Text - आकाशवाणी छत्रपती संभाजीनगर - दिनांक 30.07.2026 रोजीचे सायंकाळी 06.10 वाजेचे मराठी बातमीपत्र

 

Regional Marathi Text Bulletin, Chhatrapati Sambhajinagar

Date – 30 July 2026

Time 18.10 to 18.20

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक – ३० जुलै २०२६ सायंकाळी ६.१०

****

·      सार्वजनिक परीक्षा अनुचित साधने प्रतिबंध सुधारणा विधेयकावर राज्यसभेत चर्चा सुरू

·      काँग्रेसकडून गृहमंत्री अमित शहा यांच्या राजीनाम्याची मागणी

·      अंमली पदार्थांविरोधात सामुहिक युद्धाची गरज मुख्यमंत्री देवेंद्र फडणवीस यांच्याकडून व्यक्त

·      शंभराव्या अखिल भारतीय मराठी साहित्य संमेलनाला पाच कोटी रुपये निधी जाहीर

·      राज्यात यंदाच्या खरीप हंगामात सुमारे ८२ टक्के क्षेत्रावर पेरणी पूर्ण .

·      क्रिकेटपटू अजिंक्य राहणे सर्व प्रकारच्या आंतरराष्ट्रीय क्रिकेटमधून निवृत्त 

आणि

·      मराठवाड्यात जालना, परभणी तसंच हिंगोली जिल्ह्याला आज पावसाचा रेड अलर्ट

****

सार्वजनिक परीक्षा अनुचित साधने प्रतिबंध सुधारणा विधेयकावर आज राज्यसभेत चर्चा सुरू झाली. राज्यमंत्री डॉ जितेंद्र सिंह यांनी हे विधेयक सदनासमोर मांडलं. विरोधी पक्षनेते मल्लिकार्जुन खरगे यांनी या चर्चेत सहभग घेत, सरकारने सर्वंकष राष्ट्रीय युवा रोजगार धोरण सादर करावं, तसंच केंद्र सरकारच्या विविध कार्यालयातल्या तसंच संस्थांमधली रिक्त पदं तातडीनं भरावीत, अशी मागणी केली. सरकारने जंतरमंतरवरच्या आंदोलनासंदर्भात घेतलेल्या भूमिकेवर टीका करतांना खरगे यांनी, आंदोलकांवर झालेल्या कारवाईप्रकरणी चौकशी करावी, गृहमंत्री अमित शहा यांनी जबाबदारी स्वीकारून राजीनामा द्यावा, अशी मागणी केली

राष्ट्रवादी काँग्रेसचे प्रफुल्ल पटेल यांनी यासंदर्भात बोलतांना, सरकारने उचललेल्या पावलांमुळे परिस्थिती नियंत्रणात आल्याचं सांगत, सरकारकडून योग्य दिशेनं सुरू असलेली कार्यवाही समजून घेण्याचं आवाहन केलं.

द्रमुकचे तिरुची शिवा यांनी आपल्या पक्षाच्या भूमिकेनुसार नीट रद्द करण्याची मागणी केली. अण्णाद्रमुकचे एम तंबिदुराई, समाजवादी पक्षाचे रामगोपाल यादव, तृणमूल काँग्रेसच्या सागरिका घोष, बिजू जनता दलाचे संतृप्त मिश्रा, आम आदमी पक्षाचे संजय सिंह, यांच्यासह अनेकांनी या विधेयकावरच्या चर्चेत सहभाग घेतला. ही चर्चा सध्या सुरू आहे.

**

लोकसभेनं आज वंदे मातरम संदर्भातलं राष्ट्र गौरव अवमान विधेयक संमत केलं. राज्यसभेनं काल मंजूर केलेलं हे विधेयक मंत्री नित्यानंद राय यांनी सदनासमोर मांडलं. डीएमकेच्या खासदार कनिमोळी यांनी या विधेयकाच्या विरोधात तर भाजप खासदार संबित पात्रा यांनी विधेयकाच्या बाजूने आपलं मत मांडलं, त्यानंतर विरोधकांच्या गदारोळातच सदनाने हे विधेयक आवाजी मतदानाने मंजूर केलं. त्यापूर्वी नीट पेपरफुटीप्रकरणी विद्यार्थी आंदोलनावरच्या कारवाईविरोधात विरोधकांनी केलेल्या गदारोळामुळे लोकसभेचं कामकाज दुपारी दोन वाजेपर्यंत वारंवार बाधित झालं. वंदे मातरम संदर्भातलं विधेयक संमत झाल्यानंतर सदनाचं कामकाज दिवसभरासाठी तहकूब करण्यात आलं.

****

अंमली पदार्थांच्या विरोधात सामुहिक युद्ध पुकारण्याची गरज मुख्यमंत्री देवेंद्र फडणवीस यांनी व्यक्त केली आहे. आज मुंबईत अंमली पदार्थमुक्त मुंबई अभियानाच्या उद्घाटनप्रसंगी ते बोलत होते. हे युद्ध जिंकण्यासाठी तरुण पिढीचा निग्रह अतिशय आवश्यक असल्याचं, मुख्यमंत्री म्हणाले. नशामुक्त भारतासाठी नशामुक्त महाराष्ट्र, नशामुक्त मुंबई करणं अतिशय महत्त्वाचं असून आजची युवा पिढी यात अतिशय मोलाचं योगदान देणार असल्याचं मुख्यमंत्र्यांनी सांगितलं. उपस्थितांना अंमली पदार्थविरोधी शपथही मुख्यमंत्र्यांनी दिली.

****

आजच्या युगात यशासाठी तांत्रिक ज्ञानासोबतच संवाद कौशल्ये, डिजिटल आणि एआय साक्षरता, चिकित्सक विचार आणि नैतिक मूल्य देखील महत्त्वाची असल्याचं, राज्यपाल जिष्णु देव वर्मा यांनी म्हटलं आहे. पुण्यश्लोक अहिल्यादेवी होळकर सोलापूर विद्यापीठाच्या २२ व्या पदवीप्रदान समारंभात ते आज बोलत होते. यावेळी राज्यपालांच्या हस्ते ज्येष्ठ शास्त्रज्ञ पद्मभूषण प्राध्यापक डॉ. जेष्ठराज जोशी यांना मानद 'डी. एस्सी.' आणि सामाजिक कार्यकर्ते पद्मश्री गिरीश प्रभुणे यांना मानद 'डी. लिट.' पदवी देऊन सन्मानित करण्यात आलं.

दरम्यान, राज्यपाल वर्मा धाराशिव जिल्ह्यात तुळजापूर इथं दाखल झाले, जिल्हाधिकारी कीर्ती किरण पुजार यांनी राज्यपाल वर्मा यांचं पुष्पगुच्छ देऊन स्वागत केलं.

****

शंभराव्या अखिल भारतीय मराठी साहित्य संमेलनाला पाच कोटी रुपये देण्याचा निर्णय मराठी भाषा विभागाने घेतला आहे. मराठी भाषा मंत्री उदय सामंत यांनी आज पत्रकार परिषदेत ही माहिती दिली. या निमित्त होणाऱ्या ९९व्या नांदी साहित्य संमेलनांसाठी देखील पाच कोटी रुपयांची तरतूद करण्यात येणार आहे. विद्यापीठांमध्ये होणाऱ्या १३ विद्यार्थी साहित्य संमेलनांसाठी प्रत्येकी २५ लाख रुपये याप्रमाणे राज्यातील तेरा विद्यापीठांना मिळून चार कोटी रुपये निधी सामंत यांनी जाहीर केला.

****

राज्यात यंदाच्या खरीप हंगामात सुमारे ८२ टक्के क्षेत्रावर पेरणी पूर्ण झाली आहे. २७ जुलै अखेर ऊस वगळता १४४ पूर्णांक ३६ शतांश लाख हेक्टर क्षेत्रापैकी ११७ पूर्णांक ६९ शतांश लाख हेक्टरवर पेरणी झाली आहे. सोयाबीनची सर्वाधिक ४५ पूर्णांक १० शतांश लाख हेक्टर क्षेत्रावर, कापूस साडे ३६ लाख हेक्टर, मका ११ पूर्णांक ४३ शतांश लाख हेक्टर आणि तुरीची पेरणी १० पूर्णांक ६७ शतांश लाख हेक्टर क्षेत्रावर झाली आहे.

एक जून ते २७ जुलै या कालावधीत राज्यात सरासरीच्या ९४ टक्के पाऊस झाला आहे. गेल्या वर्षी याच कालावधीत सरासरीच्या ९६ टक्के पाऊस झाला होता.

****

रजोनिवृत्ती आणि पॉलीसिस्टिक ओव्हरी सिंड्रोम विषयक आरोग्यसेवा अधिक सक्षम आणि परिणामकारक करण्याच्या उद्देशाने आज छत्रपती संभाजीनगर इथे राज्यस्तरीय प्रशिक्षण कार्यशाळेचं उद्घाटन झालं. सार्वजनिक आरोग्य आणि कुटुंब कल्याण राज्यमंत्री मेघना साकोरे-बोर्डीकर यांच्या हस्ते उदघाटन झालेल्या कार्यशाळेत विविध विषयांवर तज्ज्ञ डॉक्टरांकडून मार्गदर्शन केलं जाणार आहेत.

****

धाराशिव जिल्ह्यातल्या परंडा तालुक्यात परवा एक ऑगस्टला छत्रपती शिवाजी महाराज महाराजस्व समाधान शिबिर आयोजित करण्यात येणार आहे. या शिबिरास नागरिकांनी मोठ्या संख्येने उपस्थित राहावं, असं आवाहन आयोजकांनी केलं आहे.

****

परभणी जिल्ह्यात जिंतूर तालुक्यातल्या बोरी इथल्या अनुराधा चौधरी यांनी उमेद अभियानातून मोठी प्रगती साधली आहे. याबाबत आपला अनुभव त्यांनी या शब्दांत सांगितला..

बाईट - अनुराधा चौधरी

****

पुण्यश्लोक अहिल्यादेवी होळकर शेतकरी कर्जमुक्ती योजना २०२६ अंतर्गत पात्र ठरलेल्या बीड जिल्ह्यातल्या शेतकऱ्यांनी तात्काळ आधार प्रमाणीकरण पूर्ण करावं, असं आवाहन जिल्हाधिकारी विवेक जॉन्सन यांनी केलं आहे. बीड जिल्ह्यात ११ तालुक्यांतल्या एकूण ९७ हजार १९४ शेतकरी कर्जमाफीसाठी पात्र ठरले आहेत. मात्र, आतापर्यंत केवळ २७ हजार ५०० शेतकऱ्यांचं आधार प्रमाणीकरण पूर्ण झालं आहे.

****

हिंगोली जिल्ह्यातल्या वसमत नगरपरिषदेचे उपनगराध्यक्ष सय्यद इम्रान यांच्या शेतात डांबून ठेवलेल्या १९ गोवंशीय जनावरांची पोलिसांनी धाड टाकून सुटका केली. याप्रकरणी उपनगराध्यक्षांविरुद्ध वसमत ग्रामीण पोलीस ठाण्यात गुन्हा दाखल करण्यात आला आहे.

****

क्रिकेटपटू अजिंक्य राहणे याने सर्व प्रकारच्या आंतरराष्ट्रीय क्रिकेटमधून निवृत्ती जाहीर केली आहे. समाजमाध्यमावरच्या संदेशातून त्याने ही माहिती दिली. अजिंक्यने भारतासाठी शेवटचा कसोटी सामना २०२३ मध्ये वेस्ट इंडिज दौऱ्यात, तर शेवटचा एकदिवसीय सामना २०१८ मध्ये इंग्लंडविरुद्ध खेळला होता. त्याने आपल्या कारकिर्दित एकूण ८५ कसोटी सामने, ९० एकदिवसीय सामने आणि २० टी-ट्वेंटी सामने खेळले आहेत.

****

राज्यातल्या अनेक भागात आज पाऊस सुरु आहे. छत्रपती संभाजीनगर तसंच जालना जिल्ह्याच्या बहुतांश भागात आज सकाळपासून मध्यम स्वरुपाचा पाऊस सुरू आहे. दुपारनंतर तासभर जोरदार पाऊस झाला. 

नांदेड शहरातील नेताजी सुभाषचंद्र बोस महाविद्यालयासमोरील रस्ता खचल्यामुळे एक कार त्या खड्ड्यात कोसळली. सुदैवाने या कारमध्ये कोणीही नसल्याने कोणीही जखमी झालं नाही. नांदेड जिल्ह्यात किनवट आणि माहूर इथं मुसळधार पाऊस झाला. पैनगंगा नदीवर किनवट तालुक्यात असलेला सहस्त्रकुंड धबधबा यावर्षी पहिल्यांदाच प्रवाहित झाला आहे. जिल्ह्यात गेल्या २४ तासात ३५ पूर्णांक ५० मिलीमीटर पाऊस झाला.

परभणी शहरात सुरू असलेल्या पावसाच्या पार्श्वभूमीवर महानगरपालिकेने आपत्ती व्यवस्थापन यंत्रणा सतर्क ठेवली आहे. शहरात काही भागात झाडं पडल्याने काही वाहनांचं नुकसान झालं, तसंच वाहतुक विस्कळीत झाली होती

लातूर जिल्ह्यात संततधार पावसाने शेतकऱ्यांना मोठा दिलासा मिळाला आहे. गेल्या चोवीस तासांत जिल्ह्यात सरासरी १९ पूर्णांक ३ मिलीमीटर पावसाची नोंद झाली.

हा पाऊस खरीप पिकांसाठी पोषक ठरत असल्याचं आमच्या वार्ताहरानं कळवलं आहे.

दरम्यान, हवामान विभागाने मराठवाड्यात जालना, परभणी तसंच हिंगोली जिल्ह्याला आज रेड अलर्ट, छत्रपती संभाजीनगर, बीड आणि नांदेड जिल्ह्याला ऑरेंज अलर्ट तर धाराशिव आणि लातूर जिल्ह्याला यलो अलर्ट देण्यात आला आहे. विदर्भ, उत्तर महाराष्ट्र, तसंच कोकणातल्या काही जिल्ह्यांनाही आज रेड तसंच ऑरेंज अलर्ट देण्यात आला असून, पश्चिम महाराष्ट्रात यलो अलर्ट देण्यात आला आहे.

****

 

आकाशवाणी छत्रपती संभाजीनगर - दिनांक 30.07.2026 रोजीचे दुपारी 01.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date - 30 July 2026

Time 01.00 to 01.05 PM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३० जुलै २०२६ दुपारी १.०० वा.

****

राज्यात यंदाच्या खरीप हंगामात सुमारे ८२ टक्के क्षेत्रावर पेरणी पूर्ण झाली आहे. २७ जुलै अखेर ऊस वगळता १४४ पूर्णांक ३६ लाख हेक्टर सरासरी क्षेत्रापैकी ११७ पूर्णांक ६९ लाख हेक्टरवर पेरणी झाली आहे. पेरणी झालेली बहुतांश पिकं उगवण ते वाढीच्या अवस्थेत असून, भात आणि नाचणीची पुनर्लागवड सुरू आहे. सोयाबीनची सर्वाधिक ४५ पूर्णांक १० लाख हेक्टर क्षेत्रावर, कापूस ३६ पूर्णांक ५० लाख हेक्टर, मका ११ पूर्णांक ४३ लाख हेक्टर आणि तूरीची १० पूर्णांक ६७ लाख हेक्टर क्षेत्रावर पेरणी झाली आहे.

दरम्यान, एक जून ते २७ जुलै या कालावधीत राज्यात सरासरीच्या ९४ टक्के पाऊस झाला आहे. गेल्या वर्षी याच कालावधीत सरासरीच्या ९६ टक्के पाऊस झाला होता.

****

मुंबईत ड्रग्ज फ्री मुंबई अभियानाची आज मुख्यमंत्री देवेंद्र फडणवीस यांच्या उपस्थितीत सुरुवात झाली. देशाला अंमली पदार्थमुक्त करण्यासाठी चळवळ उभी राहणं आवश्यक असून, अंमली पदार्थाची परिसंस्था नष्ट करावी लागेल, असं मुख्यमंत्री यावेळी म्हणाले. यावेळी त्यांनी उपस्थित विद्यार्थ्यांसोबत नशामुक्त भारत घडवण्याचा संकल्प केला.

****

राज्य शासनाने विनाअनुमती मुख्यालय सोडणाऱ्या तसंच अनधिकृतपणे गैरहजर राहणाऱ्या शासकीय अधिकारी आणि कर्मचाऱ्यांविरुद्ध कठोर शिस्तभंगाची कारवाई करण्याचे निर्देश दिले आहेत. यासंदर्भात सामान्य प्रशासन विभागाने परिपत्रक जारी केलं. प्रत्येक शासकीय कर्मचाऱ्याने कार्यालयातून किंवा मुख्यालयातून बाहेर जाण्यापूर्वी सक्षम प्राधिकाऱ्याची लेखी पूर्वपरवानगी घेणं बंधनकारक आहे. सैनिक कल्याण विभाग आणि त्याअंतर्गत असलेल्या काही कार्यालयांमध्ये अधिकारी आणि कर्मचारी कार्यालयीन वेळेत अनुपस्थित राहणं, उशिरा येणं, तसंच पूर्वपरवानगी न घेता मुख्यालय सोडणं अशा प्रकारच्या घटना निदर्शनास आल्याने शासनाने ही बाब गंभीरतेने घेतली आहे. पूर्वपरवानगीशिवाय मुख्यालय सोडणं किंवा रजा मंजूर नसताना गैरहजर राहणं ही अनधिकृत गैरहजेरी मानली जाईल, असं याबाबतच्या वृत्तात म्हटलं आहे.

****

नीट पेपरफुटीप्रकरणी विद्यार्थ्यांच्या आंदोलनादरम्यान पोलिस कारवाईच्या विरोधात विरोधकांनी केलेल्या गदारोळामुळे लोकसभेचं कामकाज दुपारी दोन वाजेपर्यंत स्थगित झालं. आज सकाळी सदनाचं कामकाज सुरु झाल्यावर अध्यक्ष ओम बिर्ला यांनी, राष्ट्रकूल स्पर्धेत पदक पटकावणार्या खेळाडुंचं अभिनंदन केलं.

त्यानंतर, जेव्हा अध्यक्षांनी प्रश्नोत्तराचा तास सुरू करण्याचा प्रयत्न केला, तेव्हा विरोधी पक्षाच्या सदस्यांनी विद्यार्थ्यांच्या आंदोलनादरम्यान झालेल्या कथित पोलीस कारवाईवरून घोषणाबाजी सुरू केली. विरोधी पक्षाच्या खासदारांनी या मुद्द्यावर केंद्रीय गृहमंत्री अमित शाह यांनी निवेदन देण्याची मागणी केली. सभागृहातल्या कामकाजादरम्यान आणि विविध पक्षांच्या गटनेत्यांच्या बैठकीतही, सर्व खासदारांना प्रश्नोत्तराचा तास सुरळीत होऊ देण्याचं आवाहन करण्यात आलं होतं, सभागृहाच्या कामकाजात अडथळा आणणं हे संसदीय परंपरेला अनुसरुन नसल्याचं बिर्ला म्हणाले. त्यानंतरही गदारोळ सुरुच राहील्याचं कामकाज स्थगित झालं.

****

क्रिकेटपटू अजिंक्य राहणे याने सर्व प्रकारच्या आंतरराष्ट्रीय क्रिकेटमधून निवृत्ती जाहिर केली आहे. समाजमाध्यमावरच्या संदेशातून त्याने ही माहिती दिली. अजिंक्यने भारतासाठी शेवटचा कसोटी सामना २०२३ मध्ये वेस्ट इंडिज दौर्यात, तर शेवटचा एकदिवसीय सामना २०१८ मध्ये इंग्लंडविरुद्ध खेळला होता. त्याने आपल्या कारकिर्दित एकूण ८५ कसोटी सामने, ९० एकदिवसीय सामने आणि २० टी-ट्वेंटी सामने खेळले आहेत.

****

जागतिक कनिष्ठ स्क्वॅश सांघिक विजेतेपदाच्या उपांत्य फेरीत भारतीय संघाने प्रवेश केला आहे. कॅनडातल्या ऑंटेरिओ इथं भारतीय पुरुष संघाने इंग्लंडचा २-१ असा पराभव केला. उपांत्य फेरीत भारताचा सामना आता अमेरिकेशी होईल. भारतीय महिला संघ या स्पर्धेत उपांत्यपूर्व फेरीत अमेरिकेकडून १-२ असा पराभूत झाला.

****

राज्यातल्या अनेक भागात आज पाऊस सुरु आहे.

गडचिरोली जिल्ह्यात संततधार पाऊस पडल्याने १० प्रमुख मार्गांवरील वाहतूक ठप्प झाली आहे. गडचिरोली शहरातल्या सखल भागातल्या वस्त्या जलमय झाल्या होत्या, तर भामरागड तालुक्यात पुरात अडकलेल्या ४९ जणांना आपत्ती व्यवस्थापन विभागाच्या चमूने सुखरुप बाहेर काढलं.

भंडारा जिल्ह्यातल्या गोसीखुर्द धरणाचे सर्व ३३ दरवाजे अर्धा मीटरने उघडण्यात आले असून, त्यातून एक लाख ३५ हजार ५९२ घनफूट प्रतिसेकंद वेगाने पाणी सोडण्यात येत आहे.

पालघर जिल्ह्यातल्या डहाणू इथल्या प्रसिद्ध महालक्ष्मी गडावर मुसळधार पावसामुळे मोठी दरड कोसळली. या दुर्घटनेमुळे गडावर जाणाऱ्या पायी मार्गाचा काही भाग खचला असून, भाविकांच्या सुरक्षेच्या दृष्टीने हा मार्ग तातडीने बंद करण्यात आला आहे.

****

छत्रपती संभाजीनगर जिल्ह्यातल्या पैठणच्या जायकवाडी धरणातून आजपासून खरीप हंगामातील पिकांसाठी डाव्या तसंच उजव्या कालव्यातून आवर्तन सुरू करण्यात येणार आहे. जायकवाडी पाटबंधारे विभागाचे कार्यकारी अभियंता गणेश हासे यांनी ही माहिती दिली.

****

आकाशवाणी छत्रपती संभाजीनगर – दिनांक 30.07.2026 रोजीचे सकाळी 11.00 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date 30 July 2026

Time 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३० जुलै २०२६ सकाळी ११.०० वाजता

****

विकसित भारत २०४७ च्या संकल्पनेला बळ देण्यासाठी आणि देश व्यसनमुक्त करण्याच्या उद्देशानं पंतप्रधान नरेंद्र मोदी येत्या रविवारी दोन ऑगस्ट रोजी नशा मुक्त युवा विकसित भारत संकल्प अभियान या मोहिमेचा प्रारंभ करणार आहेत. युवक आणि क्रीडा मंत्री मनसुख मांडविय यांनी ही माहिती दिली. अंमली पदार्थांच्या व्यसनाधीनतेविरुद्धची ही १०० आठवड्यांची देशव्यापी मोहिम असेल. या मोहिमेचं नेतृत्व माय भारत या ऑनलाईन प्लॅटफॉर्मद्वारे केलं जाईल. तरुणांना नेतृत्व करण्यासाठी सक्षम आणि सक्रिय बनवण्याच्या उद्देशाने चालवलं जाणारं हे एक ऑनलाईन युवा नेतृत्व आणि सामाजिक सहभाग व्यासपीठ आहे.

****

मुंबईत ड्रग्ज फ्री मुंबई अभियानाची सुरुवात आजपासून मुख्यमंत्री देवेंद्र फडणवीस यांच्या नेतृत्वात होणार आहे. कौशल्य, उद्योजकता मंत्री मंगलप्रभात लोढा यांच्या पुढाकाराने वरळी इथं या अभियानाचं आयोजन करण्यात आलं आहे. अंमली पदार्थ मुक्त राज्यासाठी ड्रग्ज फ्री मुंबई सारखं अभियान संपूर्ण राज्यात राबवण्यात येईल, मुंबईसह राज्यातल्या सर्व शाळा आणि, महाविद्यालयांमध्ये नशामुक्ती मार्गदर्शन आणि समुपदेशन समितीची स्थापना केली जाईल, असं लोढा यांनी सांगितलं.

****

मराठा आरक्षण कक्षाचं कामकाज अधिक गतिमान आणि प्रभावी करण्यासाठी पुढील सात दिवसांमध्ये आवश्यक अधिकारी आणि कर्मचाऱ्यांची पदे भरून हा कक्ष पूर्ण क्षमतेने कार्यान्वित करण्याचे निर्देश मराठा आरक्षण उपसमितीचे अध्यक्ष राधाकृष्ण विखे-पाटील यांनी दिले आहेत. उपसमितीच्या बैठकीत ते काल बोलत होते. छत्रपती संभाजीनगर विभागातल्या सर्व जिल्ह्यांमध्ये प्रलंबित असलेल्या जात प्रमाणपत्र आणि जात वैधता प्रमाणपत्रांच्या सर्व प्रकरणांचा निपटारा तातडीने करण्याची सूचना त्यांनी दिली.

****

केंद्र सरकारने महाराष्ट्रातल्या कांदा उत्पादक शेतकऱ्यांना दिलासा देत नाफेडमार्फत करण्यात येणाऱ्या कांदा खरेदीच्या किमान हमी खरेदी दरात पुन्हा एकदा वाढ केली आहे. आजपासून ग्रेड-ए दर्जाच्या कांद्यासाठी प्रतिक्विंटल दोन हजार ३३५ रुपये इतका नवीन हमी दर लागू करण्यात आला आहे. यंदाच्या कांदा खरेदी हंगामातली ही सातवी दरवाढ असून, सुरुवातीला प्रतिक्विंटल एक हजार ३५० रुपये दराने खरेदी सुरू करण्यात आली होती. म्हणजे ९० दिवसांत एक हजार ८५ रुपयांची दरवाढ नाशिक जिल्ह्यातल्या कांदा उत्पादकांना मिळाली आहे. केंद्रीय ग्राहक व्यवहार, अन्न आणि सार्वजनिक वितरण मंत्रालयाच्या वतीने याबाबत अधिकृत आदेश जारी करण्यात आला.

****

क्षयरोगाबाबत जनजागृती करण्यासाठी काल मुंबईत विशेष पदयात्रा काढण्यात आली. या पदयात्रेत राज्यपाल जिष्णू देव वर्मा यांनी सहभागी होत नागरीकांना क्षयरोगाविरोधातल्या जनजागृतीत सक्रिय सहभाग घेण्याचं आवाहन केलं. या उपक्रमात राष्ट्रीय सेवा योजनेचे सुमारे एक हजार स्वयंसेवक सहभागी झाले होते. स्वयंसेवकांनी क्षयरोगाबाबत जनजागृती करणारे माहितीफलक हातात घेत नागरिकांमध्ये जागरुकता निर्माण केली. पदयात्रेला प्रारंभ होण्यापूर्वी राज्यपालांनी उपस्थित सर्वांना क्षयरोगमुक्त भारतासाठी प्रयत्न करण्याची शपथ दिली. या अभियानातून क्षयरोगासाठी जनजागृती वाढवणं, वेळेवर निदान आणि उपचारांचं महत्व नागरीकांपर्यंत पोहोचवण्याचा संदेश देण्यात आला.

****

महाराष्ट्र आरोग्य विज्ञान विद्यापीठाच्या कुलगुरुपदी डॉ. व्यंकट गिते यांची नियुक्ती करण्यात आली आहे. विद्यापीठाचे कुलपती जिष्णू देव वर्मा यांनी याबाबतची घोषणा काल केली. लेफ्टनंट जनरल डॉ. माधुरी कानिटकर यांचा कुलगुरुपदाचा कार्यकाळ पूर्ण झाल्यानं हे पद रिक्त झालं होतं.

****

राज्यातल्या अनेक भागात आज पाऊस सुरु आहे.

गडचिरोली जिल्ह्यात सुरु असलेल्या संततधार पावसामुळे अनेक मार्ग बंद झाले आहेत. भामरागड तालुक्यात पामुलगौतम नदी आणि परिसरातल्या नाल्यांना अचानक पूर आला. या पुरात अडकून पडलेल्या एकाच कुटुंबातल्या तिघांना आपत्ती व्यवस्थापन विभागाच्या चमूने सुखरूप बाहेर काढलं.

भंडारा जिल्ह्यातल्या गोसीखुर्द धरणाचे सर्व ३३ दरवाजे अर्धा मीटरने उघडण्यात आले असून, त्यातून एक लाख ३५ हजार ५९२ घनफूट प्रतिसेकंद वेगाने पाणी सोडण्यात येत आहे.

छत्रपती संभाजीनगर आणि जालना जिल्ह्याला आज पावसाचा ऑरेंज अलर्ट देण्यात आला असून, सकाळपासून पावसाची संततधार सुरु आहे.

****

बुलडाणा जिल्ह्यात खामगाव इथं एलपीजी सिलेंडर वाहतूक करणाऱ्या टँकर मधून गॅस चोरी करून काळाबाजार करणाऱ्या एका टोळीला अन्न आणि पुरवठा विभागाच्या राज्यस्तरीय दक्षता पथकानं छापा टाकून रंगेहाथ पकडलं. पथकानं गॅस टँकर सह ८८ लाख रुपयांचा मुद्देमाल जप्त केला.

****

परभणी महापालिकेच्या सर्वसाधारण सभेत २० कोटी रुपयांच्या २८ विकासकामांना काल मंजुरी देण्यात आली. महापौर सय्यद इकबाल सय्यद खाजा यांच्या अध्यक्षतेत झालेल्या या बैठकीत पाणीपुरवठा, रस्ते, जन्म-मृत्यू प्रमाणपत्र, मोकाट कुत्रे आदी प्रश्नांवर चर्चा करण्यात आली.

****

पेट्रोल पंपांवर स्वच्छतागृह आणि वाहनांसाठी मोफत हवा भरण्याची सुविधा उपलब्ध नसलेल्या पंपांचा परवाना रद्द करण्याची शिफारस संबंधित तेल विपणन कंपनीकडे केली जाईल असा इशारा बीडचे जिल्हाधिकारी विवेक जॉन्सन यांनी दिला आहे.

****

آکاشوانی چھترپتی سمبھاجی نگر‘علاقائی اُردو خبریں: بتاریخ: 30 جولائی 2026‘ وقت: صبح 09:00 تا 09:10

 Regional Urdu Text Bulletin, Chhatrapati Sambhajinagar

Date: 30 July 2026

Time: 09:00-09:10 AM

آکاشوانی چھترپتی سمبھاجی نگر

علاقائی خبریں

تاریخ: ۰۳/جولائی ۶۲۰۲ء؁

وقت: 09.00 سے 09.10/ بجے

***** ***** *****

سرخیاں

پہلے خاص خبروں کی سرخیاں...

٭ عوامی امتحانات میں غیرمعقول ذرائع کے استعمال کی روک تھام سے متعلق ترمیمی بل لوک سبھا میں منظور۔

٭ مراٹھا ریزرویشن تحریک کے رہنماء منوج جرانگے کا 29 اگست سے ایک اور احتجاج کا انتباہ۔

٭ کسانوں کی قرض معافی اسکیم کے تحت مزید اہل کسانوں کی فہرستوں کا جلد اعلان کیا جائے گا: امدادِ باہمی کے وزیر کا اعلان۔

٭ ناسک کے دلیپ گاویت نے دولت ِ مشترکہ پیرا ایتھلیٹکس کھیلوں میں گولڈ میڈل جیتا۔

اور۔۔۔ ٭ چھترپتی سمبھاجی نگر اور جالنہ اضلاع میں آج بارش کا آرینج الرٹ، باقی مراٹھواڑہ کیلئے یلو الرٹ جاری۔

***** ***** *****

اب خبریں تفصیل سے...

لوک سبھا میں کل صوتی رائے دہی سے عوامی امتحانات غیر معقول ذرائع کے استعمال سے متعلق ترمیمی بل منظور کر لیا گیا۔ بل پر بحث کا جواب دیتے ہوئے وزیر مملکت جتیندر سنگھ نے کہا کہ یہ ترمیم قانون کو سخت بنانے اور جلد انصاف کو یقینی بنانے کیلئے کی گئی ہے۔ اس طرح کے معاملات کی معینہ وقت میں سماعت کے ساتھ ساتھ، اس بل میں منظم طور پر پیپر لیککرنے کے ذمہ داروں کیلئے سخت سزا اور مالی جرمانے کی شق بھی شامل کی گئی ہے۔ اس جواب کے بعد اسپیکر اوم برلا نے بل پر ووٹنگ کروائی اور اپوزیشن کے ہنگامے کے دوران ہی ایوان نے اسے منظور کرلیا۔

اس سے قبل بل پر مباحثے میں حصہ لیتے ہوئے قائد ِ حزبِ اختلاف راہل گاندھی کے کہے گئے کچھ الفاظ پر حکمراں پارٹی کے اراکین پارلیمنٹ نے اعتراض کیا، جس کے بعد بڑھتے ہوئے ہنگامے کے سبب ایوان کی کارروائی دو بار ملتوی کرنا پڑی۔ کارروائی دوبارہ شروع ہونے کے بعد بھی راہل گاندھی نے اپنی تقریر کے دوران وزیرِ داخلہ پر سنگین الزامات عائد کیے۔ اس کے بعد پارلیمانی امور کے وزیر کرن رجیجو نے راہل گاندھی سے اپیل کی کہ وہ اپنے بیان کی حمایت میں حقائق پیش کریں، یا معافی مانگیں‘ لیکن راہل گاندھی نے اس جواب دینے سے گریز کرتے ہوئے اپنی تقریر بھی مکمل نہیں کی۔ اپوزیشن ارکان کی جانب سے شروع ہونے والا ہنگامہ آخر تک جاری رہا۔

***** ***** *****

قومی وقار کی توہین کی روک تھام کا ترمیمی بل کل راجیہ سبھا سے منظور کر لیا گیا۔ مرکزی مملکتی وزیر رام داس آٹھولے اور ڈاکٹر جیوتی واگھمارے سمیت کئی ارکان نے اس بل پر بحث میں حصہ لیا اور وندے ماترم گیت پر اپنے خیالات کا اظہار کیا۔ اپوزیشن نے بحث کے دوران نعرے لگاتے ہوئے اجلاس سے واک آؤٹ کیا۔

***** ***** *****

رکنِ پارلیمان اجیت گوپچھڑے نے کل راجیہ سبھا کی توجہ ناندیڑ ضلع میں مسلسل سیلاب اور سرحد کے ساتھ زراعت کو ہونے والے نقصان کی طرف مبذول کروائی۔ انہوں نے درخواست کی کہ اس مسئلہ کو مستقل طور پر حل کرنے کیلئے مہاراشٹرا اور تلنگانہ کے عہدیداروں کی ایک کمیٹی تشکیل دی جائے۔

***** ***** *****

مراٹھا ریزرویشن تحریک کے رہنماء منوج جرانگے پاٹل نے انتباہ دیا ہے کہ اگر ریاستی حکومت نے 28 اگست تک مراٹھا برادری کے زیر التواء مطالبات کو تسلیم نہیں کیا تو وہ 29 اگست سے دوبارہ احتجاج شروع کریں گے۔وہ کل جالنہ ضلعے کے انتروالی سراٹی میں منعقدہ ایک اجلاس سے خطاب کر رہے تھے۔ ان مطالبات میں حیدرآباد گزٹ کے مطابق مراٹھا برادری میں کنبی سرٹیفکیٹ جاری کرنا اور سرٹیفکیٹ کی درستگی میں درپیش مسائل کو دور کرنا وغیرہ شامل ہیں۔

دریں اثناء، وزیر اعلی دیویندر پھڑنویس نے تصدیق کی ہے کہ درخواست دینے والوں کو سرٹیفکیٹ جاری کرنے کا کام باقاعدگی سے جاری ہے۔ وہ گزشتہ روز ناگپور میں صحافیوں سے گفتگو کر رہے تھے۔ وزیراعلیٰ نے یقین دلایا کہ اگر اس سلسلے میں کوئی مسائل ہیں تو انہیں بات چیت کے ذریعے حل کیا جاسکتا ہے۔

***** ***** *****

ریاستی حکومت کی اہم”پنیہ شلوک اہلیہ دیوی ہولکر کسان قرض معافی اسکیم“ کے تحت اہل کسانوں کی پہلی فہرست کل جاری کردی گئی۔مابقی اہل کسانوں کی فہرست بھی جلد شائع کی جائیگی۔ امدادِ باہمی وزیر بابا صاحب پاٹل نے ان کسانوں سے اپیل کی ہے جن کے نام جاری کردہ فہرست میں نہیں ہیں وہ نہ گھبرائیں۔ انہوں نے اہل کسانوں سے اپیل کی کہ وہAgristackپر رجسٹریشن کریں اور آدھار کی تصدیق کا عمل فوری طور پر مکمل کریں۔

اسی دوران‘ وزیرِ زراعت دتاتریہ بھرنے‘ نے بتایا کہ اس قرض معافی کی رقم آئندہ دو تین دنوں میں کسانوں کے بینک کھاتوں میں جمع کر دی جائے گی۔ وہ گزشتہ روز پونے میں ایک اطلاعی کانفرنس سے خطاب کر رہے تھے۔ انہوں نے واضح کیا کہ اگرقرض معافی کی فہرست میں رقم کم دکھائی دے تو ان تمام شکایات کو متعلقہ بینکوں کے ساتھ مل کر فوری طور پر حل کیا جا رہا ہے۔

دریں اثناء، وزیر محصول چندر شیکھر باونکولے نے ریاست کے تمام ضلع کلکٹروں کو ہدایت دی ہے کہ وہ نچلی سطح تک مؤثر طریقے سے اس اسکیم پر عمل درآمدکریں اور اس بات کو یقینی بنائیں کہ ریاست میں کوئی بھی کسان قرض کی وجہ سے خودکشی نہ کرے۔

***** ***** *****

یہ خبریں آکاشوانی چھترپتی سمبھاجی نگر سے نشر کی جا رہی ہیں۔

***** ***** *****

خوراک و ادویہ محکمے نے ریاست کے تمام اسکولوں کے 50 میٹر کے اندر اضافی چینی، نمک اور چکنائی والے پیک شدہ کھانے پینے کی اشیاء فروخت کرنے پر پابندی لگا دی ہے۔ کمشنر تکارام منڈھے نے کہا کہ اس حکم پر سختی سے عمل درآمد کیا جائے گا۔ انہوں نے یہ بھی کہا کہ فوڈ سیفٹی ضوابط کے مطابق ہر اسکول کے کھانے کی اشیاء تیار کرنے کے ذمہ دار افراد اور اسکولوں کو کھانا فراہم کرنے والوں کے پاس لائسنس ہونا ضروری ہے۔

***** ***** *****

ایس ٹی کی بسوں میں سفر کے دوران مختلف مراعات حاصل کرنے کیلئے NCMC اسمارٹ کارڈ حاصل کرنے کی آخری تاریخ یکم ستمبر تک بڑھا دی گئی ہے۔ ٹرانسپورٹ کے وزیر اور ایس ٹی کارپوریشن کے چیئرمین پرتاپ سرنائیک نے بتایا کہ بہت سے بزرگ شہریوں اور خواتین نے NCMC اسمارٹ کارڈ حاصل نہیں کیے اور انھیں کسی قسم کی تکلیف نہ ہو اس لیے تاریخ میں یہ توسیع کی گئی ہے۔ انہوں نے مسافروں سے بھی اپیل کی کہ وہ اس عمل کو جلد از جلد مکمل کریں۔

***** ***** *****

گرو پورنیما کا تہوار کل‘ منایا گیا۔ درشن کیلئے شرڈی سمیت ریاست کے مختلف مندروں میں عقیدت مندوں کا ہجوم دیکھا گیا۔ فنون کے شعبے میں کام کرنے والے گروکلوں میں گرو وندنا سمیت کئی پروگرام بھی منائے گئے۔

بیڑ ضلعے کے سرساڑا میں کل ایک ہی دن میں گرو پورنیما کے موقع پر 20 ہزار درخت لگائے گئے۔ اس موقع پر آبی وسائل کے ماہر مینک گاندھی نے حاضرین کی رہنمائی کی۔

***** ***** *****

’گرو وندنا 2026‘ قومی ورکشاپ کا پہلا سیشن کل بیڑ میں شروع ہوا۔ اس موقع پر خطاب کرتے ہوئے ڈاکٹر بابا صاحب امبیڈکر مراٹھواڑہ یونیورسٹی کے وائس چانسلر ڈاکٹر وجے پھلاری نے کہا کہ تعلیم سے متعلق ذہن سازی کے ذریعے خود آگاہی اور خود عکاسی کو فروغ دینا چاہیے۔

***** ***** *****

ناندیڑ ضلع میں چار لاکھ 42 ہزار 406 کسانوں نے فصل بیمہ کی درخواستیں داخل کی ہیں۔ اس اسکیم میں حصہ لینے کیلئے آخری دو دن باقی رہ گئے ہیں۔ ضلع کلکٹر راہل کرڈیلے نے کسانوں سے فصل بیمہ اسکیم میں حصہ لینے کی اپیل کی ہے۔

***** ***** *****

منشیات سے پاک یوتھ فار ڈیولپڈ انڈیا مہم کے تحت کل پربھنی میں ضلعی سطح کے مختلف مقابلے اور بیداری پروگرام منعقد کیے گئے۔ نوجوانوں کو ”منشیات سے دور کرنے اور ترقی یافتہ ہندوستان کے نعرے کی رغبت دلانے کے مقصد سے یہ پروگرام منعقد کیے گئے تھے۔ جالنہ میں بھی اس مہم کے تحت منعقدہ پروگرام میں نوجوانوں کی بڑی تعداد نے شرکت کی۔

***** ***** *****

پربھنی کی وسنت راؤ نائیک مراٹھواڑہ زرعی یونیورسٹی نے ماحولیاتی تحفظ، پائیدار ترقی اور گرین کیمپس کی تعمیر کے میدان میں نمایاں کارکردگی پیش کی ہے اور نیشنل گرین یونیورسٹی رینکنگ-2026 میں ملک بھر میں 18 واں مقام حاصل کیا ہے۔ یونیورسٹی کو 100 میں سے 91 اعشاریہ چھ پوائنٹس کے ساتھ طلائی درجہ بندی میں شمار کیا گیا۔ نیشنل گرین یونیورسٹی رینکنگ، گرین مینٹرز کے زیر اہتمام، ایک قومی سطح کی درجہ بندی کا عمل ہے جو ملک میں اعلیٰ تعلیمی اداروں کے پائیدار ترقی، ماحولیاتی انتظام اور ماحول دوست اقدامات کا جائزہ لیتا ہے۔

***** ***** *****

گلاسگو میں جاری دولت مشترکہ پیرا ایتھلیٹکس کھیلوں میں مردوں کے 100 میٹر T-47 مقابلے میں ناسک کے دلیپ گاویت نے طلائی تمغہ حاصل کیا ہے۔ اسی مقابلے میں ہندوستان کے ہی محمد باسل نے چاندی کا تمغہ جیتا‘ اس کے علاوہ مرلی سری شنکر نے بھی لانگ جمپ میں چاندی کا تمغہ اپنے نام کیا۔ ہندوستان نے ان مقابلوں میں اب تک کل 15 تمغے جیتے ہیں جن میں تین طلائی، نونقرئی اور تین کانسے کے تمغے شامل ہیں۔

***** ***** *****

کل لاتور ضلع کے کئی علاقوں میں ہلکی بارش ہوئی۔ اگرچہ بارش نے فصلوں میں جان ڈال دی ہے، لیکن کسان، جنہوں نے بوائی میں تقریباً 50 فیصد تاخیر کر دی ہے، اب بھی مناسب بارش کا انتظار کر رہے ہیں۔

ناسک اور اہلیانگر اضلاع میں بارش کی وجہ سے مختلف آبی منصوبوں سے پانی کا اخراج کم ہوگیا ہے۔ اس کی وجہ سے اس وقت جائیکواڑی ڈیم میں 26 ہزار 513 ملین مکعب فٹ فی سیکنڈ کی رفتار سے پانی کی آمد جاری ہے اور ڈیم میں پانی کی سطح تقریباً 68 اعشاریہ 67 فیصد تک پہنچ گئی ہے۔

دریں اثناء‘ محکمہ موسمیات نے آج چھترپتی سمبھاجی نگر اور جالنہ اضلاع میں بارش کا آرینج الرٹ جاری کیا ہے، جبکہ باقی مراٹھواڑہ میں یلو الرٹ جاری کیا گیا ہے۔

***** ***** *****

سرخیاں

آخرمیں اس بلیٹن کی خاص خبریں ایک بار پھر....

٭ عوامی امتحانات میں غیرمعقول ذرائع کے استعمال کی روک تھام سے متعلق ترمیمی بل لوک سبھا میں منظور۔

٭ مراٹھا ریزرویشن کے تحریک کارکن منوج جرانگے کا 29 اگست سے ایک اور احتجاج کا انتباہ۔

٭ کسانوں کی قرض معافی اسکیم کے تحت باقی اہل کسانوں کی فہرستوں کا جلد اعلان کیا جائے گا، امدادِ باہمی کے وزیر کا اعلان۔

٭ ناسک کے دلیپ گاویت نے دولت ِ مشترکہ پیرا ایتھلیٹکس کھیلوں میں گولڈ میڈل جیتا-

اور۔۔۔ ٭ چھترپتی سمبھاجی نگر اور جالنہ اضلاع میں آج بارش کا آرینج الرٹ، جبکہ باقی مراٹھواڑہ کیلئے یلو الرٹ جاری۔

***** ***** *****

आकाशवाणी छत्रपती संभाजीनगर – दिनांक 30.07.2026 रोजीचे सकाळी 07.10 वाजेचे मराठी बातमीपत्र

 Regional Marathi Text Bulletin, Chhatrapati Sambhajinagar

Date – 30 July 2026

Time 7.10 AM to 7.20 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक ३० जुलै २०२६ सकाळी ७.१० मि.

****

·      सार्वजनिक परीक्षा अनुचित साधने प्रतिबंध सुधारणा विधेयक लोकसभेत संमत

·      मराठा आरक्षण आंदोलक मनोज जरांगे यांचा २९ ऑगस्टपासून पुन्हा आंदोलनाचा इशारा

·      शेतकरी कर्जमुक्ती योजनेअंतर्गत उर्वरित पात्र शेतकऱ्यांच्या याद्या लवकरच जाहीर करणार, सहकार मंत्र्यांची माहिती

·      राष्ट्रकूल क्रीडा स्पर्धेत पॅरा ॲथलेटिक्स मध्ये नाशिकच्या दिलीप गावितला सुवर्ण पदक

आणि

·      छत्रपती संभाजीनगर आणि जालना जिल्ह्याला आज पावसाचा ऑरेंज अलर्ट, तर उर्वरित मराठवाड्यासाठी यलो अलर्ट जारी 

****

सार्वजनिक परीक्षा अनुचित साधने प्रतिबंध सुधारणा विधेयक काल लोकसभेत आवाजी मतदानाने संमत करण्यात आलं. या विधेयकावरच्या चर्चेला उत्तर देतांना राज्यमंत्री जितेंद्र सिंह यांनी, सदर कायदा अधिक कठोर करण्यासाठी आणि जलद न्याय सुनिश्चित करण्यासाठी सुधारणा करण्यात आल्याचं सांगितलं. अशा प्रकरणांच्या कालबद्ध सुनावणीसोबत संघटित पेपरफुटीसाठी जबाबदार असणाऱ्यांना कठोर शिक्षा आणि आर्थिक दंडाची तरतूद या विधेयकात आहे. या उत्तरानंतर अध्यक्ष ओम बिर्ला यांनी विधेयकावर मतदान घेतलं, विरोधकांच्या गदारोळातच सदनानं ते मंजूर केलं.

त्यापूर्वी या विधेयकावर बोलतांना विरोधी पक्षनेते राहुल गांधी यांनी वापरलेल्या काही शब्दांवर सत्ताधारी पक्षाच्या खासदारांनी आक्षेप घेतला, त्यामुळे वाढलेल्या गदारोळामुळे सदनाचं कामकाज दोन वेळा तहकूब करावं लागलं. कामकाज पुन्हा सुरू झाल्यावरही राहुल गांधी यांनी आपल्या भाषणादरम्यान गृहमंत्र्यांवर गंभीर आरोप केले. गांधी यांनी सदर विधान कोणत्या तथ्याच्या आधारे केलं, ते सांगावं, किंवा माफी मागावी, असं आवाहन संसदीय कामकाज मंत्री किरेन रिजीजू यांनी केलं, मात्र गांधी यांनी या आवाहनाला प्रतिसाद देण्याचं टाळत, आपलं भाषणही पूर्ण केलं नाही. त्यावरून विरोधी पक्षाच्या सदस्यांनी सुरू केलेला गदारोळ अखेरपर्यंत कायम होता.

**

राष्ट्रगौरव अवमान निवारण सुधारणा विधेयक काल राज्यसभेनं संमत केलं. या विधेयकावरच्या चर्चेत राज्यमंत्री रामदास आठवले, डॉ ज्योती वाघमारे, यांच्यासह अनेक सदस्यांनी सहभाग घेत, वंदे मातरम गीताविषयी आपली मतं मांडली. विरोधकांनी या चर्चेदरम्यान घोषणाबाजी करत सभात्याग केला.

****

नांदेड जिल्ह्यात सातत्याने येणारा पूर आणि सीमेलगतच्या शेतीचं होणाऱ्या नुकसानाकडे खासदार अजित गोपछडे यांनी काल राज्यसभेचं लक्ष वेधलं. महाराष्ट्र आणि तेलंगणाच्या अधिकाऱ्यांची समिती स्थापन करून या समस्येचं कायमस्वरुपी निवारण करण्याची विनंती त्यांनी केली.

****

राज्य सरकारने येत्या २८ ऑगस्टपर्यंत मराठा समाजाच्या प्रलंबित मागण्या पूर्ण न केल्यास २९ ऑगस्टपासून पुन्हा आंदोलन सुरू करण्याचा इशारा, मराठा आरक्षण आंदोलक मनोज जरांगे पाटील यांनी दिला आहे. जालना जिल्ह्यातल्या अंतरवाली सराटी इथं काल झालेल्या बैठकीत ते बोलत होते. हैदराबाद गॅझेटनुसार कुणबी प्रमाणपत्र देणं, प्रमाणपत्राच्या वैधतेतील अडचणी दूर करणं, आदी मागण्या मराठा समाजाने केल्या आहेत.

दरम्यान, मागेल त्याला प्रमाणपत्र देण्याचं काम नियमितपणे सुरू असल्याचा निर्वाळा, मुख्यमंत्री देवेंद्र फडणवीस यांनी दिला आहे. ते काल नागपूर इथं माध्यमांशी बोलत होते. यासंदर्भात काही अडचणी असल्यास, त्या चर्चेतून सोडवता येतील, असं मुख्यमंत्र्यांनी आश्वस्त केलं. ते म्हणाले...

बाईट - मुख्यमंत्री देवेंद्र फडणवीस

****

राज्य शासनाच्या महत्त्वाकांक्षी 'पुण्यश्लोक अहिल्यादेवी होळकर शेतकरी कर्जमुक्ती योजनेअंतर्गत पात्र शेतकऱ्यांची पहिली यादी जाहीर करण्यात आली आहे. उर्वरित पात्र शेतकऱ्यांच्या याद्याही लवकरच प्रसिद्ध करण्यात येणार आहेत. ज्या शेतकऱ्यांची नावं जाहीर झालेल्या यादीत नाहीत, त्यांनी घाबरून जाऊ नये, असं आवाहन सहकार मंत्री बाबासाहेब पाटील यांनी केलं आहे. पात्र शेतकऱ्यांनी ॲग्रीस्टॅकवर नोंदणी करून आधार प्रमाणीकरणाची प्रक्रिया तातडीने पूर्ण करावी, असं आवाहन त्यांनी केलं.

या कर्जमाफीची रक्कम येत्या दोन ते तीन दिवसांत शेतकऱ्यांच्या बँक खात्यात जमा होईल, अशी माहिती कृषीमंत्री दत्तात्रय भरणे यांनी दिली. ते काल पुण्यात पत्रकार परिषदेत बोलत होते. कर्जमाफीच्या यादीत रक्कम कमी दिसत असली तरी, संबंधित बँकांशी समन्वय साधून या सर्व तक्रारींचं तातडीनं निराकरण करण्यात येत असल्याचं त्यांनी स्पष्ट केलं.

दरम्यान, या योजनेची तळागाळापर्यंत प्रभावी अंमलबजावणी करावी, कर्जबाजारीपणामुळे यापुढे राज्यात एकाही शेतकऱ्याची आत्महत्या होता कामा नये, असे निर्देश महसूलमंत्री चंद्रशेखर बावनकुळे यांनी राज्यातल्या सर्व जिल्हाधिकाऱ्यांना दिले आहेत.

****

राज्यातल्या सर्व शाळांच्या ५० मीटर परिसरात साखर, मीठ आणि मेद यांचं अतिरिक्त प्रमाण असलेल्या पाकीटबंद खाद्यपदार्थ आणि पेयांच्या विक्रीवर अन्न आणि औषध प्रशासनाने बंदी घातली आहे. या आदेशाची कठोरपणे अंमलबजावणी केली जाईल, असं आयुक्त तुकाराम मुंढे यांनी सांगितलं. अन्न सुरक्षा नियमांनुसार प्रत्येक शालेय स्वयंपाकघर चालकाकडे आणि शाळांना अन्न पुरवणाऱ्यांकडे परवाना असणं आवश्यक असल्याचंही ते म्हणाले.

****

एसटीच्या विविध सवलतींचा लाभ घेण्यासाठी NCMC स्मार्ट कार्ड घेण्याला एक सप्टेंबरपर्यंत मुदतवाढ देण्यात आली आहे. अनेक ज्येष्ठ नागरिक आणि महिलांना अद्याप हे स्मार्ट कार्ड प्राप्त झालेलं नसल्याने त्यांची गैरसोय होऊ नये, यासाठी ही मुदतवाढ दिल्याची माहिती परिवहन मंत्री तथा एसटी महामंडळाचे अध्यक्ष प्रताप सरनाईक यांनी दिली. प्रवाशांनी ही प्रक्रिया लवकरात लवकर पूर्ण करण्याचं आवाहनही त्यांनी केलं.

****

पंढरपुरातल्या आषाढी यात्रेची काल सांगता झाली. परंपरेनुसार काल गोपाळपूर इथं सर्व संतांच्या पालख्या दाखल झाल्या. इथल्या श्रीकृष्ण मंदिरात गोपाळकाला झाल्यानंतर सर्व मानाच्या पालख्यांनी श्री विठ्ठल मंदिरात दर्शन घेऊन परतीचा प्रवास सुरू केला.

****

गुरुपौर्णिमेचा सण काल साजरा झाला. शिर्डीसह राज्यात विविध मंदिरांमध्ये नागरिकांनी दर्शनासाठी मोठी गर्दी केली होती. कलाक्षेत्रात कार्यरत गुरुकुलांमध्येही गुरुवंदनेसह अनेक कार्यक्रम साजरे झाले.

बीड जिल्ह्यातल्या सिरसाळा इथं गुरुपौर्णिमेनिमित्त काल एकाच दिवसात २० हजार वृक्षांची लागवड करण्यात आली. जलनायक मयंक गांधी यांनी यावेळी उपस्थितांना मार्गदर्शन केलं. या अभियानात सहभागी सर्वांनी पर्यावरण संवर्धनाचा दृढ संकल्प केला.

****

‘गुरुवंदन २०२६’ राष्ट्रीय कार्यशाळेच्या पहिल्या सत्राला काल बीड इथं प्रारंभ झाला. डॉ. बाबासाहेब आंबेडकर मराठवाडा विद्यापीठाचे कुलगुरू डॉ. विजय फुलारी यांनी यावेळी बोलताना, शिक्षणासंबंधी मंथनातून आत्मभान आणि आत्मचिंतनाची जडणघडण व्हावी, असं मत व्यक्त केलं.

****

नांदेड जिल्ह्यात चार लाख ४२ हजार ४०६ शेतकऱ्यांनी पीक विमा अर्ज दाखल केले आहेत. या योजनेत सहभागी होण्यासाठी अखेरचे दोन दिवस शिल्लक असून, शेतकऱ्यांनी पीक विमा योजनेत सहभागी होण्याचं आवाहन जिल्हाधिकारी राहुल कर्डिले यांनी केलं.

****

नशामुक्त युवा फॉर विकसित भारत अभियानांतर्गत परभणी इथं काल जिल्हास्तरीय विविध स्पर्धा तसंच जनजागृती कार्यक्रम उत्साहात पार पडला. "नशेला नकार - विकसित भारताला होकार" हा संदेश युवकांपर्यंत पोहोचवण्याच्या उद्देशाने घेतलेल्या या कार्यक्रमाला विद्यार्थ्यांचा उत्स्फुर्त प्रतिसाद लाभला. जालना इथंही या अभियानांतर्गत घेण्यात आलेल्या कार्यक्रमाला युवक मोठ्या संख्येनं उपस्थित होते.

****

परभणीच्या वसंतराव नाईक मराठवाडा कृषि विद्यापीठाने पर्यावरण संवर्धन, शाश्वत विकास आणि हरित कॅम्पस उभारणीच्या क्षेत्रात उल्लेखनीय कामगिरी करत नॅशनल ग्रीन युनिव्हर्सिटी रँकिंग -२०२६ मध्ये देशात १८वं स्थान मिळवलं आहे. विद्यापीठाला १०० पैकी ९१ पूर्णांक सहा गुणांसह 'गोल्ड' रेटिंग प्रदान करण्यात आलं. ग्रीन मेंटर्सतर्फे आयोजित करण्यात आलेली नॅशनल ग्रीन युनिव्हर्सिटी रँकिंग ही देशातल्या उच्च शिक्षण संस्थांच्या शाश्वत विकास, पर्यावरण व्यवस्थापन आणि हरित उपक्रमांचं मूल्यमापन करणारी राष्ट्रीय स्तरावरील मानांकन प्रक्रिया आहे.

****

शिर्डी इथून साईबाबांचं दर्शन घेऊन परत येत असलेल्या भाविकांच्या पिकअप वाहनाचा धाराशिव रोडवरील टोल नाक्यापुढे आळणी पाटीजवळ भीषण अपघात झाला. या अपघातात २२ ते २३ भाविक जखमी झाल्याची प्राथमिक माहिती असून, दोन वयोवृद्ध व्यक्तींची प्रकृती गंभीर आहे. अपघातग्रस्त वाहनातले भाविक उमरगा तालुक्यातले रहिवासी आहेत.

****

ग्लासगो इथं सुरु असलेल्या राष्ट्रकूल क्रीडा स्पर्धेत पॅरा ॲथलेटिक्स मध्ये पुरषांच्या १०० मीटर टी-47 स्पर्धेत नाशिकच्या दिलीप गावितने सुवर्ण पदक पटकावलं. याच स्पर्धेत भारताच्याच मोहम्मद बासिलने रौप्य पदक जिंकलं. लांब उडी मध्ये मुरली श्रीशंकरनेही रौप्य पदक पटकावलं. भारताने या स्पर्धेत आतापर्यंत तीन सुवर्ण, नऊ रौप्य आणि तीन कांस्य पदकांसह एकूण १५ पदकं जिकंली आहेत.

****

लातूर जिल्ह्यात अनेक भागांत काल पावसाच्या हलक्या सरी बरसल्या. या पावसामुळे पिकांना जीवदान मिळालं असलं तरीही, सुमारे ५० टक्के पेरण्या शेतकरी अजूनही मोठ्या पावसाच्या प्रतीक्षेत आहे.

नाशिक तसंच अहिल्यानगर जिल्ह्यात पावसाने उसंत घेतल्यामुळे विविध प्रकल्पातून होणाऱ्या विसर्गात कपात करण्यात आली आहे. यामुळे जायकवाडी धरणात सध्या २६ हजार ५१३ दशलक्ष घनफूट प्रतिसेकंद वेगाने पाण्याची आवक होत असून, धरणाची पाणीपातळी सुमारे ६८ पूर्णांक ६७ टक्क्यांवर पोहोचली आहे.

हवामान विभागाने छत्रपती संभाजीनगर आणि जालना जिल्ह्याला आज पावसाचा ऑरेंज अलर्ट, तर उर्वरित मराठवाड्यात यलो अलर्ट जारी केला आहे.

****