AIR News Bulletin Aurangabad 31.03.2019......20.00

Tex - AIR News Bulletin Aurangabad 31.03.2019.....20.00

Regional Marathi Text Bulletin, Aurangabad

Date – 31 March 2019

Time 20.00 to 20.05

Language Marathi

आकाशवाणी औरंगाबाद

प्रादेशिक बातम्या

दिनांक ३१ मार्च २०१९ - २०.००

****

चौकीदारच्या रूपात आपण आपल्या कर्तव्याचं पालन करत असून सार्वजनिक धनाचा दुरूपयोग होऊ देत नसल्याचं भारतीय जनता पार्टीचे वरिष्ठ नेते पंतप्रधान नरेंद्र मोदी यांनी म्हटलं आहे. मै भी चौकीदार कार्यक्रमांतर्गत दूरदृश्य संवाद प्रणाली- व्हिडीओ कॉन्फरसिंग प्रणालीच्या माध्यमातून देशभरातल्या जनतेशी संवाद साधतांना ते आज बोलत होते. २०१४ मध्ये जनतेनं आपल्यावर विश्वास ठेऊन राष्ट्रीय लोकशाही आघाडीला बहुमत दिलं, आणि देशाची सेवा करण्याची संधी उपलब्ध करून दिली. या काळात आपण भ्रष्टाचारापासून देशाचं रक्षण करण्याचे अथक प्रयत्न केले असल्याचं ते म्हणाले. गेल्या पाच वर्षात आपल्याला जे यश मिळालं त्याचं श्रेय लोकांच्या सहभागाला असल्याचं ते म्हणाले. स्वच्छता अभियानाला लोकांच्या सहभागामुळे जनआंदोलनाचं स्वरूप प्राप्त झाल्याचं ते म्हणाले.

काँग्रेस पक्षाचं सरकार केंद्रात सत्तेत आल्यास आंध्र प्रदेशला विशेष राज्याचा दर्जा बहाल करेल असं पक्षाध्यक्ष राहुल गांधी यांनी म्हटलं आहे. ते आज विजयवाडा इथं जाहीर सभेत बोलत होते. या संदर्भात पंतप्रधान नरेंद्र मोदी यांनी आंध्र प्रदेशच्या जनतेला दिलेलं आश्वासन पाळलं नसल्याची टीका गांधी यांनी केली. अत्याधिक गरीब परिवारांना काँग्रेसचं सरकार प्रतिवर्षी बहात्तर हजार रुपयांची रक्कम किमान उत्पन्न योजनेच्या माध्यमातून देणार असल्याचं आश्वासन त्यांनी यावेळी दिलं.

****

काँग्रेस अध्यक्ष राहुल गांधी उत्तरप्रदेशमधल्या अमेठी मतदारसंघाबरोबरच केरळच्या वायनाड लोकसभा मतदार संघातूनही निवडणुक लढवणार असल्याची माहिती काँग्रेसचे वरिष्ठ नेते ए. के. अँटोनी यांनी आज नवी दिल्लीत वार्ताहरांशी बोलतांना दिली. दक्षिण भारतातले कार्यकर्ते आणि नेत्यांच्या आग्रहामुळे गांधी या मतदारसंघातून निवडणूक लढवणार असल्याचं त्यांनी सांगितलं. या मतदारसंघातून डाव्या लोकशाही आघाडीनं भारतीय कम्युनिस्ट पक्षाचे पी पी सुनीर यांना उमेदवारी दिली आहे. गांधी यांच्या केरळमूधन निवडणूक लढवण्याच्या, निर्णयामागे, केरळमध्ये काँग्रेसची सत्ता बळकट करणं हे प्रमुख उद्दीष्ट असल्याची प्रतिक्रिया भारतीय कम्युनिस्ट पक्षाचे महासचिव प्रकाश करात यांनी व्यक्त केली आहे.

बड्या उद्योजक घराण्यांच्या दबावामुळेच काँग्रेसनं भारतीय कम्युनिस्ट पक्ष- भा.क.प.ला ‘महाआघाडी’चा घटक बनू दिलं नाही अशी  टीका भाकपचे राष्ट्रीय सचिव के. नारायण यांनी केली आहे. ते आज बिहारच्या पाटणा इथं बोलत होते. यामुळेच कन्हैया कुमार यांनाही महाआघाडीमध्ये सहभागी करून घेतलं गेलं नाही असंही ते म्हणाले.

****

लोकसभा निवडणुका लढविणाऱ्या राष्ट्रीय आणि राज्यस्तरीय पक्षातले उमेदवार वगळता, अमान्यताप्राप्त नोंदणीकृत पक्ष आणि अपक्ष उमेदवारांसाठी वाटप करण्यात येणाऱ्या चिन्हांमध्ये यंदा दुपटीहून अधिक वाढ करण्यात आली आहे. यामध्ये १९८ निवडणूक चिन्हं ही मुक्त चिन्हं म्हणून घोषित करण्यात आली असून, त्यावर डिजिटल साधनांचा प्रभाव दिसून येत आहे. दैनंदिन वापरातल्या वस्तू, व्यक्तिगत साधनं, दळणवळणाची साधनं, फळं, भाज्या, स्वयंपाक घरातल्या वस्तू, खेळ, कृषी क्षेत्र, बांधकाम क्षेत्र, अत्याधुनिक संगणक युगातील साधनं अशी विविध क्षेत्रातील चिन्हांचा समावेश करुन निवडणूक आयोगानं सर्वसमावेशकता जपल्याचं दिसून येत आहे.

****

लोकसभा निवडणुकीच्या पहिल्या टप्प्यात होणाऱ्या ९१ मतदार संघांमध्ये प्रचारानं जोर धरला आहे. यवतमाळ -वाशिम मतदार संघात प्रमुख उमेदवारांनी घरोघरी भेटी देणं, सोशल मिडिया, वर्तमानपत्रातल्या जाहिराती आणि फलकं लावत प्रचार करत आहेत. काँग्रेसचे उमेदवार माणिकराव ठाकरे यांनी वाशिम जिल्ह्यातून तर शिवसेनेच्या उमेदवार भावना गवळी यांनी यवतमाळ जिल्ह्यातून प्रचाराला सुरुवात केली आहे.

दरम्यान, वाशिम शहरात आज दोन गटांत हाणामारी झाली. याप्रकरणी अपक्ष आमदार नूर अली शाह यांच्याविरूद्ध गुन्हा दाखल झाला आहे.

****

पंतप्रधान नरेंद्र मोदी यांनी गेल्या पाच वर्षात केलेली विकास कामं पाहता देशाला शिखरावर नेण्यासाठी त्यांना पुन्हा संधी देणं गरजेचं असल्याचं मत, परभणीचे शिवसेना-भारतीय जनता पक्ष युतीचे उमेवार संजय जाधव यांनी व्यक्त केलं आहे. ते आज परभणीत वार्ताहरांशी बोलत होते.

****

आकाशवाणी औरंगाबादः दि. 31.03.2019 रात्री 08.00 वाजेचे मराठी बातमीपत्र

AIR News Bulletin Aurangabad 31.03.2019.....18.00

Tex - AIR News Bulletin Aurangabad 31.03.2019......18.00

Regional Marathi Text Bulletin, Aurangabad

Date – 31 March 2019

Time 18.00 to 18.05

Language Marathi

आकाशवाणी औरंगाबाद

प्रादेशिक बातम्या

दिनांक ३१ मार्च २०१९ सायंकाळी ६.००

****

भारतीय जनता पक्षाच्या प्रचार मोहिमेचा एक भाग म्हणून पंतप्रधान नरेंद्र मोदी यांनी आज नवी दिल्लीतून दूर दृश्य संवाद प्रणाली - व्हिडिओ कॉन्फरन्सिंगच्या माध्यमातून देशातल्या पाचशे ठिकाणांवर संपर्क साधत आहेत. मैं भी चौकीदार या अभियानाच्या समर्थनाचा संकल्प केलेल्या नागरिकांशी संवाद साधताना, ते अनेकांच्या प्रश्नांना उत्तरे देत आहेत. मै भी चौकीदार ही संकल्पना महात्मा गांधी यांच्या विश्वस्त संकल्पनेशी संबंधित असल्याचं त्यांनी यावेळी सांगितलं. भ्रष्टाचाराच्या निर्मूलनासाठी कायदेशीरपणे लढत असताना अनेक भ्रष्ट लोकांना आतापर्यंत तुरुंगाच्या दारात आणून ठेवल्याचं ते म्हणाले. यापुढेही अनेकांना तुरुंगाची हवा खावी लागेल आणि देशातील व्यवस्था पारदर्शक होईल, असा विश्वास त्यांनी व्यक्त केला.

****

विजया बँक आणि देना बँकेचं उद्या बँक ऑफ बडोदात विलीनीकरण होणार आहे. त्यामुळे बडोदा बँक ही देशातील तिसऱ्या क्रमांकाची मोठी बँक बनेल. विजया बँक आणि देना बँकेच्या ठेवीदारांसह, ग्राहकांना यावर्षी एक एप्रिलपासून बँक ऑफ बडोदाचे ग्राहक मानलं जाईल, असं भारतीय रिजर्व बँकेनं काल दिलेल्या निवेदनात म्हटलं आहे.

****

भारतीय हवाई दलाचं एक मिग-२७ जातीचं विमान आज दुपारी राजस्थानच्या सिरोही जिल्ह्यातल्या गोदना भागात कोसळलं. या विमानातून पायलट सुरक्षित बाहेर पडल्याचं सिरोहीच्या पोलीस अधिक्षक के. एल. मीणा यांनी आकाशवाणीशी बोलतांना सांगितलं. हवाई दलाच्या उतेरलाई विमानतळावरुन उड्डाण केल्यानंतर इंजिनात बिघाड झाल्यामुळे हा अपघात घडला.

****

भारतीय अंतराळ संशोधन संस्था-इस्रो उद्या देशातला एक नवीन उपग्रह- एमीसॅटचं प्रक्षेपण करणार आहे. श्रीहरिकोटा इथल्या सतीश धवन अंतराळ केंद्रावरून सकाळी ९ वाजून २७ मिनिटांनी पीएचएलव्ही-सी ४५ प्रक्षेपण वाहन, एमीसैट आणि २८ अन्य खासगी उपग्रहांसह अवकाशात उड्डाण करणार आहे.

****

लोकसभा निवडणुका लढविणाऱ्या राष्ट्रीय आणि राज्यस्तरीय पक्षातले उमेदवार वगळता, अमान्यताप्राप्त नोंदणीकृत पक्ष आणि अपक्ष उमेदवारांसाठी वाटप करण्यात येणाऱ्या चिन्हांमध्ये यंदा दुपटीहून अधिक वाढ करण्यात आली आहे. यामध्ये १९८ निवडणूक चिन्हे ही मुक्त चिन्हे म्हणून घोषित करण्यात आली असून, त्यावर डिजिटल साधनांचा प्रभाव दिसून येत आहे. दैनंदिन वापरातल्या वस्तू, व्यक्तिगत साधनं, दळणवळणाची साधनं, फळं, भाज्या, स्वयंपाक घरातल्या वस्तू, खेळ, कृषी क्षेत्र, बांधकाम क्षेत्र, अत्याधुनिक संगणक युगातील साधनं अशी विविध क्षेत्रातील चिन्हांचा समावेश करुन निवडणूक आयोगानं सर्वसमावेशकता जपल्याचं दिसून येत आहे.

****

निवडणूक प्रचारासाठी प्रसार माध्‍यमांचा गैरवापर केला जाऊन, आदर्श आचार संहितेचा भंग होऊ नये, यासाठी जिल्‍हा माध्‍यम प्रमाणीकरण आणि संनियंत्रण समितीमार्फत करडी नजर ठेवण्‍यात येत आहे. या माध्‍यमांचा गैरवापर करणाऱ्यावर, तसेच विनापरवानगी प्रचार करणाऱ्यावर कार्यवाही करण्‍याचे निर्देश नांदेडचे जिल्‍हाधिकारी तथा जिल्‍हा निवडणूक निर्णय अधिकारी अरुण डोंगरे दिले आहेत.

****

लोकसभा सार्वत्रिक निवडणुकीच्या मतदानाच्या दिवशी जिल्ह्यात भरणारे सर्व आठवडी बाजार बंद ठेवण्याचे आदेशही नांदेडचे जिल्हाधिकारी अरुण डोंगरे यांनी दिले आहेत. नांदेड, हिंगोली आणि लातूर या लोकसभा मतदारसंघांत १८ एप्रिलला मतदान होणार आहे. त्या अनुषंगाने राज्य पणन संचालकांनीही मतदान दिनांकास त्या त्या जिल्ह्यात भरणारे सर्व आठवडी बाजार बंद ठेवण्यास परवानगी दिली आहे. 

****

नांदेड शहरात दुचाकीस्वार तिघांनी चाकूचा धाक दाखवून व्यापाऱ्यास लुटल्याची घटना कौठा भागातील अहिल्याबाई होळकर चौकात काल रात्री घडली. चोरट्यांनी वजिराबाद भागात राहणारे व्यापारी जगजीतसिंग भाटीया यांच्याजवळील सुमारे दीड लाख रुपये किमतीचा ऐवज लंपास केला. याप्रकरणी नांदेड ग्रामिण पोलिस ठाण्यात गुन्हा दाखल करण्यात आला आहे.

****

आकाशवाणी औरंगाबादः 31.03.2019 सायंकालीन 06.00 वाजेचे मराठी बातमी पत्र

AIR NEWS BULLETIN, AURANGABAD 31 03 2019 13 00

AIR NEWS BULLETIN, AURANGABAD 31 03 2019 13 00

AIR NEWS BULLETIN, AURANGABAD 31.03.2019 13.00

Regional Marathi Text Bulletin, Aurangabad

Date – 31 March 2019

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक ३१ मार्च २०१९ दुपारी १.०० वा.

****

 बिहारमध्ये, छपरा-सूरत ताप्ती गंगा एक्स्प्रेसचे १३ डब्बे रुळावरुन घसरले. सारन जिल्ह्यातल्या गौतमेश रेल्वे स्थानकाजवळ आज सकाळी ही घटना घडली. या अपघातात ११ प्रवासी जखमी झाले. छपरा-गोरखपूर मार्गावरील रेल्वे वाहतूक तूर्तास थांबविण्यात आली असून, गाड्यांना पर्यायी मार्गांवर वळवण्यात आल्याचं याबाबतच्या वृत्तात म्हटलं आहे.

****

 काँग्रेसचे अध्यक्ष राहुल गांधी, उत्तर प्रदेशातल्या अमेठीसह केरळमधल्या वायनाड लोकसभा मतदारसंघातूनही निवडणूक लढवणार आहेत. कॉंग्रेसचे ज्येष्ठ नेते ए. के. अँटोनी यांनी आज नवी दिल्लीत पत्रकार परिषदेत ही घोषणा केली. काँग्रेसचे अनेक कार्यकर्ते आणि दक्षिणेकडील राज्यांतल्या नेत्यांच्या विनंतीवरून हा निर्णय घेण्यात आल्याचं अँटोनी म्हणाले.

****

 जम्मू-काश्मीर मध्ये पाकिस्तानी सैन्यानं शस्त्रसंधीचं उल्लंघन करत, राजौरी जिल्ह्याच्या नियंत्रण रेषेजवळ गोळीबार केला. पाकिस्तानी सैनिकांनी नौशेरा भागात उखळी तोफांचा मारा आणि गोळीबारही केला. भारतीय सैन्यानंही या हल्ल्याला चोख प्रत्युत्तर दिल्याचं संरक्षण मंत्रालयाचे प्रवक्ते लेफ्टनंट कर्नल देवेंद्र आनंद यांनी सांगितलं. कालही पाकीस्तानी सैन्यानं पूंछ जिल्ह्याच्या मानकोटे आणि कृष्णा खोऱ्यात केलेल्या अंदाधुंद गोळीबारात एक नागरिक जखमी झाला होता.

****

 जम्मू -काश्मीरच्या राजौरी जिल्ह्यात एक वाहन खोल दरीत कोसळून झालेल्या अपघातात सहा जण ठार, तर एक जण गंभीर जखमी झाला. पोलिसांनी दिलेल्या माहितीनुसार, एका वळणावर चालकाचं नियंत्रण सुटल्यानं हा अपघात झाला. जखमी व्यक्तीला उपचारासाठी जम्मूला पाठवण्यात आलं आहे.

****

 महाराष्ट्र - कर्नाटक सीमेला जोडणाऱ्या बेळगाव जिल्ह्यातील निपाणी इथल्या कोगनोळी नाक्यावर पोलिसांनी काल रात्री संयुक्त नाकेबंदी केली होती. यात पकडण्यात आलेल्या एका संशयिताकडून पाच लाख रुपये रोख आणि साठ हजार रुपये किमतीची दीड किलो चांदी जप्त करण्यात आल्याचं आमच्या वार्ताहरानं कळवलं आहे.

****

 परभणी इथले शिवसेनेचे नगरसेवक अमरदीप रोडे यांचा दगडानं ठेचून खून खून करण्यात आल्याची घटना आज सकाळी घडली. कामानिमित्त ते जायकवाडी परिसरात आले असता मारेकऱ्यांनी रोडे यांच्यावर कुऱ्हाडीने हल्ला करून, डोक्यात दगडानं वार केले. यात त्यांचा मृत्यू झाल्याचं पोलिसांनी सांगितलं. हल्ल्यानंतर मारेकरी स्वतः नवामोंढा पोलीस ठाण्यात हजर झाले. रोडे यांचा मृतदेह शवविच्छेदनासाठी शासकीय रुग्णालयात आणण्यात आला आहे.

****

 कवी गणेश घुले यांच्या 'सुंदर माझी शाळा' बालकविता संग्रहाला अमरावती इथल्या 'सुदाम सावरकर राज्यस्तरीय उल्लेखनीय साहित्यकृती पुरस्कारा'नं गौरवण्यात आलं आहे. अमरावती इथं झालेल्या कार्यक्रमात आचार्य हरिभाऊ वेरुळकर यांच्या हस्ते हा पुरस्कार प्रदान करण्यात आला.

****

 निवडणूक आचारसंहितेच्या पार्श्वभूमीवर, औरंगाबाद शहर पोलिस दलानं आज सकाळी शहरातल्या संवेदनशील भागातून पथसंचलन केलं. यात सशस्त्र पोलिस जवानांसह दंगाकाबू पथक, शीघ्र कृती दलाचे जवानही सहभागी झाले होते.

****

 डॉक्टर बाबासाहेब आंबेडकर यांच्या जयंतीच्या पार्श्वभूमीवर, औरंगाबादमध्ये नागसेनवनातल्या आजी - माजी विद्यार्थ्यांच्या वतीने आयोजित नागसेन फेस्टिवलचा आज समारोप होत आहे. शुक्रवारपासून सुरू असलेल्या या फेस्टिव्हलचं उद्घाटन पुण्यातल्या यशदाचे संशोधन अधिकारी डॉक्टर बबन जोगदंड यांच्या हस्ते करण्यात आलं होतं. तीन दिवसांच्या या महोत्सवात विविध कार्यक्रम करण्यात आलं.

****

 नवी दिल्ली इथं सुरू असलेल्या भारतीय खुल्या बॅडमिंटन स्पर्धेत पुरूष एकेरीच्या अंतिम फेरीत भारताच्या किदंबी श्रीकांतचा सामना डेन्मार्कच्या व्हिक्टर ॲक्सेंसल सोबत होणार आहे. काल झालेल्या सामन्यात ॲक्सेंसलनं पारुपल्ली कश्यपचा ११-१२, १७-२१ असा पराभव करुन अंतिम सामन्यात प्रवेश केला, तर किदंबी श्रीकांतनं चीनच्या हुआन युझियांगचा १४-२१, २१-१६, २१-१९ असा पराभव करत अंतिम सामन्यात प्रवेश केला.

*****

***

आकाशवाणी औरंगाबाद केंद्र दुपारी एक वाजेचे बातमीपत्र 31.03.2019

AIR NEWS BULLETIN, AURANGABAD 31 03 2019 11 00AM

AIR NEWS BULLETIN, AURANGABAD 31 03 2019 11 00AM

AIR NEWS BULLETIN, AURANGABAD 11.00AM 31.03.2019

आकाशवाणी औरंगाबाद

बातमीपत्र

३१  मार्च २०१९ सकाळी ११.०० वाजता

****

 लोकसभा निवडणुकीत मतदानाचा हक्क बजावता यावा, यासाठी राज्य शासनानं अधिसूचनेद्वारे मतदानाच्या दिवशी सार्वजनिक सुट्टी जाहीर केली आहे. कामासाठी आपल्या लोकसभा मतदार संघाच्या क्षेत्राबाहेर असतील, अशा कर्मचाऱ्यांनाही ही सुटी लागू असेल. राज्य व केंद्र शासनाची कार्यालयं, निमशासकीय कार्यालयं, सार्वजनिक उपक्रम, तसंच कृषी - अकृषी  आणि अन्य विद्यापीठं, अभिमत विद्यापीठं, शिक्षण संस्था या सर्वांना ही अधिसूचना लागू राहील.

 मराठवाड्यात हिंगोली, नांदेड, परभणी, बीड, उस्मानाबाद, लातूर या दुसऱ्या टप्प्यातील मतदारसंघांसाठी १८ एप्रिल या दिवशी, तर तिसऱ्या टप्प्यातील जालना, औरंगाबाद जिल्ह्यांना २३ एप्रिल या मतदानाच्या दिवशी सुट्टी राहील.

 केंद्र शासनाच्या अखत्यारितील स्वायत्त महामंडळं, प्रतिष्ठानं यांनाही या अधिसूचनेनुसार सुट्टी लागू राहील, असं स्पष्ट करण्यात आलं आहे.

****

 आज एकतीस मार्च, २०१८-१९ या आर्थिक वर्षाचा अखेरचा दिवस. भारतीय रिझर्व्ह बँकेनं, आज सर्व बँकांना कामकाज सुरू ठेवण्याच्या सूचना दिल्या आहेत. आज सर्व शासकीय लेखा आणि देयकांचं नियमित काम सुरू ठेवण्याचा सल्ला भारत सरकारनं दिला होता. रिझर्व्ह बँकेनं, एक स्वतंत्र परिपत्रक काढून, ऑनलाईन व्यवहारही आज सुरू राहणार असल्याचं म्हटलं आहे.

****

 रेडिओ हे देशातील सर्व मतदारांपर्यंत पोहचणारं सर्वात चांगलं माध्यम असल्याचं वरिष्ठ निवडणूक आयुक्त उमेश सिन्हा यांनी म्हटलं आहे. केंद्रीय निवडणूक आयोगानं काल नवी दिल्ली इथं मतदार जागरुकता या विषयावर देशभरातल्या कम्युनिटी रेडिओ स्टेशन्सच्या प्रतिनिधींसाठी कार्यशाळेचं आयोजन केलं होतं. यावेळी, मतदारांमध्ये जागरुकता निर्माण करण्यासाठी आपण संपूर्ण सहकार्य करू, असं आश्वासन या सर्व रेडिओ स्टेशन्सच्या प्रतिनिधींनी निवडणूक आयोगाला दिलं.

****

 उस्मानाबाद जिल्ह्यात काल दुपारी ढगांच्या गडगडाटासह वादळी पाऊस झाला. वाशी, तेरखेडा परिसरात गारपीट झाली, तर येरमाळ्यासह लगतच्या काही भागात पावसाच्या जोरदार सरी कोसळल्या. या पावसामुळे आंबा पिकाचं मोठं नुकसान झालं. वाशी तालुक्यात वीज पडून सुनीता शिंदे या शेतकरी महिलेचा मृत्यू झाला.

****

 मुंबई - गोवा महामार्गावर खासगी वातानुकूलित बसला आग लागली. ही दुर्घटना मध्यरात्री एकच्या सुमारास सिंधुदुर्ग जिल्हा मुख्यालयापासून काही अंतरावर घडली. कुडाळ येथून अग्निशमन दलाच्या पथकानं धाव घेत आगीवर नियंत्रण मिळवलं. या बसमध्ये देशी आणि विदेशी असे ४० पर्यटक होते. सुदैवाने कोणालाही दुखापत झाली नाही. मात्र, रस्त्याचं काम सुरू असलेल्या जागेवर बसनं पेट घेतल्यामुळे दोन्ही बाजूनं वाहतूक ठप्प झाली होती, असं याबाबतच्या वृत्तात म्हटलं आहे.

****

 परभणी शहरातल्या उड्डाण पुलाखाली सापळा रचून, पोलिसांनी काल दोन संशयितांचा पाठलाग करून त्यांना ताब्यात घेतलं. एक गावठी पिस्तुल, जिवंत काडतूस आणि धारदार शस्त्रं बाळगणाऱ्या हिंगोली जिल्ह्यातल्या करतारसिंग टाक आणि कुलदिपसिंग टाक या दोघांनाही अटक करण्यात आली असून, त्यांच्याकडून वाहनासह धारदार शस्त्रं, असा ७३ हजार रुपये किमतीचा मुद्देमाल जप्त करण्यात आला आहे.

****

 लोकशाही सुदृढ आणि सक्षम असेल, तर देशाच्या विविधांगी विकासाला चालना मिळणार आहे. यासाठी देशाचा नागरिक म्हणून प्रत्येकानं मतदानाचा हक्क प्राध्यान्याने बजावणं नितांत गरजेचं असल्याचं औरंगाबादचे जिल्हाधिकारी उदय चौधरी यांनी म्हटलं आहे. डॉ. बाबासाहेब आंबेडकर मराठवाडा विद्यापीठ परिसरातल्या आंबेडकर महाविद्यालयापासून आज सकाळी रन फॉर डेमॉक्रसी ही मतदान जागरुकता मॅरेथॉन दौड काढण्यात आली. यावेळी ते बोलत होते. सुरुवातीला मतदानाच्या प्रतिज्ञेचं सामूहिक वाचन करण्यात आलं. त्यानंतर विशेष पोलीस महानिरीक्षक डॉ. रविंद्र सिंघल आणि जिल्हाधिकारी उदय चौधरी यांनी झेंडा दाखवून मॅरेथॉनचं उद्घाटन केलं. जिल्हाधिकारी कार्यालयातर्फे आयोजित मॅरेथॉनमध्ये सुमारे ५०० जणांनी सहभाग नोंदविला.

*****

***

आकाशवाणी औरंगाबादः सकाळी 11.00 वाजेचे मराठी बातमीपत्र 31.03.2019

Regional Urdu Text Bulletin, Aurangabad.
Date: 31 March 2019
Time:  8:40 to 8:45 am
آکاشوانی اَورنگ آباد
علاقائی خبریں
تاریخ: 31  ؍مارچ  ۲۰۱۹ئ؁
وَقت: صبح ۴۰:۸۔ ۴۵:۸
 چنائو مہم میں تیزی آرہی ہے اور سیاسی پارٹیوں کے رہنماملک بھر میں عوامی جلسوں سے خطاب کررہے ہیں اورروڈشوکررہے ہیں۔شمال مشرقی حلقے میں اروناچل پردیش اورآسام سے بی جے پی کی چنائو مہم کاآغازکرتے ہوئے پارٹی کے سینئررہنمااوروزیراعظم نریندرمودی نے کہا کہ یہ خطہ 1970 کی دہائی میں کانگریس سرکارکی پالیسیوں کی وجہ سے دراندازی کاشکارہورہاہے۔انہوں نے کہا کہ کانگریس نے ہمیشہ عوام کودھوکادیاہے۔لیکن چوکیداردراندازی ، دہشت گردی اوربدعنوانی کے خلاف مقابلہ کرے گا۔
 بی جے پی کے صدرامت شاہ نے کل گجرات میںگاندھی نگر لوک سبھا سیٹ سے اپنے کاغذات نامزدگی داخل کئے۔ انہوں نے کاغذات نامزدگی داخل کرنے سے پہلے ایک روڈشوکیا۔
***** ***** *****
 عام انتخابات کے لئے پرچہ نامزدگیاں داخل کرتے وقت اُمیدواروں کواُصول وضوابط کی پابندی کرناضروری ہے۔ یہ بات پولس انتظامیہ نے کہی ہے۔الیکشن آفیسر دفتر کے احاطے میںکاغذات نامزدگی داخل کرنے والے اُمیدوارکوتین سے زیادہ گاڑیوں کی اجازت نہیں ہے۔ اس طرح پرچہ نامزدگی داخل کرتے وقت الیکسن آفیسر کے کیبن میں پانچ سے زیادہ افرادنہیں رہ سکتے۔اس کے علاوہ دیگراُصول وضوابط پرسختی سے عمل پیراہونے کی ہدایت پولس انتظامیہ نے دی ہے۔
***** ***** *****
 جالنہ لوک سبھا حلقہ انتخاب سے کل کانگریس ۔راشٹروادی کانگریس اتحادکے اُمیدوارویلاس اوتاڑے اوررام بھائواونگے بطورآزادامیدواراپنے پرچہ نامزدگیاں داخل کیں۔
 اسی بیچ ویلاس اوتاڑے جس وقت پرچہ نامزدگی داخل کرنے جارہے تھے۔ اُن کے حامیوں کوانتظامیہ پولس نے روکنے کی وجہہ سے پولس اورورکرس کے مابین تنازعہ ہونے کی خبرہمارے نمائندے نے دی۔
***** ***** *****
 اورنگ آبادلوک سبھا حلقہ انتخاب سے شیوسینا ۔بھارتیہ جنتاپارٹی اتحاد کے اُمیدوار چندرکانت کھیرے نے اتحاد کے رہنمائوں کے ساتھ کل اپناپرچہ نامزدگی داخل کیا۔ اس کے بعداُنہوں نے جلوس نکال کرزوردارشکتی پردرشن کیا۔ اورنگ آبادشہر میں کنڑ کے رکن اسمبلی ہرش وردھن جادھو اورسریش پھلارے نے بطور آزادامیدواراپنی درخواستیں داخل کی ہیں۔اس حلقہ انتخاب میں اب تک 71 افرادنے 141درخواستیں حاصل کیں ہیں۔
***** ***** *****
 شیتکری کامگارپارٹی کے رہنماپروین گائیکواڑ نے کل ممبئی میں کانگریس میںشمولیت اختیارکی۔کانگریس کے مہاراشٹر کے پارٹی امورکے انچارج ملک ارجن کھرگے،ریاستی صدراشوک چوہان، قانون سازاسمبلی میں حزب مخالف پارٹی رہنما رادھاکرشن ویکھے پاٹل اس موقع پرموجودتھے۔گائیکواڑکوکانگریس کی جانب سے پونا کی اُمیدواری دینے کاقیاس ظاہرکیاجارہاہے۔
 اس موقع پرکانگریس نے مہاراشٹر میں جلگائوں ضلع کے راویرحلقے میں اُلہاس پاٹل کی امیدواری کااعلان کیاہے۔ وہ بی جے پی کی امیدواررکشہ کھڑسے کے خلاف لڑیں گے ۔
***** ***** *****
 ریاستی حکومت نے لوک سبھا انتخابات میں رائے دہی کے دن عام تعطیل کااعلان کیاہے۔ اس سلسلے میں ایک آرڈیننس جاری کیاگیا۔ کام کاج کے سلسلے میںاپنے لوک سبھا حلقہ انتخاب سے باہررہنے والے ملازمین کے لئے یہ تعطیل عائد رہے گی۔ریاست میں پہلامرحلہ گیارہ اپریل، دوسرامرحلہ 18؍اپریل، تیسرامرحلہ 23؍اپریل اورچوتھامرحلہ 29؍اپریل کوہوگاان مرحلوں میںمتعلقہ حلقہ انتخابات میں تعطیل رہے گی۔
***** ***** *****
 رائے دہی بیداری مہم کے تحت آج صبح ڈاکٹر باباصاحب امبیڈکر مراٹھواڑہ یونیورسٹی کے احاطے میں رن فارڈیموکریسی مقابلے کااہتمام کیاگیاتھا۔انسپکٹر جنرل آف پولس وکرم کمارسنگھل اورضلع کلکٹر اُودئے چودھری نے سبزجھنڈی دیکھاکرمقابلے کاآغازکیا۔
***** ***** *****
 بھارت کے کدامبی سری کانت انڈیا اوپن کے فائنل میں پہنچ گئے ہیں۔ انہوں نے کل مردوں کے سنگلززمرے کے سیمی فائنل میں چین کے Huang Yusixang کوچودہ۔ اکیس، اکیس ۔سولہ اوراکیس۔انیس سے ہرادیا۔ادھرخواتین سنگلزکے سیمی فائنل میں پی وی سندھو،چین کی He Bingjiaoسے 23-21اور21-18 سے ہارگئیں۔
***** ***** *****
 ملیشیاء میںبھارت سلطان اذلان شاہ کپ ہاکی ٹورنامنٹ کے فائنل میں جنوبی کوریا سے ہارگیاہے۔جنوبی کوریا نے پینالٹی شوٹ آئوٹ میںبھارت کودوکے مقابلے چارگول سے ہراکرٹائٹل جیت لیا۔
 مقررہ وقت تک دونوں ٹیمیں ایک ایک گول سے برابری پرتھیں۔کھیل کے وقفے تک بھارت کوایک صفر کی سبقت حاصل تھی۔بھارت کی طرف سے سمرن جیت سنگھ نے گول کیا۔ادھرمیزبان ملیشیاء نے کناڈاکودوکے مقابلے چارگول سے ہراکرتیسرامقام حاصل کیا۔ ایشیائی کھیلوں میں سونے کاتمغہ جیتنے والی ٹیم جاپان پانچویں مقام پررہی۔اس نے پولینڈ کوایک کے مقابلے 6؍گول سے شکست دی۔
***** ***** *****

AIR NEWS BULLETIN, AURANGABAD 31 03 2019 07 10AM

AIR NEWS BULLETIN, AURANGABAD 31 03 2019 07 10AM

AIR NEWS BULLETIN, AURANGABAD 31.03.2019 07.10AM

Regional Marathi Text Bulletin, Aurangabad

Date – 31 March 2019

Time 7.10 AM to 7.20 AM

Language Marathi

आकाशवाणी औरंगाबाद

प्रादेशिक बातम्या

दिनांक ३१  मार्च २०१९  सकाळी ७.१० मि.

****

Ø  प्रचार सभा, मिरवणुका आणि रोड शो द्वारे विविध राजकीय पक्षांचा निवडणूक प्रचाराला वेग

Ø  शेतकरी कामगार पक्षाचे नेते प्रवीण गायकवाड यांचा काँग्रेसमध्ये प्रवेश; रावेरमध्ये उल्हास पाटील यांना काँग्रेसची तर सांगलीतून स्वाभिमानी शेतकरी संघटनेची विशाल पाटील यांना उमेदवारी

Ø  लोकसभा निवडणुकीत मतदानाच्या दिवशी सार्वजनिक सुट्टी जाहीर

आणि

Ø  भारतीय खुल्या बॅडमिंटन स्पर्धेत किदंबी श्रीकांत पुरूष एकेरीच्या अंतिम फेरीत

****

 प्रचार सभा, मिरवणुका आणि रोड शो करत विविध राजकीय पक्षांनी निवडणुकीच्या प्रचाराला वेग दिला आहे. 

 भारतीय जनता पक्षाचे नेते पंतप्रधान नरेंद्र मोदी यांनी काल अरूणाचल प्रदेशमध्ये पश्चिम सिंयांग जिल्ह्यात सभा घेऊन ईशान्य भारतातल्या प्रचाराची सुरूवात केली. त्यानंतर त्यांनी आसाममध्ये गोहपुर इथं सभा घेतली. त्यांनतर भाजप अध्यक्ष अमित शहा यांनी काल रोड शो करत गांधीनगर मतदार संघातून उमेदवारी अर्ज दाखल केला.

 राष्ट्रीय लोकशाही आघाडी सरकारच्या पाच वर्षांच्या काळात अर्थव्यवस्थेचा बोजवारा वाजल्याचा आरोप काँग्रेसचे वरिष्ठ नेते आनंद शर्मा यांनी काल नवी दिल्लीत वार्तांहरांशी बोलतांना केला. या शिवाय निर्यात, गुंतवणूक, निर्मिती आणि उत्पादन क्षेत्र तसंच भांडवल निर्मितीतही घसरण झाल्याचं ते म्हणाले.

****

 सार्वत्रिक निवडणुकांसाठी उमेदवारी अर्ज दाखल करताना उमेदवारांनी नियमांचं पालन करणं आवश्यक असल्याचं पोलीस प्रशासनानं म्हटलं आहे. निवडणूक निर्णय अधिकारी कार्यालय परिसरात, अर्ज दाखल करणाऱ्या उमेदवारांच्या तीन पेक्षा अधिक वाहनांना परवानगी नसेल, तसंच नामनिर्देशनपत्रं दाखल करताना निवडणूक निर्णय अधिकाऱ्यांच्या कक्षात पाचपेक्षा अधिक व्यक्ती उपस्थित राहू शकणार नाहीत. यासह इतर नियम जारी करण्यात आले असून, सर्व नियमांचं काटेकोर पालन आवश्यक असल्याचं, पोलीस प्रशासनानं म्हटलं आहे.

****

जालना लोकसभा मतदार संघातून काल काँग्रेस-राष्ट्रवादी काँग्रेस आघाडीचे उमेदवार विलास औताडे यांनी तर रामभाऊ उनगे यांनी अपक्ष उमेदवार म्हणून अर्ज दाखल केला. याबाबत अधिक माहिती आमच्या वार्ताहराकडून...

काल पर्यंत निवडणूक विभागातून ४६ जणांनी १४१ अर्ज नेले. काँग्रेस, राष्ट्रवादी काँग्रेस महाआघाडीचे उमेदवार विलास औताडे, यांच्यासह अपक्ष रामभाऊ वनगे यांनी काल जिल्हा निवडणूक अधिकारी यांच्याकडे उमेदवारी अर्ज दाखल केला. पदाधिकारी आणि कार्यकर्त्यांच्या बैठकीत औताडे यांनी भाजप सरकारवर टीका केली. भाजपा शिवसेना युतीचे उमेदवार भाजपा प्रदेशाध्यक्ष खासदार रावसाहेब दानवे दोन एप्रिलला उमेदवारी अर्ज दाखल करणार आहेत.

बाबासाहेब म्हस्के जालना.

 दरम्यान, विलास औताडे अर्ज दाखल करण्यासाठी जात असताना, त्यांच्या सोबत असलेल्या समर्थकांना बंदोबस्तावर असलेल्या पोलीस अधिकाऱ्यांनी अडवल्यामुळे, पोलीस आणि काँग्रेस कार्यकर्त्यांमध्ये वाद झाल्याचं आमच्या वार्ताहरानं कळवलं आहे.

****

 औरंगाबाद लोकसभा मतदार संघात शिवसेना भाजप युतीचे उमेदवार चंद्रकांत खैरे यांनी युतीच्या नेत्यांसमवेत काल उमेदवारी अर्ज दाखल केला. त्यानंतर त्यांनी मिरवणूक काढून जोरदार शक्ती प्रदर्शन केले. औरंगाबाद शहरात कन्नडचे आमदार हर्षवर्धन जाधव आणि सुरेश फुलारे यांनी अपक्ष म्हणून अर्ज दाखल केले आहेत. या मतदार संघात आतापर्यंत ७१ जणांनी १४१ अर्ज घेतले आहेत.

****

 लातूर लोकसभा निवडणुकीसाठी प्रचाराला गती येत आहे. याविषयी अधिक माहिती देत आहेत, आमचे वार्ताहर …

काँग्रेस उमेदवार मच्छिंद्र कामत यांनी पक्ष कार्यकर्ते आणि लातूर आणि ग्रामीण मतदार संघात जाऊन गाठीभेटी सुरु केलेल्या आहेत. भाजपचे उमेदवार सुधाकर श्रृंगारे यांनी भेटीगाठीला सुरुवात केली आहे. एकूणच प्रचाराला आता वेग येत आहे. जिल्हाधिकाऱ्यांनी सांगितलं की मतदानाचा टक्का वाढवून लातूर मतदारसंघाला डिस्टींक्शन मध्ये आणण्याचं आमचा प्रयत्न आहे.

अरुण समुद्रं, आकाशवाणी बातम्यांसाठी, लातूर

****

 बीड लोकसभेच्या भाजप - शिवसेना - रिपाइं - रासप महायुतीच्या उमेदवार खा. डॉ. प्रितम मुंडे यांच्या प्रचारार्थ पालकमंत्री  पंकजा मुंडे यांनी काल आष्टी  तसंच पाटोदा तालुक्यात दौरा केला. डोंगरकिन्ही इथं त्यांनी जाहीर सभा घेतली.

****

 परभणी लोकसभा मतदार संघातही प्रचाराला हळुहळू वेग येत आहे. अधिक माहिती आमच्या वार्ताहराकडून……….

राष्ट्रवादी काँग्रेस, काँग्रेस महाआघाडीचे राजेश विटेकर यांनी परभणी तालुक्यातील जांब सर्कल मधील गावांना भेटी देऊन मतदारांशी संवाद साधला.वंचित बहुजन आघाडीचे आलमगिर मोहम्मद खान यांनी काल मानवत शहरासह तालुक्यातील गावांना भेटी देऊन मतदारांशी संपर्क साधला. शिवसेना भाजप युतीचे उमेदवार संजय जाधव यांनी काल पाथरी तालुक्यातील हदगाव, रेना, खळी, वडी, निवळी आदी गावांना भेटी देऊन मतदारांशी संवाद साधला.

आकाशवाणी बातम्यांसाठी परभणीहून विनोद कापसीकर.

  ****

 शेतकरी कामगार पक्षाचे नेते प्रवीण गायकवाड यांनी काल मुंबईत, काँग्रेसमध्ये प्रवेश केला. काँग्रेसचे महाराष्ट्र प्रभारी मल्लिकार्जुन खरगे, प्रदेशाध्यक्ष अशोक चव्हाण, विधानसभेतले विरोधी पक्ष नेते राधाकृष्ण विखे पाटील, यावेळी उपस्थित होते. गायकवाड यांना काँग्रेसतर्फे पुण्यातून उमेदवारी दिली जाण्याची शक्यता व्यक्त केली जात आहे. यावेळी, रावेर लोकसभा मतदारसंघातून काँग्रेसनं उल्हास पाटील यांची उमेदवारी जाहीर केली. त्यांची लढत भाजप सेना युतीच्या उमेदवार, रक्षा खडसे यांच्याशी होणार आहे.

 काँग्रेस महाआघाडीतर्फे सांगली मतदारसंघातून स्वाभिमानी शेतकरी संघटनेनं, विशाल पाटील यांना उमेदवारी घोषित केली आहे. विशाल पाटील हे माजी मुख्यमंत्री वसंतदादा पाटील यांचे नातू आहेत.

****

 रत्नागिरी- सिंधुदुर्ग मतदार संघात काँग्रेसचे नवीनचंद्र बांदिवडेकर आणि शिवसेनेचे विनायक राऊत यांनी काल उमेदवारी अर्ज दाखल केले. तर सातारा लोकसभा मतदार संघात, शिवसेना- भाजप युतीचे नरेंद्र पाटील यांनी उमेदवारी अर्ज दाखल केला.

****

 हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन ए. आय. आर. डॉट कॉम या संकेतस्थळावरही उपलब्ध आहे.

****

 राज्य शासनानं लोकसभा निवडणुकीत मतदानाच्या दिवशी सार्वजनिक सुट्टी जाहीर केली आहे. यासंदर्भात एक अधिसूचना जारी करण्यात आली. कामानिमित्त आपल्या लोकसभा मतदार संघाच्या क्षेत्राबाहेर असलेल्या कर्मचाऱ्यांनाही ही सुट्टी लागू असेल. राज्यात पहिल्या टप्प्यात अकरा एप्रिल, दुसऱ्या टप्प्यात १८, तिसऱ्या टप्प्यात २३, तर चौथ्या टप्प्यात २९ एप्रिलला, संबंधित मतदार संघात सुट्टी राहणार आहे. केंद्र शासनाच्या अखत्यारीतली स्वायत्त महामंडळं आणि प्रतिष्ठानांनाही ही अधिसूचना लागू आहे.

****

 मतदान जागृती कार्यक्रमांतर्गत आज पहाटे डॉ. बाबासाहेब आंबेडकर मराठवाडा विद्यापीठ परीसरात रन फॉर डेमॉक्रसी स्पर्धा घेण्यात आली. पोलिस महानिरीक्षक विक्रमकुमार सिंघल आणि जिल्हाधिकारी उदय चौधरी यांनी हिरवा झेडा दाखवून या स्पर्धेला सुरूवात केली. यावेळी बोलतांना जिल्हाधिकारी चौधरी यांनी, मतदान हे पवित्र कार्य असून देशाची लोकशाही अधिक बळकट करण्यासाठी सर्व मतदारांनी मतदान करण्याचं आवाहन त्यांनी केलं.

****

 बुलडाणा जिल्ह्यात नागरिकांनी आचारसंहितेचा भंग झाल्याच्या १९ तक्रारी दाखल केल्या आहेत. यापैकी ११ व्यक्तींवर चौकशी करुन गुन्हा दाखल करण्यात आला आहे. सी व्हिजील ॲपद्वारे आलेल्या तक्रारींची खात्री केली असता शहरात अनेक ठिकाणी आचारसंहिता भंग झाल्याचं आढळून आलं आहे.

****

 सांगली लोकसभा मतदार संघात पृथ्वीराज सयाजीराव देशमुख यांनी जाहीर सभेत केलेल्या भाषणाच्या अनुषंगानं दाखल तक्रारीची, शहानिशा करून त्यांच्याविरुद्ध गुन्हा दाखल करण्यात आला आहे. निवडणूक अधिकारी कार्यालयाकडून ही माहिती देण्यात आली.

****

 भारतीय खुल्या बॅडमिंटन स्पर्धेत किदंबी श्रीकांतनं पुरूष एकेरीच्या अंतिम फेरीत प्रवेश केला आहे. काल झालेल्या उपांत्य सामन्यात त्यानं, चीनच्या हुआंग युशिआंग याचा पराभव केला. दुसऱ्या उपांत्य सामन्यात भारताच्या परूपल्ली कश्यपचा पराभव करून व्हिक्टर ॲक्सेंसलनं अंतिम फेरीत प्रवेश केला. महिला एकेरीत पी व्ही सिंधुचा चिनच्या बिंग जिआओ या खेळाडूनं पराभव करून अंतिम फेरी गाठली.

****

 अझलन शाह चषक हॉकी स्पर्धेच्या अंतिम सामन्यात काल दक्षिण कोरियानं भारताला चार - दोन अशा फरकानं पराभूत केलं. सामन्याच्या निर्धारित वेळेत दोन्ही संघ एक - एक नं बरोबरीत होते. त्यामुळे पेनॉल्टी शुटआऊट नुसार सामन्याचा निर्णय घेण्यात आला.

****

 आज एकतीस मार्च, २०१८-१९ या आर्थिक वर्षाचा अखेरचा दिवस. भारतीय रिझर्व्ह बँकेनं, आज सर्व बँकांना कामकाज सुरू ठेवण्याच्या सूचना दिल्या आहेत. रिझर्व्ह बँकेनं, एक स्वतंत्र परिपत्रक काढून, ऑनलाईन व्यवहारही आज सुरू राहणार असल्याचं म्हटलं आहे.

*****

***

सकाळी 07.10 वाजेचे मराठी बातमीपत्रः दि. 31.03.2019 आकाशवाणी औरंगाबाद

सकाळी 07.10 वाजेचे मराठी बातमीपत्रः दि. 31.03.2019 आकाशवाणी औरंगाबाद

AIR News Bulletin Aurangabad 30.03.2019......20.00

Tex - AIR News Bulletin Aurangabad 30.03.2019.......20.00

Regional Marathi Text Bulletin, Aurangabad

Date – 30 March 2019

Time 20.00 to 20.05

Language Marathi

आकाशवाणी औरंगाबाद

प्रादेशिक बातम्या

दिनांक ३० मार्च २०१९ - २०.००

****

सार्वत्रिक निवडणुकांसाठी उमेदवारी अर्ज दाखल करताना उमेदवारांनी नियमांचं पालन करणं आवश्यक असल्याचं पोलीस प्रशासनानं म्हटलं आहे. निवडणूक कार्यक्रम घोषित करण्यात आल्यानंतर सर्वत्र आदर्श आचारसंहिता लागू करण्यात आली असून, निवडणूक निर्णय अधिकारी कार्यालय परिसरात, अर्ज दाखल करणाऱ्या उमेदवारांच्या तीन पेक्षा अधिक वाहनांना परवानगी नसेल, तसंच नामनिर्देशनपत्रं दाखल करताना निवडणूक निर्णय अधिकाऱ्यांच्या कक्षात पाच पेक्षा अधिक व्यक्ती उपस्थित राहू शकणार नाहीत. यासह इतर नियमांचं पालन आवश्यक असल्याचं, पोलीस प्रशासनानं म्हटलं आहे.

****

औरंगाबाद लोकसभा मतदार संघात शिवसेना भाजप युतीचे चंद्रकांत खैरे यांनी उमेदवारी अर्ज दाखल केला. कन्नडचे आमदार हर्षवर्धन जाधव आणि सुरेश फुलारे यांनी अपक्ष म्हणून अर्ज दाखल केले आहेत. औरंगाबाद मतदार संघात आतापर्यंत एकूण ७१ जणांनी १४१ अर्ज घेतले.

जालना लोकसभा मतदार संघातून आज काँग्रेस-राष्ट्रवादी काँग्रेस आघाडीचे उमेदवार विलास औताडे यांनी तर रामभाऊ उनगे यांनी अपक्ष उमेदवार म्हणून अर्ज दाखल केला. औताडे आपला अर्ज भरण्यासाठी जात असताना, त्यांच्या सोबत असलेल्या काँग्रेसच्या काही पदाधिकाऱ्यांना बंदोबस्तावर असलेल्या पोलीस अधिकाऱ्यांनी  अडवल्यामुळे, पोलीस आणि काँग्रेस कार्यकर्त्यांमध्ये वाद झाल्याचं आमच्या वार्ताहरानं कळवलं आहे.

रत्नागिरी- सिंधुदुर्ग मतदार संघात काँग्रेसचे नवीनचंद्र बांदिवडेकर आणि शिवसेनेचे विनायक राऊत यांनी उमेदवारी अर्ज दाखल केले. तर सातारा लोकसभा मतदार संघात, शिवसेना- भाजप युतीचे नरेंद्र पाटील यांनी उमेदवारी अर्ज दाखल केला.

****

लातूर लोकसभा निवडणुकीसाठी प्रचाराला गती येत आहे. सर्व उमदेवार मतदारांना भेट देत असून जिल्हा प्रशासनानंही मतदानाची पूर्ण तयारी केली आहे. याविषयी अधिक माहिती आमच्या वार्ताहराकडून…

काँग्रेस उमेदवार मच्छिंद्र कामत यांनी पक्ष कार्यकर्ते आणि लातूर आणि ग्रामीण मतदार संघात जाऊन गाठीभेटी सुरु केलेल्या आहेत. भाजपचे उमेदवार सुधाकर श्रृंगारे यांनी भेटीगाठीला सुरुवात केली आहे. एकूणच प्रचाराला आता वेग येत आहे. जिल्हाधिकाऱ्यांनी सांगितलं की मतदानाचा टक्का वाढवून लातूर मतदारसंघाला डिस्टींक्शन मध्ये आणण्याचं आमचा प्रयत्न आहे. अरुण समुद्रं, आकाशवाणी बातम्यांसाठी, लातूर

 ****

बुलडाणा जिल्ह्यात नागरिकांनी आचारसंहितेचा भंग झाल्याच्या १९ तक्रारी दाखल केल्या आहेत. यापैकी ११ व्यक्तींवर चौकशी करुन गुन्हा दाखल करण्यात आला आहे. सी व्हिजील ॲपद्वारे आलेल्या तक्रारींची खात्री केली असता शहरात अनेक ठिकाणी आचारसंहिता भंग झाल्याचं आढळून आलं आहे.

****

निवडणुकीसंदर्भात प्रत्येक तक्रारीचं निवारण होईल यावर लक्ष देण्यात यावं, असं मुख्य निवडणूक निरीक्षक पार्थ सारथी मिश्रा यांनी म्हटलं आहे. ते आज भंडारा जिल्हाधिकारी कार्यालयात निवडणूक आढावा बैठकीत बोलत होते. मतदान केंद्रांवर दिव्यांग मतदारांसाठी असलेल्या सुविधांचा त्यांनी प्रामुख्याने आढावा घेतला.

भंडारा-गोंदिया लोकसभा मतदार संघात येत्या ११ एप्रिलला मतदान होणार आहे. यासाठीच्या ईव्हिएम-व्हीव्हीपॅट यंत्राचं पार्थ सारथी मिश्रा यांच्या प्रमुख उपस्थितीत आज दुसरं सरमिसळीकरण करण्यात आलं. निवडणूक आयोगानं दिलेल्या निर्देशानुसार ही प्रक्रिया पूर्ण करण्यात आली.

****

मुंबईत मुंब्रा इथं तीन व्यक्तींकडून १६ लाख रूपये दर्शनी मूल्याच्या बनावट नोटा आज जप्त करण्यात आल्या. या तिघांनाही अटक करण्यात आली आहे

****

औरंगाबाद लोकसभा मतदार संघातल्या जास्तीत जास्त नागरिकांनी मतदान करावं, यासाठी उद्या रन फॉर डेमॉक्रसी स्पर्धेचं आयोजन करण्यात आलं आहे. उद्या पहाटे सव्वापाच वाजता डॉ. बाबासाहेब आंबेडकर मराठवाडा विद्यापीठाच्या प्रवेशद्वारापासून या स्पर्धेचं आयोजन केलं आहे.

****

जालना-औरंगाबाद मार्गावर बदनापूर तालुक्यात एका कारचालकाकडे एक रिव्हॉल्वर, नऊ जिवंत काडतुसं आणि दोन लाख १० हजार रुपये आढळून आले.

****

AIR News Bulletin Aurangabad 30.03.2019......18.00

Tex - AIR News Bulletin Aurangabad 30.03.2019......18.00

Regional Marathi Text Bulletin, Aurangabad

Date – 30 March 2019

Time 18.00 to 18.05

Language Marathi

आकाशवाणी औरंगाबाद

प्रादेशिक बातम्या

दिनांक ३० मार्च २०१९ सायंकाळी ६.००

****

पंतप्रधान नरेंद्र मोदी यांनी अरुणाचल प्रदेशातल्या आलोमधून इशान्येकडील राज्यांमधल्या प्रचाराला सुरुवात केली. यावेळी पंतप्रधान मोदी यांनी काँग्रेसच्या काळात या प्रदेशातल्या विकासाकडे सपशेल दुर्लक्ष केलं असल्याचं म्हटलं आहे. या भागातल्या पायाभूत सुविधांचा विकास करणं महत्वाचं असताना काँग्रेस राजवटीत फक्त नेत्यांचे गड मजबूत करण्यावरच भर दिला असल्याचा आरोप त्यांनी केला. सात दशकांनंतर या चौकीदारानं अरुणाचल प्रदेशला रेल्वे रुळानं जोडून रेल्वे नकाशावर आणलं असल्याचं पंतप्रधान मोदी यावेळी म्हणाले. त्यानंतर त्यांनी आसाममधल्या दिब्रुगड मतदारसंघातल्या मोरानमध्येही एका सभेला संबोधित केलं.

भाजप अध्यक्ष अमित शाह यांनी आज गांधीनगर मतदारसंघासाठी उमेदवारी अर्ज दाखल केला. तत्पूर्वी बोलतांना, ही निवडणूक देशाचं नेतृत्व कोणी करायचे याच मुद्यावर लढली जाणार असल्याचं शाह म्हणाले. यावेळी केंद्रीय मंत्री नितीन गडकरी, राजनाथ सिंह, शिवसेना अध्यक्ष उद्धव ठाकरे हे देखील उपस्थित होते.

****

औरंगाबाद लोकसभा मतदार संघासाठी आज १३ जणांनी २२ अर्ज घेतले. आतापर्यंत एकूण ७१ उमेदवारांनी १४१ अर्ज घेतले. विद्यमान खासदार चंद्रकांत खैरे यांनी शिवसेना-भाजप युतीकडून आज उमेदवारी अर्ज दाखल केला. तर कन्नडचे आमदार हर्षवर्धन जाधव आणि सुरेश फुलारे यांनी अपक्ष म्हणून अर्ज दाखल केले.

जालना जिल्ह्यातून आज काँग्रेस-राष्ट्रवादी काँग्रेस आघाडीचे उमेदवार विलास औताडे यांनी तर रामभाऊ उनगे यांनी अपक्ष उमेदवार म्हणून अर्ज दाखल केला. भाजपा-सेना युतीकडून भाजप प्रदेशाध्यक्ष खासदार रावसाहेब दानवे दोन एप्रिल रोजी उमेदवारी अर्ज दाखल करणार आहेत. दरम्यान, आज आणखी तेरा जणांनी २५ अर्ज नेले आहेत.

रत्नागिरी- सिंधुदुर्ग मतदार संघात आज काँग्रेसचे उमेदवार नवीनचंद्र बांदीवडेकर आणि शिवसेनेकडून विद्यमान खासदार विनायक राऊत यांनी आपले उमेदवारी अर्ज दाखल केले.

सातारा लोकसभा मतदार संघातील निवडणुकीसाठी आज नरेंद्र पाटील यांनी शिवसेना- भाजप युतीकडून आपला उमेदवारी अर्ज सातारा जिल्हाधिकारी श्वेता सिंघल यांच्याकडे सादर केला.

****

बुलडाणा जिल्ह्यात नागरिकांनी आचारसंहितेचा भंग झाल्याच्या १९ तक्रारी दाखल केल्या आहेत. यापैकी ११ व्यक्तींवर चौकशी करुन गुन्हा दाखल करण्यात आला आहे. सी व्हिजील ॲपद्वारे आलेल्या तक्रारींची खात्री केली असता शहरात ठिकठिकाणी आचारसंहिता भंग झाल्याचं आढळून आलं आहे.

****

कोल्हापूर इथं निवडणुकीच्या काळात रात्री उशिरापर्यंत हॉटेल्स सुरू ठेवून आचारसंहिता भंग केल्या प्रकरणी ४६ हॉटेल मालकांवर गुन्हा दाखल करण्यात आला आहे. या हॉटेलचे परवाने रद्द करण्याची शिफारसही जिल्हाधिकारी दौलत देसाई यांच्याकडे करण्यात आली असल्याची माहिती पोलिस अधीक्षक डॉक्टर अभिनव देशमुख यांनी दिली. आचारसंहिता सुरू झाल्यापासून आज पर्यंत ३६ लाख रूपयांची बेहिशेबी रक्कम जप्त करण्यात आली आहे.

****

जम्मू आणि काश्मीरमध्ये श्रीनगर- जम्मू राज्य महामार्गावर आज सकाळी एका कारमध्ये गॅस सिलेंडरचा स्फोट झाला. केंद्रीय राखीव पोलिस दलाचा ताफा या ठिकाणाहून जात असताना हा स्फोट झाला. सीआरपीफच्या गाडीचं किरकोळ नुकसान वगळता या स्फोटात कोणत्याही प्रकारची जीवित किंवा वित्त हानी झाली नसल्याची माहिती प्राप्त झाली आहे.

दरम्यान, दुसऱ्या एका घटनेत दक्षिण काश्मीरमधल्या पुलवामामध्ये दहशतवाद्यांनी सीआरपीफच्या ताफ्यावर ग्रेनेड हल्ला केला. यामध्ये स्फोटात सुरक्षा दलाचा एक जवान जखमी झाल्याचं वृत्त आहे. अद्याप कोणताही दहशतवादी संघटनेनं या हल्ल्याची जबाबदारी स्वीकारलेली नाही.

****

निवडणूक आयोगानं आचारसंहिता लागू झाल्यापासून आतापर्यंत एक हजार २५३ कोटी रुपये किंमतीची बेहिशेबी रोकड, दारू, अंमली पदार्थ, मौल्यवान धातु आणि मतदारांना वाटण्यासाठीच्या भेटवस्तू जप्त केल्या आहेत. यामध्ये गुजरातमध्ये सर्वाधिक म्हणजे ५०६ कोटी रुपयांची बेहिशेबी जप्ती करण्यात आली आहे. त्यानंतर तामिळनाडूमध्ये १५३ कोटी, आंध्र प्रदेशमध्ये १४२ कोटी आणि उत्तर प्रदेशमध्ये ११९ कोटी रुपयांची बेहिशेबी जप्ती करण्यात आली आहे. देशभरातून २५० कोटी रुपयांची रोकड, ६७५ रुपयांचे अंमली पदार्थ, १८३ कोटी रुपयांचे मौल्यवान धातू आणि १२२ कोटी रुपयांची दारू तर २२ कोटी रुपयांच्या भेटवस्तू जप्त करण्यात आल्या असल्याचं निवडणूक आयोगानं म्हटलं आहे.

****

राजकीय नेत्यांविरोधात प्रलंबित असलेल्या निवडणूक याचिका आणि गुन्हेगारी प्रकरणांचा जलदगतीनं निपटारा केला जावा, असं आवाहन उपराष्ट्रपती वेंकय्या नायडू यांनी केलं आहे. अशी प्रकरणं जास्तीत जास्त एक वर्षात संपवण्यासाठी स्वतंत्र खंडपीठे स्थापन करण्याची सूचनाही त्यांनी मांडली. ते विशाखापट्टनम जिल्हा न्यायालय आणि विशाखापट्टनम वकिल संघाच्या १२५ वर्धापनदिनानिमित्तानं आयोजित कार्यक्रमात बोलत होते.

****