Friday, 31 May 2024
TEXT-आकाशवाणी छत्रपती संभाजीनगर – दिनांक 31.05.2024 रोजीचे सायंकाळी 06.10 वाजताचे मराठी बातमीपत्र
Regional Marathi Text Bulletin, Chhatrapati Sambhajinagar
Date
– 31 May 2024
Time
18.10 to 18.20
Language
Marathi
आकाशवाणी
छत्रपती संभाजीनगर
प्रादेशिक
बातम्या
दिनांक
– ३१ मे २०२४
सायंकाळी ६.१०
****
· लोकसभा निवडणुकीच्या
अखेरच्या टप्प्यात देशभरातल्या ५७ मतदार संघात उद्या मतदान
· राज्य लोकसेवा
आयोगाच्या पोलीस उपनिरीक्षक संवर्गाचा अंतिम निकाल जाहीर
· पुण्यश्र्लोक
अहिल्याबाई होळकर यांच्या जन्म त्रिशताब्दी वर्षाला आजपासून प्रारंभ
आणि
· छत्रपती संभाजीनगर
विभागातल्या मोठ्या प्रकल्पात सुमारे नऊ टक्के पाणीसाठा शिल्लक
****
लोकसभा
निवडणुकीच्या ७ व्या आणि शेवटच्या टप्प्यासाठी उद्या मतदान होत आहे. बिहार, चंदीगड,
हिमाचल प्रदेश, झारखंड, ओडिशा, पंजाब, उत्तर प्रदेश आणि पश्चिम बंगालसह ८ राज्यं आणि
केंद्रशासित प्रदेशातील ५७ लोकसभा मतदारसंघात उद्या मतदान होणार आहे. यासोबतच, ओडिशा
राज्य विधानसभेच्या उर्वरित ४२ विधानसभा मतदारसंघांसाठीही याच वेळी मतदान होणार आहे.
सर्व सात टप्प्यातल्या मतदानाची येत्या मंगळवारी ४ जून रोजी मतमोजणी होणार आहे.
****
राज्य
लोकसेवा आयोगानं पोलीस उपनिरीक्षक संवर्गाचा अंतिम निकाल आज जाहीर केला. राज्यात अजय
कळसकर यानं पुरुष उमेदवारांमध्ये प्रथम तर, मयुरी सावंत हिनं महिलांमध्ये प्रथम क्रमांक
पटकावला. महाराष्ट्र दुय्यम सेवा अराजपत्रित गट-ब मुख्य परीक्षा २०२१ मधील पोलीस उपनिरीक्षक
संवर्गाची शिफारस यादी खेळाडू उमेदवार वगळून आयोगाच्या संकेतस्थळावर प्रसिद्ध करण्यात
आली आहे. खेळाडू प्रवर्गातून अर्ज भरलेल्या उमेदवारांच्या संबंधित काही तक्रारी आयोगाला
प्राप्त झाल्या आहेत. त्यामुळे या तक्रारींची पडताळणी करून खेळाडू प्रवर्ग सोडून उर्वरित
९५८ पदांसाठीचा निकाल गुरुवारी जाहीर करण्यात आला आहे. खेळाडू उमेदवारांचा निकाल जाहीर
झाल्यानंतर सर्व उमेदवारांना त्यांच्या गुणपत्रिकेतील गुणांची पडताळणी करण्यासाठी आयोगाच्या
संकेतस्थळावर लिंक उपलब्ध करून देण्यात येईल असं आयोगानं स्पष्ट केलं आहे.
दरम्यान,
राज्य सरकारच्या विविध विभागातील ५२४ रिक्त पदे भरण्यासाठी, महाराष्ट्र लोकसेवा आयोगातर्फे
घेण्यात येणारी, महाराष्ट्र नागरी सेवा राजपत्रित संयुक्त पूर्व परीक्षा, ६ जुलै ऐवजी,
येत्या २१ जुलै रोजी घेण्यात येणार असल्याची घोषणा आयोगाकडून काल करण्यात आली आहे.
****
भारतीय
रिझर्व्ह बँकेनं १९९१ नंतर पहिल्यांदाच ब्रिटनहून १०० टनापेक्षा जास्त सोनं आपल्या
तिजोरीत आणलं आहे. एवढ्या मोठ्या प्रमाणावर सोनं जमा करण्याची ही पहिलीच वेळ आहे. गेल्या
काही काळापासून रिझर्व्ह बँकेनं सोनं खरेदी करायला सुरुवात केली होती. हे सोनं परदेशात
जमा होत होतं. मागील बऱ्याच काळापासून बँक ऑफ इंग्लंडमध्ये अनेक देशांच्या केंद्रीय
बँकांचा सुवर्णसाठा ठेवला जातो, त्यातूनच आरबीआयकडून आपला साठा भारतात आणला जात आहे.
****
पुण्यश्र्लोक
अहिल्याबाई होळकर यांच्या जन्म त्रिशताब्दी वर्षाला आज पासून प्रारंभ झाला. अहिल्याबाई
होळकर यांच्या जयंतीनिमित्त आज महाराष्ट्र आणि मध्य प्रदेशात विविध कार्यक्रम होत आहेत.
राज्यपाल रमेश बैस यांनी मुंबईत राजभवनातील अह‍िल्यादेवींच्या प्रतिमेला पुष्पांजली
वाहून अभिवादन केलं. मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री
अजित पवार यांनी अहिल्याबाईंना समाज माध्यमांवर आदरांजली वाहिली आहे.
सोलापूरच्या
पुण्यश्लोक अहिल्यादेवी होळकर सोलापूर विद्यापीठामध्ये यानिमित्त विविध स्पर्धा घेण्यात
आल्या. ‘मी अहिल्या बोलतेय’, या नाट्यप्रयोगाचंही यावेळी सादरीकरण झालं.
छत्रपती
संभाजीनगर इथंही पद्मपुरा भागात असलेल्या अहिल्याबाईंच्या पुतळ्याला विविध संघटनांच्या
वतीनं आज अभिवादन करण्यात आलं. या निमित्तानं महिलांनी पदफेरी काढून अहिल्याबाईंना
अभिवादन केलं.
****
राज्यात
गेली ७६ वर्ष प्रवासी वाहतुक करणाऱ्या राज्य मार्ग परिवहन महामंडळ एस.टी. बसचा उद्या
वर्धापन दिन आहे. १ जून, १९४८ ला पुणे-अहमदनगर मार्गावर, एसटीची पहिली बस धावली होती.
उद्या एसटीच्या सर्व बसस्थानकांवर सजावट करण्यात येणार असून, प्रवासी आणि सर्व कर्मचारी
बांधवांना, साखर-पेढे वाटून शुभेच्छा देण्यात येणार आहेत. प्रवाशांच्या प्रेम आणि विश्वासार्हतेच्या
शिदोरीवर एसटी “महाराष्ट्राची लोकवाहिनी” बनली असून, भविष्यात देखील प्रवाशांना दर्जेदार
सेवा देण्याच्या दृष्टीने ती कटिबध्द राहील, अशी ग्वाही मंडळाचे उपाध्यक्ष आणि व्यवस्थापकीय
संचालक डॉ.माधव कुसेकर यांनी दिली. एसटीच्या वतीने लाखो प्रवाशांना त्यांनी शुभेच्छा
दिल्या आहेत.
****
नाशिकचे
विभागीय आयुक्त राधाकृष्ण गमे आज निवृत्त झाले, त्यांच्या जागी राज्याचे कृषी आयुक्त
डॉ. प्रवीण गेडाम यांची नाशिकचे विभागीय आयुक्त म्हणून नियुक्ती करण्यात आली आहे. डॉक्टर
गेडाम यांनी २०१४ ते २०१६ दरम्यान नाशिक महापालिकेचे आयुक्त म्हणूनही काम केलं आहे.
****
आकाशवाणी
छत्रपती संभाजीनगर केंद्राचे अभियांत्रिकी सहायक संचालक अनंत कोदंडे आज नियत वयोमानाने
सेवानिवृत्त झाले. कोदंडे यांनी ३८ वर्षाच्या सेवेत प्रसारभारतीच्या विविध आस्थापनांमध्ये
महत्त्वाच्या जबाबदाऱ्या पार पाडल्या आहेत.
****
आज
जागतिक तंबाखू विरोधी दिन आहे. तंबाखूशी संबंधित आजारांमुळे दरवर्षी १३ लाख मृत्यू
होतात, जे टाळता येऊ शकतात, असं केंद्रीय आरोग्य सचिव अपूर्व चंद्रा यांनी म्हटलं आहे.
ते आज नवी दिल्ली इथं जागतिक तंबाखू विरोधी दिनानिमित्त घेण्यात आलेल्या कार्यक्रमात
बोलत होते.
या
आजारांमुळे देशाच्या आरोग्य सेवा प्रणालीवर ही मोठा आर्थिक भार पडतो, या गंभीर समस्येचं
निराकरण करण्यासाठी सरकारी यंत्रणाच्या, या बाबतीतल्या प्रयत्नांना साथ देण्याचं आवाहन
त्यांनी केलं.
दरम्यान,
या दिनानिमित्त छत्रपती संभाजीनगर इथं, तंबाखू आणि तंबाखूजन्य पदार्थ सेवनाने होणाऱ्या
कर्करोगाविषयी चित्रप्रदर्शन भरवण्यात आलं होतं. इथल्या शासकीय दंत महाविद्यालय आणि
रुग्णालयाच्या वतीने भरवण्यात आलेल्या या प्रदर्शनातून जनतेमध्ये तंबाखूने होणाऱ्या
कर्करोगांची माहिती आणि जनजागृती करण्यात आली.
नांदेड
इथं जिल्हाधिकारी अभिजित राऊत आणि जिल्हा शल्य चिकित्सक डॉ. निळकंठ भोसीकर यांच्या
मार्गदर्शनाखाली सामान्य रुग्णालयात इंडियन डेंटल असोसिएशन आणि जिल्ह्यातील सेवाभावी
संस्था यांच्या संयुक्त विद्यमाने प्रभात फेरी काढून जनजागृती करण्यात आली.
****
वीज
ग्राहकांना बिलाबाबत पारदर्शी आणि अचूक सेवा मिळण्यासाठी उपयुक्त ठरणाऱ्या, स्मार्ट
मीटर बसवण्याला महावितरणने स्वतःपासून सुरुवात केली आहे. महावितरणची विदर्भातली १८
कार्यालयं आणि कर्मचारी निवासस्थानामधील ३२३ सदनिका, अशा एकूण ३४१ वीज ग्राहकांसाठी
स्मार्ट मीटर बसवण्यात आले आहेत. राज्यात कृषी ग्राहक वगळता, सर्व ग्राहकांच्या कार्यालय
अथवा निवासस्थानी विजेचे स्मार्ट मीटर बसवण्यात येणार आहेत. वीज ग्राहकांना महावितरणकडून
स्मार्ट मीटर मोफत मिळणार असून, दहा वर्षे या मीटरच्या देखभाल दुरुस्ती करण्याचं काम
संबंधित कंपन्यांवर बंधनकारक असणार आहे.
****
दहावी
आणि बारावीनंतर व्यवसायिक शिक्षण घेतल्यास रोजगाराच्या अनेक संधी आज उपलब्ध आहेत, त्यासाठी
बारावीनंतर २७ हजार आणि दहावी नंतर १६ हजार विभागीय व्यवसाय शिक्षणाच्या जागा विद्यार्थ्यांसाठी
प्रवेशा करिता खुल्या असल्याचं, छत्रपती संभाजीनगर इथल्या तंत्र शिक्षण विभागीय कार्यालयाचे
सहसंचालक उमेश नागदेवे यांनी सांगितलं आहे. विद्यार्थ्यांनी व्यावसायिक शिक्षण देणाऱ्या
संस्थेशी संपर्क साधावा आणि तिथल्या समुपदेशन केंद्राची मदत घेऊन आपल्या शंकांचे निरसन
करावं, असं आवाहनही त्यांनी केलं आहे.
****
राज्यातल्या
मोठ्या, मध्यम आणि लघु अशा एकूण दोन हजार ९९७ प्रकल्पात सध्या फक्त २२ पूर्णांक सहा
शतांश टक्के इतका पाणीसाठा आहे. गेल्या वर्षीच्या तुलनेत यावर्षी राज्यातल्या एकूण
पाणीसाठ्यात लक्षणीय घट झाली असून, अनेक भागात भीषण पाणीटंचाई जाणवत आहे.
छत्रपती
संभाजीनगर विभागातल्या ४४ मोठ्या प्रकल्पात आठ पूर्णांक ९२ शतांश टक्के, ८१ मध्यम प्रकल्पात
११ पूर्णांक ४९ शतांश टक्के, तर ७९५ लघु प्रकल्पात सहा पूर्णांक ७६ शतांश टक्के इतकाच
पाणीसाठा असल्याची माहिती जलसंपदा विभागानं दिली आहे.
****
इयत्ता
तिसरी ते दहावी पर्यंतच्या शालेय शिक्षण अभ्यासक्रमात मनुस्मृतीच्या श्लोकांचा समावेश
करण्याच्या प्रस्तावाच्या निषेधार्थ लातूरमध्ये राष्ट्रवादी काँग्रेस शरदचंद्र पवार
पक्षातर्फे निषेध आंदोलन करण्यात आलं. यावेळी राष्ट्रवादी युवक प्रदेश उपाध्यक्ष ॲड.
निशांत वाघमारे, यांच्यासह अनेक कार्यकर्ते आणि पदाधिकारी या आंदोलनात सहभागी झाले
होते.
****
छत्रपती
संभाजीनगर महापालिकेच्या प्रारुप विकास आराखड्यावर सुनावणीचा तिसरा टप्पा येत्या सहा
जूनपासून सुरू होणार आहे. या टप्प्यात तीन हजार ३४८ आक्षेपकर्त्यांना सुनावणीसाठी बोलावण्यात
आलं आहे. सध्या दुसऱ्या टप्प्यातली सुनावणी सुरू असून, ती दोन जून रोजी पूर्ण होणार
आहे.
****
Text - आकाशवाणी छत्रपती संभाजीनगर, दिनांक: 31.05.2024 रोजीचे दुपारी: 01.00 वाजेचे मराठी बातमीपत्र
Regional Marathi Text Bulletin, Chhatrapati Sambhajinagar
Date: 31 May 2024
Time: 01.00 to 01.05 PM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक: ३१ मे २०२४ दुपारी १.०० वा.
****
लोकसभा निवडणुकीच्या सातव्या आणि शेवटच्या टप्प्यात सात राज्यं आणि एका केंद्रशासित प्रदेशातल्या ५७ लोकसभा मतदारसंघात उद्या मतदान होणार आहे. यामध्ये पंजाब आणि उत्तर प्रदेशातल्या प्रत्येकी १३, पश्चिम बंगाल नऊ, बिहार आठ, ओडिशा सहा, हिमाचल प्रदेश चार, झारखंड तीन, तर चंदीगढमधल्या एका जागेचा समावेश आहे.
दरम्यान, लोकसभा निवडणुकीच्या सर्व टप्प्यांची मतमोजणी येत्या चार जून रोजी होईल. आंध्रप्रदेश आणि ओडिशातल्या विधानसभा निवडणुकांची आणि देशभरातल्या विविध राज्यात झालेल्या विधानसभा पोटनिवडणुकांची मतमोजणी देखील चार जून रोजी, तर अरुणाचल प्रदेश आणि सिक्कीम विधानसभा निवडणुकीची मतमोजणी दोन जून रोजी होणार आहे.
****
विमा नियामक आणि विकास प्राधिकरण अर्थात इर्डानं काल अनेक महत्वपूर्ण निर्णय घेतले. कॅशलेश अर्थात रोख विरहीत उपचारांबाबत तातडीनं निर्णय घेण्याचे, त्याचबरोबर डिस्चार्जचं पत्र मिळाल्यानंतर, मंजूरीवर तीन तासांत निर्णय घेण्याचे निर्देश इर्डानं विमा कंपन्यांना देत विमाधारकांना दिलासा दिला आहे. विमा क्षेत्राशी संबंधित एक मास्टर परिपत्र जारी करण्यात आलं असून, यात सर्व नियमांना एकाच ठिकाणी आणण्यात आलं आहे. विमाधारकाचा मृत्यू झाल्यास विमा कंपन्यांनी लवकरात लवकर कागदपत्रांची कार्यवाही आटोपून विमाधारकाचा दावा निकाली काढावा, असे निर्देशही इर्डानं दिले आहेत.
****
राज्यातल्या मोठे, मध्यम आणि लघू अशा एकूण दोन हजार ९९७ प्रकल्पात सध्या केवळ २२ पूर्णांक शून्य सहा टक्के इतका पाणीसाठा आहे. गेल्या वर्षीच्या तुलनेत यावर्षी राज्यातल्या एकूण पाणीसाठ्यात लक्षणीय घट झाली असून, अनेक भागात भीषण पाणीटंचाई जाणवत आहे. छत्रपती संभाजीनगर विभागातल्या ४४ मोठ्या प्रकल्पात आठ पूर्णांक ९२ टक्के, ८१ मध्यम प्रकल्पात ११ पूर्णांक ४९ टक्के, तर ७९५ लघू प्रकल्पात सहा पूर्णांक ७६ टक्के इतकाच पाणीसाठा असल्याची माहिती जलसंपदा विभागानं दिली आहे.
****
पुण्यश्लोक अहिल्याबाई होळकर यांची आज जयंती आहे. यानिमित्त राज्यात सर्वत्र अनेक कार्यक्रमांचं आयोजन करण्यात आलं आहे. मुंबईत मंत्रालयात सामान्य प्रशासन विभागाच्या अपर मुख्य सचिव सुजाता सौनिक यांनी अहिल्यादेवी होळकर यांच्या प्रतिमेला पुष्पहार अर्पण करून अभिवादन केलं.
पुण्यश्लोक अहिल्यादेवी होळकर सोलापूर विद्यापीठामध्ये यानिमित्त विविध स्पर्धा घेण्यात आल्या. काल पारंपरिक गजीनृत्याचं, तसंच ‘मी अहिल्या बोलतेय’, या नाट्यप्रयोगाचं सादरीकरण झालं.
****
छत्रपती संभाजीनगर इथं काल महात्मा गांधी राष्ट्रीय ग्रामिण रोजगार हमी योजनेअंतर्गत बांबू आणि फळबाग लागवड कार्यक्रमाची विभागीय आढावा बैठक पार पडली. बांबू लागवड ही पर्यावरण आणि आर्थिकदृष्ट्या फायदेशीर आहे, त्यामुळे शेतकऱ्यांना शाश्वत आर्थिक लाभ होईलच शिवाय पर्यावरणाचं रक्षण होईल, असं मत मान्यवरांनी यावेळी सांगितलं.
****
आषाढी यात्रेसाठी येणार्‍या वारकर्‍यांना सर्व सोयी सुविधा उपलब्ध करून देण्यास संबंधित प्रशासकीय यंत्रणांनी प्राधान्य द्यावं आणि सर्व यंत्रणांनी परस्परात योग्य समन्वय ठेवून दिलेली जबाबदारी चोखपणे पार पाडावी, अशा सूचना सोलापूरचे जिल्हाधिकारी कुमार आशीर्वाद यांनी दिल्या. आषाढी यात्रेच्या पार्श्वभूमीवर त्यांनी काल अधिकारी वर्गासह पालखी तळांची आणि पालखी मार्गाची पाहणी केली, त्यावेळी ते बोलत होते. आषाढी एकादशी सोहळा येत्या १७ जुलै रोजी साजरा होणार आहे.
****
जळगाव जिल्ह्याच्या भुसावळ इथल्या दुहेरी हत्या प्रकरणातल्या सहा संशयितांना धुळे पोलिसांनी पाठलाग करून पकडलं. त्यांच्याकडून इनोव्हा कार, दहा मोबाईल हँडसेट आणि ५४ हजाराची रोख रक्कम जप्त करण्यात आली. २९ मे रोजी भुसावळ शहरातले भाजपचे माजी नगरसेवक संतोष बारसे आणि सामाजिक कार्यकर्ते सुनील राखुंडे यांच्यावर, जुना सातारा भागात हल्लेखोरांनी गोळीबार केला होता. या आरोपींविरोधात गुन्हा दाखल करण्यात आला आहे.
****
नंदुरबार जिल्हा परिषदेतल्या कथित अपंग विभाग गैरव्यवहार प्रकरणी ७२ जणांवर कारवाई करत जिल्हा परिषदेच्या मुख्य कार्यकारी अधिकारी सावनकुमार यांनी त्यांच्या सेवा समाप्तीचे आदेश दिले आहेत. २०१७ मध्ये जिल्हा परिषदेमध्ये नियमबाह्य पद्धतीने या विभागासाठी भरती करण्यात आली होती. २०१८ मध्ये ते उघड झाल्यानंतर अधिवेशनात या प्रकरणाच्या चौकशीसाठी विशेष तपास पथकाची स्थापना करण्यात आली होती.
****
सिंगापूर खुल्या बॅडमिंटन स्पर्धेत महिला दुहेरीत भारताच्या त्रिशा जॉली आणि गायत्री गोपीचंद यांनी उपान्त्य फेरीत प्रवेश केला आहे. आज झालेल्या उपान्त्य पूर्व फेरीच्या सामन्यात त्यांनी कोरियाच्या किम सो युंग आणि काँग ही युंग या जोडीचा १८-२१, २१-१९, २४-२२ असा पराभव केला.
दरम्यान, या स्पर्धेतलं महिला आणि पुरुष एकेरीतलं भारताचं आव्हान संपुष्टात आलं. काल झालेल्या उप-उपांत्यपूर्व फेरीत पी व्ही सिंधू आणि एच एस. प्रणॉय यांना पराभवाचा सामना करावा लागला.
****
Text - आकाशवाणी छत्रपती संभाजीनगर, दिनांक: 31.05.2024 रोजीचे सकाळी 11.00 वाजताचे मराठी संक्षिप्त बातमीपत्र
आकाशवाणी छत्रपती संभाजीनगर
संक्षिप्त बातमीपत्र
३१
मे २०२४ सकाळी
११.०० वाजता
****
लोकसभा
निवडणुकीचा प्रचार संपल्यानंतर पंतप्रधान नरेंद्र मोदी यांनी कन्याकुमारी इथल्या स्वामी
विवेकानंद यांच्या स्मारकाला भेट देत, ध्यान मंडपात मौन आणि ध्यानधारणेला कालपासून
सुरूवात केली. उद्या एक जूनपर्यंत ते इथं ध्यान करणार आहेत.
****
सुरक्षा
दलांनी छत्तीसगढमधल्या बिजापूर जिल्ह्यात विविध ठिकाणाहून १६ नक्षलवाद्यांना अटक केली.
यापैकी ११ जणांना गोरना पडियारपारा परिसरातून, तर पाच जणांना भुसापूर परिसरातून अटक
करण्यात आली. सुरक्षा दलांची हालचाल रोखण्यासाठी अडथळा आणणं, स्फोट घडवून आणणं, असा
घटनांमध्ये या नक्षलवाद्यांचा समावेश होता.
****
भारतीय
रिझर्व्ह बँकेनं २०२४-२५ या चालू आर्थिक वर्षात भारतीय अर्थव्यवस्था सात टक्के दरानं
वाढेल, असा अंदाज वर्तवला आहे. रिझर्व्ह बँकेनं काल चालू आर्थिक वर्षाचा अहवाल प्रसिद्ध
केला. एक एप्रिल २०२३ ते ३१ मार्च २०२४ मध्ये संपलेल्या आर्थिक वर्षात भारतीय अर्थव्यवस्था
गतिमान आणि अधिक मजबूत झाल्याचं या अहवालात नमूद आहे.
****
स्वातंत्र्यवीर
सावरकर यांच्याबद्दल बदनामीकारक वक्तव्य केल्याप्रकरणी काँग्रेस नेते राहुल गांधी यांना
१९ ऑगस्ट रोजी प्रत्यक्ष न्यायालयात हजर राहावं लागणार आहे. पुण्याच्या स्थानिक न्यायालयाच्या
न्यायदंडाधिकारी अक्षी जैन यांनी कलम २०४ अन्वये हे आदेश दिले. मार्च २०२३ मध्ये लंडन
इथल्या एका भाषणात राहुल गांधी यांनी सावरकरांबद्दल निराधार विधानं केल्‍याचा आरोप
सावरकर कुटुंबियांनी केला होता.
****
भारतीय
लष्कराच्या मेजर राधिका सेन यांचा संयुक्त राष्ट्र मिलिटरी जेंडर ॲडव्होकेट ऑफ द इयर
पुरस्कारानं गौरव करण्यात आला आहे. शांती सैनिक म्हणून सेवा करताना, महिला आणि मुलींच्या
संरक्षणासाठी दिलेल्या योगदानाबद्दल त्यांना सन्मानित करण्यात आलं.
****
राज्यात
दुष्काळसदृश परिस्थिती आहे, गुन्हेगारी अपघात, अंमलपदार्थांचा विळखा वाढतो आहे, मात्र
अशावेळी काही मंत्री परदेशवारीवर गेले आहेत, अशी टीका, काँग्रेस प्रदेशाध्यक्ष नाना
पटोले यांनी काल पत्रकारांशी बोलताना केली. पुणे अपघात आणि अंमली पदार्थांच्या व्यापाराबद्दल
येत्या अधिवेशनात सरकारला जाब विचारणार असल्याचंही ते म्हणाले.
****
آکاشوانی چھتر پتی سنبھا جی نگر علاقائی خبریں تاریخ : 31؍مئی 2024 ء وقت : صبح 09.00 سے 09.10 بجے
Regional Urdu Text Bulletin, Chhatrapati Sambhajinagar
Date : 31 May 2024
Time : 09.00 to 09.10 AM
آکاشوانی چھتر پتی سنبھا جی نگر
علاقائی خبریں
تاریخ : ۳۱ ؍مئی ۲۰۲۴ ء
وقت : صبح ۹.۰۰ سے ۹.۱۰ بجے
پہلے خاص خبروں کی سر خیاں ...
٭ نئی لوک سبھا کے قیام کے نوِٹِفِکیشن کے جا ری ہونے تک ضابطہ اخلاق قائم
٭ لوک سبھا انتخابات کی تشہیر ختم ‘ آخری مرحلہ کے لیے کل ووٹنگ
٭ کانگریس پارٹی کے خشک سالی دورہ کا آج سے چھتر پتی سنبھا جی نگر سے آغاز
٭ جنسی ہراسانی معاملہ میں جنتا دل سیکو لر کے رکن پارلیمنٹ پر جول ریوونا گرفتار
اور
٭ جنوب مغر بی مانسون کیرلہ میں داخل ‘ اگلے اقدام کے لیے ماحول سازگار
اب خبریں تفصیل سے...
نئی لوک سبھا قائم ہونے کے نوِٹِفِکیشن جاری ہونے تک ضابطہ اخلاق نافد رہنے کی اطلاع چیف الیکشن کمیشن دفتر نے دی ہے ۔ ضابطہ اخلاق ختم ہونے کی خبریں کچھ ذرائع سے نشر ہونے کے ضمن میں کمیشن نے یہ واضح کیا ۔ انتہائی لازمی معاملات میں ضابطہ اخلاق میں چھوٹ دینے سے متعلق کمیشن کو سفارش کرنے کے لیے چیف سیکریٹری کی صدارت میں تفتیشی کمیٹی کا قیام کیا گیا ہے ۔ مذکورہ کمیٹی کے سفارش کردہ59‘ تجا ویز پر کمیشن کے فیصلہ لینے کی اطلاع ہے ۔
دریں اثناء ودھان پریشد کی 4 ؍ نشستوں کے ضمن میں ناسک اور کونکن ڈویژن میں ضابطہ اخلاق نافد ہو چکا ہے ۔
***** ***** *****
لوک سبھا انتخابات کے ساتویں اور آخری مرحلہ کی تشہیری مہم ختم ہو چکی ہے ۔ اِس مرحلہ میں 7؍ ریاستیں او ر ایک مرکز کے زیر انتظام علاقہ کی57؍ نشستوں کے لیے کل ایک تاریخ کو رائے دہی ہو گی ۔ اِن میں پنجاب اور اُتر پر دیش کی فی کس 13؍ مغر بی بنگال 9؍ بہار 8؍ اوڈیشہ 6؍ ہماچل پر دیش 4؍ جھار کھنڈ 3؍ اور چندی گڑھ کی ایک نشست شامل ہیں ۔
دریں اثناء لوک سبھا انتخابات کے تمام مراحل کے ووٹوں کی گنتی آئندہ 4؍ جون کو ہو گی ۔ آندھراپر دیش اور اوڈیشہ کی ودھان سبھا کی اور ملک بھر کی مختلف ریاستوں کے ضمنی انتخابات کی نشستوں کے ووٹوں کی گنتی 2؍ جون کو ہو گی ۔
***** ***** *****
دریں اثناء انتخابات کے فیصد میں ہوئے اضا فہ سے متعلق افواہوں کی الیکشن کمیشن نے تر دید کی ہے ۔ چیف الیکشن کمشنر راجیو کمار نے آکاشوانی سے بات کر تے ہوئے کہا کہ الیکشن کے اندراج والے فارم 17؍ سی کی نقل امید واروں اور اُن کے نمائندوں کو دی جا تی ہے ۔ جس کی وجہ سے کوئی بھی فیصد میں اضافہ نہیں کر سکتا ہے ۔ الیکشن اور ای وی ایم سے متعلق تمام معلومات الیکشن کمیشن کی ویب سائٹ پر اپ ڈیٹ کی گئی ہے ۔
***** ***** *****
ریاستی حکو مت کے مختلف محکموں کی 524؍ خالی جگہیں بھر نے کے لیے مہاراشٹر پبلک سر وس کمیشن کی جانب سے لیے جانے والے مہاراشٹر سول سر وسیز گزیٹیڈ جوائنٹ پری لیمس امتحان2024ء آئندہ21؍ جولائی کو منعقد ہو گا ۔ کمیشن نے کل اپنے جاری کر دہ اعلا میہ میں یہ اطلاع دی ۔ یہ امتحان آئندہ 6؍ جولائی کو ہونے والا تھا لیکن ریاستی حکو مت کے حکم کے مطا بق اوپن اور معاشی اعتبار سے پسماندہ زمرے کے عرض گذاروں کو دیگر پسماندہ طبقات کے سر ٹِفکیٹس ملنے کی وجہ سے اِن زمرے سے نئے سرے سے در خواست کرنے کا موقع دیا گیا ہے ۔ پہلے اوپن زمرے سے ہونے کیوجہ سے جو امید وار عمر کی قید کی وجہ سے نا اہل تھے ۔ اب وہ بطور او بی سی امید وارو آئندہ 7؍ جون تک در خواست دے سکتے ہیں ۔
***** ***** *****
ریاستی حکو مت کے ثانوی و اعلیٰ ثانوی تعلیمی بورڈ کی جانب سے فرو ری مارچ میں منعقدہ بارہویں جماعت کے نتیجے اور دیگر متعلقہ صداقت ناموں کی تقسیم آئندہ پیر کو ہو گی ۔ دو پہر 3؍ بجے طلباء کو کالج کے ذریعہ تمام صداقت نامے تقسیم کیے جا ئیں گے ۔ اِس کے لیے ریاستی بورڈ کی سیکریٹری انورادھا اوک نے سر کولر جاری کیا ہے ۔
***** ***** *****
طلباء کے قومی دستے این سی سی کے مہاراشٹر کے ڈائریکٹوریٹ کو ملک میں بہترین ڈائریکٹوریٹ قرار دیے جانے کے ضمن میں گورنر رمیش بئیس کے ہاتھوں کل اِس ڈائریکٹوریٹ کو گور نر کا توصیف نامہ تفویض کیا گیا ۔ گور نر نے کہا کہ این سی سی میں طلباء کو حب الوطنی اصول اور سماجی خدمات سکھائے جاتے ہیں۔
***** ***** *****
کانگریس پارٹی کے ریاستی خشک سالی دورہ کی شروعات آج سے چھتر پتی سنبھا جی نگر سے ہورہی ہے ۔ دریں اثناء اِس دورہ کے ضمن میں ودھان سبھا کے قائد حزب اختلاف وجئے وڈیٹی وار نے کل چھتر پتی سنبھا جی نگر میں جائزاتی میٹنگ لی ۔
اِس موقع پر انھوں نے نامہ نگاروں سے بات کر تےہوئے خشک سالی کی شدید صورتحال کے پیش نظر حکو مت پر تنقید کی او ر مطالبہ کیا کہ جانورو ں کو چارا فراہم کیا جائے ۔ کسانوں کو قرض سے آزاد کیا جائے ‘ بینکوں کی جانب سے جاری وصولی بند کی جائے اور کسانوں کو مفت بجلی ‘ بیج اور کھا د فراہم کیے جا ئیں ۔
***** ***** *****
چھتر پتی سنبھا جی نگر تعلقہ کے پمپل کھنٹا گائوں کے کسان وِٹھل دابھاڑے نے جو 52؍ برس کے تھے ۔ کھیت کے در خت سے پھانسی لے کر خود کشی کرلی ۔ وڈیٹی وار نے کہا کہ یہ معاملہ سنگین ہے اور حکو مت اِس کسان کے خاندان کو انصاف دلانے اور خود کشی روکنے کے لیے اقدامات کریں۔
وڈیٹی وار نے کل جالنہ ضلعے میں بھی خشک سالی کا دورہ کیا ۔ انھوں نے الزام عائد کیا کہ گزشتہ ہنگام کے فصل بیمہ کی رقم اب تک نہیں ملی ہے ا ور حکو مت ان حالات سے غافل ہے ۔
***** ***** *****
جنسی ہراسانی معاملے میں جنتا دل سیکو لر کے رکن پارلیمنٹ پر جول ریونناکو آج علی الصبح بینگلورو ایئر پورٹ سے گرفتار کر لیا گیا ۔ ریوننا کے بھارت لوٹنے کی خبر انٹر پورل کے ذریعے ملنے کے بعد کرناٹک پولس کے خصوصی تفتیشی دستے نے انھیں گرفتار کیا ۔
***** ***** *****
قومی تمبا کو مخالف دن آج منا یا جا رہا ہے ۔ چھتر پتی سنبھا جی نگر کے سول سر جن ڈاکٹر دیا ندد موتی پوڑ نے اپیل کی ہے کہ تمبا کو کھانے والے تمبا کو نہ کھانے کا عہد کریں۔
***** ***** *****
جنوب مغربی مانسون کل کیرلا میں داخل ہو گیا ۔ اور اُس کے شمال مشرق بھارت کے اکثر حصوں میں داخل ہونے کے امکانات محکمہ موسمیات نے ظاہر کیے ہیں ۔ اِس بار مانسون اپنے ہمیشہ کے وقت ایک جون سے 2؍ دن پہلے ہی داخل ہو گیا ہے ۔ آئندہ 2؍ تا 3؍ دنوں میں کرناٹک ‘ تمل ناڈو اور پدو چری سمیت جنوبی بھارت کے بقیہ حصوں میں مانسون کی آمد کے لیے حالات ساز گار ہیں اور مغر بی بنگال اور سکم کے پہاڑی علاقوں سمیت شمال مشرقی بھارت کے تمام حصوں میں پہنچنے کی امید ہے ۔ محکمہ موسمیات کے ڈائریکٹر جنرل مرتیو نجئے موہ پاترا نے کہا کہ ملک کے شمال مغر بی علاقوں میں گزشتہ روز سے گرمی کی شدید لہر میں کمی آنا شروع ہو گئی ہے ۔ اِسی طرح مغرب کی جانب سے زو ر دار ہوائوں کی وجہ سے ان مقامات میں آئندہ 2؍ جون تک طوفانی ہوائوں کے ساتھ بارش ہونے کا امکان ہے ۔
***** ***** *****
دھارا شیو ضلعے کے ایک ہزار ایک سو پانی کے نمو نے کی ضلعی کیمیکل لیباریٹری نے جانچ کی جن میں 234؍ پانی کے نمو نے ناقص پائے گئے ہیں ۔یہ 21؍ فیصد ہونے کا نتیجہ ضلعی کیمیکل لیباریٹری نے دیا ہے ۔ جبکہ ضلعے کی 622؍ گرام پنچایتوں میں 196؍ گرام پنچایتوں کا پانی ناقص پا یا گیا ہے ۔ اُن گرام پنچایتوں کو ضلعی صحت انتظامیہ نے پیلے کارڈ دیے ہیں اور عوام کو پانی سے متعلق آگاہ کیا ہے ۔
***** ***** *****
لاتور میونسپل کارپوریشن نے املاک ٹیکس کے بقایہ جات کی ادائیگی نہ کرنے والی چھ دکانوں کو کل سیل کر دیا ۔ ساتھ ہی کارروائی کے دوران ایک ہی دن میں 5؍ لاکھ روپئے کا ٹیکس بھی وصول کیا ۔ تجا رتی کامپلیکس کے جن دکان مالکان پر املاک ٹیکس کے بقایہ جات واجب الادا ہیں وہ فی الفور اپنے بقایہ جات کی ادائیگی کریں ‘ بصورت دیگر اُن پر کارروائی کرنے کا انتباہ ڈپٹی میونسپل کمشنر ڈاکٹر پنجاب کھانسوڑے نے دیا ہے ۔
***** ***** *****
سابق وزیر مد ھو کر رائو چو ہان نے دھا را شیو ضلعے میں گزشتہ 24؍ تا 26؍ مئی کے دوران طو فا نی ہوائوں کے ساتھ ہوئی غیر مو سمی بارش کے سبب ہونے والے نقصانات کے فی الفور پنچ نا مے کر کے متاثرہ کاشتکاروں کو معاوضہ فراہم کرنے کا مطالبہ کیا ہے ۔ وہ کل دھاراشیو ضلعے کے سانگوی ‘ کامے گائوں ‘ دائوپور ‘ بھنڈا رواڑی علاقوں کا معائنہ کرنے کے بعد بول رہے تھے ۔ انھوں نے حکو مت سے ضابطوں کو بازو رکھ کر متاثرین کی مدد کرنے پر زور دیا ۔
***** ***** *****
دھارا شیو تعلقے کے ایک پولس پاٹل کے تجدید کے معاملے میں پولس انسپکٹر ناگر گو جے کی جانب سے داخل کر دہ مقدمہ غیر قانو نی ہے لہذا متعلقہ پولس انسپکٹر اور اُن کے معا ونین پر انتظامی کارروائی کر کے اِس کی رپورٹ پیش کرنے کے احکا مات ضلع کلکٹر ڈاکٹر سچن اومباسے نے ضلع پولس سپرنٹنڈنٹ کو دیے ہیں ۔ اِس معاملے میں بغیر تحقیقات منڈل افسران اور تلاٹھی پر کی گئی کارروائی کے خلاف کل مسلسل دوسرے دن محصول ملازمین نے کام بند احتجاج کیا ۔ جس کے سبب ضلعے میں محکمہ محصول کا کام کاج متاثر رہا ۔
***** ***** *****
جالنہ ضلعے میں پارلیمانی انتحابات کے ووٹوں کی گنتی کی تیاریاں کل مکمل کر لی گئی ہیں۔ ضلع کلکٹر اور انتخا بی فیصلہ افسر ڈاکٹر شری کرشن پانچارڑ نے رائے شماری کے عمل میںحصہ لینے والے تمام افسران و ملازمین سے انتخابی کمیشن کی ہدایات کے مطا بق ذمہ داری اور دیا نتداری سے اپنے فرائض ادا کرنے کی اپیل کی ہے ۔
***** ***** *****
آخر میں اہم خبروں کی سر خیاں ایک مرتبہ پھر سن لیجیے ...
٭ نئی لوک سبھا کے قیام تک نوِٹِفِکیشن کے جا ری ہونے تک ضابطہ اخلاق قائم
٭ لوک سبھا انتخابات کی تشہیر ختم ‘ آخری مرحلہ کے لیے کل ووٹنگ
٭ کانگریس پارٹی کے خشک سالی دورہ کا آج سے چھتر پتی سنبھا جی نگر سے آغاز
٭ جنسی ہراسانی معاملہ میں جنتا دل سیکو لر کے رکن پارلیمنٹ پر جول ریوونا گرفتار
اور
٭ جنوب مغر بی مانسون کیرلہ میں داخل ‘ اگلے اقدام کے لیے ماحول سازگار
علاقائی خبریں ختم ہوئیں
آپ یہ خبر نامہ ہمارے یو ٹیوب چینل AIR چھتر پتی سنبھا جی نگر پر دوبارہ کسی بھی وقت سن سکتے ہیں۔
٭٭٭
Text-आकाशवाणी छत्रपती संभाजीनगर, दिनांक:31.05.2024 रोजीचे सकाळी: 07.10 वाजेचे मराठी बातमीपत्र
Regional Marathi Text Bulletin, Chhatrapati Sambhajinagar
Date: 31 May 2024
Time: 7.10 AM to 7.20 AM
Language Marathi
आकाशवाणी छत्रपती संभाजीनगर
प्रादेशिक बातम्या
दिनांक: ३१ मे २०२४ सकाळी ७.१० मि.
****
ठळक बातम्या
· नवीन लोकसभा स्थापित झाल्याची अधिसूचना प्रसिद्ध होईपर्यंत आचारसंहिता कायम
· लोकसभा निवडणुकीचा प्रचार संपला-अखेरच्या टप्प्यात उद्या मतदान
· काँग्रेस पक्षाच्या दुष्काळ पाहणी दौऱ्याला आज छत्रपती संभाजीनगर इथून प्रारंभ
· लैंगिक शोषण प्रकरणी धर्मनिरपेक्ष जनता दलाचा खासदार प्रज्ज्वल रेवण्णाला अटक
आणि
· नैर्ऋत्य मोसमी पाऊस केरळमध्ये दाखल-पुढील वाटचालीसाठी परिस्थिती अनुकूल
सविस्तर बातम्या
नवीन लोकसभा स्थापित झाल्याची अधिसूचना प्रसिद्ध होईपर्यंत आचारसंहिता कायम राहणार असल्याचं, मुख्य निवडणूक अधिकारी कार्यालयानं स्पष्ट केलं आहे. आचारसंहिता शिथील होण्याच्या शक्यतेसंदर्भातल्या काही बातम्या माध्यमांवरून प्रसारित होत होत्या, त्या पार्श्वभूमीवर आयोगानं ही बाब स्पष्ट केली. अत्यंत तातडीच्या असलेल्या प्रकरणांना आचारसंहितेत सूट देण्यासंदर्भात निवडणूक आयोगास शिफारस करण्यासाठी मुख्य सचिवांच्या अध्यक्षतेखाली छाननी समिती गठीत करण्यात आली आहे. सदर समितीने शिफारस केलेल्या ५९ प्रस्तावांवर केंद्रीय निवडणूक आयोगाने आतापर्यंत निर्णय दिला असल्याचं, या बातमीत म्हटलं आहे.
दरम्यान, विधान परिषदेच्या चार जागांच्या निवडणुकीच्या पार्श्वभूमीवर नाशिक आणि कोकण विभागात आदर्श आचारसंहिता लागू झालेली आहे.
****
लोकसभा निवडणुकीच्या सातव्या आणि शेवटच्या टप्प्यातला प्रचार काल संपला. या टप्प्यात सात राज्यं आणि एका केंद्रशासित प्रदेशातल्या ५७ लोकसभा मतदारसंघात उद्या मतदान होणार आहे. यामध्ये पंजाब आणि उत्तर प्रदेशातल्या प्रत्येकी १३, पश्चिम बंगाल नऊ, बिहार आठ, ओडिशा सहा, हिमाचल प्रदेश चार, झारखंड तीन, तर चंदीगढमधल्या एका जागेचा समावेश आहे.
लोकसभा निवडणुकीच्या सर्व टप्प्यांची मतमोजणी येत्या चार जून रोजी होईल. आंध्रप्रदेश आणि ओडिशातल्या विधानसभा निवडणुकांची आणि देशभरातल्या विविध राज्यात झालेल्या विधानसभा पोटनिवडणुकांची मतमोजणी देखील चार जून रोजी होणार असून, अरुणाचल प्रदेश आणि सिक्कीम विधानसभा निवडणुकीची मतमोजणी परवा दोन जून रोजी होणार आहे.
****
दरम्यान, मतदानाच्या टक्केवारीत झालेल्या वाढीसंदर्भात पसरलेल्या अफवांचं निवडणूक आयोगानं खंडन केलं आहे. मतदानाच्या नोंदी असलेल्या फॉर्म -१७ सी ची प्रत उमेदवार आणि त्यांच्या प्रतिनिधींना दिलेली असते, त्यामुळे कुणीही टक्केवारीत वाढ करु शकत नाही, असं मुख्य निवडणूक आयुक्त राजीव कुमार यांनी आकाशवाणीशी बोलताना स्पष्ट केलं.
****
राज्य सरकारच्या विविध विभागातली ५२४ रिक्त पदं भरण्यासाठी राज्य लोकसेवा आयोगातर्फे घेतली जाणारी सेवा राजपत्रित संयुक्त पूर्व परीक्षा-२०२४, येत्या २१ जुलैला होणार आहे. आयोगानं काल याबाबतचं पत्रक प्रसिद्ध केलं. या आधीच्या वेळापत्रकानुसार ही परीक्षा येत्या ६ जुलैला होणार होती.
****
महाराष्ट्र राज्य माध्यमिक आणि उच्च माध्यमिक शिक्षण मंडळानं फेब्रुवारी-मार्चमध्ये घेतलेल्या बारावीच्या परीक्षेच्या गुणपत्रिका आणि इतर संबंधित प्रमाणपत्राचं वाटप येत्या सोमवारी केलं जाणार आहे. या संदर्भातलं परिपत्रक राज्य मंडळाच्या सचिव अनुराधा ओक यांनी प्रसिद्ध केलं.
****
राष्ट्रीय छात्र सेना - एनसीसीच्या महाराष्ट्र संचालनालय देशात सर्वोत्कृष्ट संचालनालय ठरल्याबद्दल, राज्यपाल बैस यांच्या हस्ते काल या संचालनालयाचा 'राज्यपालांचे प्रशस्तीपत्र' प्रदान करण्यात आलं. एनसीसी प्रशिक्षण सर्वांसाठी अनिवार्य केलं तर तो एक चांगला निर्णय ठरेल, असं मत राज्यपालांनी यावेळी व्यक्त केलं.
****
या बातम्या आकाशवाणीच्या छत्रपती संभाजीनगर केंद्रावरून देत आहोत
****
लैंगिक शोषणाचे आरोप असलेला धर्मनिरपेक्ष जनता दलाचा खासदार प्रज्ज्वल रेवण्णा याला आज पहाटे बंगळुरु विमानतळावरुन ताब्यात घेण्यात आलं. रेवण्णा यांच्या भारतात परत येण्याबद्दल इंटरपोलनं माहिती दिल्यानंतर कर्नाटक पोलिसांच्या विशेष तपास पथकानं त्याला तत्काळ अटक केल्याचं, याबाबतच्या वृत्तात म्हटलं आहे.
****
काँग्रेस पक्षाचा राज्याचा दुष्काळ पाहणी दौरा आजपासून छत्रपती संभाजीनगर इथून सुरु होत आहे. काँग्रेसचे प्रदेशाध्यक्ष नाना पटोले यांच्या उपस्थितीत हा दौरा सुरू होणार आहे.
या दौऱ्याच्या पार्श्वभूमीवर विधानसभेतले विरोधी पक्षनेते विजय वडेट्टीवार यांनी काल छत्रपती संभाजीनगर इथं बोलताना दुष्काळाच्या मुद्यावरून सरकारवर टीका केली. जनावरांना दावणीपर्यंत चारा उपलब्ध करून द्यावा, बँकाकडून सुरू असलेली कर्जवसुली थांबवण्यात यावी, आदी मागण्या त्यांनी यावेळी केल्या. शेतकऱ्यांना मोफत वीज, बियाणे, खते उपलब्ध करून देण्याची मागणी त्यांनी केली. शेतकरी आत्महत्या रोखण्यासाठी ठोस उपाययोजना करण्याकडे वडेट्टीवार यांनी लक्ष वेधलं.
वडेट्टीवार यांनी काल जालना जिल्ह्यातही दुष्काळी भागाची पाहणी केली. दुष्काळी परिस्थिती आणि उपाययोजनांकडे शासनाचं सपशेल दुर्लक्ष असल्याचा आरोप त्यांनी यावेळी केला.
****
जागतिक तंबाखूविरोधी दिन आज पाळण्यात येत आहे. तंबाखू सेवन करणाऱ्यांनी, तंबाखू न खाण्याची शपथ घ्यावी, असं आवाहन छत्रपती संभाजीनगरचे जिल्हा शल्यचिकित्सक, डॉक्टर दयानंद मोतीपवळ यांनी केलं आहे.
तंबाखू सेवनाने गंभीर स्वरुपाचे आजार होतात. त्याच्यामध्ये रक्तदाब आहे, उच्चदाब आहे, ह्रदयविकार आहे, कर्करोग आहे. १३ ते १५ वर्ष वयोगटातले ३० टक्के मुलं हे घरीच तंबाखुचं सेवन करतात, असं आढळलं. ज्यांना कोणाला तंबाखू सोडायची आहे, त्यांनी टोल फ्री क्रमांक आहे, 1800112356. याच्यावर जर आपण फोन केला, तर त्याच्याकडून लगेचच आपल्याला प्रतिसाद मिळतो. जिल्हा स्तरावर तंबाखू नियंत्रण पथक आहे, त्यांच्याकडे जाऊन समूपदेशन करुन तंबाखू सोडायला मदत होते.
****
नैर्ऋत्य मोसमी पाऊस काल नेहमीपेक्षा दोन दिवस आधीच केरळमध्ये दाखल झाला आहे. येत्या दोन ते तीन दिवसांत कर्नाटक, तामिळनाडू आणि पुदुच्चेरीसह दक्षिण भारताच्या उर्वरित भागात मोसमी पावसाच्या वाटचालीसाठी अनुकूल परिस्थिती असल्याचं, हवामान विभागाचे महासंचालक मृत्युंजय मोहपात्रा यांनी सांगितलं.
दरम्यान, देशाच्या वायव्य प्रांतातली तीव्र उष्णतेची लाट कालपासून ओसरत आहे. तसंच पश्चिमेकडच्या जोरदार वाऱ्यांच्या प्रभावामुळे या भागात येत्या दोन जून पर्यंत मेघगर्जनेसह हलक्या स्वरूपाच्या पावसाची शक्यता असल्याचं मोहपात्रा यांनी सांगितलं.
****
धाराशिव जिल्ह्यातल्या एक हजार १०२ पाणी नमुन्यांपैकी २३४ नमुने दूषित असल्याचं आढळलं आहे. जिल्ह्यातल्या ६२२ पैकी १९६ ग्रामपंचायतींना जिल्हा आरोग्य प्रशासनानं पिवळे कार्ड दिलं असून, पाण्यासंबंधी दक्षता घेण्याची सूचना नागरिकांना केली आहे.
****
छत्रपती संभाजनगर इंथल्या स्वामी रामानंद तीर्थ मराठवाडा संशोधन संस्थेतर्फे दिला जाणारा ना. वि. देशपांडे ग्रंथभेट पुरस्कार, यंदा जिंतूर तालुक्यातल्या, बोरी इथल्या जयकुमार जैन सार्वजनिक वाचनालयाला जाहीर करण्यात आला आहे. ग्रंथभेट योजनेतली पंचवीस हजार रुपयांची पुस्तकं आणि स्मृतिचिन्ह असं या पुरस्काराचं स्वरूप आहे. हा पुरस्कार प्रदान समारंभ, उद्या शनिवारी, बोरी मध्ये वाचनालय परिसरात होणार आहे.
****
धाराशिव जिल्ह्यातला एकही शेतकरी खरीप पिक कर्जापासून वंचित राहणार नाही याची दक्षता सर्व बँकांनी घ्यावी, असे निर्देश जिल्हाधिकारी डॉ. सचिन ओंबासे यांनी दिले आहेत. धाराशिव इथं काल आगामी खरीप हंगामाच्या पीक कर्ज वाटप आढावा बैठकीत ते बोलत होते. जास्तीत जास्त शेतकऱ्यांना पीक कर्ज वाटप करण्यासाठी बँकांनी गावनिहाय शिबिराचं आयोजन करून शेतकऱ्यांकडून कागदपत्राची पूर्तता करावी, असं त्यांनी सांगितलं.
****
लातूर जिल्ह्यात जल जीवन मिशन योजनेच्या कामांना अद्याप अपेक्षित गती आलेली नसून, अशा कामांना गती देण्यासाठी संबंधित शासकीय यंत्रणांनी समन्वयाने काम करण्याच्या सूचना जिल्हाधिकारी वर्षा ठाकूर-घुगे यांनी दिल्या आहेत. पाणी टंचाई उपाययोजना आणि जल जीवन मिशनच्या कामांचा आढावा घेण्यासाठी आयोजित बैठकीत त्या काल बोलत होत्या.
दरम्यान, लातूर इथं लोकसभा निवडणुकीची मतमोजणी शासकीय निवासी महिला तंत्रनिकेतन इथं होणार असून, याठिकाणी तयारीचा आढावा जिल्हाधिकार्यांनी काल घेतला.
****
जालना जिल्ह्यात लोकसभा निवडणुकीच्या मतमोजणीची तयारी पूर्ण झाली आहे. मतमोजणी प्रक्रियेसाठी नियुक्त करण्यात आलेले अधिकारी आणि कर्मचाऱ्यांनी निवडणूक आयोगाच्या निर्देशानुसार जबाबदारी आणि निष्ठेने आपापली कामं करावीत, अशी सूचना जिल्हाधिकारी तथा जिल्हा निवडणूक निर्णय अधिकारी डॉ. श्रीकृष्ण पांचाळ यांनी केली आहे.
****
धाराशिव तालुक्यात एका पोलीस पाटलाच्या नूतनीकरणाच्या प्रकरणात पोलीस निरीक्षक नागरगोजे यांनी दाखल केलेला गुन्हा हा बेकायदेशीर असून, संबंधित पोलीस निरीक्षक आणि त्यांच्या सहकार्यावर प्रशासकीय कारवाई करून त्याचा अहवाल पाठवण्याचे आदेश जिल्हाधिकारी डॉक्टर सचिन ओंबासे यांनी जिल्हा पोलीस अधीक्षकांना दिले आहेत. कोणतीही कायदेशीर बाबींची शहानिशा न करता तलाठी मंडळ अधिकाऱ्यांना बेकायदेशीर केलेली अटक या विरोधात महसूल विभागातल्या कर्मचार्यांनी काल सलग दुसऱ्या दिवशीही काम बंद आंदोलन केलं. त्यामुळे जिल्ह्यात महसूल विभागाच्या कामकाजावर परिणाम झाला आहे.
****
धाराशिव जिल्ह्यात २४ ते २६ मे दरम्यान वादळी वारा आणि अवकाळी पावसामुळे झालेल्या नुकसानाचे शासनानं तात्काळ पंचनामे करावेत आणि शेतकरी कुटुंबांना मदत करावी अशी मागणी माजी मंत्री मधुकरराव चव्हाण यांनी केली आहे. ते काल धाराशिव जिल्ह्यातल्या सांगवी, कामेगाव, दाऊपूर, भंडारवाडी या भागाला दिलेल्या भेटीनंतर बोलत होते. शासनानं निकष बाजूला ठेवून मदत करण्याची गरज असल्याचं ते म्हणाले.
****
थकित मालमत्ता करापोटी लातूर महापालिकेनं काल सहा गाळ्यांना सील ठोकलं असून, एका दिवसात पाच लाख रुपयांचा करही वसूल केला आहे. शहरातल्या व्यापारी संकुलात असणाऱ्या ज्या गाळेधारकांकडे थकबाकी आहे त्यांनी थकबाकी भरावी, अन्यथा कारवाईचा इशारा महापालिका उपायुक्त डॉ. पंजाब खानसोळे यांनी दिला आहे.
****
हिंगोली जिल्ह्यात जिंतूर जवळ खाजगी बस उलटून झालेल्या अपघातात १५ प्रवासी जखमी तर तीन जण गंभीर जखमी झाले आहेत. ही बस जोधपूरहून हैदराबादकडे जात होती. जखमींना उपचारासाठी उपजिल्हा रुग्णालयात दाखल करण्यात आलं आहे
****
