Regional Urdu Text Bulletin, Chatrapati Sambhajinagar
Date: 22 April-2024
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۲۲؍ اپریل ۲۰۲۴ء
وقت: ۱۰:۹-۰۰:۹
***** ***** *****
::::: سرخیاں::::::
پیش ہے خاص خبروں کی سرخیاں:
٭ پارلیمانی انتخابات کے تیسرے مرحلے کیلئے پرچۂ نامزد گی و اپس لینے کا آج آخری دِن۔
٭ د وسرے مرحلے کی ا نتخابی تشہیر کے آخری چند دِن؛ انتخابی جلسوں اور تشہیری مہم میں تیزی۔
٭ انتخابی تشہیر ی گیت سے ’’ہندو‘‘ او ر ’’جئے بھوانی ‘‘ جیسے الفاظ نکالنے کی ہدایت اُدّھو ٹھاکرے نے مسترد کردی۔
اور۔۔۔٭ گذشتہ دو دِنوں کے دوران غیر موسمی بارش سے ہونے والے حادثات میں ڈویژن میں پانچ افراد کی موت۔
***** ***** *****
اب خبریں تفصیل سے:
پارلیمنٹ کے عام انتخابات کے تیسرے مرحلے میں کاغذات نامزدگی واپس لینے کا آج آخری دن ہے۔ اس مرحلے میں مراٹھواڑہ کے لاتور اور عثمان آباد سمیت ریاست کے گیارہ حلقوں میں361 امیدواروں نے 522 امیدوار ی عریضے داخل کیے ہیں۔ ان میں سے 317 امیدواروں کی پرچۂ نامزدگی جانچ کے بعد درست قرار پائے تھے۔ تیسرے مرحلے کے تحت آئندہ ماہ 7 مئی کو رائے دہی کی جائےگی ۔
***** ***** *****
دریں اثنا، انتخابی پر وگرام کے تحت دوسرے مرحلے میںمر اٹھو اڑہ کے ناندیڑ، ہنگولی اور پربھنی سمیت ریاست کے آٹھ حلقوں بلڈانہ، اکولہ، امراوتی، وردھا اور واشم میںآئندہ 26 اپریل کو ر ائے دہی ہوگی۔ اس کے پیشِ نظر ان تمام حلقوں میں انتخابی تشہیری جلسوں میں تیزی آگئی ہے۔
***** ***** *****
بی جے پی کے قومی صدر جے پی نڈا نے بلڈانہ پارلیمانی حلقہ انتخاب سے عظیم اتحاد کے امیدوار پرتاپ جادھو کی تشہیری مہم کے تحت کل سنگرام پور تعلقہ کے وروٹ بکال میں ایک جلسۂ عا م سے خطاب کیا۔ انہوں نے 2047 تک ترقی یافتہ بھارت کے عزم کا اعادہ کرتے ہوئے کہا کہ ایک مضبوط اور مستحکم حکومت کی وجہ سے ہم دفعہ 370 کو ہٹانے، تین طلاق کو ختم کرنے میں کامیاب ہوئے ہیں۔
***** ***** *****
مرکزی وزیر اور بی جے پی رہنما نتن گڈکری نے بھی کل ناندیڑ میں عظیم اتحاد کے امیدوار پرتاپ پاٹل چکھلیکرکی تشہیر کیلئے مکھیڑ اور ہنگولی کے امیدوار بابو راؤ کدم کوہلیکر کی تشہیرکیلئے ہنگولی میں ایک جلسۂ عام سے خطاب کیا۔ انھوں نے کہا کہ حزبِ مخالف جماعتوں کے پاس ووٹ مانگنے کیلئے کوئی موضوع نہیں ہے، اس لیے مخالف جماعتیں آئین کو تبدیل کرنے کا پروپیگنڈہ کررہی ہیں۔ انھوں نے کانگریس کی جانب سے اب تک 80 مرتبہ آئین میں تبدیلی کرنے کی جانب بھی حاضرین کی توجہ مبذو ل کروائی۔
***** ***** *****
بی جے پی رہنما اورنائب وزیرِ اعلیٰ دیویندر پھڑنویس نے ایوت محل۔ واشم حلقہ انتخاب سے عظیم اتحاد کی امیدوار راج شری پاٹل کی انتخابی تشہیر کیلئے رالےگاؤں میں ایک جلسۂ عام سے خطاب کیا۔
***** ***** *****
کُل ہند مجلسِ اتحادالمسلمین (ایم آئی ایم ) نے کولہاپور انتخابی حلقے سے مہاوکاس اگھاڑی کے امیدوار شاہو مہاراج چھترپتی اور جلگاؤں کے امیدوار اُنمیش پاٹل کی غیر مشروط حمایت کا اعلان کیا ہے۔کل چھترپتی سمبھاجی نگر میں ایم آئی ایم رہنما اور موجودہ رُکنِ پارلیمان و اورنگ آباد حلقۂ انتخاب کے امیدوار امتیاز جلیل نے ایک صحافتی کانفرنس میں یہ جانکاری دی۔ امتیاز جلیل نے بتایا کہ وہ کل 23 اپریل کو آنندراج امبیڈکر کی تشہیر ی مہم کیلئے امراوتی جائیں گے۔ انہوں نے ریاست میں زیادہ سے زیادہ پانچ سے چھ لوک سبھا نشستیں ہی لڑنے اور اسمبلی انتخابات میں پوری طاقت کے ساتھ اُترنے کی وضاحت بھی کی۔ امتیاز جلیل نے مزید بتایا کہ اورنگ آباد لوک سبھا حلقے کیلئے وہ آئندہ 24تاریخ کو اپنے کاغذاتِ نامزدگی داخل کریں گے۔
***** ***** *****
راویر پا ر لیمانی حلقہ انتخاب سے مہاوکاس اگھاڑی کے امیدوار شری رام پاٹل کی انتخابی مہم کیلئے کل جلگاؤں ضلع کے جامنیر میں مہاوکاس اگھاڑی کے کارکنان کا ایک جلسہ منعقد ہوا۔ راشٹروادی کانگریس شرد چندر پوارپا رٹی کے صدر شرد پوار نے اس موقع پر حاضرین سے خطاب کیا۔
***** ***** *****
لاتور پارلیمانی حلقہ میں مہاوکاس اگھاڑی کے امیدوار ڈاکٹر شیواجی کالگے کی تشہیری مہم کیلئے کل احمد پور تعلقہ کے ہڈولتی میں ایک جلسہ عام منعقد ہوا، جس میں سابق وزیر اور کانگریس رہنما امیت دیشمکھ نے بی جے پی پرتنقید کرتے ہوئے کہا کہ پرسوں بی جے پی قائد نریندر مودی ناندیڑ د ورے پر آئے تھے، لیکن انھوں نے عام شہریوںکے مسائل، زرعی پیداوار کے ضمانتی نرخ، کسانوں کیلئے قرض معافی ا ورمہنگائی جیسے موضوعات پر لب کشائی نہیں کی۔
***** ***** *****
شیو سینا ادھو بالاصاحب ٹھاکرے پارٹی کے سربراہ ادھو ٹھاکرے نے انتخابی تشہیری مہم کے گیت سے ہندومذہب اور جئے بھوانی کے الفاظ کو نکالنے کی مرکزی انتخابی کمیشن کی تجویز قابل قبول نہ ہونے کی وضاحت کی ہے۔ وہ گزشتہ روز ممبئی میں ایک اطلاعی کانفرنس سے خطاب کر رہے تھے۔ انتخابی مہم کے دوران بی جے پی قائدین وزیر اعظم نریندر مودی اور امیت شاہ کے مبینہ مذہبی بیانات کا حوالہ دیتے ہوئے ٹھاکرے نے کہا کہ انہوں نے انتخابی کمیشن ایک یادداشت بھی ارسال کی تھی لیکن کمیشن نے اس کا کوئی جواب نہیں دیا۔
دریں اثناء انتخابی کمیشن کی ہدایات کے تحت انتخابی تشہیر میں مذہبی الفاظ اور نعروںکا استعمال نہیں کیاجا سکتا اس لیے یہ کارروائی کیے جانے کی اطلاع ذرائع نے دی ہے۔ شیوسینا قائد ایکناتھ شندے کی شیو سینا کے انتخابی گیت میں بھی ’’جئےبھوانی لفظ‘‘ شامل تھا‘ اس لفظ کو بھی انتخابی تشہیری گیت سے نکالنے کی تجویز انتخابی کمیشن کی کمیٹی نے دی تھی۔ مذکورہ لفظ اور دیگر مذہبی حوالوں کو خارج کرکے ایک نیا گیت پیش کیے جانے پر اسے منظوری دی گئی۔ اسی طرح اجیت پوار کی سربراہی والی راشٹروادی کانگریس پارٹی اور راج ٹھاکرے کی مہاراشٹر نونرمان سینا کے کچھ اشتہارات میں بھی مختلف مذہبی علامتوں اور تصاویر کا استعمال کیا گیا تھا۔تاہم انتخابی کمیشن کی متعلقہ کمیٹی نے انتخابی گیتوں سے ان علامتوں اور تصاویر کو نکالنے کی تجویز دینے کی وضاحت متعلقہ خبر میں کی گئی ہے۔
***** ***** *****
سامعین، پارلیمانی انتخابات کے امیدواروں، انتخابی مید ان میں اُن کے اُترنے کا مقصد اورمقامی سیاست کا جائزہ لینے کیلئے آکاشوانی نے ایک پروگرام ’’لوک نرنئے مہاراشٹراچا‘‘ شروع کیا ہے ۔اس پروگرام کے آج کے نشریہ میں، بارامتی لوک سبھا حلقہ سے متعلق تجزیہ پیش کیا جائےگا۔ یہ پروگرام شام سات تا ساڑھے سات بجے کے درمیان آکاشوانی ممبئی کے اسمیتا چینل اور سوشل میڈیا پر سنا جا سکتا ہے۔
***** ***** *****
صدر ِ جمہوریہ درَوپدی مُرمو آج دوسرے مرحلے کے پدم ایوارڈز تفو یض کریں گی۔ اس پروگرام میں سابق نائب صدر وینکیا نائیڈو اور بھرت ناٹیم رقاصہ ڈاکٹر پدما سبرامنیم کو پدم وِبھوشن، فلم اداکار متھن چکرورتی اور گلوکارہ اوشا اُتھُپ کو پدم بھوشن اور سابق گورنر رام نائیک سمیت دیگر معززین کو پدم شری اعزاز سے نوازا جائے گا۔
***** ***** *****
ڈویژن میں گذشتہ دو دِنوں کے د ور ان غیر موسمی بارش سے پیش آئے واقعات میں پانچ افراد لقمۂ اَجل بن گئے ہیں۔
چھترپتی سمبھاجی نگر میں ایک مکان کی چھت پر نصب شمسی توانائی پر چلنے والے ہیٹر کی پانی کی ٹنکی گرنے سے ایک کمسن بچی ‘جبکہ ایک 48 سالہ شخص پر شیڈ گرنے سے اس کی مو ت واقع ہوئی۔ نا ندیڑ اور لاتور اضلاع میں بھی جسم پر بجلی گرنے سے تین افراد کی موت ہوگئی۔
آئندہ د و دِنوں میں مراٹھواڑہ اور ودربھ کے کچھ مقامات پر ژالہ باری سمیت بارش ہونے کی پیشن گوئی محکمہ موسمیات نے کی ہے۔ دریں اثنا ریاست میں کل اکولہ میں سب سے ز یادہ 42 ڈگر ی درجہ حرار ت درج کیا گیا۔پربھنی میں 40 ، جبکہ چھترپتی سمبھاجی نگر میں 38 ڈگری درجۂ حرارت درج کیا گیا۔
***** ***** *****
جین مذہب کے 24ویں تیرتھنکروَردھمان بھگوان مہاویر کایومِ پید ائش مختلف سرگرمیوں کے ساتھ ملک بھر میں منایا گیا۔ ہر سال چیت مہینے کی تیرہویں تاریخ کو یہ تہوار منایا جاتا ہے۔ کل وزیرِ اعظم کے ہاتھوں نئی دہلی میں بھگوان مہاویر کے نِروان تقریب کا افتتاح عمل میں آیا اور خصوصی ڈاک ٹکٹ اور خصوصی سکے کی اجرا ئی بھی عمل میں آئی۔
چھترپتی سمبھاجی نگر میں بھی مہاویر جینتی کے موقعے پر کرانتی چوک‘ پیٹھن گیٹ راستے پر ر یلی کا انعقاد کیا گیا، جس میں جین مذہب کے افراد نے کثیر تعداد میں شرکت کی۔
***** ***** *****
مشہو ر شاعر پروفیسر داسو و یدیہ نے ا ُمید ظاہرکی ہے کہ ادبِ اطفال لکھنے والے ادیب نئی نسل کی ضرو رت کو ذہن میں رکھ کر کام کریں۔وہ کل پیٹھن تعلقے کے بڑکن میں کُل ہند مر اٹھی بال کمار ساہتیہ سمّیلن کے اجلاس سے مخا طب تھے۔ سبکدوش جج امبا داس جوشی کے ہاتھوں اس سمّیلن کا افتتاح عمل میں آیا۔
***** ***** *****
پارلیمانی انتخابات میں ر ائے دہی فیصد میں اضافے کیلئے سرکاری سطح پر مختلف سرگرمیاں چلا ئی جا رہی ہیں۔ ناند یڑ میں کل نئے رائے دہندگان اور اسکولی کھلاڑیوں نے انتخابی بیداری ریلی نکالی اور مختلف پر وگر اموں میں حصہ لیا۔ شہر کی معزز شخصیات ‘ کھلاڑی‘ سرکاری و نیم سرکا ری دفاتر کے ملازمین نے ان پر وگر امو ں میں شرکت کی۔ ضلع کلکٹر ابھیجیت رائوت کے ہا تھوں ’’رائے دہی کریں گے ہی‘‘ نامی سیلفی پوائنٹ کا ا فتتاح عمل میں آیا۔
***** ***** *****
::::: سرخیاں::::::
آخرمیں اس بلیٹن کی خاص خبریں ایک بار پھر:
٭ پارلیمانی انتخابات کے تیسرے مرحلے کیلئے پرچۂ نامزد گی و اپس لینے کا آج آخری دِن۔
٭ د وسرے مرحلے کی ا نتخابی تشہیر کے آخری چند دِن؛ انتخابی جلسوں اور تشہیری مہم میں تیزی۔
٭ انتخابی تشہیر ی گیت سے ’’ہندو‘‘ او ر ’’جئے بھوانی ‘‘ جیسے الفاظ نکالنے کی ہدایت اُدّھو ٹھاکرے نے مسترد کردی۔
اور۔۔۔٭ گذشتہ دو دِنوں کے دوران غیر موسمی بارش سے ہونے والے حادثات میں ڈویژن میں پانچ افراد کی موت۔
***** ***** *****
اس کے ساتھ ہی علاقائی خبریں ختم ہوئیں۔
ان خبروں کو آپ AIR چھترپتی سمبھاجی نگر یوٹیوب چینل‘ پر دوبارہ کسی بھی وقت سن سکتے ہیں۔
***** ***** *****
No comments:
Post a Comment