AIR News Bulletin, Aurangabad 28.06.2017....13.00

Text - AIR News Bulletin, Aurangabad 28.06.2017 - 13.00

Regional Marathi Text Bulletin, Aurangabad

Date – 28 June 2017

Time 1.00 to 1.05pm

Language Marathi

आकाशवाणी औरंगाबाद

प्रादेशिक बातम्या

दिनांक २८ जून २०१७ दुपारी १.००वा.

****

भारताला अणुपुरवठादार देशांच्या समूहात लवकर प्रवेश मिळावा, तसंच संयुक्त राष्ट्रसंघाच्या सुरक्षा परिषदेचं कायम सदस्यत्व मिळावं, या बाबींना नेदरलँड्सनं पाठिंबा दिला आहे. पंतप्रधान नरेंद्र मोदी आणि त्यांचे नेदरलँड्सचे समकक्ष मार्क रूट यांच्या भेटीनंतर काल जारी करण्यात आलेल्या संयुक्त निवेदनात ही माहिती देण्यात आली आहे. जगातल्या वाढत्या दहशतवादाबद्दल दोन्ही देशांनी चिंता व्यक्त केली असून, दहतवादामध्ये चांगला आणि वाईट असा फरक करता येणं शक्य नाही, असं म्हटलं आहे. या नेत्यांच्या भेटीदरम्यान या दोन देशांमध्ये तीन सामंजस्य करार करण्यात आले.

****

राष्ट्रपतीपदाच्या विरोधी पक्षांच्या उमेदवार मीरा कुमार यांनी आज आपलं नामांकनपत्र दाखल केलं. यावेळी काँग्रेस अध्यक्ष सोनिया गांधी, माजी पंतप्रधान मनमोहन सिंह, यांच्यासह राष्ट्रवादी काँग्रेसचे अध्यक्ष शरद पवार, मार्क्सवादी कम्युनिस्ट पक्षाचे नेते सीताराम येचुरी, काँग्रेसशासित राज्यांचे मुख्यमंत्री आणि अन्य विरोधी पक्षांचे अनेक नेते उपस्थित होते.

****

नईम खान आणि बिट्टा कराट या दोघांसह तीन हुरियत नेत्यांना आज श्रीनगर पोलिसांनी अटक केली. अतिरेक्यांना आर्थिक मदत पुरवल्याप्रकरणी ही कारवाई करण्यात आली आहे. या हुरियत नेत्यांना आता राष्ट्रीय तपास यंत्रणेच्या चौकशीसाठी आज दिल्लीला आणण्यात येणार आहे.

****

काल जगभरात झालेल्या पेट्या रॅमसनवेअर सायबर हल्ल्याचा परिणाम भारताच्या सर्वात मोठ्या बंदरावर म्हणजे, जवाहरलाल नेहरू पोर्ट ट्रस्टच्या कामकाजावर झाल्यामुळे तिथलं कामकाज ठप्प झाल्याचं वृत्त आहे. या हल्ल्याचा परिणाम इंग्लंड, रशिया, फ्रान्स आणि स्पेन या देशांच्या बेंका आणि वीज कंपन्यांसह इतर अनेक सेवांवर झाला आहे. युक्रेन या देशातल्या कामकाजावर या हल्ल्याचा सर्वात जास्त परिणाम झाला आहे.

****

मुंबईत १९९३ साली झालेल्या साखळी बॉम्बस्फोट प्रकरणातला आरोपी मुस्तफा डोसा यानं छातीत दुखत असल्याची तक्रार केल्यामुळे त्याला मुंबईच्या जे.जे. हॉस्पिटलमध्ये आज दाखल करण्यात आलं. या बाँबस्फोट प्रकरणाची सध्या विशेष टाडा न्यायालयात सुनावणी सुरू असून, केंद्रीय अन्वेषण विभागानं डोसा याला फाशीची शिक्षा सुनावण्यात यावी, अशी मागणी न्यायालयातल्या युक्तिवादादरम्यान केली आहे.

****

मुंबईतल्या भायखळा कारागृहातल्या मंजू शेट्टे या महिला कैद्याचा, तुरुंगाधिकाऱ्यांच्या कथित मारहाणीमुळे मृत्यू झाल्याच्या घटनेची दखल घेत, राज्य महिला आयोगानं राज्याचे पोलिस महासंचालक आणि अन्य दहा पोलिस अधिकाऱ्यांना उद्या आयोगासमोर हजर राहण्याची नोटिस दिली आहे. दरम्यान, या घटनेची न्यायालयीन चौकशी व्हावी, अशी मागणी शिवसेनेच्या नेत्या आणि आमदार नीलम गोऱ्हे, यांनी केली आहे. आपण विधानसभेच्या पावसाळी अधिवेशनात हा मुद्दा मांडणार असल्याचं त्यांनी सांगितलं. यासंदर्भात तुरुंगातल्या प्रत्यक्षदर्शींचे इनकॅमेरा जबाब घ्यावेत, अशी मागणीही गोऱ्हे यांनी केली आहे. या प्रकरणी तुरुंगातल्या सहा कर्मचाऱ्यांना निलंबित करण्यात आलं असून, त्यांच्यावर गुन्हे दाखल करण्यात आले आहेत.

****

येत्या एक जुलैपासून लागू होणार असलेल्या वस्तू आणि सेवा कराच्या पार्श्वभूमीवर, राष्ट्रीय औषधी दर नियंत्रण मंडळानं सातशे एकसष्ठ औषधांच्या उच्चतम किमती जाहीर केल्या आहेत. यामध्ये कॅन्सर, एडस, मधुमेह यावरच्या औषधांचा तसंच प्रतिजैविकांचा समावेश असून, यातील बहुतेक औषधांच्या किमतींमध्ये मंडळानं घट केली आहे. वस्तू आणि सेवा कर लागू झाल्यानंतर औषधांच्या किमतीमध्ये साधारण दोन ते तीन टक्क्यांचा फरक होणं अपेक्षित आहे, असं मंडळानं म्हटलं आहे.

****

करदात्यांनी आपल्या आधार क्रमांकाची पॅन क्रमांकाशी येत्या एक जुलैपर्यंत जोडणी करणं सरकारनं अनिवार्य केलं आहे, आयकरासंदर्भातल्या नियमांमध्ये सरकारनं सुधारणा केली असून,आता पॅनसाठी अर्ज करताना आधार क्रमांक देणं अनिवार्य असेल. येत्या एक जुलैपासून, आयकर परताव्यासाठी आणि पॅन मिळवण्यासाठी आधार क्रमांक अनिवार्य असेल, असं केंद्रीय प्रत्यक्ष कर मंडळानं स्पष्ट केलं आहे.

****

मुंबईमध्ये काल आणि आज सुरू असलेल्या पावसामुळे तिथल्या लोकल रेल्वेची वाहतूक मंदावल्याचं वृत्त आहे. तर येत्या चोवीस तासात राज्यात अनेक भागात जोरदार पाऊस होण्याचा अंदाज हवामानखात्यानं वर्तवला आहे. नांदेड जिल्ह्यात आतापर्यंत १६१ पूर्णांक ९६ शतांश मिलीमीटर एवढा पाऊस झाला असून, तो एकूण वार्षिक सरासरीच्या  १६ पूर्णांक ९५ शतांश टक्के एवढा आहे. धुळे जिल्ह्यात आतापर्यंत १४ पूर्णांक ७५ टक्के एवढा पाऊस झाला आहे. दरम्यान, सिंधुदुर्ग जिल्ह्यात वादळांचा जोर वाढला असून बऱ्याच ठिकाणी पडझड झाली आहे. तर काही ठिकाणचा वीज पुरवठा खंडित झाल्याचं आमच्या वार्ताहरानं कळवलं आहे.

****

Text - AIR News Bulletin, Aurangabad 28.06.2017 - 10.00

आकाशवाणी औरंगाबाद.

संक्षिप्त बातमीपत्र

२८ जून २०१७ सकाळी १०.०० वाजता

****

पोर्तुगाल, अमेरिका आणि नेदरलँड्स या तीन देशांच्या दौऱ्यावरून पंतप्रधान नरेंद्र मोदी आज सकाळी भारतात परतले. परराष्ट्रमंत्री सुषमा स्वराज यांनी त्यांचं स्वागत केलं. परदेशातला प्रत्येक भारतीय हा राष्ट्रदूत असल्याचं पंतप्रधानांनी म्हटलं आहे.

****

राष्ट्रीय लोकशाही आघाडीचे राष्ट्रपतीपदाचे उमेदवार रामनाथ कोविंद आज श्रीनगरला भेट देणार आहेत. तर, राष्ट्रपतीपदाच्या विरोधी पक्षाच्या उमेदवार मीरा कुमार आज आपलं नामांकनपत्र दाखल करणार आहेत. यावेळी काँग्रेस, मार्क्सवादी कम्युनिस्ट पक्ष, राष्ट्रीय जनता दल आणि बहुजन समाज पक्षासहित इतर विरोधी पक्षांचे ज्येष्ठ नेते उपस्थित राहण्याची शक्यता आहे.

****

जगभरातील देशांना पुन्हा एकदा सायबर हल्ल्याचा फटका बसला आहे. यात भारत आणि युरोपचाही समावेश आहे. काल इंग्लंड ,रशिया, फ्रान्स,आणि स्पेनमध्ये या व्हायरसनं ग्राहक, मालवाहतूक, हवाई वाहतूक सेवा, तेल कंपन्यांचं कामकाज विस्कळीत केलं. मुंबईतल्या जवाहरलाल नेहरू पोर्ट ट्रस्टच्या कामकाजावर या व्हायरसमुळे परिणाम झाला असल्यानं तिथलं कामकाज थांबवण्यात आल्याचं वृत्त आहे

****

देशभरातल्या वैद्यकीय आणि दंतवैद्यकीय महाविद्यालयातल्या अखिल भारतीय कोट्यांतर्गत राखीव असलेल्या पंधरा टक्के जागांसाठीची प्रवेशप्रक्रिया येत्या तीन जुलैपासून सुरू होत आहे. तीन ते अकरा जुलैदरम्यान ऑनलाईन अर्ज करता येणार असून, पहिल्या फेरीची प्रवेश यादी पंधरा जुलैला जाहीर होणार आहे.

****

इयत्ता अकरावीसाठीच्या ऑनलाईन प्रवेश प्रक्रियेसाठीचे अर्ज करण्याची मुदत वाढवण्यात आली आहे. विद्याथ्यांना आता उद्या म्हणजे एकोणतीस जून च्या संध्याकाळी पाच वाजेपर्यंत हे अर्ज करता येतील.

****

रायगड जिल्ह्यात गेल्या तीन दिवसांपासून होत असलेल्या पावसामुळे सावित्री, काळ, गांधारी, कुंडलिका, पाताळगंगा, उल्हास या नद्यांना पूर आले असल्याचं आमच्या वार्ताहरानं कळवलं आहे. या जिल्ह्यात येत्या चोवीस तासात जोरदार पाऊस होण्याचा अंदाज हवामानखात्यानं वर्तवला आहे.

****

AIR News Urdu Bulletin, Aurangabad. Date:28.06.2017, Time:8.40-8.45 AM

Regional Urdu Text Bulletin, Aurangabad
Date: 28 June 2017
Time: 8.40am to 8.45am
آکاشوانی اورنگ آباد
علاقائی خبریں
تاریخ:  ۲۸ ؍جون  ۲۰۱۷؁ء
وقت : صبح  ۴۰-۸ سے  ۴۵-۸
 وزیر اعلیٰ دیویندر پھڑ نویس نے کہا ہے کہ زرعی شعبے میں سر ما یہ کا ری میں اضا فے کے ذریعے کسا نوںکو قرضوں سے نجات دلا نے کے لیے حکو مت کو شاں ہے اور اُن کے تمام مسائل بات چیت کے ذریعے حل کیئے جائینگے۔ احمد نگر ضلع کے پو ن تا نبہ اور اطراف و اکناف کے40؍ دیہاتوں سے تعلق رکھنے والے کسا نوں کے نمائندہ وفد نے کل وزیر اعلیٰ سے ملا قات کی اور کسا نوں کے قر ض معاف کیئے جانے پر اُن کا شکریہ ادا کیا۔ اِس موقع پر پھڑ نویس نے کہا کہ کاشتکا روں کی تر قی کے لیے حکو مت کی جانب سے متعدد اِقدا مات کیئے جا رہے ہیں۔اُنھوں نے بتا یا کہ جل یوکت شیوار یو جنا کے با عث پانی کا اتنا ذحیرہ ہو گیا ہے کہ متوا تر 2؍قحط تک مقا بلہ کیا جا سکتا ہے۔
****************************
 مہا راشٹر پر دیش کانگریس کمیٹی کے صدر اور  رکن پار لیمنٹ اشوک چو ہان نے کہا ہے کہ ریاستی حکو مت کی جانب سے قر ض معا فی کا اعلان گمراہ کن ہے۔ جب تک کسا نوں کے قرضہ جات مکمل طور پر معاف نہیں کیئے جا تے اور زرعی پیدا وار کو ضما نتی نرخ نہیں دیئے جاتے تب تک کانگریس کی جد و جہد جا ری رہیگی۔ کل ممبئی میں صحیفہ نگاروں سے گفتگو کر تے ہوئے اُنھوں نے کہا کہ ریاستی حکو مت نے قرض معافی کے نام پر صرف اعداد و شمار کا کھیل کیا ہے۔ قر ض معا فی کے لیے لا دی گئی دیڑھ لاکھ روپئے کی حد کی شر ط پر اُنھوں نے سخت تنقید کی۔
****************************
 رکن پارلیمنٹ سمبھا جی راجے بھونسلے نے کہا ہے کہ فصلوں کی ضما نتی قیمتیں دینے اور دلالی پر قا بو پانے تک کسا نوں کے مسائل بر قرار  رہیں گے۔ کل اورنگ آ باد میں نامہ نگا روں سے گفتگو کر تے ہوئے اُنھوں نے کہا کہ مو جودہ حا لات میں صرف ضرورتمند کسانوں کے قرضے معاف کرنے کی ضرورت ہے۔ مراٹھا ریزر ویشن کے موضوع پر اُنھوں نے یہ مسئلہ فوری طور پر حل کر نے کی ضرورت پر زور دیتے ہوئے کہا کہ مراٹھا تنظیموں کے عہدیدا ران اِس ضمن میں وزیر اعلیٰ سے ملا قات کر کے گفت و شنید کریں ۔
****************************
 راجشری شاہو مہا راج کی جینتی کی منا سبت سے کل ڈاکٹر با با صاحب امبیڈکر مراٹھواڑہ یو نیور سٹی میں سمبھا جی راجے نے خطاب کیا۔ اِس موقع پر اُنھوں نے سوال اٹھا یا کہ نام نہاد تر قی پسندوں نے پھُلے،شاہو،امبیڈکر کے افکار پر کتنا عمل کیا ہے۔ اور وضا حت کی کہ شا ہو گھرانے کے وارث ہونے کی حیثیت سے وہ صرف مراٹھوں کے نہیں بلکہ تمام پسما ندہ اقوام کے قائد ہیں۔
****************************
 قرض کی اقسا ط پا بندی سے ادا کر نے والے ناندیڑ کے کسا نوں نے قر ض معاف ہونے تک اقسا ط ادا نہ کرنے کا اجتما عی حلف لیاہے۔ اردھا پور میں کل منعقدہ ایک اجلاس میں اِن کسا نوں نے بینک کھا توں میں مو جو د قر ض مکمل طور پر معاف ہونے تک اپنی تحریک جا ری رکھنے کا فیصلہ کیا۔ ہمارے نما ئندے نے بتا یا کہ اِن کسا نوں کا کہنا ہے کہ پو ری پا بندی کے ساتھ قرض کی اقساط ادا کرنے والے کسا نوں کا کوئی فائدہ نہیں ہو تا۔
****************************
 سر کا ری اِسکیموں سے استفادہ کرنے کے لیے آدھا ر کارڈ لازمی کیئے جانے کے حکم نا مے پر حکم التواء جاری کرنے سے عدالت عظمیٰ نے انکار کر دیا۔ جسٹِس اے۔ایم۔ کھا نولکر  اور جسٹس نوین سنہا پر مشتمل تعطیلا تی بینچ نے کل یہ فیصلہ دیا۔ بینچ نے کہا کہ آ دھار کارڈ کی آئینی حیثیت کا تعین عدالت کے دائرہ کار سے باہر ہے۔ اِس سما عت کے دوران سر کاری وکیل تُشار مہتا نے عدالت کو بتا یا کہ آدھارکارڈ جمع کر نے کی آخری تاریخ حکو مت نے30؍ جون سے بڑھا کر 30؍ ستمبر کر دی ہے۔ اِس خصوص میں آئندہ سماعت 7؍ جولائی کو ہو گی۔
****************************
 گوڈس اینڈ سر وِس ٹیکس GST میں مراٹھی ڈراموں اور فلموں کے250؍ روپئے تک کے ٹکٹ پر دی گئی سہو لت کو بڑھا کر 500؍ روپئے تک کرنے کے مطالبے پر مرکزی حکو مت سے چا رہ جو ئی کرنے کا تیقن وزیر خزا نہ Sudhir Mungantiwar نے دیا ہے۔ وہ کل ممبئی میں
GST سے متعلق ایک اجلاس سے خطاب کر رہے تھے۔ مراٹھی ڈراموں کے ٹکٹوں پر 18؍ فیصد GST لگا یا جائے گا۔ جس میں سے9؍ فیصد مرکزی حکو مت اور9؍ فیصد حصّہ ریاستی حکو مت کو ملے گا۔ اِس اجلاس میں مطالبہ کیا گیا کہ ریاستی حکو مت کے حصّہ میں سے ڈرا مہ اور فلم صنعت کو رعایت دی جائے۔
****************************
 ریاست کے ممبئی،کو کن، ناسک ،وسطی مہا راشٹر اور وِدربھ میں کل زور دار بارش ہوئی۔ نا سک شہر سمیت ضلع بھر میں کل زور دار بارش ہوئی۔ جس کے باعث ناسک ضلع کے پُشتوں کے سطح آب میں تقریباً2؍ فیصد اضا فہ ہوا ہے۔ نا گپور شہر میں زور دار بارش کے باعث کل نظام زندگی مفلوج ہو گیا۔ کل دِن بھر میں ناگپورشہر میں111؍ ملی میٹر بار ش ریکارڈ کی گئی۔
****************************
 مراٹھواڑہ میں بھی کل ناندیڑ اور لاتور میں بار ش ہوئی۔ لاتور میں کل دو پہر میں اور ناندیر میں شام کے بعد مو سلا دھار بارش ہوئی۔
****************************

AIR News Bulletin, Aurangabad 28.06.2017....06.50

Text - AIR News Bulletin, Aurangabad 28.06.2017 - 06.50

Regional Marathi Text Bulletin, Aurangabad

Date – 28 June 2017

Time – 06.50 AM to 07.00 AM

Language - Marathi

आकाशवाणी औरंगाबाद

प्रादेशिक बातम्या

दिनांक २८ जून २०१७ सकाळी ०६.५० मि.

****

·      शेती क्षेत्रातली गुंतवणूक वाढवून शेतकरी कर्जमुक्त करण्याचा राज्य शासनाचा निर्धार - मुख्यमंत्री देवेंद्र फडणवीस

·      सरसकट कर्जमाफी आणि शेतमालाला हमी भाव मिळत नाही, तोपर्यंत लढा सुरूच ठेवण्याचा काँग्रेसचे प्रदेशाध्यक्ष, खासदार अशोक चव्हाण यांचा इशारा

·      आधार पत्र अनिवार्य करणाऱ्या अधिसूचनेला अंतरिम स्थगिती द्यायला सर्वोच्च न्यायालयाचा नकार

आणि

·      राज्याच्या बहुतांश भागात काल चांगला पाऊस

****

शेती क्षेत्रातली गुंतवणूक वाढवून शेतकरी कर्जमुक्त करण्याचा राज्य शासनाचा निर्धार असून शेतकऱ्यांचे प्रश्न चर्चेद्वारे सोडवण्यासाठी शासन सकारात्मक आहे, असं मुख्यमंत्री देवेंद्र फडणवीस यांनी म्हटलं आहे. अहमदनगर जिल्ह्यातल्या पुणतांबा आणि परिसरातल्या ४० गावातल्या शेतकऱ्यांच्या शिष्टमंडळानं काल मुख्यमंत्र्यांची मुंबईत भेट घेऊन, शेतकरी कर्जमाफीच्या निर्णयाबद्दल आभार व्यक्त केले, त्यावेळी मुख्यमंत्री बोलत होते. शेती आणि शेतकऱ्यांच्या प्रगतीसाठी अनेकविध उपाययोजना करण्यात येत आहेत. जलयुक्त शिवार योजनेमुळे दोन दुष्काळांचा सामना करू शकेल, एवढं मुबलक पाणी उलपब्ध झालं असल्याचं, मुख्यमंत्र्यांनी सांगितलं.

****

राज्य सरकारनं केलेली कर्जमाफी फसवी असून जोपर्यंत सरसकट कर्जमाफी होत नाही आणि शेतमालाला हमी भाव मिळत नाही, तोपर्यंत काँग्रेसचा लढा सुरूच राहील, असा इशारा प्रदेशाध्यक्ष, खासदार अशोक चव्हाण यांनी काल मुंबईत वार्ताहरांशी बोलतांना दिला. कर्जमाफीमध्ये राज्य सरकारनं केवळ आकड्यांचा खेळ केला असल्याचं सांगितलं. कर्जमाफीसाठी लादण्यात आलेल्या दीड लाख रूपयांपर्यंतच्या मर्यादेलाही त्यांनी कडाडून विरोध केला आहे.

****

पिकाला हमीभाव दिल्याशिवाय तसंच दलालीवर नियंत्रण आणल्याशिवाय शेतकऱ्यांच्या समस्या संपणार नाहीत, असं खासदार छत्रपती संभाजीराजे भोसले यांनी म्हटलं आहे. ते काल औरंगाबाद इथं बोलत होते. सद्यस्थितीत गरजू शेतकऱ्यांनाच कर्जमाफी देण्याची गरज असल्याचं त्यांनी नमूद केलं. मराठा आरक्षणाचा प्रश्नही तातडीनं सोडवणं आवश्यक असून, मराठा संघटनांच्या पदाधिकाऱ्यांनी मुख्यमंत्र्यांची भेट घेऊन चर्चा करावी, असं ते म्हणाले.

राजर्षी शाहू महाराज यांच्या जयंतीच्या अनुषंगानं काल डॉ.बाबासाहेब आंबेडकर मराठवाडा विद्यापीठात संभाजीराजे यांचं व्याख्यान झालं, पुरोगामी म्हणवणाऱ्यांनी फुले-शाहू-आंबेडकर यांचे विचार किती आत्मसात केले, असा सवाल त्यांनी यावेळी केला. शिवाजी महाराजांनी बारा बलुतेदारांना सहभागी करून स्वराज्य स्थापन केलं, तर शाहू महाराजांनी बहुजनांना मुख्य प्रवाहात आणलं, रयत आणि बहुजनांच्या प्रगतीसाठी त्यांचं हे कार्य महत्वाचं असल्याचं संभाजीराजे म्हणाले. शाहू घराण्याचा वारसदार म्हणून आपण फक्त मराठ्यांचं नव्हे, तर सर्व बहुजनांचे नेतृत्व करत असल्याचं त्यांनी स्पष्ट केलं.

****

नांदेड जिल्ह्यातल्या नियमित कर्ज परतफेड करणाऱ्या शेतकऱ्यांनी कर्ज माफ होईपर्यंत कर्ज परतफेड न करण्याची सामुदायिक शपथ घेतली आहे. अर्धापूर इथं काल झालेल्या बैठकीत या शेतकऱ्यांनी शेतकऱ्यांच्या खात्यावरील संपूर्ण कर्जमाफी होईपर्यंत आंदोलन करण्याचा निर्णय घेतला. राज्य सरकारच्या कर्जमाफी योजनेत नियमित कर्ज परतफेड करणाऱ्या शेतकऱ्यांना विशेष कोणताही लाभ मिळत नसल्याचा आरोपही या शेतकऱ्यांना केल्याचं, आमच्या वार्ताहरानं कळवलं आहे.

****

सरकारी योजनांचे लाभ घेण्यासाठी आधार पत्र अनिवार्य करणाऱ्या अधिसूचनेला अंतरिम स्थगिती द्यायला सर्वोच्च न्यायालयानं नकार दिला आहे. न्यायमूर्ती ए.एम.खानविलकर आणि न्यायमूर्ती नवीन सिन्हा यांच्या सुट्टीकालीन पीठानं काल हा आदेश दिला. आधारच्या संवैधानिकतेविषयी प्रकरण न्यायप्रविष्ठ असून केवळ सरकारी योजनांचा लाभ आधाराअभावी हिरावून घेतला जाईल या भीतीपोटी या अधिसूचनेला तात्पुरती स्थगिती देता येणार नाही असं न्यायालयानं स्पष्ट केलं. आधार सादर करण्याची मुदत केंद्र सरकारनं तीस जून पासून तीस सप्टेंबरपर्यंत वाढवली असल्याचं सरकारी वकील तुषार मेहता यांनी सांगितलं. यासंदर्भात पुढील सुनावणी सात जुलैला होणार आहे.

****

वस्तू आणि सेवा कर जीएसटीत, मराठी नाटक आणि सिनेमांच्या २५० रुपयांच्या तिकीटांसाठी असलेली सवलतीची मर्यादा ५०० रुपयांपर्यंत वाढवण्यासंदर्भात केंद्राकडे पाठपुरावा करण्याचं आश्वासन अर्थमंत्री सुधीर मुनगंटीवार यांनी दिलं आहे. मुंबई इथं मराठी चित्रपट आणि नाट्य व्यावसायिकांच्या वस्तू आणि सेवा करासंबंधीच्या समस्यांबाबत आयोजित बैठकीत ते काल बोलत होते. मराठी नाटकांच्या तिकीटांवर १८ टक्के जीएसटी लावण्यात आला असून, यातील नऊ टक्के वाटा केंद्र सरकारला आणि नऊ टक्के वाटा राज्य सरकारला मिळणार आहे. राज्य सरकारच्या या वाट्यातून सवलत देण्याची मागणी बैठकीत करण्यात आली. याबाबत विचार करण्याचं आश्वासन मुनगंटीवार यांनी यावेळी दिलं.

****

अमरनाथ यात्रेला आजपासून प्रारंभ झाला. आज पहाटे जम्मू इथून चार हजार भाविकांचा पहिला जत्था रवाना झाला. बालटाल, पहलगाम मार्गे यात्रेला उद्यापासून सुरुवात होणार आहे.

****

हे बातमीपत्र आकाशवाणी औरंगाबाद केंद्रावरून प्रसारित केलं जात आहे. आमचं हे बातमीपत्र न्यूज ऑन एआयआर डॉट कॉम या संकेतस्थळावरही उपलब्ध आहे.

****

राज्याच्या मुंबई, कोकण, नाशिक, खानदेश, मध्य महाराष्ट्रासह विदर्भात काल जोरदार पाऊस झाला. नाशिक शहरासह जिल्ह्यातही अनेक ठिकाणी पाऊस झाला. त्यामुळे नाशिक जिल्ह्यातल्या धरण साठ्यात दोन टक्क्यांनी वाढ झाली असल्याचं आमच्या वार्ताहरानं कळवलं आहे. नागपूर शहरात झालेल्या मुसळधार पावसामुळे जनजीवन विस्कळीत झालं. काल दिवसभरात नागपूर शहरात १११ मिलीमीटर पावसाची नोंद झाली.

मराठवाड्यात कालही नांदेड, लातूर, भागात पावसानं हजेरी लावली. लातूर शहर परिसरात दुपारच्या सुमारास पावसाच्या हलक्या सरी कोसळल्या, नांदेड जिल्ह्यात काल सायंकाळनंतर जोरदार पाऊस झाला. रात्री उशीरापर्यंत झालेल्या या पावसामुळे जिल्ह्यात उर्वरीत ४० टक्के पेरणीच्या कामाला वेग येणार असून, भूजल पातळी वाढण्यास मदत होणार आहे. औरंगाबाद शहरातही काल पावसानं तुरळक हजेरी लावली. औरंगाबाद जिल्ह्यात सिल्लोड सोयगाव तालुक्यात काल दमदार पाऊस झाला. या पावसामुळे परिसरातल्या वाघूर, केळणा नद्या दुथडी भरून वाहू लागल्या आहेत. तासभर झालेल्या या पावसामुळे आठवडी बाजारात व्यापारी आणि ग्राहकांची तारांबळ उडाली.

****

विद्यापीठांनी व्यावसायिक शिक्षणावर अधिक भर दिला पाहिजे, असं मत ज्येष्ठ अर्थतज्ज्ञ डॉ भालचंद्र मुणगेकर यांनी व्यक्त केलं आहे. ते काल परभणी जिल्ह्यात सेलु इथं एका शिक्षणसंस्थेच्या कार्यक्रमात बोलत होते. चुकीच्या शिक्षण पद्धतीमुळे रोजगाराची क्षमता नसलेले पदवीधर निर्माण होत असल्याची खंत त्यांनी व्यक्त केली.

****

औरंगाबाद जिल्ह्यातल्या केळगाव इथले शहीद संदीप जाधव यांच्या पत्नीला बीडच्या वैद्यनाथ सहकारी बँकेत १ जुलैपासून सामावून घेण्याचं तसंच त्यांच्या दोन्ही मुलांच्या शिक्षणासाठी गोपीनाथ मुंडे प्रतिष्ठानच्यावतीनं प्रत्येकी एक लाख रुपयांची बँकेत ठेव ठेवणार असल्याचं आश्वासन राज्याच्या ग्रामविकास आणि महिला बालविकास मंत्री पंकजा मुंडे यांनी दिलं. जम्मू - काश्मिरच्या पूँछ सेक्टरमध्ये पाक सैनिकांच्या हल्ल्यात जाधव यांचा मृत्यू झाला होता. त्यांच्या कुटुंबियांची काल मुंडे यांनी भेट घेऊन सांत्वन केल्यानंतर हे आश्वासन दिलं. यावेळी केळगांवच्या ग्रामस्थांनी व्यायामशाळा उभारण्याची केलेली मागणी मान्य करत २५ लाख रुपयांचा निधी देण्याची घोषणाही त्यांनी केली.

पालकमंत्री रामदास कदम आणि शिवसेना नेत्यांनीही जाधव कुटुंबियांची भेट घेऊन त्यांचं सांत्वन केलं. शिवसेनेकडून यावेळी जाधव कुटुंबीयांना पाच लाख रूपयांची मदत देण्यात आली.

****

श्री क्षेत्र तुळजापूर इथं आता सुरक्षेच्या दृष्टीनं सीसीटीव्ही यंत्रणा बसवण्यात येणार आहे. शहरातल्या प्रत्येक मार्गावर तसंच प्रत्येक प्रमुख चौकात सीसीटीव्ही कॅमेरे बसवण्याचं नियोजन असून, तुळजापूर पोलिसांनी यासंदर्भातला प्रस्ताव वरीष्ठ कार्यालयाला पाठवला आहे. देशातल्या तीर्थक्षेत्र सुरक्षेचा मुद्दा ऐरणीवर आल्यामुळे सुरक्षा यंत्रणा सक्षम करण्यात येत आहे.

****

बीड जिल्ह्यातल्या बोगस वैद्यकीय व्यावसायिकांवर प्रतिबंधात्मक कारवाईसाठी तालुका स्तरावर पथकं नियुक्त करण्याचे निर्देश निवासी उपजिल्हाधिकारी चंद्रकांत सूर्यवंशी यांनी दिले आहेत. बीड जिल्हाधिकारी कार्यालयात आयोजित बैठकीत ते काल बोलत होते. दर महिन्याला अशा व्यावसायिकांची तपासणी करावी, तसंच त्यांना औषधं आणि वैद्यकीय उपचार साहित्याचा पुरवठा होणार नाही यांची संबंधित विभागांनी दक्षता घ्यावी, अशा सूचना त्यांनी दिल्या.

****

जालना इथल्या आनंदीस्वामी यांच्या वार्षिक यात्रा महोत्सवाला कालपासून प्रारंभ झाला. या यात्रेत विविध धार्मिक कार्यक्रमांचं आयोजन करण्यात आलं असून, चार जुलैला पाखली मिरवणूक निघणार आहे. नऊ जुलैला काल्याच्या कीर्तनानं यात्रेची सांगता होईल.

****

आषाढी वारीसाठी निघालेली संत तुकाराम महाराज यांची पालखी आज सकाळी इंदापूरहून मार्गस्थ होईल, तर संत ज्ञानेश्वर महाराजांची पालखी सोलापूर जिल्ह्यात माळशिरस तालुक्यात नातेपुतेकडे मार्गस्थ होणार आहे. पैठणच्या संत एकनाथ महाराजांची पालखी आज उस्मानाबाद जिल्ह्याच्या परंड्याहून पुढे मार्गस्थ होईल. काल सकाळी पालखी परंड्यात मुक्कामी दाखल झाली. भाविकांनी नाथपादुकांचं दर्शन घेण्यासाठी गर्दी केली होती.

****