्ह्यात पावसाळ्यामध्ये पडलेला अल्प पाऊस तसंच सद्य:स्थितीत भीषण उन्हामुळे जलसाठे कोरडे होताना दिसत आहे. सध्या जिल्ह्यातल्या धरणांमध्ये १७ पूर्णांक ८३ टक्के जलसाठा असून, येणाऱ्या दिवसांमध्ये जिल्ह्यात भीषण पाणी टंचाईची शक्यता निर्माण झाली आहे. जिल्ह्यातला सर्वात मोठा प्रकल्प असलेल्या खडकपूर्णा धरणातून पाणीपुरवठा योजनांसाठी जलसाठा राखीव ठेवण्यात आला आहे.
****
मालदीव इथं झालेल्या सहाव्या आशियाई कॅरम अजिंक्यपद स्पर्धेत भारताच्या पुरुष आणि महिला संघांनी दुहेरीत विजेतेपद पटकावलं आहे. पुरुष दुहेरीच्या अंतिम फेरीत भारताच्या मोहम्मद गुफरान आणि श्रीनीवास यांच्या जोडीनं मालदीवच्या जोडीचा २५-१५, २५-१६ असा पराभव केला. तर महिला दुहेरीत आकांक्षा कदम आणि शायनी सेबेस्टियन यांनी भारताच्याच रश्मी कुमारी आणि नागा जोथी या जोडीचा २१-२५, २५-१७, २५-१७ असा पराभव केला.
****
दुबईत नुकत्याच झालेल्या २० वर्षांखालील आशियाई अजिंक्यपद मैदानी स्पर्धेत तीन हजार मीटर धावण्याच्या शर्यतीत पुण्याच्या गौरव भोसले यानं रौप्य पदक पटकावलं. या स्पर्धेत भारतीय खेळाडूंनी सहा सुवर्ण पदकांसह एकूण १८ पदकं मिळवली.
****
آکاشوانی چھتر پتی سنبھا جی نگر علاقائی خبریں تاریخ :30؍ اپریل 2024 ء وقت: صبح 09.00 سے 09.10 بجے
Regional Urdu Text Bulletin, Chhatrapati Sambhajinagar
Date : 30 April 2024
Time : 09.00 to 09.10 AM
آکاشوانی چھتر پتی سنبھا جی نگر
علاقائی خبریں
تاریخ : ۳۰ ؍ اپریل ۲۰۲۴ ء
وقت : صبح ۹.۰۰ سے ۹.۱۰ بجے
پہلے خاص خبروں کی سر خیاں ...
٭ پارلیمانی انتخابات کے چوتھے مرحلہ کے لیے سبھی سیاسی جماعتوں کے قائدین کے جنگی پیمانے پر تشہیری دورے ‘ بی جے پی قائد اور وزیر اعظم نریندر مودی کا آج عثمان آباد اور لاتور دورہ
٭ چوتھے مرحلہ کے انتخابات کی صورتحال صاف ‘ جالنہ انتخابی حلقے میں 27؍ بیڑ میں 41؍ اور اورنگ آباد میں 37؍ امید وار انتخابی میدان میں
٭ قومی جانچ امتحان NET کا 16؍ جون کے بجائے 18؍ کو انعقاد
اور
٭ بڑھتے درجہ حرارت کے پیش نظر محکمہ صحت کا شہر یان کو احتیاط برتنے کا مشورہ
اب خبریں تفصیل سے...
لوک سبھا انتخابات کی تشہیری مہم عروج پر پہنچ گئی ہے ۔ تمام ہی پارٹیوں کے اعلیٰ لیڈران اپنے اپنے امید واروں کے لیے تشہیری مہم میں جب گئے ہیں ۔ ستارا کے مہا یو تی کے امید وار اُدئین راجے بھونسلے کی تشہری مہم کے لیے بی جے پی کے سینئر لیڈر وزیر اعظم نریندرمودی نے کل کراڑ میں اجلاس سے خطاب کیا ۔ اِس موقع پر انھوں نے چھتر پتی شیواجی مہاراج کو یاد کیا اور دفعہ 370؍ ‘ طبی سہولیات ‘ خواتین کو بااختیار بنا نے جیسے موضوعات پر خطاب کیا ۔ مخالفین کی جانب سے اور اپنے معاونین کی جانب سے ویڈیو پھیلانے کاالزام انھوں نے لگا یا ۔ انھوں نے عوام سے خبر دار رہنےکی اپیل کی اور اِس طرح کی حرکت پر الیکشن کمیشن سے سخت کارروائی کی اپیل بھی کی ۔
شو لا پور کے مہا یو تی کے امید وار رام سات پُتے اور پونا کے مہا یو تی کے امید وار مُر لی دھر موہوڑ کی انتخابی تشہیر کے لی مودی نے کل شولاپور میں اور اِس کے بعد شام میں پونا اجلاس سے خطاب کیا ۔انھوں نے اعادہ کیا کہ آئین او ر ریزر ویشن ختم کرنے کا پرو پیگنڈہ مخالفین کی جانب سے چلا یا بھی گیا تو اِسے دھکا نہیں لگنے دیں گے۔
دریں اثناء مال شیرس ‘ عثمان آباد اور لاتور میں مودی کی آج ریلیاں ہو ںگی ۔ لاتور میں سا رولا راستہ کے 40؍ ایکر میدان پر یہ اجلاس ہو گا ۔ دھوپ سے بچنے کے لیے ڈھائی لاکھ اسکوائر فٹ شامیا نہ لگایاگیا ہے ۔ دھارا شیو کے تیر نا اِنجینئرنگ کالج سے ملحق25؍ ایکر جگہ پر مودی کا خطاب ہوگا ۔
***** ***** *****
راشٹر وادی کانگیرس شرد پوار گروپ کے صدر شرد پوار نے الزام عائد کیا کہ ملک کی حکو مت آمریت کی طرف گامزن ہے ۔ وہ کل بارامتی لوک سبھا حلقہ انتخاب کے لیے ساس وَڈ میں مہا وِکاس آ گھاڑی کے اجلاس سے خطاب کر رہے تھے ۔ انھوں نے کہا کہ 2؍ سالوں سے مقامی انتظامیہ کے الیکشن نہیں ہو تے ہیں جس کی وجہ سے آئندہ وقت میں حکو مت وِدھان سبھا اور لوک سبھا کے الیکشن ہونے دیں اِس سے متعلق۱ شکوک و شبہات ہیں ۔ مہاوِکاس آگھاڑی کا بھی آج شام پونا میں اجلاس عام ہو گا ۔
دریں اثناء آئندہ 3؍ تاریخ کو پونا میں کانگریس لیڈر راہل گاندھی کے بھی اجلاس میں شر کت کرنے کی اطلاع ریاستی کانگریس کے صدر نا نا پٹو لے نے دی ہے ۔ وہ کل پونا میں صحافتی کانفرنس سے مخاطب تھے ۔ کانگریس کی لیڈر پرینکا گاندھی کی بھی پونا میں روڈ شو میں حصہ لینے کی اطلا ع ہے ۔
***** ***** *****
شیو سینا اُدھو با لا صاحب ٹھاکرے گروپ کے لیڈر ادھو ٹھاکرے نے کل شو لا پور میں مہاوِکاس آ گھاڑی کی امید وار پر نیتی شندے کی انتخابی تشہیر کے لیے اجلاس سے خطاب کیا ۔ انھوں نے سوال کیا کہ گزشتہ کئی سالوں سے مراٹھا اور دھنگر سماج کا ریزر ویشن کا مطالبہ ہے ۔ اِس ضمن میں ریزر ویشن کی حد 50؍ فیصد سے زائد کرنے کا فیصلہ پارلیمنٹ میں کیوں نہیں منظور کیاگیا ۔
***** ***** *****
جالنہ لوک سبھا حلقہ کے مہا یو تی کے امید وار رائو صاحب دانوے نے کل سوئے گائوں تعلقہ کے جر نڈی میں اجلاس سے خطاب کرتے ہوئے ووٹروں سے بات کی جبکہ اورنگ آباد لوک سبھا حلقہ کے مہایوتی کے امید وار سندیپان بھو مرے نے دیو گائوں رنگاری میں اجلاس سے خطاب کیا ۔
***** ***** *****
لوک سبھا الیکشن کے پانچویں مرحلہ کے لیے کئی ایک امید وار وں نے پرچہ نامزدگی داخل کیے ہیں ۔ اِس مرحلہ میں ریاست کے پونا ‘ دِنڈوری ‘ ناسک ‘ پال گھر ‘ بھیونڈی ‘ کلیان ‘ ٹھانے او ر ممبئی کے 6؍ حلقہ انتخاب شامل ہیں اور 3؍ مئی تک امید واری پرچے داخل کیے جا سکتے ہیں ۔ مہا وکاس آ گھاڑی کے جنوب ممبئی لوک سبھا حلقہ کے امید وار موجودہ رکن پارلیمنٹ اروِند ساونت جنوب وسطی ممبئی لوک سبھا حلقہ کے مہا یو تی کے امید وار راہل شیواڑے نے بھی امید واری پرچے داخل کیے ۔
دھو لیہ لوک سبھا حلقہ کے بی جے پی کی امید وار ڈاکٹر سبھاش بھامرے اور آزاد امید وار لہا نو مہا دو سابڑے نے بھی کل پرچہ نامزدگی داخل کیے ۔
***** ***** *****
ناسک اور دِنڈوری لوک سبھا حلقہ سے مہا وِکاس آ گھاڑی کے بالتر تیب راجا بھائو واجے اور بھاسکر بھگرے نے پرچے داخل کیے ۔ ناسک سے گزشتہ جمعہ بطور آزاد امید وار پرچہ داخل کرنے والے شانتی گیری مہا راج نے کل شیو سینا امید وار کے نام سے پرچہ داخل کیا ۔ انھیں پارٹی کے امید وار کے طور پر اے بی فارم جوڑ نے کے لیے ضلع انتخابی افسر 3؍ مئی تک مہلت دی ہے ۔
***** ***** *****
لوک سبھا انتخابات کے چو تھے مرحلہ کے لیے پرچہ واپس لینے کی مدت کل ختم ہو گئی ۔ اِس مرحلہ میں ریاست کے11؍ حلقے کے 369؍ پرچہ اہل پائے گئے تھے جس میں سے 71؍ امید واروں نے کل پرچے واپس لے لیے ۔ جس کی وجہ سے اب اِس مرحلہ میں 298؍ امید وار انتخابی میدان میں ہیں ۔
مراٹھواڑہ کے جالنہ ‘ بیڑ اور اورنگ آباد لوک سبھا حلقے کے لیے اِس مرحلہ میں ووٹنگ ہو گی ۔ جالنہ لوک سبھا حلقہ سے 9؍ امید وار ‘ بیڑ لوک سبھا حلقے سے 14؍ امید وار جبکہ اورنگ آباد لوک سبھا حلقے سے 7؍ امید واروں نے پر چے واپس لیے ہیں ۔ اب جا لنہ حلقہ سے 27؍ بیڑ 41؍ جبکہ اورنگ آباد انتخابی حلقے سے 37؍ امید وار انتخابی میدان میں ہیں۔ ریاست کے دیگر حلقوں میں نندوربار حلقے سے 11؍ جلگائوں 14؍ راویر 24؍ ماول 33؍ پونا 35؍ شِرور 32؍ احمد نگر 25؍ جبکہ شر ڈی حلقے میں 20؍ امید وار انتخابی میدان میں ہیں اِن تمام امید واروں کو انتخابی نشان بھی دیے گئے ہیں ۔
***** ***** *****
مدھیہ پر دیش کے اِندور کے کانگریس کے لوک سبھا کے امید وار اکشئے کانتی بم نے اچانک اپنا امید واری پرچہ واپس لے لیا اِس کے بعد بم نے بی جے پی میں شمو لیت اختیار کی ۔
دریں اثناء اندور سے اب 14؍ امید وار انتخابی میدان میں ہیں جبکہ مخالفین کے انڈیا آگھاڑی کے کانگریس کے علا وہ دیگر پارٹیوں نے یہاں سے امید وار نہیں دیا تھا ۔
***** ***** *****
لوک سبھا انتخابات کا جائزہ لینے کے لیے آکاشوانی نے لوک نِر نئے مہا راشٹرا چا پروگرام شروع کیا ہے ۔ اِس پروگرام کے آج کے نشریہ میں ہم جالنہ لوک سبھا حلقہ انتخابات کا جائزہ لیں گے ۔ شام سوا سات بجے آکاشوانی کے ممبئی مرکز سے یہ پروگرام نشر ہوگا ۔
***** ***** *****
یو نیور سٹی گرانٹس کمیشن نے قومی اہلیتی ٹیسٹ یعنی NET امتحان کو 2؍ دن کے لیے موخر کر دیا ہے ۔ اب یہ امتحان طئے شدہ 16؍ جون کے بجائے 18؍جون کو ہو گا ۔
دریں اثناء ریاست کے دسویں اور بارہویں جماعت کے امتحانات کے نتائج مئی کے آخر تک آنے کی اطلاع ریاستی تعلیمی بورڈ کی جانب سے دی گئی ہے ۔
***** ***** *****
ریاست میں کل سب سے زیادہ 44؍ ڈگری درجہ حرارت مالیگائوں میں درج کیا گیا ۔ مراٹھواڑہ کے ناندیڑ میں 42؍ اعشاریہ 8؍ چھتر پتی سنبھا جی نگر 41؍ اعشاریہ 4؍ جبکہ پر بھنی میں 40؍ اعشاریہ 8؍ ڈگری درجہ حرات درج کیاگیا ۔ ناندیڑ میں کل موسم کی سب سے زیادہ گر می درج کی گئی ۔ناندیڑ ضلع طبی افسران کی جانب سے بڑھتے درجہ حرارت کے ضمن میں احتیا طی تدابیر اختیار کر نے کی اپیل کی گئی ہے ۔ آئندہ 5؍ دنوں میں مراٹھواڑہ میں درجہ حرارت میں اضا فے کے امکا نات ہیں ۔ عوام بڑھتے درجہ حرارت میں زیادہ محنت کے کام نہ کریں۔ سفیڈ ڈھیلے کپڑے پہنیں ‘ پانی اور شربت استعمال کریں ۔ دھوپ میں باہر نکلتے وقت عینک ‘ سر پر ٹو پی ‘ پگڑی پہننے کی اپیل کی گئی ہے ۔
***** ***** *****
لوک سبھا عام انتخابات میں ووٹنگ فیصد بڑھا نے کے لیے لاتور میں ضلع انتخابی افسر دفتر کی جانب سے مختلف سر گر میاں چلائی جا رہی ہیں ۔ اِن سرگر میوں کے تحت کل لاتور شہر میں منعقدہونے والی ہاکے اور پانڈھرے خاندان کی شادی میں نئے شادی شدہ جوڑے سمیت ہزاروں باراتیوں نے آئندہ 7؍ مئی کو ووٹ کرنے کا حلف لیا ۔
***** ***** *****
چھتر پتی سنبھا جی نگر ضلعے میں آئندہ 15؍ مئی تک امتناعی احکا مات نافذ کیے گئے ہیں ۔ اِس دوران غیر قا نو نی طریقے سے اسلحہ اور آتش گیر مواد کی حمل و نقل ‘ 5؍ یا اِس سے زائد افراد کا عوامی مقا مات پر جمع ہو نا ۔ اِسی طرح احتجاج یا مظاہرے کرنے پر پا بندی عائد رہے گی ۔ انتظامیہ نے وضاحت کی ہے کہ اِس سے متعلق اجازت دینے کا اختیار پولس سپرنٹنڈنٹ کے مقرر کر دہ پولس افسران کو رہے گا ۔
***** ***** *****
ماہر سماجیات ڈاکٹر دا دھو کاچورے کی تخلیق کر دہ ’’ مراٹھا سماج شاستریہ واستو ‘‘ نا می کتا ب کا بزرگ مفکر ڈاکٹر رشی کیس کامبڑے کے ہاتھوں کل اجراء عمل میں آیا ۔ چھتر پتی سنبھا جی نگر کے ایم جی ایم یو نیور سٹی میں منعقدہ اِس پروگرام سےخطاب کر تے ہوئے ڈاکٹر کامبرے نے کہا کہ یہ کتاب ڈاکٹر بابا صاحب امبیڈکر کے خیا لات میں تبدیلی سے متعلق اٹھائے گئے پہلے کامیاب اقدام کی گواہی ہے ۔ مذکورہ کتاب ڈاکٹر کاچوڑے کی ستر ہویں تخلیق ہے ۔
***** ***** *****
گڈ چِرو لی میں آئی پی ایل کرکٹ میچوں پر آن لائن پیسہ لگا نے کے ایک اڈے پر اَہیری پولس نے کل چھا پہ مار کر دس ملزمین کو گرفتار کر لیا ۔ ملزمین کےقبضے سے 4؍ مو بائل فون سمیت تقریباً ساڑھے نو ہزار روپئے نقد رقم پولس نے ضبط کر لی ۔
***** ***** *****
اِنڈین پریمئر لیگ آئی پی ایل کرکٹ ٹور نامنٹ میں کل کولکاتا نائٹ رائیڈرس نے دہلی کیپِٹلس کو 7؍ وکٹوں سے ہرا دیا ۔ دہلی کی جانب سے مقررہ 154؍ رنوں کا ہدف کو لکا تا نے 16؍ ویں اوور میں ہی حاصل کر لیا ۔ آج اِس ٹور نا منٹ میں لکھنئو میں لکھنئو سوپر جائنٹس اور ممبئی اِنڈینس کا مقابلہ ہو گا ۔
***** ***** *****
لوک سبھا انتخابات کے تحت دھو لیہ پارلیمانی حلقہ انتخاب کے لیے مقررہ انتخا بی اخر جات انسپکٹر وینکٹیش جا دھو نے کل مالیگائوں شہر ‘ مالیگائوں مضا فات اور باگلان حلقہ انتخاب کے اخراجات کاجائزہ لیا۔ اِس موقعے پر انھوں نے بیٹھک اور گشتی دستوں کو انتخابی کمیشن کی ہدایات پر موثر عمل آوری کرنے ‘ اخر جات کا اندراج کرنے والے افسران اور ملازمین کو مستعدی کے ساتھ کام کرنے اور انتخابی حلقے میں آ نے جانے والی تمام گاڑیوں کی باریک بینی سے جانچ کرنے کے احکامات دیے ۔
***** ***** *****
لوک سبھا انتخابات کے پیش نظر ناسک انتخا بی حلقے کے انتخابی اخراجات انسپکٹر ساگر شریواستو نے کل ناسک حلقے انتخاب میں شامل سبھی 6؍ اسمبلی حلقوں میں گاڑیوں کی جانچ کرنے والے ناکوں کا اچانک دورہ کر کے کام کاج کا جائزہ لیا ۔ کسی بھی گاڑی میں 50؍ ہزار روپئے سے زائد رقم بر آمد ہونے پر معاون اخراجات انسپکٹر کو فی الفور مطلع کرنے کے احکا مات انھوں نے متعلقہ حکا م کو دیے ۔
***** ***** *****
آخر میں اہم خبروں کی سر خیاں ایک مرتبہ پھر سن لیجیے ...
٭ پارلیمانی انتخابات کے چوتھے مرحلہ کے لیے سبھی سیاسی جماعتوں کے قائدین کے جنگی پیمانے پر تشہیری دورے ‘ بی جے پی قائد اور وزیر اعظم نریندر مودی کا آج عثمان آباد اور لاتور دورہ
٭ چوتھے مرحلہ کے انتخابات کی صورتحال صاف ‘ جالنہ انتخابی حلقے میں 27؍ بیڑ میں 41؍ اور اورنگ آباد میں 37؍ امید وار انتخابی میدان میں
٭ قومی جانچ امتحان NET کا 16؍ جون کے بجائے 18؍ کو انعقاد
اور
٭ بڑھتے درجہ حرارت کے پیش نظر محکمہ صحت کا شہر یان کو احتیاط برتنے کا مشورہ
علاقائی خبریں ختم ہوئیں
آپ یہ خبر نامہ ہمارے یو ٹیوب چینل AIR چھتر پتی سنبھا جی نگر پر دوبارہ کسی بھی وقت سن سکتے ہیں۔
٭٭٭
Text - आकाशवाणी छत्रपती संभाजीनगर, दिनांक:30.04.2024 रोजीचे सकाळी: 07.10 वाजेचे मराठी बातमीपत्र
Regional Marathi Text Bulletin, Chhatrapati Sambhajinagar
Date: 30 April 2024
Time: 7.10 AM to 7.20 AM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक: ३० एप्रिल २०२४ सकाळी ७.१० मि.
****
ठळक बातम्या
· लोकसभा निवडणुकीच्या चौथ्या टप्प्यात राजकीय नेत्यांचे झंझावाती प्रचार दौरे;भाजप नेते पंतप्रधान नरेंद्र मोदी यांच्या आज उस्मानाबाद आणि लातूर इथं सभा
· चौथ्या टप्प्यातल्या निवडणुकीचं चित्र स्पष्ट-जालन्यात २७, बीड ४१ तर औरंगाबाद लोकसभा मतदार संघात ३७ उमेदवार निवडणुकीच्या रिंगणात
· राष्ट्रीय पात्रता चाचणी-नेट परीक्षा येत्या १६ जूनऐवजी १८ जूनला होणार
आणि
· वाढत्या तापमानाच्या पार्श्वभूमीवर आरोग्य विभागाकडून नागरिकांना खबरदारीचं आवाहन
सविस्तर बातम्या
लोकसभा निवडणुकीच्या चौथ्या टप्प्याचा प्रचार शिगेला पोहचला आहे. सर्वच पक्षांचे महत्त्वाचे नेते आपापल्या उमेदवारांसाठी झंझावाती प्रचार दौरे करत आहेत. सातारा इथले महायुतीचे उमेदवार उदयनराजे भोसले यांच्या प्रचारासाठी भाजपचे ज्येष्ठ नेते पंतप्रधान नरेंद्र मोदी यांनी काल कराड इथं प्रचारसभा घेतली. यावेळी त्यांनी छत्रपती शिवाजी महाराजांचं स्मरण करत, कलम ३७०, आरोग्य सुविधा, महिला सक्षमीकरण, आदी मुद्यांवर भाष्य केलं.
विरोधकांकडून आपल्या तसंच आपल्या सहकाऱ्यांच्या बनावट चित्रफिती पसरवल्या जात असल्याचा आरोप करत, नागरिकांनी त्यापासून सावध राहावं, तसंच अशा प्रकारांवर निवडणूक आयोगानं कठोर कारवाई करावी, असं आवाहन मोदी यांनी केलं.
सोलापूरचे महायुतीचे उमेदवार राम सातपुते तसंच पुण्यातले महायुतीचे उमेदवार मुरलीधर मोहोळ यांच्या प्रचारासाठी मोदी यांनी काल सोलापुरात आणि त्यानंतर सायंकाळी पुण्यात सभा घेतली. समृद्धी महामार्ग, वंदे भारत तसंच सेमी हाय स्पीड रेल्वे, मेट्रो रेल्वे आणि अत्याधुनिक तंत्रज्ञानानं सुसज्ज विमानतळं हे आधुनिक भारताचे पुरावे असल्याचं मोदी यांनी नमूद केलं.
संविधान आणि आरक्षण काढून घेण्याचा अपप्रचार जरी विरोधकांकडून चालू असला तरी त्यास धक्का लागू देणार नसल्याचा पुनरुच्चार त्यांनी केला.
दरम्यान, माळशिरस, उस्मानाबाद आणि लातूर इथं मोदी यांच्या आज प्रचारसभा होणार आहेत.
लातूर इथं सारोळा रस्त्यावर ४० एकर मैदानावर ही सभा होणार असून, उन्हापासून बचावासाठी अडीच लाख चौरस फूट मंडपाची उभारणी करण्यात आली आहे. धाराशिव इथं तेरणा अभियांत्रिकी महाविद्यालयालगत असलेल्या २५ एकर क्षेत्रावर मोदींची सभा होणार आहे.
****
देशाचं सरकार हुकूमशाहीच्या दिशेनं चाललं असल्याची टीका, राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी केली आहे. ते काल बारामती लोकसभा मतदार संघात सासवड इथं, महाविकास आघाडीच्या मेळाव्यात बोलत होते.महाविकास आघाडीचीही आज संध्याकाळी पुण्यात जाहीर सभा होणार आहे.
दरम्यान, येत्या तीन तारखेला पुण्यात काँग्रेस नेते राहुल गांधी यांची सभा होणार असल्याचं, काँग्रेस प्रदेशाध्यक्ष नाना पटोले यांनी सांगितलं. ते काल पुण्यात पत्रकार परिषदेत बोलत होते. काँग्रेस नेत्या प्रियंका गांधी या देखील पुण्यात रोड शो घेणार असल्याची माहिती त्यांनी दिली.
****
शिवसेना उद्धव बाळसाहेब ठाकरे पक्षाचे प्रमुख उद्धव ठाकरे यांनी काल सोलापूर इथं महाविकास आघाडीच्या उमेदवार प्रणिती शिंदे यांच्या प्रचारासाठी सभा घेतली. गेल्या अनेक वर्षांपासून मराठा आणि धनगर समाजाची आरक्षणाची मागणी आहे, या पार्श्वभूमीवर आरक्षणाची मर्यादा ५० टक्क्यांवर करण्याचा निर्णय संसदेत मंजूर करून का घेतला नाही, असा सवाल उद्धव ठाकरे यांनी केला.
****
जालना लोकसभा मतदारसंघाचे महायुतीचे उमेदवार रावसाहेब दानवे यांनी काल सोयगाव तालुक्यातल्या जरांडी इथं सभा घेऊन मतदारांशी संवाद साधला. तर औरंगाबाद लोकसभा मतदारसंघाचे महायुतीचे उमेदवार संदीपान भुमरे यांनी देवगाव रंगारी इथं प्रचारसभा घेतली.
****
लोकसभा निवडणुकीच्या पाचव्या टप्प्यात अनेक उमेदवारांनी काल नामनिर्देशनपत्रं दाखल केली. या टप्प्यात राज्यातल्या धुळे, दिंडोरी, नाशिक, पालघर, भिवंडी, कल्याण, ठाणे आणि मुंबईतल्या सहा मतदारसंघांचा समावेश असून, तीन मे पर्यंत उमेदवारी अर्ज भरता येणार आहेत.
महाविकास आघाडीचे दक्षिण मुंबई लोकसभा मतदारसंघाचे उमेदवार विद्यमान खासदार अरविंद सावंत, दक्षिण - मध्य मुंबई लोकसभा मतदारसंघाचे उमेदवार अनिल देसाई तसंच ठाणे लोकसभा मतदारसंघाचे महाविकास आघाडीचे उमेदवार राजन विचारे यांनी काल अर्ज दाखल केला. दक्षिण मध्य मुंबईचे महायुतीचे उमेदवार राहुल शेवाळे यांनीही काल उमेदवारी अर्ज भरला.
धुळे लोकसभा मतदार संघाचे भारतीय जनता पक्षाचे उमेदवार डॉ. सुभाष भामरे तसंच अपक्ष उमेदवार लहानू महादू साबळे यांनीही काल नामनिर्देशन पत्र दाखल केलं.
****
नाशिक आणि दिंडोरी लोकसभा मतदार संघातून महाविकास आघाडीचे अनुक्रमे राजाभाऊ वाजे तसंच भास्कर भगरे यांनी अर्ज दाखल केले. नाशिक इथून गेल्या शुक्रवारी अपक्ष म्हणून उमेदवारी दाखल करणारे शांतिगिरी महाराज यांनी काल शिवसेना उमेदवार नावाने उमेदवारी अर्ज दाखल केला. त्यांना पक्षाचे अधिकृत उमेदवार असल्याचा ए बी फॉर्म जोडण्यासाठी तीन मे पर्यंतची मुदत जिल्हा निवडणूक अधिकाऱ्यांनी दिली आहे.
****
लोकसभा निवडणुकीच्या चौथ्या टप्प्यात अर्ज मागे घेण्याची मुदत काल संपली. या टप्प्यात राज्यातल्या ११ मतदार संघांमध्ये ३६९ उमेदवारांचे अर्ज पात्र ठरले होते. त्यापैकी ७१ उमेदवारांनी काल माघार घेतली, त्यामुळे आता या टप्प्यात २९८ उमेदवार निवडणूक रिंगणात आहेत. मुख्य निवडणूक अधिकारी कार्यालयाकडून ही माहिती देण्यात आली.
मराठवाड्यात जालना, बीड आणि औरंगाबाद लोकसभा मतदार संघात या टप्प्यात मतदान होणार आहे. जालना लोकसभा मतदार संघातून नऊ उमेदवारांनी, बीड लोकसभा मतदार संघातून १४ उमेदवारांनी तर औरंगाबाद लोकसभा मतदार संघातून सात उमेदवारांनी अर्ज मागे घेतले. आता जालना मतदार संघातून २७, बीड लोकसभा मतदार संघातून ४१, तर औरंगाबाद लोकसभा मतदार संघातून ३७ उमेदवार निवडणुकीच्या रिंगणात आहेत.
राज्यातल्या इतर मतदार संघापैकी नंदुरबार मतदार संघात ११, जळगाव १४, रावेर २४, मावळ ३३, पुणे ३५, शिरुर ३२, अहमदनगर २५, तर शिर्डी मतदार संघात २० उमेदवार निवडणूक रिंगणात आहेत. या सर्व उमेदवारांना चिन्हांचं वाटपही काल करण्यात आलं.
****
मध्यप्रदेशात इंदूर इथले काँग्रेसचे लोकसभेचे उमेदवार अक्षय कांती बम यांनी धक्कातंत्राचा अवलंब करत, आपला उमेदवारी अर्ज काल मागे घेतला. त्यानंतर बम यांनी भारतीय जनता पक्षात प्रवेश केला.
१३ मे रोजी होणाऱ्या मतदानासाठी इंदूर मधून १४ उमेदवार निवडणूक रिंगणात आहेत, मात्र विरोधी पक्षांच्या इंडिया आघाडीतल्या काँग्रेस शिवाय इतर पक्षांनी इथून उमेदवार दिलेला नव्हता.
****
लोकसभा निवडणुकीचा आढावा घेणारा ‘लोकनिर्णय महाराष्ट्राचा’ हा कार्यक्रम, आकाशवाणीनं सुरू केला आहे. कार्यक्रमाच्या आजच्या भागात आपण जालना लोकसभा मतदार संघाचा आढावा घेणार आहोत. संध्याकाळी सव्वा सात वाजता आकाशवाणीच्या मुंबई केंद्रावरून हा कार्यक्रम प्रसारित होईल.
****
विद्यापीठ अनुदान आयोगानं राष्ट्रीय पात्रता चाचणी अर्थात नेट परीक्षा दोन दिवस पुढे ढकलली आहे. आता ही परीक्षा पूर्वनियोजित १६ जूनऐवजी १८ जूनला होणार आहे. दरम्यान, राज्यात दहावी बारावी परीक्षेचा निकाल मे अखेर लागण्याची शक्यता आहे. राज्य शिक्षण मंडळाकडून काल ही माहिती देण्यात आली.
****
राज्यात काल सर्वाधिक ४४ अंश सेल्सिअस तापमान मालेगाव इथं नोंदवलं गेलं. मराठवाड्यात नांदेड इथं ४२ पूर्णांक आठ, बीड ४२, छत्रपती संभाजीनगर ४१ पूर्णांक चार, तर परभणी इथं ४० पूर्णांक आठ अंश सेल्सिअस तापमानाची नोंद झाली. नांदेड इथं काल या हंगामातली उच्चांकी तापमानाची नोंद झाली.
वाढत्या तापमानाच्या पार्श्वभूमीवर नागरिकांनी प्रतिबंधात्मक उपायांचा अवलंब करावा, असं आवाहन, नांदेडच्या जिल्हा आरोग्य अधिकाऱ्यांनी केलं आहे. पुढच्या पाच दिवसामध्ये मराठवाड्यात तापमान वाढ कायम राहण्याचे संकेत आहेत. नागरिकांनी वाढत्या तापमानात कष्टाची कामं टाळावीत, पांढऱ्या रंगांचे सैल कपडे वापरावेत, पाणी तसंच सरबतांचं सेवन करावं, उन्हात बाहेर जाताना गॉगल्स, डोक्यावर टोपी, फेटा, उपरणे, यांचा वापर करावा, असं आवाहन करण्यात आलं आहे.
****
लोकसभा सार्वत्रिक निवडणुकीत मतदानाचा टक्का वाढवण्यासाठी लातूर इथं जिल्हा निवडणूक अधिकारी कार्यालयामार्फत विविध उपक्रम राबवले जात आहेत. या उपक्रमाअंतर्गत काल लातूर शहरात पार पडलेल्या हाके आणि पांढरे परिवाराच्या लग्न सोहळ्यात नवदाम्पत्यासह हजारो वऱ्हाडी मंडळींनी येत्या ७ मे रोजी मतदान करण्याची शपथ घेतली.
****
जालना लोकसभा मतदार संघात निवडणूक यंत्रणा सज्ज असून, मतदान यंत्र, मतदान पथके आदी बाबींची पूर्वतयारी करण्यात आली आहे. जिल्हाधिकारी तथा निवडणूक निर्णय अधिकारी डॉ. श्रीकृष्ण पांचाळ यांनी काल पत्रकार परिषदेत ही माहिती दिली. मतदान प्रक्रिया पारदर्शक आणि निर्भय वातावरणात होण्यासाठी भरारी पथके, स्थिर निगराणी पथके स्थापन केली आहेत. तसंच मतदानाची टक्केवारी वाढविण्यासाठी 'स्वीप' उपक्रमांतर्गत विविध कार्यक्रम घेत असल्याचं, पांचाळ यांनी सांगितलं.
****
छत्रपती संभाजीनगर जिल्ह्यात १५ मे पर्यंत मनाई आदेश लागू करण्यात आले आहेत. या अन्वये सार्वजनिक ठिकाणी शस्त्र बाळगणं, दाहक स्फोटक पदार्थ बाळगणं, पाच किंवा अधिक व्यक्तिंना सार्वजनिक ठिकाणी एकत्र जमणं, तसंच निदर्शनं करण्यास मनाई करण्यात आली आहे. यासंदर्भात पूर्वपरवानगी देण्याचे अधिकार पोलीस अधीक्षकांनी प्राधिकृत केलेल्या पोलीस अधिकाऱ्यांना राहतील, असंही प्रशासनाकडून सांगण्यात आलं आहे.
****
ज्येष्ठ समाजशास्त्रज्ञ डॉ. दा. धों. काचोळे लिखित, ‘मराठा समाज शास्त्रीय वास्तव’, या पुस्तकाचं काल प्रसिद्ध विचारवंत डॉ.ऋषिकेश कांबळे यांच्या हस्ते प्रकाशन झालं. छत्रपती संभाजीनगर इथल्या एमजीएम विद्यापीठात झालेल्या या कार्यक्रम पार पडलं.
****
