Regional Urdu Text Bulletin, Chatrapati Sambhajinagar
Date: 19 April-2024
Time: 09:00-09:10 am
آکاشوانی چھترپتی سمبھاجی نگر
علاقائی خبریں
تاریخ: ۱۹؍ اپریل ۲۰۲۴ء
وقت: ۱۰:۹-۰۰:۹
***** ***** *****
::::: سرخیاں::::::
پیش ہے خاص خبروں کی سرخیاں:
٭ پا رلیمانی انتخابات کے پہلے مرحلے کی رائے دہی کا آغاز؛ ناگپور، بھنڈارا-گوندیا، چندرپور، گڈچرولی-چمور اور رام ٹیک لوک سبھا حلقے بھی شامل۔
٭ لوک سبھا انتخاب کے چو تھے مرحلے کیلئے کاغذاتِ نامزدگی د اخل کرنے کی شرو عات؛ ہرش وردھن جادھو کا اورنگ آباد پا رلیمانی حلقے سے بطورِ آزاد امیدوار پرچہ د اخل؛تیسرے مرحلے کے انتخابات کیلئے درخواستیں جمع کرنے کا آج آخری دن۔
٭ ناندیڑ ضلعے میں رائے دہندگان کی بیداری کیلئے مختلف سرگرمیوں کا انعقاد۔
اور۔۔۔٭ چھترپتی سمبھاجی نگر میں درجۂ حرارت 42 ڈگری کے پا ر۔
***** ***** *****
اب خبریں تفصیل سے:
پارلیمنٹ کے عام انتخابات کے پہلے مرحلے کے تحت آج ر ائے دہی کی جا رہی ہے۔ اس مرحلے میں 17 ریاستوں اور چار مرکز کے زیرِ انتظام علاقوں کے 102 انتخابی حلقے شامل ہیں۔ ریاست کے پانچ حلقے ناگپور، بھنڈارا-گوندیا، گڑچرولی-چمور ‘ چندرپوراور رام ٹیک میں بھی آج رائے دہی کی رہی ہے‘ان حلقو ں میں مجموعی طور پر 97 امیدوار انتخابی میدان میں ہیں۔ گڑچرولی-چمور لوک سبھا حلقے کے آمگاؤں، آرموری، گڑچرولی اور اہیری ‘ اسی طرح بھنڈارا-گوندیا لوک سبھا حلقے کے مورگاؤں ارجنی میں دوپہر تین بجے تک، جبکہ دیگر مقامات پر شام چھ بجے تک ر ائے دہندگان اپنے ووٹ دے سکیں گے۔ نکسل زدہ گڑچرولی میں ر ائے دہی کے پیشِ نظر سخت حفاظتی انتظامات کیے گئے ہیں اور ڈرون کے ذریعے نگرانی بھی کی جارہی ہے۔
***** ***** *****
اس د ور ان پا ر لیمانی انتخابات کے چوتھے مرحلے کا نوٹیفکیشن کل جاری کردیا گیا۔ اس مرحلے میں ریاست کے کُل گیارہ حلقے جن میں مراٹھواڑہ کے اورنگ آباد، بیڑ ا ورجالنہ سمیت نندوربار، جلگاؤں، راویر، ماول، پونے، شرور، احمد نگر اور شرڈی حلقےشامل ہیں۔ ان پارلیمانی حلقوں میں کاغذات نامزدگی جمع کرانے کا سلسلہ کل سے شروع ہو گیا ہے ا ور امیدوارآئندہ 25 اپریل تک اپنے امیدواری عریضے د اخل کر سکتے ہیں ‘ 26 اپریل کو درخواست نامز دگی کی جانچ کی جائے گی‘ جبکہ 29 اپریل تک امیدواراپنی درخواستیں واپس لے سکتے ہیں۔ 13 مئی کو ان تمام حلقوں میں رائے دہی کی جائےگی۔
***** ***** *****
چھترپتی سمبھاجی نگر ضلع کلکٹر دفتر میں کاغذاتِ نامزدگی ادخال کے پہلے دن 60 امیدواروں نے 118 پرچہ نامزدگی حاصل کیے۔ جبکہ ایک آزاد امیدوار ہرش وردھن جادھو نے اپنا امیدواری عریضہ داخل کیا۔
بیڑ لوک سبھا حلقہ میں 39 امیدواروں نے 92 پرچہ نامزد گی حاصل کیے۔ بیڑ لوک سبھا حلقے میں ضلع انتخابی افسر اور کلکٹر دیپا مدھوڑ منڈے نےامیدواروں کو پرچۂ نامزدگی مفت دینے کا فیصلہ کیا ہے۔
جالنہ لوک سبھا حلقے میں کل پہلے دن 34 امیدو اروں نے 97 پرچہ نامزدگی لیے۔ تاہم جالنہ اور بیڑ سمیت شرڈی، نندربار، جلگاؤں اور راویر لوک سبھا حلقوں میں کل ایک بھی پرچہ نامزدگی داخل نہیں کیا گیا۔
***** ***** *****
پارلیمانی انتخابات کے تیسرے مرحلے کے تحت کاغذات نامزدگی جمع کرانے کی مہلت آج ختم ہو جائے گی۔ تیسرے مرحلے میں عثمان آباد، لاتور، رائے گڑھ، بارامتی، شولاپور، ماڈھا، سانگلی، ستارا، رتناگیری-سندھو دُرگ، کولہاپور اور ہاتھ کننگلے انتخابی حلقے شامل ہیں۔
عثمان آباد پا رلیمانی حلقے میں کل 17 امیدو اروں نےکاغذاتِ نامزدگی جمع کیے۔ ان میںنیشنلسٹ کانگریس پارٹی کے وکرم کالے، شیوسینا ادھو بالا صاحب ٹھاکرے کے اوم پرکاش راجے نمبالکر شامل ہیں۔
لاتور میں عظیم اتحاد بی جے پی کے امیدوار سدھاکر شرنگارے سمیت 11 امیدو اروں نے کل اپنے کاغذات نامزدگی داخل کیے۔
***** ***** *****
سانگلی پارلیمانی حلقے میں عظیم اتحاد او ر بی جے پی کے نامزد امیدو ار سنجے پاٹل نے کل اپنا امیدواری عریضہ داخل کیا۔کولہاپور لوک سبھا حلقے میں کل 12 امیدواروں نے 16 درخواستیں ‘جبکہ ہاتھ کننگلے انتخابی حلقے میںشیتکری سنگھٹنا کے قا ئد رگھوناتھ پاٹل سمیت 14 امیدو اروں نے 17 کاغذاتِ نامزد گی داخل کیے۔
***** ***** *****
ستا را لوک سبھا حلقے کیلئے بی جے پی کی جانب سے، ادین راجے بھوسلے نے کل اپنا امیدواری پرچہ داخل کیا‘ جبکہ بارامتی حلقے سے سے راشٹروادی کانگریس شرد چندر پوار پارٹی کی امید وار سپریا سولے اور عظیم اتحا د کی امیدو ار سنیترا پوار نے بھی اپنی امید واری درخواستیںجمع کیں۔
شو لاپور انتخابی حلقے سے کانگریس پارٹی کی امیدو ار پرنیتی شندے نے اپنا امیدو اری عریضہ داخل کیا۔ جبکہ رائے گڑھ حلقہ سے عظیم اتحاد کے امیدوار سنیل تٹکرے نے اپنا پرچہ نامزدگی داخل کیا۔
شِرو ر انتخابی حلقے سے راشٹروادی کانگریس شرد چندر پوار پا رٹی کے موجودہ رکنِ پا رلیمان امول کولہے نے او ر پونہ شہر انتخابی حلقے سے کانگریس رکنِ اسمبلی رویندر دھنگیکر نے کل اپنے امید وار ی پرچے د اخل کیے۔
***** ***** *****
بی جے پی کی قیادت و الے عظیم اتحاد نے رتناگیری-سندھو درگ لوک سبھا حلقہ سے مرکزی وزیر نارائن رانے کوامیدوار بنانے کا اعلان کیا ہے۔ اس انتخابی حلقے میں عظیم اتحاد کی حلیف شیو سینا کے امیدوار کرن سامنت نے بھی اپنا دعویٰ برقرار رکھا تھا، لیکن کل ا نھوں نے انتخابی مید ان سے دستبرداری کا اعلان کیا۔ نار ائن رانےکی جانب سے آج اپنے کاغذاتِ نامزدگی داخل کیے جانے کی اطلاع ہمارے نمائندے نے دی ہے۔
***** ***** *****
ونچیت بہوجن اگھاڑی نے شرڈی پارلیمانی حلقے سے اتکرشا روپوَتے اور ستارا سے پرشانت کدم کو امیدوار بنانے کا اعلان کیا ہے۔
***** ***** *****
وزیر اعظم اور بی جے پی رہنما نریندر مودی آج شام وردھا ضلعے کے تلے گاؤں میں انتخابات کے تشہیری جلسے سے خطاب کریں گے۔ اس انتخابی حلقے سے عظیم اتحادکے رکنِ پارلیمان رام داس تڑس تیسری بار قسمت آزما رہے ہیں۔ نریندر مودی کل 20 اپریل کو ناندیڑ اور پربھنی میں بھی انتخابی تشہیری جلسوں سے خطاب کریں گے۔
***** ***** *****
سابق صدر جمہوریہ پرتیبھا پاٹل نے کل پونے میں اپنی رہائش گاہ پر اپنے حق رائے دہی کا استعمال کیا۔ 85 سال سے زائد عمر کے شہریوں کے لیے گھر سے ہی رائے دہی کرنے کی سہولت کے مطابق سرکاری حکام نے ان کی رہائش گاہ جاکرووٹ لیا۔
***** ***** *****
پربھنی لوک سبھا حلقۂ ا نتخاب میں معذور اور معمر ر ائے دہندگان کے گھر جاکر ووٹ حاصل کرنے کا عمل جاری ہے۔ گنگا کھیڑ اسمبلی حلقے میں اس مہم پر عمل درآمد کیا جارہا ہے۔ 20 ا ور 21 اپریل کو پربھنی اسمبلی حلقے میں، جبکہ جنتور، پاتھری، پرتور او ر گھن ساونگی اسمبلی حلقوں میں مقررہ تاریخوں کے مطابق رائے دہندگا ن کے گھر جاکر ووٹ لیے جائیں گے۔ اس مہم کے تحت ضلعے میں 231 معذور‘ ایک ہزار 394 عمر رسیدہ‘ اور ا یک ہزار 629 لازمی خدمات پر مامور رائے دہندگان پوسٹل ووٹنگ کے ذریعے اپنا حقِ رائے دہی ادا کریں گے
***** ***** *****
ناندیڑ ضلعے میں حقِ ر ائے دہی سے متعلق عو امی بیداری کیلئے کل ضلع پریشد سی ای او مینل کرنو ال کی صدارت میں دیگلور کے انڈین میڈیکل اسوسی ایشن اور ڈاکٹرو ں کی تنظیم نیما کے عہدیدارو ں کا ایک اجلاس منعقد ہوا۔ اس موقع پر سی ای او مینل کرنوال نے دو نوں تنظیموں کے عہدیداران سے رائے دہی سے متعلق بیداری اور ووٹنگ فیصد میں اضافے کےلئے تعاون کرنے کی اپیل کی۔
دریں اثنا مینل کرنوال نے کل دیگلور کالج کا د ورہ کرکے نئے رائے دہندگان سے خطاب کرتے ہوئے مستحکم جمہوریت کیلئے حقِ رائے دہی ادا کرنے کی اپیل کی۔
ناند یڑ ضلع پریشد کی جانب سے آج انتخابات سے متعلق طلبہ کیلئے آن لائن کوئز منعقد کیے جارہے ہیں۔
***** ***** *****
ناند یڑ ضلعے کے دیگلور میں سویپ مہم کے تحت کل انتخابی بیداری ریلی نکالی گئی۔ اسی طرح دھاراشیو تعلقے کے سا نجا گائوں میں رائے دہندگان بیداری مہم کے دو ر ان درشن کیلئے آنے والے عقیدت مندوں کو ووٹ دینے کا حلف دلایا گیا۔
***** ***** *****
جالنہ ضلعے میں انتخابی ضا بطۂ اخلاق کے د ور ان ر یاستی ایکسائز محکمے نے مختلف کارروائیوں کے تحت 94 مقدمات درج کیے ہیں‘ جبکہ 76 مشکوک افراد کو گرفتار کیا گیا ہے۔ گرفتار شدگان کے پاس سے 18 لاکھ روپئے مالیت کا سا مان ضبط کرنے کی اطلاع ایکسائز ڈ یوٹی سپرنٹنڈنٹ ڈاکٹر پراگ نولکر نے دی ہے۔
***** ***** *****
پربھنی میں عام انتخابات کے پیشِ نظر ضلع انتخابی افسر رگھو ناتھ گائوڑے نے کل جنتور اسمبلی حلقے کا د ورہ کرکے انتخابی تیاریوں کا جائزہ لیا۔ اس موقع پر انھوں نے جنتور کے سرکاری صنعتی تربیتی ادارہ میں واقع اسٹرانگ روم کا معائنہ بھی کیا ۔
***** ***** *****
ریاست کے مالیگائوں میں کل سب سے زیادہ 43 اعشاریہ دو ڈگر ی درجۂ حرارت درج کیا گیا۔ چھترپتی سمبھاجی نگر میں 42 اعشار یہ دو‘ پربھنی 42 اعشاریہ پانچ ا ور بیڑمیں 41 اعشاریہ چار درجۂ حرارت رہا۔
آئندہ دو دِنوں میں وسطی مہاراشٹر، مراٹھو اڑہ او ر ودربھ کے کچھ مقامات پر بارش کے امکانات پونہ کے محکمۂ موسمیا ت نے ظاہر کیے ہیں۔ اس مدت میں کوکن میں موسم گرم اور مرطوب رہنے کی اطلاع ہے۔
***** ***** *****
چھترپتی سمبھاجی نگر میونسپل کا رپو ر یشن کے تمام 57 پرائمری اسکولوں میں کل قبل از تعلیمی سال تیاریوں کیلئے جائزاتی اجلاس منعقد ہوا۔ نارے گائوں کے اسکول میں میونسپل ایڈمنسٹریٹر جی شریکانت نے بال واڑی کے اہل طلبہ کو پہلی جماعت میں داخل کرکے اس اجلاس کا افتتاح کیا۔ انھوں نے میونسپل اسکولوں میں آئندہ تعلیمی سال میں معیاری تعلیم دینے کیلئے مناسب منصوبہ بند ی کرلیے جانے کی با ت بھی اس موقع پر کہی۔
***** ***** *****
::::: سرخیاں::::::
آخرمیں اس بلیٹن کی خاص خبریں ایک بار پھر:
٭ پا رلیمانی انتخابات کے پہلے مرحلے کی رائے دہی کا آغاز؛ ناگپور، بھنڈارا-گوندیا، چندرپور، گڈچرولی-چمور اور رام ٹیک لوک سبھا حلقے بھی شامل۔
٭ لوک سبھا انتخاب کے چو تھے مرحلے کیلئے کاغذاتِ نامزدگی د اخل کرنے کی شرو عات؛ ہرش وردھن جادھو کا اورنگ آباد پا رلیمانی حلقے سے بطورِ آزاد امیدوار پرچہ د اخل؛تیسرے مرحلے کے انتخابات کیلئے درخواستیں جمع کرنے کا آج آخری دن۔
٭ ناندیڑ ضلعے میں رائے دہندگان کی بیداری کیلئے مختلف سرگرمیوں کا انعقاد۔
اور۔۔۔٭ چھترپتی سمبھاجی نگر میں درجۂ حرارت 42 ڈگری کے پا ر۔
***** ***** *****
اس کے ساتھ ہی علاقائی خبریں ختم ہوئیں۔
ان خبروں کو آپ AIR چھترپتی سمبھاجی نگر یوٹیوب چینل‘ پر دوبارہ کسی بھی وقت سن سکتے ہیں۔
***** ***** *****
No comments:
Post a Comment